QQ Rainbow Lee的个人专页

媽咪食金錢肚+手撕鷄（唔辣紅薯粉），紅薯粉夠煙韌，配菜有炸花生炸黃豆青瓜絲芫荽，媽咪勁讚，話啱晒佢口味。而我食軟殼蟹+蟹柳（涼麵）炸粉漿夠薄加上即時炸嘅熱辣辣夠脆口，麵方面不會太淋（我好怕淋pet pet果啲）醬汁調味剛剛好不會太咸，再加上我最喜歡嘅芫荽，簡直完美配搭。後加甜品楊枝甘露，西米軟硬適中有口感，但因為我本身飲嘢係走甜嘅，所以覺得略甜咗少少！飲品凍桃茶，夠清香～整體上唔錯架，媽咪話要再幫襯。～…查看更多

由長髮扎馬尾年約三十幾歲的女人幫我哋落單，我當時口快快講咗佢哋餐單上旁邊嘅數字，佢好粗聲氣咁話唔好講數字我唔識，我即講唔好意思再講馬拉盞通菜，燒烏頭，濕炒海鮮河，芒果沙冰...隔半個鐘度佢走過嚟問我哋（同樣發晦氣粗聲粗氣）仲有咩叫係咪咁多，我話條燒魚仲未嚟，於事繼續等，足足等咗60分鐘條燒魚先出現，但仲要係錯嘅，明明食烏頭變咗條鰂魚，只係問我哋食唔食（毫無半點歉意），我話等咗咁耐是旦都要啦，從未試過食嘢食到一肚氣，真係第一次開闊眼界！！！基本上係個長髮扎馬尾年約三十幾歲女人態度好有問題，我見其他店員都好禮貌，再好食都唔會貼錢買難受，完！…查看更多