hangrybaby的个人专页

好耐冇食鐵板燒，今次叫極上和牛兩人套餐，每人$599左右~ 西柚蝦沙律西柚嘅酸甜同鮮蝦嘅彈牙口感搭得掂，蔬菜爽脆好清新，開胃唔錯龍蝦龍蝦鮮甜彈牙，鐵板煎過後肉質仲係嫩滑，龍蝦膏令佢更加鮮美濃郁，本餐highlight！南非活鮑魚伴忌廉海苔醬鮑魚喺鐵板上煎得啱啱好，軟嫩又彈牙，新鮮度同手藝都無得彈，就咁食已經好好食！配上忌廉海苔醬，海苔香同鮑魚嘅鮮味都夾，味道變得有層次牛舌厚燒牛舌厚切得靚，鐵板一煎，外層脆口，內裡軟嫩juicy，簡單鹽燒已經將牛舌嘅香味完全逼出！牛油炒雜菜+A4鹿兒島和牛薄燒A4鹿兒島和牛薄燒真係入口即化，油花靚到不得了，鐵板燒令肉汁同香氣爆出黎，食完真心滿足，只係卷住的蔥仲係太生略為有青味。日高昆布蜆湯最後暖返個胃~昆布同蜆簡簡單單，飲落順喉又解膩海膽海鮮炒飯米飯炒得粒粒分明，吸晒海膽嘅鮮甜同海鮮嘅香氣，味道唔會過膩，係一個好完美嘅ending！整體黎講，食材對得住$599一人嘅價錢，份量稍為少咗啲男仔未必夠飽，但鐵板燒嘅手藝唔錯，仲有現場烹調嘅氣氛加分，廚師同服務員都好用心。…查看更多

亂入左一間美麗華嘅餐廳，叫咗佢哋嘅二人餐，食物整體唔錯，環境同服務都OK，仲有live music！Menu冇寫但左送兩杯酒 🍷白酒清爽，帶有果香，配蠔同沙律都match～美國生蠔 (10隻) 🦪
新鮮爽口，入口帶點海水鹹香，唔算肥美但帶少少甜龍蝦湯 🦞
湯頭濃郁，帶有龍蝦嘅鮮味，奶香適中，飲落暖胃蕃茄水牛芝士沙律 🍅🧀煙三文魚凱撒沙律 🐟🥗
搭配清新簡單，不過不失，份量啱啱好美國牛柳 🥩
牛柳煎得外焦內嫩，肉汁鎖得好靚，medium rare嘅熟度啱啱好紐西蘭羊扒 🐑
羊扒完全無膻味，肉質嫩滑，烤得外皮微脆，內裡粉嫩朱古力心太軟雪糕 🍫🍨
心太軟朱古力味濃，內裡流心效果唔錯，配上冰涼嘅雪糕正～紐約芝士餅 🧁
同我地想像中有出入，可能tiramisu更好食-位置較少人會留意到～由美麗華酒店正門入，左手邊有條電梯，搭電梯上一層，出嚟後向左手邊U-turn就到！…查看更多

荃灣西終於有間高質壽司店，唔洗諗即刻去食！💨💨最平omakase $888已經食到，不過睇落壽司套餐好似仲抵食，所以我就叫左個「大滿足壽司定食」🤩 11貫壽司絕對冇hea我！間白、鯛魚 、赤貝、大拖羅2食、火炙松葉蟹腳、新鮮北寄貝、炙燒左口魚、大拖、牡丹蝦、蝦膏海膽軍艦+細盛海膽三文魚子碎拖羅飯仲包埋茶碗蒸、沙律、麵豉湯，大癲呀！！好耐冇食過咁入口即溶又柔軟嘅大拖羅，我真係食到合埋眼😌唔洗多講都睇得出食材新鮮，所有魚生都大大塊，同飯嘅比例配合得好好👍🏻貪心地嗌多咗個銀鱈魚西京燒同炸蠔食，都係水平之上，不過冇壽司驚艷🤭…查看更多

