minihkg的個人專頁

【銅鑼灣CARVER三道菜Lunch Set｜精緻又超值🥩✨】 平日下午同朋友去咗銅鑼灣CARVER，見到自設熟成櫃已經感覺專業滿分。三道菜Lunch Set每位$275，就食到酒店級數嘅質素，真心抵食！😍 前菜有意式蕃茄蘑菇湯，湯底濃郁香滑、蘑菇味突出，配上脆卜卜烤麵包粒，暖胃又有口感🍅。燒椰菜花鷹咀豆沙律亦好出色，椰菜花微焦帶甜，配藜麥同紅洋蔥，清新之餘層次感豐富🥗。 主菜推介香烤加拿大豬扒，厚身嫩滑，黑松露薯蓉幼滑香氣逼人，蘋果燒汁微酸微甜，啱啱好解膩🍖。紅酒燴牛腩燴到軟腍入味，配綿滑薯蓉，滿滿comfort food感覺💯。 甜品都有心思：桂花焙香奶凍清香淡雅，配桂花啫喱與泡沫，再嚟粒Q彈麻糬；水蜜桃乳酪慕絲賣相靚到似藝術品，配水蜜桃果凍、無花果同酥皮，甜度剛好，清新誘人🍮🍑。由擺盤到味道都見心機，服務亦非常專業，值回票價！😋…查看更多

Airside冬柏韓燒店嘅雅韻釜山饗宴 $688 夠晒2個人以上去食，有齊豬牛雞海鮮好豐富！五花肉油脂分佈均勻，燒起來香脆可口；而黑毛豬梅花肉就肉質都好淋，食落彈牙又juicy。叫埋生菜包，完美平衡咗油膩感！和牛牛五花油花分佈細膩，燒到微微焦香，入口軟嫩到不得了。牛小排就肉味濃郁，帶點嚼勁。蘋果梨汁雞肉嫩滑多汁，帶有淡淡嘅果香同甜味，食落清新又唔單調。大八爪魚燒到外層微脆，內裏保持鮮嫩，簡單調味已經夠突出海鮮嘅鮮味。跟餐嘅大醬湯有燉牛肋條軟腍入味，蜆同蔬菜加添咗湯嘅鮮甜。石頭鍋飯就另外叫，但已經飽到食唔落咁濟，眼闊肚窄嘅後果🤣甜品方面，烤香蕉配朱古力肉桂粉同芝士蛋糕配雪糕都係唔錯嘅選擇。…查看更多

貊炙牛盛合包括和牛肋眼上蓋、和牛牛肋肉、極上牛小排、和牛外裙肉同稀少和牛三筋肉。每一款肉質都經過精心熟成，入口嫩滑多汁，油脂分佈恰到好處，燒烤時香氣四溢，尤其是和牛肋眼上蓋，充滿油分☺️最新推出嘅水芹菜熟成牛肋骨，原條上勁澎湃！店員會細心幫忙處理及燒烤，牛肋骨軟腍入味，由於係近骨部位，牛肉味好濃！記得叫埋韓國生菜包同自家製大醬，清新嘅生菜同濃香大醬完美中和燒肉嘅油膩感。🙂‍↕️主食推介1++韓牛生牛肉石鍋飯，飯粒吸收咗牛肉鮮味同泡菜香辣，飯焦香脆。飲品試咗青瓜青檸梳打同西柚乳酸梳打，清新解膩，前者帶淡淡青瓜清香，後者酸甜平衡。…查看更多

頭盤海膽生牛肉，新鮮嘅海膽配埋生牛肉，上面仲放咗脆卜卜嘅紫菜天婦羅，口感豐富，充分感受到肉同海鮮嘅鮮甜！🤤炸泡菜海鮮卷外皮炸得金黃酥脆，入面仲夾住蝦魷魚等海鮮，酸辣開胃，配埋酒就最啱！☺️原顆泡菜黑毛豬五花肉鍋絕對係重頭戲，足3-4人份嘅五花肉鍋配泡菜炒飯，香辣惹味，經店員處理並翻炒後，一層肉一層肥膏包埋生菜包一齊食好滿足😳See You 以韓國燒酒做嘅cocktail，易入口，帶清新果香味The Night Begins 用SEOUL NIGHT SOJU，整體幾fresh…查看更多

講到呢間燈籠滷味地道台灣菜，而家仲出咗一人火鍋套餐，以不同台式風味鍋底做主膽☺️豐盛一人鍋 $98麻辣鴨血鍋：有台灣直送，夜市風味嘅鴨血、甜不辣、麻吉燒、百頁豆腐、白蘿蔔、大豆皮、冬粉等，跟送一杯嘢飲。湯底味道正宗帶有藥材香，辣度介乎小辣至中辣🙂‍↕️一人成團餐 $118叫咗招牌滷味「台灣至尊」、雞翅膀、豆腐、鳥蛋、大豆皮、空心菜配冬粉，份量超巨！味道香濃豐富，索晒汁嘅豆皮豆腐同冬粉真係令人回味無窮🤤小食都唔錯，有我最喜愛嘅黃金甜不辣拼起司麻薯，酥脆煙韌嘅口感令我諗超喺台灣行夜市嘅感覺😳…查看更多

