berries熊莓的個人專頁

11月有太多功課，測驗和project , 令到成個人好攰，好緊張 所以同朋友仔下午黎呢度差差電 好鐘意下午黎，因為靜啲舒服啲，下午必坐露天位，十分chill ~~ 上次一碟墨丸為飽左我地，今次揀開胃沙律  呢個沙律一啲都唔Hea , 入面全部都係蝦，仲要好多蝦 酸酸辣辣好好味，蝦質感爽脆，食得岀對烹調時間都好講究，成熟程度啱啱好，讚！🏻 我地每人Oder 一杯泰式 cocktailred-love $118 黑加侖子味比較搶，溝龍舌蘭酒 又幾好飲 yellow-sea star $118 有菠蘿味 好香甜 就算唔係好嗜酒既都唔抗拒️ indigo-challenge $118 青檸同金巴利汁令到成杯野好清新好泰國風味，好特別 完全感受到泰國風情🏼想試特別野 必嗌！…查看更多

之前黎過呢度食tea 覺得質素，味道都唔錯 好鐘意 所以經過有時間就再黎 今次叫左新菜式 青咖喱手打黑墨丸拼薄餅好少會見到青咖哩，更小見既係黑色墨丸 墨魚加墨汁打成既墨丸勁爽口好彈牙呀~~ 咬開左都係黑色架～唔會食到牙仔變黑 可以放心大淡咬 好有驚喜 岀乎意料地好足料，食得岀唔係坊間嗰啲溝左麵粉同其他既去既丸 而且仲食到有墨魚鮮味🏻🏻有8粒 青咖哩帶微辣 配薄餅一流 十分惹味薄餅既食法我試左點醬食同包住墨丸食 同樣都好味 我地2個食完其實都有啲飽，因為好實在又足料！！值得一試…查看更多

高街有好多好野食，聽聞呢度既ribs 岀哂名多肉，所以好想食！我地挑選了下午3點半的時間黎，呢度係無乜人，可以好靜咁同朋友傾下偈，品嚐食物，好好chill ar!!入到黎，裝修好有海軍船既味道。牆上有餐牌，吊燈亦好有格調。枱與枱之間既空位都好大，絕對舒服無壓逼感！對面就有一個啤酒櫃，呢度手工啤酒都好有名而且款式都好多，喜愛飲酒既朋友千其唔好錯過呀~頭盤叫左呢個蜆蜆肉好大，好有鮮味而且唔咸。加上烘到香脆既麵包點上底下既汁一齊食，好perfect !!走地雞雞皮好香脆同咸咸地，令我地咬左一啖就想再咬多啖既感覺，而雞殼內亦同時用上多種香油醃製，所以外內都好香，好入味！一定要試面旁邊既粟米都燒得好香甜，唔太重牛油味所以食起上黎無負擔，感覺唔油膩。到主角Rib, 真係好大塊，有粗身薯條襯托著。咬落去真係啖啖肉而且肉同骨都易分開，就算要斯文食既ladies 都唔怕食到好論盡啦 十分推薦點薯條既茄汁係偏酸，食前待應提醒過我地，原來係因為想開胃啲，令客人可以食到更多薯條，好有趣同好有心思！另外叫個黑松露意粉，記得意粉一定要襯熱食呀！好香黑松露味，意粉口感都好爽口，而且十分之大碟，好抵食！…查看更多

周二的晚上 我地黎食新開既fusion 放題6點半黎到，人唔算full ,但都有幾張枱既客人食緊野先觀察一下環境，發現呢度都好細，枱既數目不多，而且比較逼我地2個人就被安排到近收銀既一張枱坐，位置好細亦坐得唔舒服。呢度都有啲散叫既野食野飲櫃既野飲選擇好小唔飲汽水既朋友有茶飲甜品既選擇都好小，而且十分之普通，完全不吸引 打開餐牌發現呢度既野食選擇依然係唔多而且十分之普通蟹籽沙律都ok，中間無沙律醬反面更好味天婦羅方面，炸洋蔥好味，但係太多油炸雞軟骨都一般，多油而且碟底既紙真心覺得有啲Hea燒菠蘿係多汁，但其中有一塊食到肉味，應該係痴到爐既味蝦方面不過不失啦刺身係普通啲，但係三文魚都幾大塊希靈魚都好食最滿意係牛粒，好好味而且好香其實仲叫左好多野都無黎到，例如菇，牛舌等等。無又唔同客人講 ，呢方面希望可以改善下總結: 試一次就算，下次不會黎…查看更多