我哋星期日經openrice訂咗即日晚$714 二人套餐，寫得清楚日到四都用得上到去一坐低老闆娘第一句就話今日冇生蠔，星期六日冇飛機貨，轉燒蠔比你哋啦好嘛….我哋兩個人都唔知比乜反應，講真個餐我最想食就係生蠔，亦係最值尼個餐嘅一樣野😶佢理所當然咁講尼d理由出嚟叫我哋轉個下感覺唔太好，好似焗我哋咁，其實冇咪唔好寫星期日用得差價實在太大，由$108》42🙃我哋問仲有咩可以轉，老闆娘：燒蠔啦好嘛🙂‍↔️ 即係冇得揀亦都廢事嘈☹️因為已經比晒錢所以都焗住要食…如果唔係我哋走咗😫買咗個餐以為有優惠，唯有當買次教訓！最後個燒蠔似係燒完放返係個重用殼度🙃 咁大個殼縮到咁細？同埋完全唔痴殻可能師傅見我哋唔太開心所以送左碟鱈魚干比我哋🙂‍↔️🙂‍↔️ 公平講其他野食正正常常嘅，不過嬲咗就冇下次Lu…查看更多

牛舌滷肉飯🐮 滷肉汁香濃得嚟唔油膩，牛舌燉到超級軟淋，飯粒吸晒滷汁嘅精華，加埋蛋黃提香，食完想encore多碗啊！黑輪🍢 中規中矩，送酒食都唔錯大腸包小腸🌭 散件上比較易share食，糯米腸外皮煎到脆卜卜，加上台式香腸，夾埋酸菜鹹香脆口夠曬層次麻辣鴨血臭豆腐寬粉🌶️ 一上枱就聞到濃濃「香氣」！鴨血滑溜，臭豆腐勁大舊，寬粉吸滿麻辣湯底，嗜辣嘅人可以一戰！醬燒牛仔骨🐄 牛仔骨燒到焦糖色超誘人，肉質軟嫩仲帶少少筋位嘅咬口，醬汁甜鹹平衡炸蝦捲🍤 外皮超酥脆！彈牙蝦肉雖然係炸物但一啲都唔油膩，做小食一流～呢間餐廳好岩飲酒傾下計，有台灣夜市嘅感統，埋單人均$200左右，好酒量嘅人可以試埋任飲😋…查看更多

好少比差評，但尼間餐廳嘅食物質素求其，份量少，價錢貴，味道差，係當日我哋嘅所有評價🙃$168 大蝦粉絲煲只得一隻蝦….全枱人呆左，唔緊要啦照食，點知食食下粉絲咬到條繩🤢侍應收走個下完全冇道歉/表示😖$88 cocktail = 香茅梳打水$118茄子（尼張相我地只食左3舊）$168紅咖哩軟殼蟹，上湯浸咁樣🫠🫠味道係淡淡地嘅湯水味然後居然咬到有鰓！🫨🫨🫨🫨 平時食軟殼蟹都唔覺得有，所以我哋特登Google左🫥軟殼蟹嘅腮炸左都唔應該食，係要處理左先可以炸，如果唔係會腸胃不適！當我哋問個侍應嘅時候，佢話返貨就係咁😐然後我哋你眼望我眼🙂佢哋理所當然嘅態度令我哋更加覺得可以唔洗再試，埋單$1000左右，5樣嘢cancel左2樣，冇人食得飽🤗d水聲勁嘈傾計要嗌出嚟，唔會再去尼間野…查看更多

一直想食天婦羅omakase，估唔到而家香港都有得食！海膽水雲 🌊 海膽鮮甜滑溜，搭配水雲嘅清爽口感，食完好開胃自家紫菜茶碗蒸🍵 蛋好滑，味道清新，紫菜嘅香氣配合雞蛋嘅鮮味，搭配好特別北海道燒蠔配芥末醬 🦪 燒蠔鮮嫩飽滿，加上微辣嘅芥末醬令味道更豐富，但略多醬有少少蓋過蠔味北海道銀鱈魚西京燒🐟 銀鱈魚燒到表面微焦，魚肉滑嫩，西京醬嘅甜味同魚肉嘅鮮味完美結合沖繩花竹蝦天婦羅 🍤 天婦羅蝦外脆內鮮，蝦肉口感紮實，炸粉極薄！北海道粟米天婦羅 🌽 呢個真係有北海道嘅味道！粟米粒粒飽滿，炸得香脆可口，咬落去有生粟米獨特甘甜嘅滋味A4和牛蛋飯 🍚 和牛肉質極之嫩滑，每一口都充滿肉汁同油香，配合香滑嘅蛋飯同洋蔥粒，好食😋柚子雪糕🍊清新爽口，唔會太甜，仲有一陣淡淡嘅柚子香氣，完美地為呢餐畫上句號今次嘅餐點都滿意，不過叫再貴少少嘅餐應該會更好，而家有少少唔夠喉！朋友叫貴一級嘅餐，天婦羅種類更多同埋有時令刺身🥹…查看更多

