Mak929的个人专页

今日好得閒，係時候清一清openrice 個list，有間bookmark 左好耐，但都未有機會去試既天婦羅餐廳，去到見有位頗為順利，見到有bar 檯岩晒我呢d 小毒獨，order 左個海老穴子丼，因為穴子夠大碌，影相會幾好睇，確實真係得個好睇，食落麻麻，蝦同蟹柳就好食，所以建議大家叫天丼，因為有兩隻蝦同有蟹柳，其他都不過不失， 個飯個汁可以再好d 既，整體上都係滿足的一餐，價錢又唔係特別貴（天婦羅餐廳來比），留待下次試試佢個龍蝦天婦羅。…查看更多

呢區黎講係有少少貴，但係有質素的。位置都幾好找，係油麻地定佐敦果個政府合署隔離，店內地方乾淨，可能新開所以新淨，個廁所都好乾淨，有bar 位同細枱，我就鍾意坐bar 位，咁先有feel。用QR code 點餐的，都幾方便，仲可以用電子支付，岩晒我呢d 唔帶錢出街既人。可以加其他配料，例如貓飯、白飯、蛋、叉燒，個湯唔會好多油同死咸果種，建議加多個麵增加滿足感，加麵唔貴，或者加個飯放落d 湯到食，聲稱係用越光米，整體上幾好，可以一試。…查看更多

抗疫日子又想食點心又唔想去酒樓同人迫，就上openrice 找間就近既點心小店外賣算。試後喜出望外，首先腸粉唔淋唔爛有口感，燒賣係將所有用料攪混，同一般有蝦有肉分明果隻做法唔同，其他野都唔錯，明顯係用心做，唔係果d 快熟點心咁hea ，最值得一試係魚肉釀茄子，炸得恰到好處，唔會太乾同硬，夾起唔會散開兩舊，茄子同魚肉好似融為一體咁，咬落去有茄子既汁同肉汁，正！睇其他食評話d 餃子好正，但因為已經叫左好多野食，肚子有限，下次就試下餃子。…查看更多

返工Lunch time 去試下，1點1x分 落單然後等到2 點，成個鋪面既人都等到發嬲，快餐店變成慢餐店大佬呀！放假都話可以等，返工會遲到架麻，總之以後唔會幫襯！返到去d 薯角仲要凍晒，似係薯角一早做好，但d burger 未，仲要炸得好似唔夠時間咁，我仲要急忙得濟唔記得拿茄汁，What are bad day!!!!…查看更多