acphpilue的个人专页

之前食過外賣覺得啲碗仔翅ok，所以星期六下午見有時間就走去現場試下，點知我真係寧願無去過現場。。坐低之後叫左8粒燒賣&碗仔翅，野食好快就到齊，正當我諗住開始進食既時候，竟然有一個店員姐姐企係我張枱前面，拉高個口罩係度撩牙😰仲要唔係好快撩一撩，佢係keep住撩，然後，我心諗，快快脆脆食完就閃人啦，跟住食粒燒賣先，發覺成粒魚蛋咁😥你唔可以話佢好食，只可以話唔難食。。碗仔翅我試過外賣，心諗應該無咩問題啦掛？點知碗野竟然係暖而唔係熱既？😑上次外賣係屋企食都仲係熱辣辣嫁！😭跟住已經好失望，然後聽到隔離枱話冷氣機滴水，滴左落佢地碟燒賣度。。好啦，我諗住快啲吞埋個翅就算，點知。。個店員呀姐再一次企係我張枱前面撩牙😰拉高口罩，撩牙，撩完用隻手指卒左幾下支牙籤撩牙嗰邊個尖尖位。。好啦，我頂唔順了，我起身用八達通埋單走人，個撩牙阿姐仲問我要唔要單，想用佢卒完牙籤嘅手遞張單俾我，我即刻話:唔使啦，唔該你。。閃都閃唔切😥總之，眼不見為乾淨，外賣碗仔翅我可能會再食，但係燒賣及堂食就算數了。。…查看更多

廢話唔多講今日6點幾去到，見無乜人，又想食片皮鴨，所以入去試下。叫左幾味餸，如下：1.半隻片皮鴨2.椒鹽九肚魚3.賽螃蟹4.熱情果籠仔蝦球5.四季豆叫完餸，侍應姐姐話會上左片皮鴨先，因為熱辣辣食先好食，食完先再上其他野俾我地，咁我都心諗幾好喎，招呼都幾周到。點知講完過左一分鐘，就上左個九肚魚俾我地先，我地呆左，不過心諗無所謂啦，咪食下九肚魚先，無問題啦。個九肚魚炸得幾好既，熱辣辣又夠脆，香口好味。跟住終於上片皮鴨，個賣相都不錯，但係點知包完皮一食，個皮同個鴨都係凍既。。又話熱辣辣先好食既？😵食左3份2，就叫佢可以開始上埋其他餸，黎左個四季豆先，四季豆都熱辣辣既，係普通水準，不過不失。之後黎左個熱情果蝦球，熱情果就係炸蝦球上面嗰啲醬，酸酸甜甜配埋個蝦球幾開胃既，佢地炸物係還不錯的。最後黎左個賽螃蟹，真心好大獲，圖文不符依啲真係預左，細細盤如果好食都無所謂，點知一食入口，凍既，都唔緊要，最緊要係個蛋白既質感，好似係啲蛋白加左好多生粉？定落左啲咩令到啲蛋白凝固啲咁😨總之就唔係賽螃蟹啲蛋白既質感，而且係無味既，我真係。。唔知自己食緊咩😅總括黎講，炸既野ok，四季豆正常水準，片皮鴨失望，賽螃蟹係驚嚇。。。可能係我揀中依幾樣師父唔係最拿手？服務態度不錯的，但好難因爲依個原因而回頭。。。…查看更多

今日去左康怡「秋櫻屋」，一試傳說中既日本人氣CREMIA軟雪糕🍦🍦聽講每日限買400支嫁咋！😍雪糕奶味好香濃呀！！口感都好細滑，不過溶得好快呀！要不停密密食先至得(實際上都食到停唔倒口)🙈曲奇脆筒同個雪糕味道好夾，用曲奇做雪糕筒絕對係錦上添花😍軟雪糕只能外賣，所以唯有企係舖頭出面個area食😂😂不過好奇怪，無人排隊既？😂可能$48一個軟雪糕，大家都有啲保留？🤔但我覺得值得一試😍…查看更多