Southside韓燒餐廳山洞食堂，有好多款來自韓國嘅食材🤓宮牛盛係一個和牛拼盤，有肋眼上蓋、牛肋肉、牛小排、外裙肉同三筋肉，每款肉質都各有特色。肋眼上蓋油花分佈均勻，牛小排嫩滑多汁，外裙肉就特別香！個三筋肉都幾特別，軟嫩有嚼勁。慶洲黑毛豬梅肉都唔錯，配埋佢哋嘅柚子醬食更添風味！濟洲活鰻魚可以交由店員幫手燒，肉質軟Q有彈性，加埋鰻魚汁就啱啱好。奶油肉醬年糕軟糯有嚼勁，個奶油肉醬香濃惹味！最後個韓牛泡菜炒飯幾地道，口味偏辣，和牛粒都幾多仲有出色嘅有飯焦香！…查看更多

入冬了，去湊湊打邊爐就啱啦，最鍾意佢哋嘅湯底同自助吧有前菜(麻辣魚皮，地瓜球)同水果任食。而今年聖誕節都好多搞作，升級嘅花膠雞鍋以及新湯底蟹粉鍋！如果包間訂座仲會送埋鴨血，食唔晒仲可以帶返屋企食🥰紅顏花膠雞拼麻辣鍋，呢個組合係我嘅至愛，花膠雞鍋濃厚而飽含膠質嘅程度十分滋補😳節日限定肉肉聖誕樹一定要叫，牛肉份量頗多，足夠3-4人食，而且都幾打卡able，頂級美國牛小排油脂分布再明顯啲🙂‍↕️海鮮方面則叫咗新鮮活撈蚵仔，好多隻而且都幾大粒，淥完都唔會縮🦪而其他配料亦有黑松露蝦滑、可愛企鵝丸、四川小酥肉、萵筍，丸類爽彈高質，炸過嘅酥肉可以就咁食，或者淥幾秒又得最近新出嘅貴妃烏龍珍珠奶茶，比起一般烏龍奶茶多了一分獨有嘅香氣及炭焙味，建議叫半糖就夠😀…查看更多

韓式cafe Terrace in seaside開到去時代廣場🥹最好嘅係佢哋經常轉menu，而家就做緊香印提子主題🙂‍↕️明太子蟹肉飯卷，蟹肉夾埋明太子醬鹹香夠晒味！啖啖蟹肉千層麵都幾吸引，層疊嘅意粉好香濃蕃茄肉醬，加上蟹肉，食落幾過癮！🙂‍↕️韓式奶油排骨鍋少辣嘅，辣度啱啱好，唔會蓋過個奶油香。排骨軟嫩多汁，配料有年糕粉絲蘿蔔等主角係甜品同飲品！芬芳香印提子窩夫，窩夫熱辣辣配埋新鮮嘅2款提子及奶油，甜度啱啱好。飲品方面，香印提子奶蓋綠茶同濟州柑乳酸梳打都幾特別，打卡able。…查看更多

屯市內嘅精品燒肉店：燒肉焰。環境服務都相當好，尤其店員會主動幫忙做燒肉服務，等每一片肉都能夠在最佳狀態下食肉🥰佢哋既原條檸檬牛舌相當出色，煎得好香,充滿著濃郁嘅牛肉香氣,又特別軟滑。另外做咗2種燒法，分別係厚切與牛舌粒，能夠食到2種唔同口感😀醬漬原條封門柳店員幫忙燒至5-6成熟左右，而且會細心地分肉，封門柳肉質比較淋而且帶甜味，只能說店員對火喉嘅控制一流👍🏻極上精品盛盒,入面有唔同部位嘅和牛,例如一口牛、牛肋肉、牛小排,仲有牛舌同牛肩肉。牛肉肉質唔錯，有唔同嘅搭配例如鹽燒/汁燒。和牛壽司都好吸睛，會喺你面前做炙燒嘅動作，能夠睇住和牛喺燒嘅過程中釋放出嘅油份，真係會增加你嘅食慾🤤…查看更多

中上環區嘅新派點心，「飲茶」行高級路線，晚市亦都有好多招牌小菜，開咗壺其他點心店好少有嘅白桃烏龍🥹睇住流奶：最多人叫嘅流沙包，造型可愛而且勁流心，奶黃幾香滑而且有沙沙嘅口感😍筍尖鮮蝦餃：皮薄而且蝦肉大粒；另外當然仲有櫻花蝦燒賣，燒賣本身綠色皮，蝦同豬肉比例混和得好好食得出爽彈，加上櫻花蝦味道多了一分鮮香味👍🏻小菜方面叫咗脆皮妙齡鴿以及蜜餞黑椒牛仔骨，都係幾有水準嘅小菜，牛仔骨肉質淋，痴住骨嘅肉特別香，黑椒汁亦好襯配角嘅薯角☺️最後芒果布甸埋尾，中上環區黎講價錢幾公道高質…查看更多

