MsCookie的个人专页

深水埗文記車仔麵喺2017年11月入左米芝蓮，街頭小食車仔麵打入米芝蓮，價錢都算係平民價，我係一個晨早鐘意食早餐，半夜三更又鐘意食宵夜嘅人，我可以話俾大家知，文記半夜都要排隊架，因為真係好好食~店家嘅介紹係湯汁及辣醬，全部自家研製而成，我真係覺得湯頭好甜，有好多好多嘅餸揀，豬皮必點喇，瑞士雞翼又甜又多汁，豬大腸煙韌，花膠大塊，小花菇真係好入味，辣魷魚脆口香辣... ...麵底都有14款選擇，各有4-5款調味醬料同湯底~次次都忍唔住叫到好大碗好飽，未試過點都要試一試~…查看更多

市區開咗咁多間糯米糍舖，間間都話自己係長洲糯米糍，咁難得入到長洲，梗係要食長洲嘅糯米糍啦~其實一落船碼頭附近買糯米糍嘅舖頭係幾多選擇嘅，見呢間鋪頭嘅糯米糍排列得都幾整齊，覺得好吸引，就由呢間開始食啦~平記出名芒果糯米糍之外，榴槤糯米糍亦都係大受旅客歡迎。皮薄餡靚，夠大份，個姐姐又好笑，真係呢個TRIP 嘅好開始!食完糯米糍踩下單車先再搵地方食飯，因為我去果日係平日，平日理所當然梗係少人D 喇, 哈哈哈，一個好開心嘅假期~…查看更多

喺旺角同太子中間金魚街嘅街頭，民華餐廳每日由上午七點開到凌晨三點，所有時段都供應常餐。我就真係早餐，午餐，下午茶，晚餐同宵夜都食過啦~供應嘅食品就一樣啦，係早餐平少少38蚊，其他時段就46蚊。常餐分ABC三個部分選擇，A部分揀湯粉，我通常都會揀比較濃味嘅鮮茄湯跟火腿跟通粉~B部分就揀一個配菜同埋揀個蛋，就睇下你鍾意點樣食個蛋，有炒蛋，太陽蛋，全熟蛋都得。C部分呢就係睇你想唔想烘多士，定係冇烘過嘅方包。然後揀嘢飲，凍飲加三蚊。常餐其實好多人食過都知道好食㗎，但係特別真係需要推介呢就係西多士，又厚又脆熱辣辣食真係好好食!!…查看更多

因為有畫展，所以過左JCCAC 賽馬會創意藝術中心玩玩，中心其實是係香港首間由整幢廠廈活化而成的藝術村兼藝術中心。藝術村特別之處，是預留近四份之一的工作室，培育有潛質而剛起步的新晉藝術家。作為藝術中心，除了麻雀雖小但設施完善的「賽馬會黑盒劇場」外，圍繞中央庭園有兩層「藝廊」展覽廳、茶藝館、咖啡室、創意工藝店等，此外分佈各樓層還有不少特色的展示空間。咁睇完得咁有藝術嘅作品，就梗係要坐低，等心靈上消化下，個肚仔都要搵嘢消化下啦~入咗流金歲月嘅咖啡店小食拼盤 $68拼盤入面有兩隻雞翼，兩塊薯餅咖哩味，仲有兩隻炸蝦同埋蘿蔔波同一個炸雞肉環蘋果山楂花茶 $48 / 壺(抗氧化，健脾消積)坐位唔多，地方幾好坐，清清靜靜傾計幾好!…查看更多

旺角弼街附近真係好多野食，朋友話開左間蛋撻舖，去開附近試一試~個位置好易搵，係"酥妃皇后"，呢個部位之前轉過好多手，轉做蛋撻舖都幾好~呢度嘅蛋撻有好多選擇，可以放盒裝做禮品，送俾朋友幾好睇!原味酥皮蛋撻 $10本身其實係曲奇蛋撻嘅粉絲，但係朋友比較鍾意食酥皮，所以一齊過嚟試。全部款式嘅蛋撻都係放左室溫，即係唔熱㗎啦，涼涼地咁~個酥皮幾薄，香脆，同埋唔膩，其實唔錯，喺太子，十蚊一件蛋撻，賣相咁好，仲想點~…查看更多

