貪食排骨仔的个人专页

一入cafe，伴隨柔和的音樂，溫馨的燈光，在柔軟舒服的沙發坐下。牆身貼滿不少以往客人的合照和回憶，點綴氣氛。詢問熱飲推介後，點了一杯抹茶摩卡，咖啡、朱古力與抹茶味融為一體。再點一份魚柳意粉，用心製作。上菜需時，即點即整。份量足，味道濃。細問之下，原來還有未正式推出的漢堡可點，下次再來時必定再點......閒時有桌上遊戲、撲克牌供解悶。店員友善，任坐唔嬲，是六日打發時間好去處，也可以安靜地與客人談談保單。…查看更多

一直都有留意呢間韓國餐廳，聽聞係過江龍，保留着韓國嘅特色，專做地道韓國菜，今日終於約埋中學同學一齊嚟試一試！餐廳環境超級靚，因為全部都掛滿星星燈飾，非常浪漫，好適合男女朋友嚟呢度拍拖，感受一下浪漫氣氛！而且餐廳係由韓國師傅處理，並由一位韓國小鮮肉打理，所以餸菜保留韓國特色！我哋叫咗豬肉芝士王國，煱裏有滿滿嘅芝士，侍應仲會即場將啲芝士包住豬肉俾我哋食添！嘢飲方面我哋叫咗水果燒酒，非常推介！因為一啲都冇酒味，反而味道似水果奶昔，非常容易入口，好啱一大班朋友叫一壺嚟飲！另外仲叫咗煎蛋飯卷，餐廳改為用煎蛋嚟包住飯團，係一道富創意嘅餸菜，味道很特別呢！…查看更多

海底撈大陸食得多，香港未食過。開左咁耐，一食就係銅鑼灣分店。唔講咁多，睇相先。服務拍得上大陸👍🏻👍🏻等位期間食下水果，同行女士去左修甲，真係將大陸果套係香港應用。同樣地，入坐時會有專人服務，一個人服務4-6張台，服務周到，成日幫我添飲，又主動幫我地落落食物，剝蝦殼，正！有圍裙用，好乾淨，原來佢個爐底好特別，係下面自動抽走啲煙，所以食完成個身都冇咩味，食完去下場都仲得👍🏻👍🏻👍🏻同埋佢有個4格既鍋，如果人小小，可以點，仲比平時雙拼鍋平70幾蚊，我地就人多，所以就一個雙拼清油同蕃茄鍋。食物都係果啲打邊爐野，唔多介紹。同大陸一樣，如果點面食，會有靚仔幫你表演即場拉面，好好睇，所以點左2個面食，足足睇左2次真係正，睇得出員工有足夠培訓👍🏻👍🏻👍🏻…查看更多

睇咗圖片先我個人鍾意食面，台灣既面好似幾大碗，性價比高，行開旺角就黎試試。叫左個三寶面（牛根、牛展、牛肚），足料又豐富，飲啖湯，幾濃味，啲牛煮得好入味，一咬就開，面就有少少林，不過我喜歡食林啲既面，所以冇問題，對我黎講仲好添。野飲方面，冇叫平時飲開既台灣珍珠奶茶，叫左個特飲試試，藍梅巨峰烏龍茶幾好飲，唔算太甜，幾種味溝得幾好。最後叫左柯仔煎，好特別，個面粉同出面食到既唔到，出面煎得脆，入面仲係好彈牙。咁樣食左$150，超飽👍🏻👍🏻…查看更多

去過新加坡試過蟹同蝦球，都教人一試難忘。冇錯，就係新加坡既中菜味道！😂😂😂麥皮炸蝦球炸得蘇脆，而且麥皮又香又甜，用黎送飯食十分美味。本身想叫胡椒蟹，但店員推薦蟹湯，而飲落味道十分濃郁，而無咸味同口乾，證明真材實料。另外我地點左扣肉包，扣肉香汁很濃，而且肉質好淋，做到入口即溶，超級好食！好食到叫左2次黎食。講講地方，呢度人唔多，裝飾幾光孟，適合慶祝或者同公司同事聚餐！👍🏻👍🏻👍🏻👍🏻…查看更多

