ecyoj_yi的個人專頁

星期五晚7:45左右間間餐廳都好多人，好彩入到小胖仲有位🤞🏻叫咗個雞扒便當+蘋果冷泡茶除咗雞扒仲有少少蘿蔔、粟米、木耳粉絲同煎蛋價錢咁平嚟講算幾好食，一個便當又乜都有少少，唔會悶。蘋果茶唔知係咪有加糖🤔好甜…查看更多

同男朋友行過見到好多人食就諗住試吓入座後係咁舉手拎menu都完全無人理我哋🌚諗住上openrice睇menu，先有個阿姐放個QR code俾我哋間公司整咗呢啲科技嘢就cut人手到處理唔掂🌚最後叫咗1個焗飯、1個炒年糕、1個芝士焗腸、1小份菠菜同2杯嘢飲芝士焗雞扒飯，個飯焗到有少少飯焦，雞扒有炸過先焗，加埋芝士真係好邪惡$6x真係好抵食八爪魚野菜炒年糕年糕本身無味，D汁又好稀，搞到唔係好夠味八爪魚又無乜味，全部嘢靠D菜吸住D汁先有味好多芝士🤣見到都已經開心芝士+腸仔本身都難唔好食，幾十蚊好滿足🤤…查看更多

屋企人成日去食，講到好好食咁，終於搵到機會跟佢哋去試。本身唔食豬潤，但屋企人話無嗰陣豬潤獨有嘅臭味，所以叫咗豬雜米嚟試吓係咪真係無豬雜有腰、潤同粉腸(希望無記錯🙈)食入口真係無嗰陣臭味嘅，口感唔會又粉又碎，有少少爽口，係我食過嘅豬潤入面最易入口😂腰同粉腸都幾好食，好彈牙食緊嘅時候聽到有幾枱都係叫豬雜🤔睇嚟真係好出名屋企人仲叫咗油菜同炸魚皮，魚皮都幾香，但唔鬆脆，少少硬普普通通，唔食都無損失🤔另外menu見到有魚紮，唔係度度都有，下次可以試吓🤔🤔…查看更多

有得經openrice book位真係好方便餐廳裝修好得意，不過坐正中間，點影都影到人樣就放棄張枱由舊衣車改裝，忍唔住不停踩😂😂嘢食名全部都好長，睇menu都花少少時間咸蛋芝士牛油果蟹鉗pizza咸蛋黃好足，食開清淡覺得有少少咸，呢點個人問題，其道味道係OK上面D沙律菜係焗完先加上去，所以同個pizza完全分離，切嘅時候有啲阻住，食嘅時候只可以卷埋食/食晒啲菜先，仲要拆蟹鉗就覺得有少少麻煩，但味道OK就接受啦😂濕西炒飯充滿三色豆嘅鰻魚西炒飯，而飯偏濕潤，味道以西炒飯嚟講係好食嘅但3塊鰻魚其實唔算夾，應該係用嚟令個飯對得住價錢嘅配料😂豬頸肉沙律Menu個名太長，以為普通豬頸肉，點知係豬頸肉沙律😂碟嘢有啲普通，完全無印象個味係點🙈只係記得蝦餅唔夠脆，有少少可有可無嘅感覺芝士火鍋呢個好食🤤芝士同咩嘢食都好夾牛扒好嫩，就咁食都好好味點太多芝士反而蓋過牛扒味飲品我叫咗杯「無得你揀」(唔記得真正個名，由廚房自己決定，如果揀飲擇食就唔好叫啦)最後俾咗杯紫薯沙冰，幾重紫薯同奶味，甜咗少少但好好飲😆雖然係沙冰但入面都有幾粒大冰粒，不過質素對得住價錢，OK👌🏻👌🏻👌🏻仲有檸檬烏龍茶沙冰同柚子益力多沙冰，朋友評價都幾好…查看更多

今日最後一日喺尖東返工，諗住最後一次外賣就試吓新嘢，喺openrice見到有新店，唔算貴又正正常常就叫外賣自取間舖個位置好差嘅⋯行去紅磡站個天橋下面，正常唔會留意到有舖頭😥唔係上openrice都唔知由外賣袋拎出嚟，包裝得咁使正！打開都係好使正！叫咗平時都好少機會有得食嘅豬仔髀+牛脷飯($50+$10)加$10就多一個餸，諗住最後一日試多個餸😆豬仔髀有1件，牛脷有3大嚿，仲要咁厚！2樣餸都煮得啱啱好，牛脷好林！！豬仔髀啱啱好唔會過熟，雖然肉味唔算好濃，加埋個燒汁調味幾好食，幾十蚊咁平價算好高質！下面仲有好多配菜，免費配菜叫做有啲纖維平衡吓就OK🙈有啲後悔無早啲發現呢間小店🥲之後無乜機會食間舖位置真心難見到，希望多啲人幫襯，之後仲有機會食…查看更多

17:35去門口望見唔洗等位，諗住出去兜個圈先排，到17:55左右上the gulu一望已經要等廿張枱😟😟最後18:24就有位，想食嘅人可以參考吓個等候時間入座時候聽到店員講:「收現金、電子支付，用餐時間一個鐘」，落完單發現無得俾現金，問返店員先知係「唔收現金」🌚🌚叫咗個150g嘅LIKE套餐，有4片牛舌、3片牛五花同2片橫隔膜肉，送白飯、好油嘅海帶湯同沙律/泡菜枱上仲有6款醬同鹽、黑椒可以自己揀想要嘅汁如果一個人入座就會有一個爐，但2人入座都係一個爐，而個爐有一半係唔熱嘅🌚如果點300g豬肉雞肉個餐同100g牛個餐，需要時間差好遠🌚食得好有壓力點餐時發現有個s’more棉花糖朱古力餅係無得單點，要叫餐先有得加，無得加單嘅時候嗌$12有2件可以自己燒完個棉花糖再夾入塊餅，為呢餐畫上句號🤤…查看更多