而家行旺角，要喺登拉士街附近搵野食，選擇真係少左。比較少行入鎗街果邊，今日行左過果邊搵到好好食嘅薯條，仲要係好長好長嘅薯條~日本超長薯條配塔塔醬 $32店家有日本超長薯條同比利時薯條選擇，前者超長香脆口感綿密，後者正常長度更脆更香薯味~除左薯條有得揀，點醬都有好多選擇，車打芝士，黑松露蛋黃醬，塔塔醬都好吸引，今次先試塔塔醬。第一次食嘅時候覺得口感出面真係好少有，脆嘅薯條出面有，脆得黎綿密，啖啖薯香，真係一試愛上，大力推介!…查看更多

逸東酒店地下同地庫經過大裝修後，地庫變咗幾閒食肆，大部份都開咗，隨意行，見有刺身丼，$80咁上下有得食，都OK呀，試下嘛~因為接近LAST ORDER 時間，所以好多位揀，都幾好坐，已經諗緊多D黎搵野食~揀左：香蔥吞拿魚腩蓉丼 $78可以參考下張相，份量都幾OK 架，新鮮同味道都唔錯，慢慢食坐得又舒服。佢地嘅丼有生食（魚生，較貴）同熟食（牛肉、鰻魚等，較平）嘅選擇，已經考慮緊下次試一試個鰻魚飯，值得推介~…查看更多

過開黃金電腦商場買野，就食飽先搭車走喇，過左黃金電腦商場對面馬路，見有間細細間嘅Burger 舖，都有唔少選擇，試一試~佢有漢堡同意粉嘅選擇，入得Burger 舖就食Burger 喇~入到去見到有一幅牆貼滿POST-IT，全部寫滿滿意嘅食後感同支持語句，感覺幾WARM~揀左食巴馬火腿雞胸漢堡 $58 加$20 轉套餐有薯格同汽水有圖有真相，真係好大份，巴馬火腿咸香，雞胸厚肉，多汁(有少少BLUE CHEESE味，唔鐘意CHEESE 嘅朋友留意~)，薯格香脆。幾唔錯，好飽足，支持小店，加油~…查看更多

2個人夜媽媽想搵野食，太子一路行差唔多到旺角差館附近，朋友話想食飯飲少少酒精類，所以睇下酒吧有咩野食~行過一間麻辣米線，個肚仔真係餓，見到"Channel 3 Tapas Bar & Restaurant" ，Taspas 應該係細細碟，香口送酒小食類喇，又有少少主食選擇，就入坐喇~其實餐廳喺飲品選擇好多，我地點左一杯酒精類嘅Cocktail 同一杯 無酒精嘅Mocktail 2杯都好好飲，不過真係驚喜係食品：西班牙炒辣肉腸 $72龍蝦汁大蝦海鮮闊條麵 $148香濃蝦汁味配闊條麵好好食，已經意外，送酒嘅辣香腸又係好食，啱啱好，係會再ENCORE 嘅餐廳，會推介俾朋友~!提一提，個小食粟米片配沙律醬，係會一路幫你添架，開心~…查看更多

太子砵蘭街附近搵野食，西餐mood，今次入CafeParadise 食Lunch~午餐包括餐湯，主食同飲品。入座後，店員嘅服務親切，餐廳一路播住宗教嘅歌，好快揀左食意大利飯~香煎帶子比目魚龍蝦汁燴意大利飯 $72餐湯先上，今日係忌廉蘑菇湯，正常地OK 嘅~香煎帶子比目魚龍蝦汁燴意大利飯上枱，有樸鼻嘅魚香，煎帶子同比目魚都處理得唔錯，個燴意大利飯飯底就有少少唔似意大利飯嘅口感，感覺似普通飯，唔係我鐘意嘅口感，不錯整體用餐感覺舒服，再黎可以試其他食品.…查看更多

