licklick的个人专页

見咁多like 去試下，點知完全伏首先搭升降機係唔到，仲要上廿幾級樓梯先到環境係可以打卡既食物款式唔多，叫左啲熱門既食物黎到明太子炒飯既外表係普通炒飯，食左啖……係無味既炒蛋飯唔緊要，我仲有個鰻魚炒飯。還好鰻魚正常，但炒飯仍然無味兩個火鍋，一個牛肉一個豬軟骨，牛肉就白烚，啲肉要𡁻勁耐。豬軟骨湯底就有啲味，但一食……竟然係金華火腿又硬又乾咩料 之後仲有七味墨魚咀、土佐豆腐……全部都係原味唯有講無下次👋🏻👋🏻👋🏻…查看更多

荷里活近來真係好多唔同既美食，呢間拉麵其實都開咗好耐，間中都有幫襯，因為佢既價錢都算係親民，想平平地一嘗日本美食真係要試下。我覺得佢既雞泡魚乾都真係好味，好香既烤味同咬口，送飯食真係一流另外，佢既定食都有好多款既選擇，今日揀左最貴果款都係138，真係好抵網花牛扒都算唔錯唔會太肥之餘又唔會全熟，食落去岩岩好，熱食會更正之後叫左個芝士炸雞，估唔到佢炸得黎肉質都唔乾，仲有啲juice ，真係好有口感😄👍🏻👍🏻…查看更多

前晚同朋友係觀塘行完行就搵下食咩好，Apm太多人就睇下街外有咩好食，見呢間台式餐廳都幾多選擇就試下！！起司肉鬆蛋餅幾好味，但炸雞略微唔夠味！所有野食覺得最出色係咸蛋薯條，因為味道好夠濃，睇落唔似咁香咸蛋黃味！！其他既菜我覺得味爭啲啲，乾拌麵唔重香味，但拌菜好多好豐富！飲品方便唔記得影相，屬於一般嘅台式手搖飲品，不過不失！餐廳食物選擇其實好豐富，餐廳環境衛生得黎都舒適，但個人認為味道上可再調節得更好！…查看更多

今次就見到呢間多人讚既冰室，又好想食下炸雞髀就黎左雪山啦！雖然得兩個人，但都因為太餓見到餐牌太多選擇就叫左幾樣野試！首先係叫左個南洋咖喱滑雞飯，咖喱香帶少少甜味，開胃之餘，雞件都係滑！汁再配飯真係好係好開胃然後叫左個喇沙套餐，佢配埋櫻花蝦炒蛋同丹麥多士，炒蛋略嫌唔夠味，但可以自行落鹽！成個餐好豐富，一個人食一定會飽晒喇沙真係驚喜，雖然唔可以話係100%正宗，但佢會做番喇沙既油麵加米粉既麵底，而且湯底好味！一定要試下！然後再食埋個好邪惡既避風塘炸髀上面既椒鹽粒好脆口，估唔到會同雞髀咁夾，而且食落唔係死咸！因為好大隻，叫一件兩個人share就夠！再飲番個解渴既檸七呢餐真係好滿足！冇諗過冰室都做到咁多樣化，期待下次再試埋其他野食！…查看更多

放工後一家大細係附近搵野食，見到呢間食店既價錢牌幾平民就諗住入去試試。先叫左個咖央多士，中間層牛油同咖央醬配合得好好，完全唔覺膩，而且多士烘得脆脆地，口感好正，食下午茶必叫😋之後叫左個套餐（海南雞配叻沙）啲飯一粒粒唔會漿住個口，隻雞好滑，小朋友好鍾意食，叻沙個湯唔會好咸，真係要比讚👍🏻呢個係套餐加錢既串燒，又估唔到有咁多串，仲好好食，配飯一流呢個係豬手配海南雞套餐，d 豬手好冧，夠入味，難怪好多人推薦呢個清湯札肉雞肉河都幾有雞味，勁大碗，兩個人都得，CP值高由於有小朋友，所以叫左個唔辣既馬拉盞通菜，估唔到有得咁叫，岩哂口味✌🏻檸茶同薏米檸檬水，真係又大杯又消暑，正正為今晚帶黎一絲既涼意🌬🌬🌬食左咁多都係$298💰💰💰嘩！ 真係貼地疫時價，難怪咁多人黎等位👏🏻👏🏻…查看更多