今日同屋企人去咗一間超正嘅打邊爐，環境舒適，岩晒聚會！而且，如果7:30pm前離座仲有6.8折優惠，真係非常抵！濃厚半隻雞煲花膠湯🍲 一開始侍應就叫我哋試咗個湯先，濃得嚟又唔膩，雞肉鮮嫩，花膠就中規中矩，每人隊左2碗！本地手切肥牛🥩 肥牛切得好靚，5秒就熟，肉質多汁，嚼落去好有肉味，搭配湯底簡直係絕配，食完仲想再來一盤！沖繩活水飼豚梅花卷🐖 沖繩豬肉係唔同啲，肉質嫩滑，味道鮮美，煮完之後吸收咗湯底嘅精華招牌6寶拼盤🍡 唔同嘅餃子配蝦丸、墨魚丸、牛丸，手打丸非常彈牙足料台山桶蠔🦪 呢個蠔新鮮得嚟又大隻，極鮮甜，我哋一開始就淥蠔令湯底更加有層次！孖寶:手打芝士鮮牛丸及鮮味肥鵝腸🥢 牛丸入面爆芝士，都幾濃味，肥鵝腸又鮮又脆，口感一流。巨大手打香水檸檬茶🍋 呢杯檸檬茶真係好巨，固定甜度都啱飲，飲到食晒都未飲完！尼度食物質素高，仲有優惠，絕對會再嚟！…查看更多

最近香港晚市慘淡，同朋友搵左尼間小店，成個晚餐氣氛超好，食物質素亦都好有水準！炸雞軟骨 🍗啱哂做下酒菜！炸到金黃香脆，口感微微彈牙，仲有少少鹹香味，配酒一流！美國牛小排 🥩燒得啱啱好，肉質鮮嫩多汁，牛味濃郁。佢哋用嘅調味唔會過重，突顯出到牛肉嘅原味牛舌芯 👅切得厚薄適中，燒到外脆內嫩，食完忍唔住想再追加多一份慢煮鵝肝 🍴好驚喜！慢煮鵝肝非常滑溜同creamy，入口即化，味道濃郁但又唔會過膩。配埋白蘿蔔一啖過，清甜之餘將鵝肝嘅香氣完全釋放，必點！蘋果豬肉卷 🍎🥓甜同鹹嘅完美結合～豬肉卷香口，蘋果嘅甜味滲入豬肉中，口感豐富蒜香茄子 🍆呢個整法好少見，茄子煮到軟綿綿，但又唔會過腍。蒜香味濃郁，仲脆脆地，令整個菜更加有層次感手羽先 🍖外皮香脆，內裡多汁，塗上少少鹽同胡椒，簡單但好味慢煮五花腩 🥓肉質粉嫩，肥瘦比例剛剛好，一啖入口即溶，醬汁濃郁但唔會過份厚重燒飯團 🍙燒到脆卜卜，帶有淡淡嘅炭燒香味，配埋少少醬油已經好夠清酒 🍶除左Menu上有的款，仲有唔少季節限定清酒，同店員傾返中意咩口味就得！…查看更多