岩岩調左黎銅鑼灣呢邊番工，問同事附近有咩邊爐正…佢地話呢間好正…咁梗係要黎試下啦…我地3個人叫左個椰子雞煲…跟住原來有待應即場係你面前炒隻雞…仲有d火添…哈哈…炒個陣仲要香到一個點…已經急不及待想食…我地叫左個極上肥牛…呢個真心推介一定要食…好耐未試過係香港食d咁好味既肥牛…份量仲要唔少另外，我地都貪得意叫左個黑松露餃食…d餃都真係好新鮮…黑松露味好重…ichiban!咁我地仲叫左d芝心牛丸…蝦滑…魚皮呢d...全部都真係好有水準…服務黎講…由於我地坐係房裡面…但係都見到週不時有人入黎睇下我地有d咩需要…唔錯!!!冬天凍冰冰一定要黎 XDD…查看更多

收工同同事食飯，想試試韓燒，x華中心啲餐廳已經食過好多次，試試呢間係西洋菜街既韓燒。因為早到，唔使等位，食完見到門口好多人仲等緊🤣有得食set dinner有得燒肉，我地男仔多咁就食燒肉啦，店員好好人咁介紹唔同肉既食法同 配搭，泡菜等小菜同用黎夾肉一齊食既生菜都係食完可以免費再添，經理間中都會過黎問啱唔啱食，好體貼，主動幫你換燒爐叫左幾碟肉，豬牛雞都試試，最好食係豬肉，餣過好多汁，夾埋生菜食一流👍🏻👍🏻👍🏻…查看更多

星期日晚上，同友人黎左呢間餐廳食飯，享受返工前最後晚餐。呢間裝修係上海灘懷舊特色，除左門口中式大牌同門口之外，內部裝修都好具舊上海特式，復古得黎，環境又清休絕對係情侶打卡，好友暢談既地方！初時仲以為係食中菜，但入琴去先知係酒吧同食西餐！咁既裝修係平常既西式餐廳從未見到，用舊上海懷舊特色襯托西餐酒吧真係第一次見！我地叫左海鮮磨菇寬條麵，正常晚餐價錢，用料十足，大蝦青口都有幾隻，而且味道唔錯。之後又食左塊牛扒，估唔到大塊到咁，性價比高，有咬口，有肉汁，我自己鐘意落鹽食，仲正！最後要講下甜品，都係正野。鮮製pan cake，又香又外脆內軟，為完美既最後晚餐畫上句號！…查看更多

呢間日本餐廳晚上唔太多人，同朋友食下飲下酒，氣紛好好。先同朋友叫左一份壽司併盤，作為starter，以為有得簡，點知併盤係冇指定，就師傅當日簡既食作黎製作，用料質素都係新鮮。燒物黎講，所有都係即叫即燒，所以要等一段時間，強力推薦燒栗米，有陣香噴噴牛油味，而且唔會燒到乾身，咬落爽口香甜，一流！火焰牛柳串又係另一重點，上菜時有火焰起勢咁燒，顏值高之餘，食落去發覺係7成熟！而且牛肉唔鞋，絕對不錯。鵝肝帶子炒飯塊鵝肝食落香濃，口感鬆軟，拍得住高級酒店，不過如果你唔岩食鵝肝，都可以將成塊鵝肝分享比朋友，當帶子炒飯咁食。其實有陣時出得多旺角銅鑼灣食日本野食得多都會悶，而且伏店唔少，今次黎到冇乜人識既土瓜灣，可以話係搵到隱世地方，今次平日晚黎食，人少環境靜，加上呢度咩都即叫即煮，慢慢食傾下計就唔覺唔覺傾左成晚！…查看更多