之前已經食過一次，但係朋友話好想今晚食椒鹽豬扒，上網睇到港口味嘅椒鹽豬扒都好多人讚，就決定晚餐係度落腳😎大概七點就已經到咗餐廳，雖然係茶記但明顯新淨好企理，見到個燈牌寫住清湯腩飯就知道係招牌菜，所以我哋都叫左個嚟試吓😜果然係招牌菜，呢個清湯腩送飯真係唔錯，腩肉夠淋身，蘿蔔亦都好入味，有別於出面嘅清湯腩，唔會太過油膩椒鹽豬扒炒飯一睇就知道香口，豬扒食落唔會太乾，飯都炒得香，但同樣唔會覺得滿口油膩既感覺，值得一試食咁多肉都要食番小小菜，叫左個野菌浸時蔬，有椰菜、芥蘭、西蘭花呢度個忌廉薄荷朱古力特飲係吸引左我地因為我麻麻薄荷同左侍應講一杯走薄荷，忌廉唔會吝嗇，滿滿咁比我地我同朋友都認為好飲！兩個人食到好飽都係$181埋單總括黎講想食下地道野，又想環境乾淨、光猛值得揀黎呢度…查看更多

朋友有意食素，就相約假日一齊去食。整體間店舖不算大，是次用膳時間是下午，所以沒有很多人，和朋友可靜靜地品嚐和傾談。店內播放中式輕柔音樂，讓顧客可平靜下來，用心感受當下的食物。💛酸辣湯酸辣味同出面有點不一樣，感覺沒有味精 。湯入面好多配料，份量十分足料！湯也沒有很多芡，不會太濃稠。值得推介💛素海南雞飯飯是薑黃飯，飯質有口感，慢慢嘴嚼會不知不覺吃了一半，可能因為我本身喜歡食飯🙈其酸甜蘿蔔絲味道不濃烈，剛剛好，小酸小甜，也開胃。海南雞則是用素肉，本身也很有味道，不一定要點汁。而伴菜的兩款汁，薑汁是和一般海南雞飯汁一樣，反而是酸辣汁用檸檬+薑+辣椒調成，不濃烈，也是剛剛好。喜歡清淡不太濃味的朋友應該會喜歡這款汁。💛馬來西亞咖喱+酥餅咖喱除了雜菜外，還可以揀選一個材料。我跟朋友揀了鮮竹粒，原來是類似千層豆腐的東西，不過不失。而這個餐跟六塊酥皮，配搭咖喱一同進食不錯。咖哩是不辣的，雜菜很足料&新鮮👍🏻如果閣下喜歡吃辣辣咖喱，這要留意，因為是不辣的。而這是餐點，跟餐加$5可以另上豆漿一杯。豆漿有好香的豆味，並不是用粉沖的，感覺是自家製，喜歡這個。…查看更多

同朋友收工一齊共進晚餐，朋友想食西餐我又想食中餐😂諗起之前食過Wanna eat既早餐有港式野，睇到OP都話中西都有，咁就好一次滿足我地既慾望我叫左宮保雞丁定食，同出面既中餐有得比！我個人覺得好惹味！！如果個汁再多d我會成個飯都食得晒，個份量好足！我位朋友叫左海鮮番茄意大利飯，朋友讚青口好出色，蕃茄味濃郁，料都好足！我個人覺得個蕃茄味偏酸，但係好開胃！我叫左草莓梳打，個賣相唔錯，但草莓味唔算好強，勝在夠大杯飲到尾都仲有！朋友呢杯香芋鮮奶都相當好靚，朋友話有淡淡既香芋味，唔會偏甜，都值得一試！最後唔少得叫埋甜品，叫咗焦糖香蕉朱古力窩夫，好值得試，佢有埋d朱古力口味既果凍，配搭都幾好味！咁大份只係$68～成餐飯係要加一服務費嘅，兩個人大概$300左右，我覺得乾淨嘅環境，加上侍應都非常之親切！一定會再番黎食！…查看更多

