BBW0323's Profile

嗰日同2個friend喺銅鑼灣行完街，估唔到有間咁就腳嘅韓國嘢，仲要超級好服務，質素好，環境夠晒chill，好值得一試！喺正 FashionWalk食街第一間，超易搵海膽生牛肉飯卷，真心一入口就係味蕾大爆炸！估唔到個texture係可以夾到咁，再加埋面頭嘅魚子醬，有點震撼嗌左佢招牌烤1+++韓牛，食左第一嚿就知道點解佢係招牌，知道點解一定要叫佢煮前會俾你打下卡，睇下啲雪花幾均勻一入口，配埋去捲住嘅衝，真心入口即熔，同埋油脂感超balanced! 鍾意食鵝肝嘅，一定會試呢一個鵝肝石頭鍋飯，不過店員都有介紹話係秋季嘅食物，所以見到想食就記住即刻去食啦，唔係佢地有機會出新菜單㗎成韓國嘢唔少得有煎餅，呢一個黑松露薯仔芝士流心煎餅，同平時食開薄嘅煎餅唔同，佢中間夾咗層芝士，覺得成件事都好似昇華咗咁樣。口感超好，仲要面頭嘅薯仔煎到好脆另外仲叫左45日 dry-age 牛扒，估唔到食韓國嘢都識到呢啲質素，個面煎得好香脆，配埋dry age 左嘅肉味，鐘意食牛嘅一定要叫有friend唔飲凍嘢無嗌嘢飲，我同另一個fd一人叫左一杯，See You 同 Peach Wonder 都係好易入口又唔會好重酒味嘅cocktail…Read More

喺鰂魚涌返工嘅我，日日都要諗lunch食乜。幾推介呢間可以take a away又可以堂食嘅小店，因為佢嘅Offerings健康得黎，價錢okay, 同埋都幾大份，一定夠飽雖然小店一間，但係環境都幾chill，同埋成日都唔記得帶印花卡嘅我，可以黐張卡佢哋牆上邊，咁就一定唔會唔記得帶儲夠當然可以換咖啡啦~非常推介佢哋新出嘅豆腐花latte，唔太甜，但係有豆腐花嘅香味，亦有咖啡味，一開始覺得呢個配搭幾奇怪，但係試落去真係好味，仲要買兩杯會抵啲，所以記住同Friend一齊嚟試！佢哋新出個韓式一口牛蒟蒻飯，真係好surprise ！估唔到蒟蒻飯食落同白飯差唔多，但係當然健康好多倍啦。最重要係食完之後真係會好飽肚，啱晒平時要keep fit又鍾意食好嘢嘅我另外我個friend嗌咗橙味嘅Americano ，甜甜酸酸嘅橙味配上啲咖啡，都幾唔錯。想講我個friend話諗住唔食咁多，所以冇嗌飯，嗌咗沙律，但係其實佢哋嘅份量都好足啲沙律菜全部都好fresh…Read More

喺鰂魚涌放工，附近真係幾多選擇，今次想食燒肉，黎到喺北角滙嘅哩間，都幾就腳食韓國嘢唔少得有勁多碟小菜，任添的咩都想試下，所以嗌左牛五花芝士燒，煙肉大蝦同埋西班牙熟成豬當然唔少得個石頭鍋飯，都幾大碗，我地2人真係食唔晒，仲打包左一半第日食睇下啲飯撈完幾大碗！牛五花燒完後夾住入面嘅芝士熔晒，係正嘅哩個薯仔煎餅不得了，煎得好脆，仲夾左好多碎薯，個人認為唔點醬同點醬也可試試，都唔錯蝦都幾大隻，襯埋泡菜食，別有一番風味另外佢地都會refill per your request for 爐邊嘅 cheese corn 同埋Kimchi蛋啲芝士粟米仲可以用黎撈其他嘢一齊食，好正㗎So far 覺得2人食的話可以唔洗叫太多，因為佢啲份量都好夠 haha 我覺得叫少1-2樣都一定夠晒飽…Read More

