Ting Ting Wang的个人专页

因為今日有工作要去上環，咁都要喺出面食飯。我盡量都係揀返啲大間嘅地方，可以隔得開啲。朋友推介我去食呢間中菜，話地方開揚，食物都唔錯！我地就決定去食個下午茶下午茶時段入座價錢都幾優惠。呢度點心選擇都幾多，同埋有自己嘅特色和創意，唔係平時飲茶食到厭果啲點心。而且好多菌菇類嘅點心，都幾養生。我就點咗野生松茸燒賣皇羊肚菌鮮竹卷我一向鍾意菌菇類嘅香氣，味道香濃，味道都鮮美。唔錯！仲點咗幾樣：娥姐粉果蘿蔔千絲酥四川擔擔麵最後仲點咗個桂花酒釀丸子。整體而言，每樣點心都幾好食。咁靚view，咁好質素，我覺得性價比幾高。可以收藏呢間餐廳，過一排可以帶屋企人嚟試下其他菜式，我對佢啲川菜都好有興趣。…查看更多

呢排都唔敢出去食飯，所以都係去買外賣返去食。揀咗呢間茶記，貪佢選擇多，大份夾抵食。我點咗三樣嘢，黑椒牛肉炒意粉：一打開俾分量嚇一驚，下午茶都係大大份。牛肉炒得軟嫩，黑椒味都啱啱好，唔會太辣。幾啱我口味。日式芝麻醬撈烏冬：同事點咗呢個，我覺得都幾特別，茶餐廳都有日式嘢食。花生醬西多士 配沙律：西多士仲配埋沙律，二十幾蚊，都算係咁啦。茶記嘢食就無咩好評，環境就無咩期待，但都算整齊企理。食物味道最緊要，幫襯咗咁耐，都覺得無咩伏位，味道有保證。…查看更多

觀塘the wave啲餐廳差唔多俾我試勻，淨係差呢間泰國菜。所以就搵日中午去試埋呢間，餐廳裝潢都幾靚，地方開揚，燈光明亮。食都食得舒服啲。我就點咗一個泰式豬髀飯，豬腳入味，豬皮彈牙，肉質軟淋。仲有配菜，滷蛋同菜心，分量充足，配上一杯泰式凍檸茶，正呀！我地仲點咗個軟殼蟹米紙卷，但呢度嘅米紙卷都幾特別，有種香草薄荷味，同埋都好足料，口感豐富，值得一試。觀塘泰國菜唔算多，呢間都可以列入平日返工食飯嘅選擇，地方近公司，價錢都合理，環境靚，味道都唔錯嘅。…查看更多

中環一向多野食，但我地就費時搵，路過就隨心揀咗呢間。主打pizza，環境唔大，但幾有格調。Pizza 啲名改得幾得意下，都係以Uncle起頭嚟改嘅名。但都唔洗擔心唔知係咩味，因為menu都有寫明用咩toppings不過我地都無仔細睇toppings，就揀咗 Uncle Cowboy。味道辣辣地，幾香口。唔會覺得油膩，餅身薄脆，啱曬我呢啲唔鍾意食cheese嘅人。我地仲有就點咗幾樣嘢，包括Linguine with Clam，同埋Chicken lollipop with BBQ sourse。上菜速度都幾快，味道都好食。我特別鍾意Chicken lollipop ，個sauce好正，讓人真係食唔停。雞槌都炸得香脆，但又保留咗肉汁，配上醬汁，好惹味。呢個小食應該係店內必點，我見其他檯都有點呢道小食。係一間有自己特色嘅薄餅店，值得一試！…查看更多

咁多燒味之中，最鍾意就係食燒鵝。鍾意其外皮香脆，肉質綿軟嘅味道，配上酸梅醬就一流啦！講起燒鵝，當然要試下燒鵝之中嘅名牌：荔枝柴燒鵝。今次一試果然係確係唔錯，燒鵝呢有種柴嘅清香味，外脆內軟，又唔會乾身。帶有肉汁。送飯一流。白飯都整得幾好，粒粒分明，爆滿。當然燉湯都要試埋啦，我就揀咗西洋菜陳腎無花果湯。飲落清甜又不失香濃，感覺好清潤，飲得出真材實料。發覺燒味嘅鹹味香口同燉湯嘅鮮味清潤確係幾夾。價錢稍為貴咗啲，但味道係唔錯。偶爾食一次都接受到。山頂店嘅風景好靚，天氣無咁熱嘅話，揀坐戶外位都幾好打卡！…查看更多