今日同朋友去咗NATA食飯，環境舒服，好岩傾計～美國安格斯肉眼 🥩三成熟肉眼用蠟燭熱住食好貼心！三成熟完美咁保留咗牛肉嘅多汁同嫩滑，每一口都充滿肉味，配埋簡單嘅鹽同胡椒已經夠曬滿足。牛肉表面煎到微微焦香，內裡仲保持住粉嫩嘅質感，簡直係肉食愛好者嘅天堂！蒜香雜菌意粉 🍝幾惹味！蒜香濃郁，配埋唔同種類嘅菌菇，口感豐富。仲可以揀辣唔辣，小辣嘅刺激感啱啱好，唔會搶走意粉同雜菌嘅原味。意粉煮得啱啱好，彈牙有嚼勁，絕對唔可以睇小佢！慢煮牛肩胛肉 🍖 牛扒太好食後加多個牛肩胛肉，慢煮嘅肉質更鮮嫩，牛香味濃，配嘅醬汁調味得宜，連食2塊牛扒都唔膩。焙茶忌廉配新鮮提子梳乎厘班戟 🥞好驚喜！梳乎厘班戟鬆軟得嚟又唔會太甜，焙茶忌廉非常出色，帶有淡淡嘅茶香同微微嘅苦澀，配合新鮮嘅提子，酸甜平衡得好好紅白酒100分鐘任飲 🍷呢個$158任飲真係值回票價！紅白酒質素正常，紅酒配牛扒，而白酒配意粉甜品。食完飯傾偈都仲飲緊，杯杯都勁大杯唔會hea你！…查看更多

不嬲喜歡食蟹，今日特登去食蟹專門店試 ”奄仔2人餐”，$688超值又好味～杏汁白肺湯 🍲呢個湯一上枱就聞到濃濃嘅杏仁香味，湯底清甜，白肺煮得軟腍，入口即溶，真係好滋潤清蒸奄仔蟹 🦀蟹肉鮮甜多汁，清蒸嘅方式保留咗蟹嘅原汁原味，肉質結實，蟹膏好多，簡單嘅蒸法更能突顯蟹嘅鮮味牛油鹽燒奄仔蟹 🦀鹹香味滲入蟹肉，鹽燒嘅手法令蟹肉更加香口，帶出咗奄仔蟹嘅風味紅燒乳鴿🍗乳鴿皮脆肉嫩，燒得恰到好處蒜蓉炒時蔬 🥬油麥菜炒得翠綠，蒜蓉香氣十足，略嫌多油左少少姐蟹油炒麵 🍜呢個炒麵真係必食！蟹油香濃，麵條彈牙有嚼勁，每一口都充滿咗濃郁嘅蟹味，好滋味！最後食返一碗蕃薯糖水暖胃，滿足晒～…查看更多

尼間bar嘅環境幾有情調，員工又nice ，今次食飯為主🙂‍↕️🥗 Mexican Beef Taco Salad 🥬非一般沙律，一定要試下！新鮮嘅蔬菜配上墨西哥牛肉碎、牛油果、蕃茄、芝士，再淋上特製醬汁，撈完再整爛個taco兜兜一齊食，好得意！🥗🌮🌶️🍤 Shrimps Nachos 🌮呢個Shrimps Nachos真係好多料！脆脆嘅玉米片上面擺滿咗蕃茄、蝦同芝士，一啖落口，蝦肉彈牙，味道豐富！🍤😋🐖 Pork Quesadilla 🧀Pork Quesadilla絕對令人滿足😌少少焦香嘅手撕豬肉同芝士夾喺薄脆嘅墨西哥餅裡面，一咬落去，肉汁豐富，加埋唔同醬料配搭，好好食！🐖🌯🍹 Frozen Margarita 🍸食墨西哥菜一定要配Margarita，酸甜味道加上沙冰，夏天真係好解渴！尼度嘅酒精量令人滿足，即刻感受到墨西哥嘅熱情！🍹🌵🤭…查看更多