朋友今日生日，同佢打完波之後，幾個老死就走去附近茶餐廳食飯。當我地係諗住叫餸食嗰陣時發覺原來有得食雞煲同埋酸菜魚，咁好興致啊，就決定試一試。叫咗兩set二人餐一個係食雞煲同酸菜魚，配料就幾標準，五花籃同牛丸等等。不過打邊爐點少得肥牛！所以我哋都左幾碟醫下肚。雞煲就味道香濃，香料調味十足，唔會越食越淡，係重口味之作，越食越麻辣，一鍋雞肉不消一會就俾我哋食晒，即刻加湯轉打邊爐。至於酸菜魚都唔錯，不過可能因為食完雞煲之後，再食酸菜魚變相味道就冇咁重口味，不過條魚口感唔錯，唔使一陣都食清光。總括來講味道同價錢都成正比，而且喺灣仔可以同時食晒雞煲同酸菜魚嘅餐廳實在唔多，最緊要打完波唔使諗，行去食飽就掂！…查看更多

3個男仔去食，可以食到好飽。環境一流，係朗豪坊上面，食完burger仲可以去隔離bar飲杯酒。旁邊間中有live mini concert, 適合男女朋友拍拖burger做得有心機，面包查左牛油，漢堡味濃，仲有半條青瓜另上，正宗美式食法水牛雞棒辣辣地，作為小食好惹味開胃。薯條炸到好脆，似係用左甜薯，好特別最好食係杯milk shake, 色彩繽紛，有幾種味混合。仲可以叫，白牛、黑牛，係香港唔係好多地方可以食到。…查看更多

今日帶住小朋友姪仔，約埋班老死同佢地仔囡黎megabox玩。呀仔行經門面，比佢架火車招牌吸引住，以為入面有野玩，就拉左我地成班人入去，點知係壽司店黎！比呀仔玩足成日，終於有得坐下，間野好新，除有一般迴轉壽司，仲有條火車路！落單係用tablet點，不過就冇得拎上手。我認為一間壽司店質素如何，唔係試魚生，係要試玉子壽司，魚生係睇貨源，貨源好乜都好食，但玉子壽司雖則簡單，但師傅亂整就一定唔好食，咁簡單都整唔好，其他免問！所以我食親壽司都會叫玉子壽司試一試，而呢間質素唔錯，性價比比大牌子勝一點點。仲叫左個牛肉烏冬，蟹子壽司、三文魚壽司、加州卷等等平常野。都冇失望。而每落完一次單，都有英雄動畫睇，初時仲以為係廣告，點知係抽獎黎， 只要個英雄打敗隻怪獸，就可獲得免費壽司。由於有小朋友，我地都以熟食爲主，但推薦大家試下香蔥吞拿魚壽司，一碟一舊，香口又有鮮味，一啖食曬好滿足！而且店內仲有好多小朋友玩具同圖書睇，各位家長可以親小朋友食飽玩玩具果陣休息下。…查看更多

叫左個豬手同腸仔併盤，腸仔係係德國食到味道，但調味鹹左啲，要不停飲酒。豬手煮得過火左少少，不過個皮都仲好脆最近做緊優惠，多左好多人食，應該太忙，落左野食都等得有啲耐先上，都係以前唔太多人，氣氛比較好…查看更多

首先剛剛裝修，背景係台灣嘅音樂，仲有唔少台灣70至80年代嘅裝飾物， 令你有種穿越時空嘅感覺基本上每一道菜都唔錯，個人推薦伴面，面質彈牙，食完唔會口渴嘅湯，脆口嘅炸排骨，非常惹味。野飲都唔錯，叫咗個杯芽奶茶，其他地方飲唔到👍🏻👍🏻👍🏻…查看更多

中午同同事去咗食飯，叫咗一個老干媽滑雞飯轉三食飯，係幾健康嘅，不過老干媽唔夠入味，啲雞麻麻地。叫左個番茄湯麥飯配海中蝦、漁腐、蘿蔔，好好食另外仲有一個魚湯淮山麵配豬扒雞翼白菜仔由於呢都係有5-60種不同嘅餸隨意配搭返淮山麵或者三色飯，一定有一款啱口味。香港小地方有得食湯飯，依家係合格以常水平，可以再戰…查看更多