豆腐花呢啲咁傳既中式糖水係我地既最愛經過見到一豆花，於是試下佢！呢度雖然冇位坐，有張枱比你企係度食，好有風味～完來佢都幾多款式銀杏好多，仲有好多薏米，甜甜地，好有口感，感覺好QQ ，唔洗落糖同豆腐花好夾 ！食哂成碗都幾飽肚，好足料！真係必食之選另外淡奶就好香奶味，口感順滑。但食完銀杏再食淡奶會感覺銀杏豐富啲同好味啲下次會再食番銀杏…查看更多

炎炎夏日，想食越式野。喺附近做完野，就決定黎到呢度！呢間既裝修好特別，好有格調，感覺完全唔似食越式野。好喜歡呢度裝修，好舒服。我地下午2點左右黎，店內都好多人黎食lunch我地叫左 茄子好香，唔會太咸 。不過份量好小。攪碎既蝦肉好有質感，好有蝦既鮮味生牛肉粉 牛肉入口即融，好好味。可惜 粉方面麻麻地，無乜口感，有待改善香茅炒牛肉撈檬呢度檬粉同平時食既好唔同，而且特別碎，還是比較喜歡傳統的。但味道也不錯！價錢略貴，一個午餐每人大約花費百幾蚊，但是水準一般。…查看更多

抹茶控岀動啦！來自日本既 8b dolce 喺希慎有店啦！新岀既candy roll 樣子甜美，好吸引！熱愛抹茶既我當然要買黎試下啦由於我們唔太鐘意厚cream (一黎怕肥，二黎怕太膩) 所以candy roll 係我地首選！份量黎講係有啲細，相對價錢也是比較貴一條大約可切3舊一打開係密封包裝，就算喺街度拎住周圍'thing'都無散到全面cream 係好滑身，無乜空氣感，好實在好正，中間仲會食到紅豆添 好驚喜蛋糕濕潤唔乾，有入口即溶感覺!抹茶沒有苦澀感覺，但好有茶香，食完口腔有餘韻，回味無窮！ 值得一試…查看更多

每次到銅鑼灣，看到林林種種的餐廳，選擇困難症發作了，便來這裡吃個快餐，我對茶餐廳一直都是百吃不厭的，最喜歡吃常餐。今次試試新野！蕃茄牛肉通粉不過不失，蕃茄味挺濃的。之前吃過這裡的火腿蔥花炒蛋，今次一於試試煎雙蛋，蛋依舊嫩滑，但個人比較推薦炒蛋，蛋香較濃，而且很少茶餐廳炒蛋會加入蔥花的。牛油厚多士表面加了芝士粉一起烘，真的很香很邪惡，每次都想多吃一件！！蜜汁叉燒做得不錯，肥瘦適中。而且飯的份量很多，女生應該吃不完吧！焦糖午餐肉煎得不算脆口，但好吃的，最欣賞太陽蛋煎得剛剛好～價錢真的非一般茶餐廳定價，但這裡充滿懷舊時光的安靜氛圍，不會像其他茶餐廳般嘈雜。喜歡有特色的，多花點錢都覺值得啊！…查看更多

