lenaaa_gu的个人专页

午餐時段，呢度都好多人飲茶，附近都好多辦公室，好多人中午食飯時間黎。我哋就嗌外賣，食佢哋嘅燒味飯。喺樓下外賣嗰度買完上樓上度攞。我哋都好鍾意食佢嘅叉燒同埋燒肉，有雞都唔錯。仲加條菜同蔥油。不過有時中午佢哋多堂食，外賣可能要等一陣。不過佢啲燒味飯真係抵食，先$36雙拼。抵食過明閣好多，而且好似仲好食過佢。如果喺附近返工都可以試吓。我哋已經成為咗常客，唔使行到咁遠買兩餸飯。#hkfoodsuggest…查看更多

平時都會用外賣平台點飲品珍珠奶茶送到屋企飲。今次見到有呢個缺餅飲品，銅鑼灣希慎地下都開咗一間專賣呢個飲品嘅嘢。今次試咗士多啤梨奶缺餅同埋抹茶缺餅，都真係唔錯，幾好飲喎！值得推介！感覺上比較健康，缺餅琳琳地又有啲咬口，應該比起珍珠健康😃😃送到過嚟都熱左。都幾啱打卡。大家不妨試吓！下次經過都可以買來飲😍😍Jeng 不過佢細杯嘅size就真係啱女仔飲，好快就飲晒。士多啤梨可以加大。#hkfoodsuggest…查看更多

以前啱啱鼎泰豐嚟到香港，會興致勃勃去排隊食。今時今日想食小籠包，附近又大間，質素又唔錯，坐得OK舒服，就諗到鼎泰豐啦。夜晚七點幾嚟到都唔使排隊，不過入面呢都好多人，好多外國人同埋遊客，果然係做遊客生意。我哋坐低就用點心紙，叫咗小籠包，擔擔面，酸辣湯，上海炸豬扒面。由於太肚餓，酸辣湯同個豬扒麵冇影相就已經食咗落肚😂咁多樣嘢都係小籠包同埋酸辣湯最好。小籠包有一定水準皮薄，多汁，熱辣辣啱啱整好。不過去呢度就要茶錢，$12一位。間唔中食吓都幾開心。#hkfoodsuggest…查看更多

之前食過好多次都係外賣，今次終於堂食😄中午時段好多人要係門口樓梯到等位，都等左十幾分鐘。入到去大家都目標明確就係叫佢既燒雞🐔，等左一陣熱辣辣香噴噴既燒雞就到🙊🙈堂食果然唔同啲🥳🥳🥳香噴噴既雞味，帶左手套就直接mei個雞比出黎，肉滑多汁仲出曬煙！😜真係好好味🤤諗起都想再食😋yummy yummy ! 今次配薯條就不嬲對佢啲配菜就比較普通，但主菜好食就足夠啦係咪🤪比98分，期待下次再堂食😋#hkfoodsuggest…查看更多

第二次嚟食呢間拉麵，因為知佢一定大大碗食得飽。不過今次夜咗，九點幾佢冇晒拉麵得返烏冬，不過我哋都照食。:)每人都有一個溫泉蛋，仲有三塊大叉燒，湯依然好濃郁，好好味。重點係食完都真係好飽。舖頭門口係一個巷仔入面行落幾級樓梯再行上去唔係咁容易搵，不過都唔少人來照揾食。嘢飲就可以叫佢嘅波子汽水、同埋啲水果梳打。🧃上次食過佢嘅扣肉拉麵真係好大份，女仔未必食得晒。#hkfoodsuggest #foodie #hk…查看更多

情人節黎食情人節套餐，由大埔墟站搭的士入嚟10分鐘左右，唔知道原來有shuttle bus 來回。一嚟到就喺門口打個卡先，可惜似嚟咗少少對個湖嘅枱已經full左，所以坐返中間sofa位。一嚟到就已經係個set Menu度揀返自己想食咩main course，好快佢啲食物就嚟，應該都係準備定好晒。食物包括:- 麵包- 蠔湯/ 蘑菇湯- 牛扒/ 白雪魚- 雪吧甜品蠔湯好味，牛扒都好香，個魚都滑但冇乜魚味同埋唔係好鍾意果醬，甜品都正常。下次都會食返牛。🥳環境氣氛同服務都好好。#hkfoodsuggest…查看更多

