Alooo的个人专页

我哋四姊妹今日黎幫二姐慶祝生日🎂嗌左一個二人餐，幾個散叫，蝦意粉勁好食！餐廳經理知道我哋慶生都非常識做，特別好招呼，我哋嗌左餐，有甜品，可以寫埋靚靚happy birthday 🫶🫶🫶我哋幾個同壽星女都食得好開心啊，呢度打卡好靚，有個夜景巨幕，整出黎都幾襯，地方闊落舒服，估唔到星期一夜晚都幾多人食，有七八成入座率，而且有位靚女唱歌, live都的確幾好聽！仲可以點歌！呢個價錢，可以呀！地點都算方便！會再來慶生！…查看更多

好耐無食喇，印象停留喺$1xx 一碗，原來依家物價已經唔得，除左做特價嗰碗！加埋一around $100. 靚仔，新鮮！朋友問我，食魚生點解唔食壽司郎，唔係喎，我覺得呢度價錢都反映左，魚生係高質過壽司郎喎！不過呢度唔知係成本太高定點，店內唯一一個侍應奇奇怪怪咁，另外有個好似老細既人喺店內，比較老，又比較唔nice, 放喺鋪頭唔討好，後生待應，後生仔後生女客人黎食會比較啱feel, 希望呢度做得住啦，野食係ok既！…查看更多

見到唔少正評，諗住價錢唔係好貴，所以試下，但無留意今晚31/12/2022 除夕原來加左價😨book 位時餐廳完全無通知🤬好好笑，坐低左之後，不約而同發現隔離枱都係同一原因中伏了🫠黎到先知加左價講返食物，有一堆冷盤。。。。芝士幾好食，沙律都正常，其他就。。。唔好提了，凍青口臭的，食左幾隻都臭，餐湯係青bb既西蘭花湯😥parma ham無味的🫣侍應輪流拎肉黎問你要唔要，係幾得意既，佢哋態度都好好，不過食物質素真係滴晒汗，啲牛一係好鞋，一係有好多筋，一係無肉味，豬好鞋，好似煲完湯既質地，唔好食，羊好鞋，好乾，雞勁鞋，係好乾既雞胸咁樣，😓真係無樣好食全晚最好食係薯條同甜品brownies 兩個成人，盛惠$1536 ，回頭率係零呀！！…查看更多

好多人介紹過佢哋藥饍雞麵，的確唔錯，唔特別多講。反而，我想講下其實佢哋小菜炒野係非常值得推介，今日晚飯嗌左兩個小菜，一個椒絲腐乳通菜炒牛肉 (~$80), 雖然冇通菜換左其他菜，但係一樣好食，調味調得非常好，一嚟到太肚餓，所以冇影相就食左一個韭黃叉燒炒蛋(~$75), 蛋炒得又滑又綿，非常不吝嗇材料，俾好多叉燒，兩碗白飯($11/1碗), 奉送例湯，小菜份量非常多，兩個人食唔晒，的確好食，唔想浪費食物，打包返去第二日食。環境方面，比較低分，唔算好舒適，不過都唔逼夾既。侍應得一個阿姐，佢雖然好快手，但係都多客，所以唔算服務好週到，不過衡量完價錢同埋食物質素，平平地過嚟食下小菜OK嘅…查看更多

本身好少寫食評，不過呢間小店，真係好值得支持，所以真係要大力推介下！Cafe喺商廈電梯大堂轉角再轉角，非常隱蔽，本身見人流唔多，有啲擔心食物唔新鮮，但lunchtime有啲餓唔想四圍再搵，一於坐低試下。嗌左一個set lunch, 大蝦意粉同latte(咖啡要加錢)，咖啡黎到，拉花好靚，一飲，香，滑，厚，好好飲！由於得一個店員，意粉上得唔算快，不過一黎，又係驚喜，擺盤好靚，非常有誠意，一食，汁濃，意粉彈牙，蝦肉結實鮮甜，份量一啲都無欺場，非常估唔到咁高質，好滿意好滿意！短期內回頭率係100%…查看更多

本身好少寫食評，但呢間餐廳實在太差，忍唔住差評！廁所好臭，連坐喺位食都聞到，衞生情況令人失望！🤮Staff服務態度非常一般👎🏻又唔收骨碟，又唔主動斟茶，又冇乜禮貌食物賣相ok ge, 但食得出食材質素差，油甘魚骹好鞋，清酒煮蜆冇味，鵝肝多士上面只係薄薄一層鵝肝醬，完全食唔到鵝肝味，反而件多士係OK嘅，最好食係半殼蠔，但食咗$500幾野，我淨係講得出一樣野好食🥴總結係，性價比低，用餐環境聞到廁所臭味，唔會再返嚟食，都唔會介紹朋友食！…查看更多

Lunch time 自己一個快食，入到街市其求一間，點知瀨野。叫左一碗牛腩牛筋河，開頭食嗰時好餓唔覺，食到後尾，突然細味間發覺啲湯同牛腩好似少少酸，應該係變變地。返到公司四點左右開始黎料，以後不會再幫襯…查看更多

大埔最抵食既優質西餐！！幸好暫時唔太多人識去，多數不用排隊！！地點係比較唔易搵，在大埔墟火車博物館附近，不過廚師好心用！一食就知食材好有要求，西冷牛扒好好食無蘇打粉乸過，焗得啱啱好，唔太熟又鮮嫩。小至磨菇湯到配菜焗薯都好好食，磨菇湯唔似一般出面罐頭湯，呢度有滿滿既磨菇蓉，又香又滑。焗薯個薯仔好鮮甜，係平時自己買唔到既味道。價錢方面又係值得推介，我地點左鵝肝牛扒，生蠔都唔貴，出面呢個價錢，食唔到呢個質素！環境好靜好舒服，會經常再黎！！！…查看更多