呢間泰式fusion 餐廳其實想食好耐，今日終於有時間黎啦！喺下午茶前15分鐘入席，幸好趕到入黎食中午。鮮蝦金針菇白汁寬麵意粉口感彈牙，有驚喜！醬汁配合得很好，好味且不膩雜菌炒金邊粉食前撈碟旁既辣椒粉同花生碎唔食得辣既朋友記得唔好撈咁多辣椒粉，真係會辣到噴火！整體上食左去除左辣辣地仲會食到甜甜地同酸酸地，味道層次十足！黎呢度當然唔小得叫呢個招牌單骨雞翼啦~食落去偏乾身，唔油，但係味道普通，並沒有非食不可的必要呀。飲品方面叫左泰式檸茶同奶茶檸茶係用青檸而冰係用茶冰，所以放耐左都茶味香濃，個人十分喜歡呢杯檸茶！消暑，解渴，又多特別！奶茶係用煉奶沖，口感厚身，味道令人飲到唔想停！原來呢間野飲都做得咁出色。原本想食cake ,但食完野已太飽，食唔落，唯有下次空肚食。…查看更多

炸雞啤酒已經係常識，但係呢間食炸雞既韓店就係用健康烤雞方式取代左多油既炸雞。我地喺星期日既下午3點黎到，呢度無乜人，坐得好舒服，而且地方又大透明玻璃窗加上外面既陽光，心情都好啲，影相都靚啲！裝修都好特別，好似置身於小木屋咁。枱面上放置食雞三寶 : 放骨既桶，手套，夾我地叫左new 既活火山烤雞食左2啖，真係feel 到佢辣得好過癮！愈食愈辣，但真係好好味。外面加上醬汁烤到好香，入面保留到雞肉既汁同嫩滑口感，正！溫馨提示：辣既程度都幾高仲叫左雞蛋卷，口感外軟內爽脆，但感覺普通。有配醬汁因為大塊關係，所以直接用手拎黎食。真係好方便，手套好好用！再黎2杯野飲有條鯊魚倒插左喺杯野度係幾得意 Shark Blood Rita $78，呢杯揀左無酒精，飲落去酸酸去，但其實味道普通另一杯叫左有酒精 Corona Rita $88呢杯味道唔錯！待應服務方面，按了幾次枱上既鐘都無人理，我坐嗰個位既area係一個待應都無，所以服務係差啲。 價格方面都略貴，而且無set ，如果有set 會好啲總結係雞是好味和可以試的！…查看更多

懷舊氣息燈飾很有味道配牆上的鏡 有一種古典美像街市雜貨店照雞蛋的燈小籠包最能夠代表上海吧 這個小籠包皮薄 入面充滿湯汁 配上黑醋 整個放在口中食 口感和味道也很豐富再來一份6個的紅油抄手 上面鋪滿了蒜蓉 底下是紅油 不會太辣 口感軟滑食不到辣的朋友也可以食 炸醬看似味道會得濃 但拌勻食是清淡的感覺到是沒有味精和過份的調味當然不可缺少豆沙窩餅這甜食 皮好香脆 餡料多而且不是死甜的那種 為這午餐劃上句號 …查看更多

在油麻地的彌敦道是車水馬龍的地方 但原來隱藏了一間寧靜而舒適的cafe悠閒地坐在玻璃窗旁用餐 可以和朋友來一個慢活的下午。點了一份豐富的全日早餐 有香草包、 辣肉腸、法蘭克福腸、黑松露醬炒蛋、香脆煙肉、茄汁豆 和 煙三文魚在一旁的小沙律淋上黑醋汁很開胃 肉類煎得香脆 只是炒蛋比較遜色一點喜歡吃包的我被迷倒了 決定要一試這可愛的小漢堡！ 漢堡扒真的不錯㖿！只是整個包食下去的時候偏乾薯條是香脆的 即使放涼了還是香脆無比~雞翼有4隻 炸得外面香脆內裏嫩滑 配上黑醋汁沙律 取得平衡 沒有油膩感而且開胃！雖然食物並不是全部也很美味 但也不錯在這個地段 這個價錢 已是物超所值的 而且每份下午茶餐也包一杯飲品或西湯…查看更多