喺附近睇醫生，等到好肚餓，又想食個快晚餐，就過咗嚟呢間拉麵jo!原來都幾出名係米芝蓮！就睇吓係咪真係咁好食！叫咗一個慢煮叉燒，同一個雞白湯拉麵，慢煮叉燒肉量非常豐富有成六大塊，湯都好好飲，雞白湯湯底都好清好味。係食過數一數二好食嘅拉麵！😋😋😋連平時唔係點飲湯底嘅我都飲晒。而且服務好好，一嚟到就俾水😁仲比左暖水我添。上菜都好快，半個鐘內就食完走得，仲要好食同食到好飽，滿足！下次嚟附近都會再食😍…查看更多

放工過嚟銅鑼灣，成日都諗唔到食乜嘢。不如食得簡單啲就食Mamaday cafe。:)叫咗一個明太子蟹棒意粉，原條鰻魚蛋包飯，黑松露薯條，同埋叫咗杯Cocktail。明太子意粉好食，好多醬，本身係半條鰻魚加$28就變原條，都好大條，蛋包飯就正常唔係特別有驚喜，加埋個黑松露薯條細size for兩個人就夠飽啦。平日夜晚冇好多人，坐咗卡位算舒服，裝修環境都幾得意。服務都唔錯。:)#hkfoodsuggest #hkfoodie…查看更多

成日經過都見到好多外國人喺度chill嘆咖啡，終於搵到日weekend黎食brunch。嚟到一定要試吓佢哋嘅酸種麵包。我哋叫咗一個half half，一個三文魚牛油果酸種麵包同埋一杯iced amerciano。個麵包配合埋個啲topping，好fresh 同都好飽。兩個都好好食，感覺都好健康。天氣仲要好好，我哋坐咗出面，可以好好咁嘆個早餐。start a good day 🥰#hkfoodsuggest #brunch #weekend…查看更多

星期五中午嚟到坑口食beans之後入西貢，中午時間等咗一陣位，再入到去一個二人位，位置比較窄，如果要食好多嘢嘅話呢張枱未必夠擺。我哋叫咗兩個lunch set : carbonara意粉，同埋芝士risotto，加錢加左個黑松露薯條，今餐仲包嘢飲。生日月份出示身份證仲送蛋糕一件，揀咗紫薯蛋糕。意粉都幾好味，意大利飯正常，黑松露醬非常正好香黑松露味。用餐時間比較多人，staff都有啲忙碌，不過食物保持水準。#hkfoodsuggest…查看更多

中午黎食呢間日式火鍋，細細間裝修有日本簡約風，如果多人食一定要book位。今時叫咗佢套餐最貴嘅，中午食和牛壽喜燒火鍋。:)味道唔會太鹹，一開頭以為係好似日本咁樣壽喜燒燒牛肉，但係其實係打邊爐，感覺好似冇咁好食。不過肉味質素都唔錯，比較啱淡口味嘅朋友。有個前菜，蔬菜都好足夠，女仔食都算夠飽嘅。佢又俾埋隻生蛋，如果唔想食生嘢可以放埋入個火鍋度煮雞蛋花。服務態度都唔錯，一開頭啦未有嘢食冷氣都幾涼，但一打邊爐就啱啱好，環境都坐得舒服。#hkfoodsuggest…查看更多

之前睇過介紹話呢個串燒抵就嚟咗試吓，因為平時食外賣啲串燒都好貴。星期日嚟到都唔使等位直接入座，佢係採用廚房煮好直接上菜，所以餐廳唔會有好大陣燒烤味。😊我哋叫咗好多樣串燒，有雞肉、雞腎、牛肉、羊肉、麻辣鴨血、茄子、生蠔、魷魚、雞翼、薯仔片。其中encore左雞肉同麻辣鴨血，麻辣鴨血、茄子同羊肉都幾好食！！😋😋佢個百香果水果茶都好大杯，另外仲叫咗兩杯high ball同埋Gin tonic! 另外，佢啤酒Sapporo仲做緊買一送一。方便唔使上深圳就食到！…查看更多

星期二打算揾間墨西哥菜式Taco ，雖然呢間餐廳冇Taco Tuesday但係都諗住食試吓佢啲嘢食。最後叫咗個大nachos with chicken 同half size ribs😍個nachos 味道唔錯，醬料都足夠。而個ribs serve with 薯角好香熱辣辣，而且份量都OK 有兩大塊。仲叫左杯cocktail，食左個滿足的晚餐。#foodie #nachos #ribs #cocktail #hkfoodsuggest…查看更多