gypsyaus的個人專頁

依家食點心都要去酒樓，但好多都好一般。有次叫火炭外賣叫左呢間點心堂，外賣送到黎其實都至少半個鐘，春卷、生煎包竟然都仲好脆好好味！咁今日特登去舖頭堂食試下！生煎包真係必食！原來堂食仲會用鐵板上，加分。另外仲試左蝦多士，即叫即炸好好味！點心都幾有特色，高質，好食過酒樓既點心，但價錢又唔貴。難得火炭區內既點心舖，夜晚都有得食。星期六要帶阿媽黎試下其他點心！不過舖頭門口無招牌，可能難搵少少，火炭路直接入到。如果坳背灣街工廈入，就要落一層。…查看更多

係蘭桂芳附近搵食，搵到巷尾呢間蠔bar 靜靜地。叫左一打生蠔6款試哂佢，餐廳會排次序俾你食邊款先。由creamy 食到最重海水味，隻隻都大隻，個人最愛食creamy 既生蠔。下次會星期四黎，生蠔同酒有半價。今晚食有7折都好抵。另外叫左個pasta 係蕃茄汁，但好濃芝士味，同平時蕃茄醬完全唔同，好好味！不過就貴左少少Overall都好正！會再搵朋友黎食！…查看更多

呢間已成為我lunch 既飯堂！多選擇，飯麵撈濛樣樣齊，肉骨茶，咖哩，炒河，撈濛，全部都好入味，好有馬拉味！而且lunch set 有前菜 主菜 甜品連飲品，好抵食！值得一去！！…查看更多

老虎堂最出名的是黑糖鮮奶每次去都點虎虎生風，有奶霜之餘，又有大珠同細珠，一次過有哂唔同口感！佢既黑糖鮮奶，比起好多外面既濃郁。濃濃黑糖味，甜甜的，我最喜歡！加上鮮奶中和，甜得黎，又不會過甜，因為呢個飲品係無得自選甜度冰塊的。perfect 😋…查看更多

好方便 就係戲院上一層 去睇戲前醫飽個肚先！揀食壽司 一定去千兩。食物高質之餘 環境有格調。坐得好舒服。最鍾意食炙燒左口魚壽司！😍去第二間都食唔到呢個味，燒完左口魚好香 有d油 好好味！千兩既食物從無令我失望 正👍🏻…查看更多