今日等佢喺大埔打完波話要去打邊爐，搵到呢一間。整體坐得舒服，份量又足，食物質素好！全間都整到金碧輝煌咁，好似幾有儀式感，所以就嚟試吓極度推介呢個花膠雞湯底，佢就算之後加湯嘅湯全部都係雞湯超濃見佢都有好多花膠，係幾足料嘅！一開始嚟到會叫你先飲咗湯，之後先落雞。不過重口味嘅我覺得可以飲到一半之後再加啲雞，咁個湯就會更有味，好好食嗰間本身係全熟狀態，不過都係建議可以再浸多一陣，熱熱地食先好食㗎嘛打邊爐不少得竹蔗茅根仲要係自家製的。如果兩個人食嘅話，叫個細嘅牛肉拼盤就夠晒了拼盤有本地手切吊龍同牛頸脊，澳洲和牛金錢展，美國雪花肥牛，牛肉粒同牛舌可以一次過試晒唔同款式 surprise到嘅竟然係牛肉粒都唔會韌！即炸響鈴好脆手打黑松露墨魚滑，真係幾有黑松露味手打鮮牛丸都好彈牙！打邊爐都不少得一定要叫菜，哩度啲菜都洗得好乾淨又靚…Read More

第一次試Rosewood嘅afternoon tea set。嚟之前都睇咗好多評語，有好有差。over我覺得就算冇好似以前咁有得refill甜品，成個set都會食到你好飽，所以其實唔需要有refill嘅存在我覺得😆By the way 佢啲飲品係可以免費refill，試咗佢嗰個特濃朱古力，真係好正，好值得推介。今次嘅主題係Spring，所以啲味道全部都係好Refreshing嘅。 今次食嘅finger sandwitch，係我食過咁多afternoon set 入邊最好食嘅一款。Pre-dessert 係一個勁 fresh 嘅 Strawberry 雪葩，仲有啲酒香🥹仲有個 Cherry 疏乎厘，印左Butterfly room signature 嘅B字，靚到真係唔想食🥹到重頭戲 dessert, 唔好睇佢得4件，其實食左前面咁多款都幾飽😆最highlight 係佢個 Mille Feuille，真係超鬆化，啲 cream又整得好 smooth ✨另外粉紅色嗰件係好鬆化，個餡有士多啤梨醬嘅蛋糕。Honey嗰一件個蜂巢同埋餅都好鬆脆，配埋啲cream超正🥹最一般般係杏仁味嘅酥餅，好重杏仁味，因為我麻麻杏仁😆不過都好鬆脆嘅。另外dessert 配有一人各2個嘅 scone, 一款原味，一款朱古力。試過太多次嘅 afternoon tea 啲 scone 唔係熱嘅，哩度嘅係暖嘅，真係超好味。另外朱古力味嘅雖然唔係正常嘅scone texture, 不過係好軟熟嘅牛奶麵包咁，仲有啲朱古力chips, very good! 最後就係有哩個朱古力 cart🍫🍪可以揀6款，不過佢見我地 celebrate anniversary，所以送多2件俾我地🥹😗個Madeleine cake 真係超正，又唔太甜😘…Read More

尖沙咀山林道新開呢一間Omakase真係不得不試本身一上到嚟個餐廳已經好有格調。仲要而家開業期間有優惠，人均千幾蚊，已經食到好多嘢又好飽又有質素，真係一定要黎！食日本餐一定少不了有梅酒，呢支梅酒我覺得甜度適中，而入口，兩個人飲嘅份量亦剛剛好先嚟三文魚配昆布，另外嗰日本三色蔥都超級開胃呢度啲海膽好正，配埋呢個生蠔一齊食，係幾特別仲要擠檸檬嘅時候擠落啲泡度佢會變色都好靚呢個蛋白菠蘿鵝肝多士真係不得了，個鵝肝上邊有焦糖面，甜度適中再配埋下面嘅mousse會可以解返就咁食鵝肝嘅油膩，再襯埋個整得好脆嘅包，我覺得係成餐飯其中一個highlight呢個白松露魚子醬蘭王蛋真係好特別，有蛋香得黎亦有淡淡嘅白松露嘅香。鐵板海鮮全部都燒得好好食，其中呢一個鮑魚，真係佢整到好脆得黎又完全唔會韌，超級有咬口帶子亦都好厚切，個蝦都仲有蝦膏，個白鱔都整得超級脆，好香口。呢個韓牛薄切真係燒得好靚，另外佢切到好似蘑菇嗰舊係日式蘿蔔嚟嘅，夾埋一齊食都幾有趣同埋係可以解膩個花膠麵豉湯真係不得了，湯入邊竟然真係有嚿花膠食，仲要因為佢用花膠煮關係所以飲落個麵豉湯係會有花膠嘅骨膠原嘅口感，所以我真係覺得好值得試最後呢一個鐵板海鮮炒飯，身為超鍾意食蟹子同明太子嘅真係開正我嗰範撈埋一齊食每一啖都有滿滿嘅蟹籽，一齊食真係好滿足結尾係柚子雪糕，雖然上映唔到，但係佢上碟嘅時候會喺雪糕上面噴金粉，超有儀式感…Read More