一到週末，女孩子最喜愛的活動一定系血拚完再同好姐妹嘆個Tea，大聊特聊絕對係weekend最快樂的事，但邊個話食Tea一定要去酒店食甜品鬆餅架，今次我地就試試泰式下午茶，餐廳在海防道附近，九龍公園對面，位於中達大廈四樓，十分方便易找的。餐廳的裝修得美觀舒適，很有泰國風味，而且地方寬敞，感覺梳乎梳乎的，最岩姐妹們傾計聊天，這裡有露台的位置選擇，環境開掦，鐘意影靚相既我地緊係揀係露台開餐啦，都有冷氣架。Thai Jeng Tea Set $298x2三層高既TeaSet，材料超豐富頂層有脆卜卜春卷第二層有皮蛋蝦餅，炸蝦餅，魚餅和雞翼，當中蝦餅很讚，炸得剛剛好，每塊厚度差不多，而且蝦膠很彈牙，蝦味又濃。泰式魚餅也不錯，皮蛋蝦餅是第一次吃，外脆內軟的，皮蛋很Q彈，點埋個甜酸醬，可以平衡番油膩感。第三層分別有木瓜沙律，柚子沙律和泰式鳳瓜，三道都非常清新，酸酸甜甜帶點辣，推薦泰式鳳瓜，愈食愈開胃啊～～～仲有呢杯賣相精緻既泰式生蝦食泰菜必叫架！新鮮爽口，加埋秘製辣汁，食唔停口ღ(๑╯◡╰๑ღ)我地仲叫多左個爆炸蟹，有大量炸蒜茸，很香很惹味個蟹鉗多肉到～～真係啖啖肉啊～好彩蟹鉗有兩隻，我地一人一隻唔洗爭(´ε｀ )♡黎到甜品時間啦～很可愛的玫瑰花芒果糯米飯，要趁熱食，芒果夠晒甜，唔好睇佢細細杯，其實呢個份量真係好足夠，我地個肚已經食到脹卜卜椰汁西米糕每次食泰菜，最期待的甜品就是椰汁西米糕，椰汁加上西米很好吃，椰奶味好香！泰式千層糕煙煙韌韌的 ( ´･ᴗ･' ) ，兩款甜度都剛剛好，不會過甜而且好香班蘭葉味，多吃都不會膩。夏日必叫的椰青大大個，清甜又解喝，椰青水飲完可以將入面既椰肉一拼吃掉～～這裡的椰肉超厚的啊～～整體環境和食物都不錯，而且價錢合理，這個份量2個人會吃撐的！！厭倦了英式下午茶，可以試試這個泰式下午茶哦～泰式下午茶，逢星期六日 兩點至五時供應…查看更多

中村藤吉由The One 搬左黎美麗華，身為抹茶控既我地必定要去捧下場啦！其實對於中村的抹茶甜品，我地係覺得偏甜既 ，抹茶味較為清香，如果可以濃郁啲有回甘既味就好啦。就算之前去旅行喺宇治食過，都係覺得偏甜。反而野飲會有回甘既感覺。話雖如此，但岀新野都係想食既，又被吸引到了，這就是食貨吧！哈哈由於唔想太多人同排隊，所以選擇左平日既下午食，雖然都要等位但果然唔係好多人，好快就可以入坐啦！好開心~黎到緊係要試期間限定既2款甜品啦~呢款藤吉拼盤有焙茶，抹茶雪芳蛋糕、抹茶栗子cheese cake 、抹茶啫喱配紅豆白玉、抹茶，焙茶朱古力糖同埋抹茶焙茶軟雪糕。可以滿足哂樣樣都想試既朋友呀！雪芳蛋糕軟熟，帶有清香茶味。而新款既cheese cake 係成個盤之中最有香濃抹茶味既一個甜品！入面仲有大大粒既栗子，添加口感，真係好好味！輪到抹茶啫喱，依舊係無乜味，紅豆蓉又太甜....新款既糖，2款都好味但略甜軟雪糕也不錯，但焙茶味好香，蓋過了抹茶味。食完呢個盤，我地已經飽左haha但末完，仲有期間限定既丸十士多啤梨芭菲嘩！！完全無諗過士多啤利同抹茶可以咁夾架！:-D第一層就係餐廳特製既士多啤梨忌廉，忌廉下面就係又香又軟既抹茶雪芳蛋糕，就咁2者同食已經感到好幸福，再食落去原來仲有驚喜架！有抹茶雪糕同普通軟雪糕，由於無焙茶既關係，今次食到抹茶既香濃感覺，再加上入面既玄米脆添加口感，不錯呀！再食落去就有櫻花蓉、士多啤梨蓉、抹茶啫喱同埋大粒又新鮮香甜既士多啤梨！呢個芭菲真係好滿足食完再留意下環境，呢度依然有得買茶葉門口一入黎 依舊都係有日式既擺設其實呢度坐位都幾闊，枱與枱之間都有足夠既空間，坐得幾舒服！好寫意既一個品茶下午。…查看更多