今日去咗小越廚食晚餐，食物款式多樣，我哋叫咗2人餐🥰青木瓜沙律 🥗清爽開胃，青木瓜絲脆卜卜，配搭啲酸辣汁，味道平衡得好好。除咗有青木瓜，仲有花生碎，食落口感豐富，好正！👍小食拼盤：香辣魚餅、蒜香雞翼、春捲 🍤🍗每款小食都各有風味：魚餅外脆內嫩，帶有少少辣味，唔會太刺激，啱晒口味重嘅朋友；蒜香雞翼炸得金黃酥脆，蒜香味唔夠，勝在咬落去肉質嫩滑；春捲皮薄餡多，炸得唔油膩咖哩豬扒配蒜蓉法包 🍛🥖咖哩汁唔係流質，所以掛汁，同法包一齊食OK！冇諗過豬扒係炸嘅，外層香脆，內裡嫩滑生牛肉湯檬 🍜湯底同一般飲開嘅唔同，好重胡椒味。生牛肉片薄切，放入熱湯中即刻煮熟，仍保持嫩滑嘅口感…查看更多

個日行完街見尼間鐵板定食幾抵食～所以我哋就嗌左各一個定食share！每個定食都會跟沙律，湯，漬物、炒飯、炒蘆筍雜菌、甜品😋精選Set揀左：熟帶子串🍢 ＋ 香蔥牛肉薄燒🥩帶子串燒正常水準；牛肉薄燒好食！夠香口，每舊都有油香，加埋巨量蔥更加提升口感，好岩送飯！👌🥩另一Set揀左：🦐 虎蝦＋🐟 銀鱈魚虎蝦好新鮮，肉質彈牙又鮮甜😍銀鱈魚煎得金黃，魚肉鮮嫩入口即化🐟💯基本上已經夠飽，不過我哋飲酒吹水又嗌多咗其他野～🦪 吉列蠔蠔味濃郁，炸粉唔差😲串燒🐷五花豚肉＋豚肉蘆筍卷＋🍤 豚肉蝦卷＋鴨胸🦆全部火喉同調味都唔錯，豚肉蝦卷最特別～口感同味道都好豐富👍唐揚魷魚鬚🐙炸粉夠薄，唔會太膩，送酒perfect😍…查看更多

今日同朋友去咗開業超過六年嘅「鮨燐」食壽司，真係一流！每貫壽司都精緻又有心思，簡直係味蕾嘅享受。我哋叫咗十四貫壽司，仲有6折！ 前菜：高湯菜🥗黑梅貝🐚螢光魷魚 🦑高湯煮得清甜，菜心爽脆，起到開胃嘅效果； 黑梅貝彈牙鮮甜；螢光魷魚帶有海水嘅鮮味 14貫壽司： 帆立貝 🦪 帆立貝鮮甜厚肉，入口細嫩，海味濃郁 右口魚＋鰈魚🎣 加少少竹炭鹽畫龍點睛，白身魚嘅清爽同油脂感都平衡到 蜜柑鯛 鯛魚配上蜜柑醬汁，酸甜清爽，魚肉滑嫩 大分縣深海池魚 🐟 魚肉細膩，3片比獨立一片口感更佳，少少油脂，食得好滿足 岩手縣赤貝🦪 赤貝爽脆有彈性，鮮味十足，簡直係貝類之王  間八魚🐟 魚肉厚實，味道濃郁，配上少許芥末更加提鮮  北海道銀鱈魚 🐠 銀鱈魚脂肪豐富，輕輕灸過，入口即化，帶有獨特嘅深海味道，好正  需萬鰹 🐟 鰹魚比較重口味，或多或少都帶少少魚腥，唔係我個人最愛  大吞拿魚腩 🐟 魚腩肥美，油脂均勻，入口即溶，真係無得彈  池魚細切 🎣 細絲令魚肉口感保持細嫩之餘有咬口，配上少許香蔥芝麻更加突出鮮味  北海道馬糞赤海膽 海膽甘甜濃郁，入口即化，完全無腥味，超級正！ 北寄貝 🦪 貝肉爽脆，燒一燒更香口，帶有少許甜味，同醋飯好夾 長崎縣鯖魚 🐟 鯖魚油脂豐富，味道濃郁，略帶鹹味 赤身醬油漬 🐟 鹹香味剛剛好，令赤身鮮味更突出，口感滑溜  最後嘅自家製甜品都有誠意，抹茶奶凍 🍵抹茶味道濃郁，奶凍滑溜，甜度適中，完美嘅飯後甜品 總括嚟講，尼度食材新鮮，更集合日本唔同地方，師傅同客人有交流，值得一試！🍣👍…查看更多