Bistrot set for 2，晚市雙人套餐500頭就有交易，而且係優質法國菜餐廳，跟咗湯同麵包、前菜、2個主菜以及甜品！🥹前菜5選1，叫咗巴斯克甜椒煮蜆，醬汁帶一點酸甜幾開胃，蜆都唔會有乜沙主菜可以7選2，其中盲槽魚海鮮鍋幾值得一試，係法國傳統食物之一，以海鮮濃湯汁做base再加咗蜆、青口等海鮮，而盲槽魚煎得啱啱好肉質嫩滑魚皮仲帶些少脆☺️甜品Crepe Suzette 火焰橙酒可麗餅十分有驚喜，橙酒會喺你面前點火淋落去，mix埋雪糕一齊食甜苦味道，大人嘅口味😍…查看更多

柞木炭家新和牛牛舌系列，仲有飲品送。蔥蒜牛舌係令人驚喜，滿滿嘅蔥蒜同埋切成長形嘅牛舌捲埋黎食好有口感，蒜頭嘅辛辣味非常刺激過癮，中意嘅會好中意，唔中意嘅人應該較難接受🤣厚切牛舌拼挑骨雞翼，店員會幫忙燒肉，只需講低你要求熟度就ok，另一款燉牛舌更係抵食之選，$65一大鍋用大醬調味嘅牛舌蘿蔔等😀韓牛肉眼目測足足有成300g以上，非常厚而且油脂好靚，店員燒得好有技巧唔會浪費咗塊肉，價錢雖然貴啲但值得🥹生蠔牛肉石頭飯有3大隻蠔，調味相對輕手但飯之中亦有牛肉粒拌埋一齊食舞動喵oreo牛奶布甸好睇好玩好食，布甸質感好動L，而且俾咗勁多oreo碎😍…查看更多

圍方呢間木槿Galbi Gung燒肉店以包箱為主，私隱度高，而且由坐低到食完都完全冇油煙味，抵讚🫡棉花糖木槿花和牛壽喜燒 $1985片和牛砌成木槿花，店員全程會幫手煮呢個棉花糖壽喜燒鍋，見住棉花糖慢慢溶嘅過程好治癒，和牛煮完可以沾埋蛋漿一齊食更加滑嫩🥹最上等牛肋骨 $388原條嘅牛肋骨咁上嚟相當吸睛，原條夾起可能有成30cm長(目測)😳牛肋骨油脂好靚好均勻，肉質軟淋5成熟啱啱好👍🏻和牛牛舌 $178有鹽燒同蔥蒜2種口味選擇，牛舌薄切帶有些少彈性，簡單用鹽同檸檬汁調味已足夠1++韓牛生牛肉石鍋飯 $188最後黎多個石鍋飯，牛肉份量唔少，店員會趁熱幫你撈好，撈完千祈唔好急住食，可以再等一等飯焦形成再食🥰…查看更多

最近去咗大埔一間韓式炸雞快餐店chimac，環境好明亮乾淨，叫咗一個餐，裡面有6件甜辣醬韓式炸雞腿肉、2串魚糕串同韓式泡菜炒飯，仲有嘢飲tim，夠晒2個人食炸雞就一定要講下佢哋嘅甜辣醬韓式炸雞腿肉。我可以話係一絕！炸雞肉外脆內嫩，甜辣醬係佢哋嘅招牌醬汁，酸甜辣香，好開胃！停唔到咁食，越食越上癮。👍🏻魚糕串有2串，煮過後簡單調味唔會重，彈牙好食，有韓國地道風味feel。🥰經典嘅韓國菜式韓式泡菜炒飯，仲加咗紫菜，米粒鬆散，配上酸辣爽口嘅韓式泡菜，味道豐富而且有層次。平靚正就解決到一餐韓國風味嘅快餐真係唔錯，佢哋嘅炸雞味道多元，下次會想試吓其他味如芝士、蒜辣等🥹…查看更多

奥海城新分店環境好新淨闊落，大多以卡位為主😀蟹肉海膽三文魚子盛 50%off 折後$94大大個蟹蓋舖滿咗蟹肉、鮮甜嘅海膽同咸香嘅三文魚子以及拖羅蓉，好食又啱晒打卡一流😍香煎鵝肝配米紙黑醋 50%off 折後$34鍾意食鵝肝嘅朋友，絕對唔可以錯過，平平哋就可以過下口癮👍🏻12貫炙燒壽司御膳 $238晚市都有跟餐茶碗蒸、湯、沙律，壽司亦有海膽三文魚子，以及火炙左口魚邊，火炙拖羅等，比平時嘅壽司盛盒都平唔少🤤本鮪(吞拿魚)三色丼 $168有2片赤身、2片中拖羅以及拖羅蓉，同樣都有跟湯同沙律，唔錯😀巨峰提子燒酎梳打 30%off最後連酒水都有折，可以留意下…查看更多