Tai tai man的个人专页

是次特意去嚐嚐呢間荃灣廣場新開的餐廳，越南菜！都係喜愛的菜之一。我哋一行多人，一行到去附近，原來整條走廊都屬於佢哋，荃灣廣場原來送埋走廊俾佢哋任用。五至六個員工企喺走廊中央招呼我哋，但服務口吻就不太友善，老闆就捱住傢俬店玻璃窗睇住，未見過商場租戶甘自由可以霸佔全部走廊地方。我哋叫左生牛肉河粉、香茅豬扒撈檬、雞翼撈檬、蝦米紙卷、扎肉撈檬、牛丸湯河粉，再叫咖啡、青檸梳打、椰汁冰，不過落單嗰位員工態度真係麻麻。等左好耐，明明都無咩人，終於等到上菜，但係員工好無禮貌。我哋舉手要多個碗碟，叫左好多次都無人理，明明得兩枱客，心諗唔會再黎食！講番食物，生牛肉比較好啲，可能唔需要點煮，點都唔會太過老。至於香茅豬扒就略嫌太厚粉，肉少，以致第一口咬落去時就有點失望，香茅味亦好淡，唔係我心目中的效果。雞翼撈檬就比較一般，食得出雞翼好大雪藏味，唔知係咪唔夠時間解凍，味道過鹹，差！椰汁冰好淡無味，淡到用水開甘，好後悔叫呢個，早知叫可樂啦！其他既都令我哋十分失望，味道一般，價錢偏貴，性價比低，一般餐廳撈檬湯檬都係$40左右，而呢間居然賣到$70-$90，完全不值得此價格！仲有啲員工好奇怪，大部分都唔喺餐廳做野，全部全程企晒商場走廊公家地方拉客，好奇怪！唔怪之得服務甘差，無人來，見到佢哋甘都想走！總括而然，性價比十分低，服務態度超差，不要浪費時間來食，去其他地方食仲好過！…查看更多

因為天氣太熱，甘岩入嚟商場就見到呢間新開既泰國餐廳，木製傢俬為主題，氣氛頗令人喜歡！加上時間尚早，我哋就決定入去試吓！我哋叫左船麵、海南雞飯、豬頸肉同埋泰式奶茶。服務員叫左好耐先有人理，食物等左好耐！船麵算好足料，可惜味道鹹左啲！海南雞飯既雞滑身，但醬汁就少左青醬，失望！！豬頸肉如果可以脆少少會好啲！泰式奶茶太過甜了！香港人咩都要少甜，呢個甜味已經過咗啲。食完呢餐飯真係要飲好多好多水，依家人人都追求健康飲食，少糖少鹽，我諗下次都唔會再食喇！…查看更多