疫情期間，相約了好耐冇見既朋友食晚飯，揀左呢間位於上環既小店～佢係自助式點餐，環境都幾岩傾計食飯，好有工業風格！因為大家都想食牛扒，就叫左個「安格斯頂級平鐵扒」，CP值好高，$118就可以食到安格斯，而且肉質唔錯！再叫左個「蜜糖香草烤雞鎚」，黎到既時候我同朋友有d驚訝，因為意想唔到雞鎚非常之大份，本身以為係雞翼咁嘅size！仲叫左好多人推薦既「芝士溫泉蛋大啡菇」，蛋漿流心非常之吸引！必食！甜品我地就點左「咸焦糖醬朱古力布朗尼蛋糕」，味道都相當之唔錯，唔會係死甜！我地亦有點左菜食，就係呢個「芝士忌廉菠菜苗」，份量係會比較少，但好在我地已經好夠飽！總括來講，餐廳食物雖然唔算多選擇，但所有嘢食嘅質素都係好高嘅，啱晒撐枱腳嘅朋友！…查看更多

同老公係旺角買完鞋，老公表示想食茶記，咁OpenRice 一下見呢間「荔香園冰室」既飯唔錯，岩佢份量就同佢過去食啦！雖然個餐廳唔算好大，但係個裝潢就相當唔錯，係想做舊一代既冰室風格，環境已經加分！！呢個位有大排檔feel幾好黎左兩杯茶記既凍檸茶加凍奶茶，正常水準老公要點有份量既飯，叫左個黃袍叉燒飯，汁係分開上的，根據自己喜好落份量，呢個都幾細心，因為唔鐘意食太咸或豉油既朋友可以自行決定份量！我都試左個飯，滑蛋出色，叉燒因為唔係一齊炒所以唔會老！我自己叫瑞士汁雞翼撈麵，女士黎講個份量就夠，男士都係叫飯比較好最後兩個埋單$124，你話算唔算好抵就當然未算，但而家香港地貴，唔收番呢個價就可能補唔番，所以我地都覺得係合理既！！…查看更多

同兩位好友想食下私房菜，見到呢間辣蟹都幾多好評就book左試試！一黎就上左個辣蟹～非常惹味配飯就一流！！附上鉗子開蟹鉗，蟹鉗既似香甜，唔會因為椒鹽太濃而飾蓋左個味！一定要食！黃金豆腐都食到唔停口，本身以為三個人食唔晒，但清得最快外面香口，入面軟軟！雞煲都唔錯，入面有冬菇同豆卜，入晒汁既味道！因為最後先上食神飯炒飯，都係以為食唔到，但炒飯既香料好特別，而且好少食炒飯會有蟹籽，食落個口感好特別，味道都相當唔錯，所以三個女仔最後都食到9成...其餘就真係唔得啦，胃都full晒味道依然回味，會再幫襯！！…查看更多

紅日放假約左好朋友食晚餐傾計，同朋友想食韓國野，係OpenRice 一搵尖沙咀，呢間OPPA餐廳都幾多Like!!!就試下啦，可能疫情關係少左好多人出街食，7:00左右都係等左10分鐘就可以入去！餐廳裡面唔算太大，坐得唔多人！Menu都係好簡單，幾款重點食物！都幾岩我呢d選擇困難症既朋友因為得兩個女既食，唔敢叫太多，就叫個醬油味既炸雞+熔岩炒飯醬油味都幾香，唔會好油膩！！都唔會太咸太濃味！就算唔鐘意食太濃既朋友都好適合叫左OPPA激辣熔岩炒飯，芝士好夠多，餐廳職員會用火槍即場燒，視覺效果一流！！打卡都抵晒仲可以拉到咁長！！味道方便唔算激辣，但芝味濃郁，要趁熱食！！我地兩個女既食個雞加芝士飯已經好飽，記得點餐要留意！！…查看更多