近排見佢地網上訂位有優惠，所以同佢黎左試咗哩個好有亞洲特色嘅自助餐，真係好驚喜！呢度唔單止食物多，仲充滿地道味道。海鮮嘅部份，有新鮮龍蝦，又有超長蟹腳，肉質鮮嫩，真係好好味！雖然佢話每人限取一份，不過其實可以有走盞嘅自助餐嘅熱食部分一樣精彩。燒雞外皮香脆，肉汁豐富，燒三文魚又肥又滑，入口即化。至於牛排，厚度同埋煮法都剛好，食一口真係滿足感爆棚。另外就係有即叫即整嘅船麵！可以根據個人口味揀配料同調味，哩個必試！甜品控的話真係超推呢度有好多款式，椰汁西米露，香蕉 crumble, mousse, chocolate brownies，french pastries，甚至泰式甜品都有，又仲有雪糕！仲有哩度成個環境都超闊落，坐得好舒服…Read More

喺旺角食完飯食糖水，見到哩間咁多好評，所以試下點知。。。首先一去到，係新裝修嘅，不過啲位真係好迫！好唔好坐，咁啱編排我最近門口嘅位，真係好迫！本人中等身型，但係170身高嘅我，坐得真係好唔舒服:(anyways 講番甜品，朋友叫左個芒果雪糕芭菲，配開心果味雪糕，佢話好一般，雪糕無開心果味加埋個雪燕，咁就68另外我嗌嗰個椰子豆腐花，啲椰子真係無乜味，不過豆腐花都 okay geh, 幾有豆味，就稱唔上滑㗎啦。不過真係好唔好坐，下次會揀過其他吧。…Read More

喺尖沙咀想食拉麵可以黎哩間！喺正K11地下，超就腳。仲要2個人黎食，300都唔洗，就有麵食，小食，又有嘢飲，唔錯咼真係！邊個話食拉麵一定要貴？小食煎餃子同雞翼都整得好脆，調味也不錯！沾麵真係夠晒濃！睇下啲湯幾厚身，好味呀另外佢嗌左三田拉麵，湯底都夠晒濃，叉燒不錯整體真係好抵食噃，好適合重口味嘅我地白桃梳打唔太甜都幾好！乾淨企理嘅舖頭，仲有日式大燈籠嘅擺設，無時間去日本住，唯有間唔中黎食下拉麵當去左啦…Read More

見到社交平台有人打卡，點知真係有點伏。本身見佢有介紹西多士，點知佢所有包類嘅嘢只係晏晝兩點起先會供應。咁唔緊要啦，諗住食個晏嗌佢嘅飯啦，點知佢個雞扒飯，個賣相都可以嘅，普通茶記咁樣囉。點知啲雞扒簡直係"鞋"到一個點，都不只係"鞋"，係極度柴囉，你見到相入邊睇落去係煎到過晒火，唔知係因為佢啲肉實在太唔新鮮，定係佢哋唔識煮我本身唔想食太多飯，侍應又話唔緊要啦，咁最尾都係嘥左啲飯跟住朋友想嗌佢招牌嘅沙嗲牛肉麵，又話冇，所以一個星期四嘅平日去食個晏，咩都冇，唔係好明呢個咩操作。…Read More