最近唔太適宜打邊爐...所以同好朋友既一月一次飯局要放棄我最愛既打邊爐....今個月就改左食西餐, 真係好難得~我同朋友一齊食西餐既次數應該5隻手指數得哂無計啦~平時鐘意打邊爐大魚大肉架嘛呢間初味就係朋友公司附近, 佢話之前Lunch食過兩三次覺得幾唔錯, 就話帶我黎試下鋪頭唔算好大, 不過氣氛都幾RELAX, 裝修唔會太花巧食物都幾多選擇, 價格適中, 唔會係離地價質素幾唔錯~最印象深刻係芒果軟殼蟹沙律同鰻魚PIZZA隻軟殼蟹都算大隻, 食落仲係脆卜卜, 勁正!芒果沙律非常醒胃, 作為前菜我地都好滿意至於鰻魚PIZZA出面好少見到呢道菜, 所以我地就叫左呢個PIZZA啦鰻魚肉質軟滑, 估唔到同PIZZA都幾夾喎, 感覺幾新鮮有少少甜味, 加上有紫菜, 香味同味道都幾足其他菜式都幾出色, 真心估唔到…查看更多

我見佢呢度點心款式雖然不多，但都有啲新鮮款，花旗參湯蝦餃皇令我有驚喜，花旗參湯嘅甘甜配上蝦餃嘅鮮美，特別得嚟又幾MATCH。牛肉球：不過不失。黑糖蜂巢糕：口感軟糯，黑糖香味重。宮廷棗皇糕：我一向都喜歡食棗皇糕，覺得唔會好似年糕咁死甜，又有棗嘅清甜，口感煙煙韌韌，好味。椒鹽雞軟骨：食咗太多甜嘢，於是叫咗個小菜，食下炸嘢開心係雙倍！價錢除咗花旗參湯蝦餃皇稍微貴少少之外，其他點心都只係十幾蚊到二十零蚊之間，價錢都幾抵下。…查看更多

火鍋小店黎講佢都算多野食揀湯底都有十幾款，最估唔到仲有幾款刺身食，老闆推介我地叫象拔蚌刺身，又唔貴喎價錢都幾抵象拔蚌刺身果然CP值高，爽口彈牙又鮮甜，貪玩夾左幾塊打邊爐又OK喎哈哈~另外我地仲叫左好幾款海鮮，打邊爐除左個爐同肥牛之外，最緊要梗係要有海鮮啦!!餐廳提供既海鮮都有好多款，例如番薯蜆、波士頓龍蝦、花甲、蟶子、油貝、刀貝、貴妃蚌等等我地就叫左其中幾款，元貝堅正夠哂鮮甜，粒肉仲大大粒仲有花甲同蕃薯蜆都好出色，除左好多年前係西貢試過之外，都未曾食過蕃薯蜆係爆汁話左打邊爐最緊要除左個爐之外，就梗係要有肥牛啦我地叫左碟手切肥牛, 今次梗左脊位肉質鬆軟重牛味，點埋辣椒豉油食，好食過日本和牛!記得叫埋佢地既文記水餃，一樣係爆汁好食架!!…查看更多

今次真係有啲諷刺嘅係因為比人放飛機，所以就自己係飛機餐廳食嘢……朋友話屋企突然有啲事需要返去，但我都已經到咗餐廳門口，嚟都嚟咗就試下啦。我就叫咗一個黑松露野菌意大利飯，佢呢個意大利飯煮到係我鐘意嘅口感，偏硬身嘅口感。煮到好creamy，黑松露味道好濃郁。唔錯嘅。之後加咗杯雞尾酒——Vodka soda : 特別之處係佢地有加青瓜，睇落靚之外，聞到青瓜清新嘅味道，感覺多幾refresh。餐飲方面我幾滿意。環境方面呢，係幾有gimmick嘅，無論係menu設計，定裝修都幾有心思。…查看更多

My cousin told me about this fun place. This restaurant provides an individual steam pot for every diner.  I don’t think I have seen this before so this maybe a first in Hong Kong. They allowed booking for 1 and I went there by myself as I am always adventurous. The inside looked very nice, it has incorporated a lot of Japanese design elements in its decor.There are different sets with various number of seafood available to choose from. I think I ordered the basic set with half of a crab, shrimps, clams and fish. The set also came with a choice of meat, meatballs and vegetables.Everything was tasted good, only that the crab was a bit messy to eat but that’s just cos I didn’t enjoy dealing with shell. I chose pork as the meat to steam and that was a delight. The meatballs were ok as well as the vegetables.I was wondering if this menu could fill me up or not, but after the udon with soup, I was way beyond full. I recommend this place as not all steam pot restaurants welcome solo diner.…查看更多