星期五因早收工同老公一齊係大埔搵食，老公提議食燒肉，想搵個近近地既地方食，見大埔有仲要OP咁多好評，重點是放題，好岩男士們既大胃口!黎到既時候太早既關係（大約5:15左右），完全冇人，但一到左6:30打後記開始出現人龍，好在早左食姐！由於係星期五，放題會每人加$30，我地揀左$268既餐！$268既燒肉餐可以揀1、2號櫃既飲品一罐，同埋有自助既水樽裝水一黎就已經會比左個頭盤我地，會分番每個牛既部位比人睇，第一次見呢款碟，都幾清晰知食緊既係咩部位:)頭盤既質素絕對唔係隨便野，每個部位都非常出色！！我同老公都認為牛肩胛同三角腩係最出色包生菜食真係一流，唔會太油膩，又好香肉汁！仲有個鐵板用左好聰明既斜擺方法，多餘既油就會倒走，加上有得揀芝士同粟米，五花腩點呢個芝士醬，一流！由於食完頭盤我同老公已經飽到不得了，冇再叫肉，廢事食唔曬浪費左！！我地叫左個參雞湯飲，又估唔到幾足料，而且有參味我地打算都係叫個湯飲下，冇諗過幾好飲、足料！總括黎講，係大埔想食燒肉，一定會揀呢間先，價錢合理，一定食得夠飽而且質素高！…查看更多

上星期一收工約左兩位好朋友到旺角食飯，一位朋友建議食壽喜燒，咁耐冇打邊爐，壽喜燒都係一個少人又唔錯既選擇！上OpenRice 搵到呢間令和居酒屋，打去見有位就去馬了！去到真係好驚喜呢間居酒真係充滿日本風情既味道，可能太早既關係，6:15左右都未有人入坐，而店員都好好安排左我地坐有窗廉既卡坐！咁我地三個人就可以暢所欲言直得一讚，一入店店員就幫我地量體溫，同比洗手液我地清潔雙手，依家呢個疫情期間，咁做會令客人有個保障，都衛生d入座後即刻點個壽喜燒先，揀左M7澳洲和牛，因為知三個唔夠食，點定追加100g！壽喜燒既料都好豐富！牛肉吸左湯底都非常好味，肉質軟身！仲有叫左個五式刺身拼盤包括三文魚、油甘魚非常厚身，性價比高仲有居酒屋唔少得既串燒叫左個串燒拼盆，最鐘意金菇肥牛串同煙肉蕃茄串當我地覺得點都要叫個飯時，就揀左個海膽三文魚丼非常之豐富，海膽份量夠多，撈飯一流！價錢都唔算貴（$171）如果係鐘意食丼既人都好推薦試！總括黎離大家都食得好飽好滿足，無論環境、服務都好值得讚，如果兩人食推薦一定要食個壽喜燒加丼！多人就可以試更多菜式！…查看更多

今日係星期日，咁岩一直約左朋友傾下心事食好野，正值社會運動日，發現出尖沙咀都唔知可以食咩最後見到呢間味道樂日式料理有開，本身都擔心會準備關門，好彩都仲係做生意餐廳冇咩人咁靜既時候正正可以欣賞下呢間餐廳既心思，非常有日本情懷，仲有日本舊年代既玩具由於太餓，叫左個三文魚腩刺身當前菜先，魚腩非常肥美油香再叫個《滿滿幸福海膽丼$278》，如其名一樣，真係好滿滿既海膽再配上三文魚籽，呢個真係睇個樣都勁...海膽好新鮮唔會有腥味，入口甜甜之餘慢慢融化，值得試《流心芝士年糕$58》講唔試流心，但都有拉到半融化既芝士，煙煙unun 都ok!!!《黑松露溏心蛋》新試黑松露呢個配搭，都幾夾個味《明太子免治雞肉棒$58》居酒屋必食，一食一啖就覺得要配番個酒先得！！《梅酒$58》為食串燒同朋友叫左杯黎飲，好味，梅味唔算濃但好易入口！總括黎講我認為呢間餐廳唔錯，值得再食！…查看更多