Tree01's Profile

我好讚同Sugar 既講法，不過我直頭係唔洗錢都唔會再去。之前睇好多食評都話好好食，所以昨天晚上7點到達，我地坐底之後就問佢係咪只得任食？佢話係，咁就迫我地好快咁叫湯底，叫完我就出去睇有咩食…點知…就明白點解佢咁快叫要我叫湯底，出到去睇…得所謂既2個雪櫃仔放食物，一個就放丸﹑腸仔，一個就放見到都反胃既所謂肉類，另外仲有一邊放菜。我從來未試過任食打邊爐可以咁少野食，少得可憐，係得d菜同d丸係放得落口，d肉竟然未溶哂雪，食落口勁重要雪味，最跨張係豬潤，食落去唔夠3秒要呈吐反出來，直頭臭tim 呀﹗仲有見到都唔想食既魚滑，同埋d梅梅地既鯇魚，簡直人都顛﹗我再睇下d另外比錢叫野食既牌，得0個幾樣咋，真係比錢都叫唔落。之後我坐返去個位到問佢有咩啤酒？佢講完一輪啤酒價錢後我就叫啤酒，佢話要打電話幫我叫士多送來，因為佢冇酒牌，點知轉頭佢話打去冇人聽，叫我自己行去觀塘廣場買，嘩…步行去觀塘廣場都要3-5分鐘，火都來埋﹗已經坐底左又叫左湯底，咁冇計啦，心0林都係試一次者，算啦﹗所以就係情緒極度低落下不停咁食…菜…菜…菜…同埋…丸…丸…同埋都係丸。(因為其他野根本放唔落口)好肯定咁講，食晚真係食左好少野，大部份時間坐係到睇電視，點知時間去到8點50分時，我再行出去拎菜，有個女侍應突然講: 『夠鐘啦』，之後我望一望，原來係同我講野，我話:『下？』，個女侍應用極到不禮貌既態度同我講:『小姐，夠鐘啦，唔可以再拎』，咁我睇一睇時間，我話我7點鐘先到，而家8點50分至wor, 點知佢話 :『我地跟電腦個wor』我問佢咁我夾埋少少菜得唔得？佢話:『唔得』。我就即時放低d野食。嘩…我真係火都來埋﹗咩料呀﹗我從來未試過遇到咁既對待，當時成個場既客只得幾張檯，又唔係好多人等緊位﹗洗唔洗咁既態度呀？如果大家前世未食過丸同埋雪藏味既重既肉，你就可以來試下，否刪唔洗錢都唔再去食呀﹗ …Read More

之前我一直keep 住來呢間正冬打邊爐，一直都覺得味道幾好，價錢公道，服務態度幾好，距離我上次去正冬打邊爐大約一個月既時間，昨天去到，佢d 人轉哂，只剩反一個我認得既，初時都覺得會唔會係轉左手？到我order野食，開頭我叫左個魚清湯底 (味道都仲keep 到), order 左個象拔蚌刺身，佢做緊特價$ 168.00, 味道ok, 再叫左其他野食,失望點在以下: 1) 當中我地叫左脆骨腩，佢竟然來左鯇魚腩，以為佢落order 錯左啦﹗就同佢講叫佢換，之後佢真係比反脆骨腩我地，但d 脆骨腩完全唔掂，唔爽口唔新鮮，我咪叫佢cancel囉，我話點解唔新鮮又唔出聲？(因為之前佢地覺得唔新鮮既佢地都會出聲), 我覺得轉左人後好有混水摸魚既感覺。2) 我地問佢咩叫做"蹄根" ?個經理好似唔係好知咁？之後講講下又話係豬腳根, 但來到時完全唔係豬腳根，我再問反佢，佢話其實佢都唔係好清楚﹗救命﹗3) 我地又ORDER 左個手打魚麵，佢開到個洞口鬼咁大，吱出來勁大條，好似屎咁，之後我地同佢講，咁點係麵呀？佢就話換過比我地，叫佢個洞開細d, 到0個個阿姐攞出來時即時幫我地吱埋落去，結果都係一樣﹗我就覺得佢地0林住吱哂落去等我地冇得出聲﹗嘩﹗我第一次食手打魚麵既粗度係有成4條烏冬咁粗囉﹗放落個煲到一陣更加發大埋，有成6-7條烏冬咁, 你地話似唔似食緊屎？不過咁…其實野食都ok既…但我覺得比之前差左d, 冇咁好食，但都可接受的。…Read More