尖沙咀行街真係好多嘢揀，行完商場見哩間地舖喺正K11隔離，新開所以一試一黎到，估唔到喺哩個位置食嘢都可以有咁嘅價位！所以一見到就坐底左實物真係同圖一樣㗎個招牌海鮮丼真係幾足料仲有魚生切晒粒，真係好有口感噃吞拿魚多為主，開正我嗰飯！佢嗌嗰個帶子丼都有成6舊厚切性價比高，帶子都幾甜另外加左明太子，撈埋落個飯食真係幾夾重口味必備Overall 個日本丼飯都不錯，有醋味。另外佢地雖然位唔多，不過真係快食之選，所以如果去到要等都唔會太耐…Read More

周不時都喺沙田搵食，因為就算好多地方都要等位都好，總會有一間可以我早放工，喺呢度排隊，好彩佢都易等到。去到坐低之前要先點咗食咩嘢先，覺得啲定價都真係好抵，怪唔得之咁多人食，因為佢啲白飯同湯同蔬菜都係可以無限追加嘅。一定會食得飽，只係揀要食幾多舊漢堡肉。漢堡上面加上蛋真係超好食，再撈埋啲蛋汁喺個珍珠米度，好正！每個位嗰度都有個推薦食法，我真係有跟住佢推薦嘅醬汁咁食，真係會有呢啲好特別嘅味道㗎佢個湯好有鮮味，又有蕃茄又有菜同埋又有啲蜆肉可以食我覺得真係好抵佢每一塊漢堡肉都會逐件上俾你。仲要叫芝士呢一嚿真係震撼到，因為佢會除咗喺上面加塊芝士之外，都會即場磨啲芝士碎俾你，我覺得超好食…Read More

見好多Blogger介紹，所以走來試佢個甜品，但係我覺得整體還算可以，但係食咗一件咁樣嘅班戟都要$97咁不如去葵廣食算第一個班戟上面嗰啲焦糖，其實食落應該燒得燶得滯，搞到襯埋個甜品食就係有啲苦味佢班戟嗰個粉完全係廉價嗰一種，所以食落一啲都唔鬆軟，真係唔出色。最後配佢個招牌泰式奶茶醬，係不錯嘅，但我覺得佢落得唔夠多。整體覺得完全唔抵食，唔使好似我咁專登行去試。墜入到去，我係最後一台客，佢哋已經不斷喺度開始清潔。真心覺得如果食緊嘢有人喺側邊拖地呀掃地呀，個感覺真係好差囉。…Read More

Weekend 同friend 行完 M+，見哩間好似幾 grand 嘅中菜，走黎試左。環境好闊落，好啱同老 best 嘆食! 行左成日lunch都無食，唯有夜晚食盡佢 haha 先黎一個柚子醋海蜇花，比用一般醋浸出嚟嘅食法係別有心思，海蜇花亦超級爽脆另外佢試咗個松茸響螺海參湯，真係好有鮮味！仲有大大舊海參食，足料主菜我哋嗌咗佢招牌嘅西班牙黑豚肉叉燒，佢上碟係一直有個爐慶住，唔會怕佢凍咗，佢啲肉切得好厚，口感超juicy仲有蜜餞嘅甜味另外嗌咗半隻脆皮三黃雞，整到個皮超脆，同埋啲肉都好嫩蔬菜我哋嗌咗個黑松露白菌煲，黑松露味超重，好啱重口味嘅。份量都幾多，幾抵食另外嗌咗個海皇湯泡西施，喺上碟嘅時候佢會再"沈"啲脆脆喺面，襯埋啲湯飯一齊食好match。仲要個湯又加埋啲櫻花蝦，亦都超級足料…Read More

今日同朋友喺尖沙咀行完街想搵啲嘢做，俾我地發現哩間船上酒吧，好似幾得意，所以試下真係要喺碼頭上船㗎，一路飲住嘢一路睇住個維港view, 係真係一流其實佢啲shot真係好抵飲，所以我同friend 都嗌左一人一杯，下次再試埋其他cocktail 定價也正常，我地試左 stay sexy 同埋 stay foolish. stay sexy 酒味比較濃啲，仲有少少茶嘅甘香，聞落仲有紫蘇葉嘅香味，係唔錯stay foolish 哩杯啱想飲酒得黎，又想飲甜啲嘅我taste 係幾 fruity, 再加埋佢面頭嘅蛋白，好夾上船嘅飛包埋咖喱味蝦片，可以叫佢追加的仲有一個小禮物送…Read More