西灣河太安樓出名多好野食😋👍🏻今日心血來潮想食個海南雞飯做晚餐，收工之後6點2倒去到太安樓，已經見倒有14、15個人係度排緊等買海南雞😱師傅做緊事前功夫，準備開賣☺️結果係太安樓又熱又焗等左20分鐘！😂😂叫左海南雞肶飯，加雞膶😍😍番到屋企食，啲油飯仲熱辣辣，好香😜雞肉好滑，無骨😍雞膶都好入味，出面好難食倒嫁啦☺️👍🏻加埋個冬瓜湯，全部都係$43，食得好滿足👍🏻如果你唔怕熱唔怕焗，可以搵日去排下隊😂😂…查看更多

位於柴灣室內運動場的小小餐廳🤗前身依晞記得是吃咖哩的，但如今港式西式的菜式都有，又俾左柴灣人多個選擇😋今次外賣了他們的全日早餐及班尼廸蛋全日早餐🍳🍳🍳配料有炒蛋香腸煙肉蘑菇茄汁豆番茄沙律多士🎉🎉🎉全日早餐和班尼廸蛋早餐的配料是完全一樣的，只是用了不同的面包和蛋的烹煮方法不同，一個是炒蛋，一個當然是班尼廸蛋啦😜一個餐都係💲50幾蚊💲咋！係出面其他高級餐廳全日早餐嘅價格嘅一半！當然你唔好諗住食物質素好超班😌，什至煙肉煎得不夠香，蘑菇亦未必是用新鮮的，不過勝在大大份，夠飽肚，味道對得起價錢😜👍🏻得閒去試下啦🤗不過佢地星期一休息，平時又6點就收工嫁啦，留意番呀😜…查看更多

今次試了太古康怡廣場的饗和民，和民加左個「饗」字，會有咩特別呢？🤔原來有即叫即燒既爐端燒嫁(雖然無想像中咁好味)！^_^今次我地得兩個人咋，所以淨係食左4樣野😜我逐樣逐樣講，點了以下:海鮮沙律: 蔬菜配搭好清新，粒粒魚生幾新鮮，沙律醬汁幾開胃😋雞肉串燒盛合: 雖然標榜係日本直送走地雞，但係雞肉燒完比較"鞋"，可能火候控制不夠好？整體而言不算太可口，雞肉漢堡點上蛋汁，令漢堡充滿蛋香，但漢堡本身的調味蓋過了雞肉的味道😞對於這個串燒盛合，有點小失望☹️和牛壽喜燒(小): 牛肉份量偏小(可能因為我點既係小份？)牛肉亦算入口即溶，不過就不算太特別了🤔燒三文魚子三文魚腩: 三文魚腩幾嫩滑，三文魚子舖在魚腩面，一口魚一口魚子，味道不錯，依個好似期間限定的🤔今次試得太少款式了，意見未免不夠詳盡，希望下次試多啲款式再同大家分享🤗…查看更多

位於柴灣青年廣場12樓的咖啡店🤗第一次去，得兩個人，所以可以試的不多😌今天想吃點意粉，所以點了以下:白菌煙肉雞蛋汁意粉，德國香腸拼盤，白朱古力熱飲和朱古力咖啡☕️☕️意粉的蛋汁很香，但一個人食晒的話有點膩😜🙈德國腸肉汁豐富，我好鐘意食腸，所以覺得好正😍😍白朱古力熱飲很甜😂直情飲緊白朱古力落肚咁😂如果你本身鐘意食白朱古力，可能會好喜愛🤗🤗朱古力咖啡好香滑，我個人好喜歡👍🏻👍🏻依度環境光猛闊落，坐得好舒服嫁🌈🌈4樣野$250埋單，抵唔抵就見人見智啦🤗🤗餐廳仲有全日早餐、班尼狄蛋等選擇🤗🤗店員話佢地啲蛋糕係供應俾香格里拉的，下次會試下😜😜留意番:此食店晚上6點就關門嫁啦，小心摸門釘呀😜😜…查看更多