eron888的个人专页

本來喺網上所有新聞評論都聽到好似好好食，所以諗住揸車特登走去買，佢都唔難搵點知真係有人排隊，排咗5-10分鐘買到件返屋企仲好似好開心，點知一食就覺得非常普通，完全中伏，我買咗個芝士口味，本來相片睇落好似好多芝士，啲芝士流晒出嚟，點知得嗰少少，唔睇真啲仲以為買咗原味，食完仲覺得蛋糕質感唔軟滑，蛋糕皮仲有少少鞋，總之食落去就覺得同麵包舖買嘅冇分別，完全唔會再去，唔使排隊都唔會再去！！！最後公道講一句佢哋服務就唔錯態度好好！！！…查看更多

當日一行四個人，諗住去食生日大餐，雖然已經係有半價優惠，但食唔飽而且最終食咗大概$770，雖然已鐵板燒來講唔算好貴，但啲嘢食真係非常一般，材料唔在講，分量亦好少，頭盤鐵板蝦好多沙律醬蝦肉好少，tempura得幾舊唔掂，燒魚比較OK，個海膽炒飯真係唔掂啲飯好似唔熟食完仲頂胃，坦白講雖然服務水準算OK，但整體實在麻麻，肯定唔會再去，其實當我地一去到全場只有兩台客我哋都覺得有啲中伏，食完之後果然同預期一樣....…查看更多

沙嗲牛河非常之唔好食，啲河粉同沙嗲牛係分開嘅，啲河粉應該係冇炒過一pat pat，同以前金島潮州酒家根本無得比！其他嘢一般般咁.....所以食沙嗲牛河千祈唔好去呢度食！啲魚皮揸得比較特別連骨連少少肉，但係比一般炸魚皮嘞，我覺得就唔好食......至於啲炒米粉都整得OK，覺得佢係唯一我覺得唯一可以食得入口嘅.....環境衛生及服務都算OK，我午市週末時間去全場得三幾台唔算好多人，下次應該唔會再幫襯了。…查看更多

幾句講晒，燒鵝一般，唔夠熱，皮又唔夠脆，其他燒味冇乜特別！可以話完全比唔上"金牌燒鵝"或"深井燒鵝"！星期六下午去幫襯，排隊人又多，價錢又昂貴，價錢完全唔配合食物質素及環境，仲要係未食完啲夥計已經收晒你啲野，不斷想趕你走，食緊已經將啲碟掟落你個碗度，完全睇唔起任何一位客人，最緊要係企門口類似老闆娘廣東話講唔正既大嬸態度異常惡劣！（公道說話其他夥計態度OK）所以好肯定唔會有下次！亦會叫所有識嘅人唔好去！不知所謂！講完。…查看更多