milk_1987的个人专页

早二日預約左今日攞蛋糕，去到個職員搵唔到我果個，然後佢帶住手套去摷垃圾桶d單😑⋯ 最後喺雪櫃度攞咗一個疑似屬於其他人嘅蛋糕俾我（懷疑佢將原本我嗰個俾咗其他人），再戴住對摷個垃圾嘅手套打開個蛋糕俾我睇🥴雖然個垃圾筒裏面應該唔會有好污糟嘅垃圾，但對於處理食物嘅員工嚟講，可唔可以有番少少衛生意識？喺客前面都咁樣，喺背後唔知會點⋯…查看更多

同屋企人黎西貢 Staycation, 因為長輩鍾意食海鮮，所以想搵間好食又唔太貴嘅餐廳。偶然行過永和海鮮酒家，上OpenRice check一check，見評價都正面，一於就食呢一間。自己買咗條魚、蝦同扇貝，另外就嗌多兩個小菜同一個老火湯。上菜非常迅速：條魚蒸得啱啱好，扇貝夠味，蝦就白灼冇乜嘢好講；小菜炒得幾有鑊氣；送嘅綠豆沙有加臭草煲，連長輩都讚好👍另外值得一提嘅係，呢度啲員工非常有禮貌，會主動幫手，唔似得海鮮街嗰邊某啲舖頭咁黑口爛面。我哋食到咁上下，出面傾盆大雨，員工叫我哋慢慢食唔使急，可以坐幾耐都得。埋單4個人唔駛$800，加埋$380海鮮錢，西貢物價算係咁。順帶一提，見到隔籬枱嗌團餐，龍蝦伊麵超大碟，條魚都好似好大好新鮮咁，唔想自己買海鮮嘅都可以試吓佢。…查看更多

之前睇雜誌Facebook推介屯門小食，其中一間係成日行過但冇食過既廚屋，於是幫襯左第一次，黑松露醬配生炸雞髀$26/3隻，大件夾抵食， 肉質鮮嫩多汁，CP值高👍🏻除咗小食，呢間鋪仲有set lunch, set dinner，下次可以試下⋯P.S. 前個月幫襯左一次，今日去幫襯，老闆娘仲記得我，真係好好記性啊！😂偽環保小先鋒仲自己帶咗食物盒去裝雞髀，老闆娘好心提醒我要盡快食，因為焗住雞髀就冇禁好食架啦🍗🍗🍗…查看更多