Ckw_509的个人专页

行過諗住買個外賣 諗住要一份酸甜齋個收銀阿姐聽錯咗 收咗我57蚊之後到我再問佢 佢話你呢度一盒囉 咪57蚊囉我話我要一份喎 佢就成棚人好似覺得我好似嚟踩場咁：咁點吖咁你係咪唔要吖 唔要咪換囉幫你😅😅😅姐係你啲員工聽錯 收錯我錢仲要咁嘅態度以後冇下次 好似自己搞錯仲要聲大夾惡覺得你玩嘢咁如果你搞錯應該好聲氣啲同我換過份啦 而唔係咁樣講嘢囉 打開門咁樣做生意 難怪愈嚟愈冷清希望行過買外賣唔好畀佢個15蚊份呃到最後都係會剪咗57蚊畀你…查看更多

💥100%真實食評💥分幾part簡單講　環境🗺算係寬敞 兩個人食都可以坐到卡位 因為閒日食可能唔爆人 定唔知間嘢質素真係差到爆唔到人🥲　另外有樣嘢係個冷氣好細 朋友一度食基本上係滿頭大汗咁/服務🤵🏻其實食得放題都知唔會食服務 其實本身都唔太care 只要唔太惡劣就好入座個陣 應該有位先生 我估係經理 態度囂張之餘 同佢對資料話book咗7點 佢：「我哋無7點book架喎」我第一次嚟食 都係你同事幫我book 咁我點知無7點book.....在場有位姐姐係幾好禮貌同有心 其他就正常咁啦/食物🍎　首先，兩個人一人嗌咗個湯底 一個椰青🥥一個係壽喜燒🥘食得呢種日式放題就唔可以同台式個種注重湯底嘅比 但佢哋個湯底質素真係我食過咁多間最差💥一間 基本上你只要有水同豉油就可以做到佢哋個「湯」 如果幾百蚊個人 連湯底都係水 真係唔洗做生意 呢間嘅湯底係直頭用「恐怖」嚟形容 唔講以為自己中咗肺炎先咁樣😅　其次，火鍋配料 牛肉🐮好一般 但都叫食得過 其他嘢就正常啦 咩火鍋丸個啲 主要係啲菜真係好黃好黑 好唔新鮮🥲拎完都唔想食刺身方面，佢哋都有玩日式放題個種 好多款 諗住試少少咁叫 嚟到個樣真係好醜樣同埋好孤寒 完全唔知自己食咗乜🥲好似食咗幾舊凍嘅泥膠咁之後就係炸物燒物🍤🍢其實大多都係正常 但個芝麻雞翼真係好難食 凍之餘仲要無味 放題裡面最basic嘅都唔識整得好食真係好扣分　最後甜品 呢間嘢話自己甜品係強項嚟 所以都叫哂差唔多咁多款試 大部分都正常 又未到好驚豔囉😅基本上全部都係現成貨咁 但食得到已經當贏咗🥲/總括嚟講 呢間嘢款係好多 設備都好好 但好多嘢都做唔到幾百蚊一位嘅水平 與其做咁多款嘢出嚟 不如專心做好個湯底同配料先 至少係呢度會挽回唔少分數囉...　228加埋一 兩個人食咗5舊水 真係覺得冇下次 直頭係入黑名單😅😅😅…查看更多