天后係有好多好野食既地方，最近新開了一間食法式、美式fusion 菜既餐廳，最鐘意試新野既我地又黎搵食啦！睇下呢度菜式有幾特別先～餐廳外牆用上鮮豔既顏色，好搶眼呀~店側既牆身仲有藝術塗鴉。不過最吸引我地既係店外玻璃既2隻鬼鼠小熊，好可愛呀！！餐廳既裝修同擺設都係偏向懷舊同復古，而且仲有好多影相位，可以影靚相又可以用野。柔和燈光加埋闊落地方，坐係座食野同朋友傾偈都好舒服。另有一間獨立房，可以比一班人用膳、聚會或開小型party 。房內都係偏向舊式裝修，好有味道。呢度都有香港懷舊野飲紅豆冰的紅豆好多好大粒，唔會好甜而且上面仲配有雪糕球美綠恐龍有好多美綠粉鋪喺面，原來下面都跟左一個雪糕球冰柱係用咖啡雪既，所以就黎溶左都唔會令到杯咖啡變淡，好細心呀 ~頭盤叫左法國蠔$58 一隻，好大隻好新鮮，吱啲檸檬汁喺上面食口腔內滿佈鮮甜既蠔味，海水同蠔味適中，飲埋海水係perfect 既！炸雞翼就周圍都有，但呢度係用燕麥炸，就算我地放耐左都依然香脆，而且炸皮好薄。薯條係特別有薯仔味，一問之下原來係自製架！唔怪得知咁好味~Fish & Chip 就食得多，但係fish 係用魔鬼魚炸真係第一次食。魚有3塊，魚肉好嫩滑而且外皮帶咸香，不過要留意中間有塊魚軟骨，係可以食架，補鈣質之餘仲好好味呀~黎到重點部份，期待已久既鵝肝香蕉牛肉漢堡香噴噴咁上枱啦！! 好大份，見到鵝肝好大塊又厚、香蕉亦講究地燒過下、牛肉扒都好厚，整體十分有份量同足料！完全滿足到視覺既享受。不能辜負美食所以第一啖我地一啖咬落去，麵包烘到外脆內軟，唔會太乾; 鵝肝味好香濃，香蕉香甜而且額外令到整個口感好滑; 牛肉味反而比鵝肝搶左，但口感依舊食到，煎得生熟程度啱啱好。食完香濃鵝肝味仲逗留喺口腔內。仲有另一個食法，適合女士要保持儀態地享受份量十足既漢堡。 將麵包面+ 鵝肝+香蕉 一齊食 ，然後牛肉配下面麵包，蔬菜同芝士一齊食。咁樣食鵝肝味都吾會影響到牛肉味。必食甜品Tiramisu ,就黎食到好飽都仲食得落，除左我地有第2個胃放甜品之外，仲因為呢度既tiramisu 係好濃咖啡酒味，食落唔濟仲反而愈食愈想食，無平時食開嗰啲重芝士味好濟既感覺。食前要淋上餐廳秘製既咖啡酒服務方面:我地揀左逐碟上，餐廳上碟速度跟得上客人既節奏，可以令我地一碟一碟慢慢細心品嚐，食完下一碟就上枱。另外待應喺每上一道菜都會介紹一下菜式獨別之處，感受到佢地對菜式既了解同廚師煮食既用心。抵讚！ 價錢都係好抵食，1 set 鵝肝香蕉牛肉漢堡連野飲，湯／沙律，薯條 都係＄168 但係3人份量大的Burger而且大大塊鵝肝同牛肉是重點！！下次會再黎；） …查看更多