之前都有經過"喜來稀肉 "，因為佢喺地庫，懶行樓梯就無落去。今日真係燒肉mood，周圍搵食見時間已經唔早，快D快D 決定食邊間，打開門口嘅餐牌見有2人餐$420，可以喇，試一試~見餐牌張相嘅感覺份量有D少，驚驚地唔夠飽，朋友話食左先算，唔夠飽請我食甜品，呵呵呵，落樓吧~比想像中更多級樓，腳軟~落到去，暗暗地，有姐姐帶位，限時90分鐘!招牌話 "韓式燒烤店，招牌菜為護心肉，即豬橫隔膜和肝之間的筋肉，鮮嫩味濃"，咁點個一只豬套餐~座位可以打開收放袋子及衣物，有紙巾同濕紙巾隨便用。跟餐有2個飲品，韓國啤酒唔使加錢，啤啤佢~一只豬嘅肉用一塊砧板嘅木板上，跟返部位有6-8個部位嘅豬肉/內臟，跟8粒飯飯波~食後感，因為原因餐廳會有蛋汁倒落爐邊，可以無限添，夾肉嘅生菜同前菜都係可以無限添，係最終2個人都食到好飽飽，餐飯食得輕鬆愉快，盛惠$420加一，值得一試~…查看更多

早2年D雞蛋仔舖開到周圍都係，又倒果醬，又放雪糕，而家剩落黎就係真係有實力架喇~北角區，其實係比較近砲台山地鐵站，上左地面上行人天橋，一落天橋就見到福元街嘅雞蛋仔舖喇~蛋香烘焙嘅雞蛋仔有好多味道選擇，我係鐘情原味嘅，稍等5-8分鐘就有喇，老闆娘好好笑口，接過剛出爐嘅雞蛋仔，熱辣辣，撲鼻嘅蛋香(哈哈哈，蛋香烘焙呢個名改得好) ，入口好脆好脆，入面剛好半滿，呢個真係要講講，半滿先係脆嘅皇道，我見D 人話唔滿，要滿點解唔食蛋糕呢??半滿先脆嘛~必試!!…查看更多

落雨最好行商場，唔使開遮，今日過左朗豪坊買野加 HEA行，行到攰同餓想搵地方坐底食個lunch，4樓D 餐廳又全部要等位。咁我就落左去地下個層馬沙嘅M&S CAFE。我到嘅時間啱啱係午餐同下午茶都有，下午茶就CAKE 加飲品，未食LUNCH 唔夠飽~我點左個午餐，有餐湯同主食，湯就揀左蘑菇湯，主食係洋蔥汁英式豬肉香腸伴薯蓉，盛惠$88.餐湯方面磨菇湯很香濃，仲有細細粒蘑菇蓉，味道不錯~ 洋蔥汁英式豬肉香腸伴薯蓉就足量足，薯蓉滑，豬肉香腸有D咸，整體上OK GE~勝在PEAK HOUR 都有個舒服位置坐下，已經值得介紹下~…查看更多

雨毛毛咁，無胃口，搵野食都難D... 行過一間專賣船麵嘅泰國舖，午餐餐牌都幾吸引，主食加小食加飲品，$60 有找~ 試下先!午市套餐，揀左海南雞跟油飯，串燒豬2串，凍泰式奶茶(凍飲唔使加錢, 特飲加$5-$8)海南雞份量好足，已經起哂骨，皮厚(減肥都要食皮，唔好鬧我~~)，肉滑，驚喜地覺得，都拍得住海南雞飯專門店~油飯香口而不油膩，一大碗，男孩子都夠飽，我可以分2餐食(哈哈哈)串燒豬就正常地OK 喇，午餐多個小食食下，開心囉~杯奶茶都OK，茶記奶茶咁囉，係OK 好飲嘅~…查看更多

本人非常鐘意飲珍珠奶茶之類嘅茶飲，見到有就會試，試過九龍區9成半嘅奶茶舖品牌，覺得小茶堂嘅茶飲真係相當出色。佢雖然唔係大公司大牌子，但係出品質素相當高，亦都不時見佢地推出新產品，我大大話話都試過6~8款，已經好有信心，不過見旺角奶茶店競爭太激烈，好茶店真係要寫食評支時下。有時見佢地無人排隊，但係果D淨冰都佔2/3杯果D茶舖有人等，真係恨不得拉大隊黎小茶堂幫襯!!黑糖珍珠唔使介紹喇，大家知好正架喇!佢地嘅烏龍茶底真係無得輸，滿口茶香!小山圓抹茶拿捏得非常好，濃而不澀!芝士奶蓋，之前張POSTER 寫加左10% 嘅parmesan cheese 入去，又濃又滑，比專賣奶蓋嘅茶店來得更好!今次試左芝士奶蓋木瓜鮮奶，木瓜本身夠甜，飲落香滑之餘再有木瓜粒粒嘅口感，淨木瓜鮮奶飲，加左芝士奶蓋都好爽，推介!!!…查看更多