Hamster_Ball的个人专页

呢次係我第二次寫迦南鍋既食評，點解要寫第二次，原因係因為迦南鍋真係一間好值得去食既一間好食店。小弟第一次去食係兩年前，兩年後既今日再去，水準無變，依然係極高的食物質素，窩心既服務態度。👍🏻因為知道要訂枱，所以三日前打去訂枱，好彩仲有位。今日一去到，已經照跟上次一樣叫左豪華海鮮盤，入面依然有一隻龍蝦，一隻蟹，兩隻鮑魚，兩隻大大隻既帶子，6-7隻蜆，2-3大蜆等等，其實每次一拎呢盤海鮮放上枱面，總係會令我「嘩」一聲叫左出黎。所有海鮮經過蒸焗之後，放入口食落既果種鮮味真係好正，好食到不得了，我相信老闆用上新鮮既食材先會出到「鮮」呢個效果。而老闆依然好窩心，送左兩條大蟶子同蠔比我地🥰因為豪華海鮮盤除咗海鮮之外仲有雞件，所以兩個人既份量一定好夠食。最後就到左我最期待既粥底，所有既海鮮精華入哂個粥底，真係好味到震😂。真心推薦比大家，迦南鍋掂呀！👍🏻…查看更多

疫情期間晚市得外賣，剛好經過見呢間新開就試吓。見佢門口放左兩個餐既display，一款叫豬八戒另一款叫牛魔王，我就叫左個豬八戎（$40唔使包野飲算好抵），加多個咖哩魷魚。返到屋企打開當然試左個湯先，個湯好香，餸就有豬皮豬腸同豬紅，份量都好夠，最鍾意佢果樣野係佢個外賣盒係麵同湯分開既，呢點我好like，叫得外賣湯麵類如果唔分湯，拎到返到屋企啲湯好易比啲麵吸哂。而咖哩魷魚份量就細左少少，但啲魷魚好有咖哩味，係慊佢咖夠辣（可能我食得辣），但大致上都唔差。講返個湯，好有大地魚既香味，最後我成碗麵連湯飲埋😃。因為個湯真係幾吸引到我，所以都會返去再食。👍🏻…查看更多

一直以來都好少寫食評, 但享受完昨晚的一餐蒸氣海解鍋之後, 真係忍唔住要分享比大家.早一星期前, 突然好想食蒸氣海鮮鍋, 於是係網上搜尋蒸氣鍋食店, 找到一間位於深井, 價錢亦合理, 於是打去一問, 點知訂當日既枱已經 full 左, 最後就訂左一星期後既今日.今日準時5點9到, 入到去之後老闆好細心咁介紹 Menu , 同埋因為我唔鍾意食魚, 佢幫我地將條魚轉做聖子, 之後我地揀左個豪華2人餐, 當中包括有一隻大龍蝦, 一隻大蟹, 2隻大鮑魚, 6隻好大個頭既蝦  (請查看附圖) 等等等等.(啲蝦膏, 蟹膏真係正到無得輸 )等左大概5分鐘左右, 一大盤擺得好靚既海鮮盤就送到.樣樣海鮮蒸熟後都好鮮好甜勁多汁, 老闆仲好好人, 佢額外仲送左碟蠔同花甲比我地食.其實食到一半真係差唔多飽, 但個精華係哂個粥底度, 所有蒸過既海鮮啲汁都落哂去個粥底, 食左一碗之後, 就算好飽都忍唔住食多碗, 但真係食唔哂, 老闆佢就有外賣碗比我地成盤粥拎走.服務態度, 同窩心度真係一流.係呢度食完真係會令你覺得物超所值, 真係好值得推薦比大家既一間好食店. 我一定會再去, 因為真係太正…查看更多

從來都對寫食評興趣不大, 但就係因為呢間食店令我寫出了第一份食評.每日回家路上都會經過此鋪, 但從佢地裝修完後一直都無入去買過野食.就係23號晚入去睇下, 初頭見佢地主打韓國野, 以為都係食石頭飯之類, 但睇完 Menu 後先知佢地係主打漢堡包, 墨西哥薄餅等等, 之後就叫左幾款, 因為鋪面坐位唔多, 所以全部都係自取外賣.2位店員都係韓國人, 真係非常之有禮貌, 呢一點好 like因為所有食品都係即叫即整, 所以比左錢之後就等左一陣, 仲睇左陣佢地點整.最令我覺得好既係佢地個炒粉絲, 料有青椒絲, 紅椒絲, 冬菇絲等等, 所有既料係即切即炒, 勁香. 唔似其他果啲一早炒好用熱水一直"座"熱保溫, 有人客要果陣就夾起比人.正正因為係即叫即整, 啲野食拎到返屋企果陣都仲係好熱 (由鋪返到家中相隔15分鐘左右), 可能因為佢地個外賣盒保溫力比較好. 佢地有啲野食係可以加$15轉 Set, Set就有一份薯條同一款野飲, 比較失望既係佢份薯條, 味道一般, 薯條希望有待改進. 但其他野食就真係一流水準.推薦既一間好食店. (份量夠, 料好足, 店員好有禮貌)…查看更多