朋友介紹去呢間打邊爐，雖然貴但真係好好食🤤叫咗媽媽老火湯做湯底，個湯好味道打邊爐之前已經飲咗一碗🤣湯渣都好好食不過開始打邊爐之後，下個禮拜溝咗其他食材嘅味道就冇咁好飲了呢間打邊爐加湯係會加返自己原本嘅湯底，唔怕會愈打愈淡大部份食物都好好食其實個蟹柳有少少失望，蟹柳又唔係貴價食材，都要撕成幼條🌚因為撕開左，佢喺個煲入邊會散得特別快，然後消失喺個煲入面⋯⋯響鈴同一般火鍋店嘅響鈴好唔同因為我哋個湯底唔係太濃味，所以食得出勁重豆味！！質感偏硬少少，放落鍋度可能要滾多幾秒先拎上嚟食會好啲個午餐肉煎到勁靚🤣靚到好想就咁食快淥咗十零秒就食，入口都仲感覺到煎香過嘅味道第一次見打邊爐嘅炸魚皮有炸蒜朋友話佢媽媽試過就咁食，食咗半碟，所以我又試吓就咁食，好咸好脆、有魚味、好好食(其實咸都正常，因為預浸落個湯度食)雖然覺得咸，但好食到就咁食咗幾塊🤣🤣最後每人送咗一小杯腐竹糖水沙冰飲到有幾絲腐竹，感覺真係拎啲腐竹糖水整成沙冰不過佢作為沙冰都好甜，如果當飲品飲就完全唔解渴，但係作為甜品就非常好味🤤…查看更多

同阿妹去做瑜珈之前諗住食少少嘢，就叫一個餐盒、一份小炸雞同一個fat macaron兩個share餐盒 $68韓式烤雞肉、辣醬醃烤豬肉韓式炒魚餅、涼拌菇、涼拌翠玉瓜、魷魚醬、雞蛋捲、泡菜炸雞件 $356小份伴菜都幾好食，魷魚醬同魚餅好啱送飯翠玉瓜、菇同蛋卷嘅味道就有少少淡可能因為係凍食，如果味道唔係好濃，感覺上都會清淡咗少少🤔2款主菜就普通，韓式烤雞肉入面得兩細嚿雞肉，仲有D白蘿蔔，辣醬醃烤豬肉完全唔辣😕份豬肉同雞肉其實差唔多味，不過尖沙咀晚餐$68嚟講都唔可以話好差嘅，但同區好食過佢嘅都好多Choco Honey bar之前食過其他味，覺得都普通，但見到呢個個樣好特別，諗住試埋佢雖然有少少太甜，但係呢個都幾好食，一粒macaron有面層嘅皮、馬卡龍餅、奶油忌廉3種口感不過再食就應該唔會😂食呢啲太肥，留返啲quota比其他好過…查看更多

本來想食同一條街另一間人氣小店，但男朋友肚餓所以無排，行過見到呢間唔太貴，望落又乾乾淨淨就試吓。我叫咗8隻煎餃($42+$3)椰菜木耳豬肉煎餃+芝士粟米煎餃雙拼唔洗另外加錢，但如果叫芝士粟米就要+$3啱啱上枱熱到食唔到😂隻隻餃都煎到脆卜卜，好熱氣但睇見都覺得開心。椰菜木耳豬肉煎餃好好食，餡料好多，菜嘅比例都幾多，雖然係煎餃但都幾清新。另一款係OpenRice好多人推薦嘅芝士粟米煎餃開頭都怕得芝士同粟米會好普通，但入面加咗少少洋蔥粒，加咗有返D清爽口感。味道有少少○寶罐頭湯嘅感覺😂都幾好食，個人鍾意椰菜木耳豬肉煎餃多少少。…查看更多

同朋友趕住8:00睇戲，去咗K11 Musea下面個food court食晚餐Menu其實有啲複雜，有啲餐嘅定食同盒子好似，要找不同咁搵分別。2個壽司盒子D飯卷、小食無寫出嚟都係估估吓邊個啱。時間有少少緊迫，寫得唔夠清楚呢點唔算太友善🙈🙈最後叫咗極品壽司盒，D內容同menu圖都幾唔同🤣沙律都幾新鮮，小食係2隻炸餃+1條炸多春魚，新鮮炸起好好食！壽司正常，個呑拿魚茸飯卷(menu無)最好食，呑拿魚茸新鮮，加幾條醃蘿蔔加少少爽口嘅口感，味道上又有少少酸去平衡呑拿魚嘅肥，全個盒最好食係呢件…查看更多

見到東薈城有新餐廳就想試吓星期日晚巿真係勁多人，排咗30分鐘左右先入座睇menu好似主打食粉，就叫咗個越式霸氣招牌粉有得揀河粉/金邊粉，但河粉只限堂食職員上咗個粉隔咗陣先上油炸鬼，話漏咗6點幾開始滿座，勁多客都發現到漏咗，都算幾細心個湯好有牛味好甜，開始飲覺得好正，但返到屋企勁口乾，應該係有味精😂另外仲叫咗小食拼盤，好好食但食完，張牛油紙好多油😂😂牛油果生椰乳無乜味🙈無乜牛油果果，無乜椰子味，不過好creamy好滑…查看更多

太早食晏，到3-4點有啲餓，想食嘢又唔想食太飽同太貴，俾門口個「22」引咗去。啲粉麵由$22-$42，大部分都係$26，叫咗麵加個菜都係加$8，汽水都係$9，巿區嚟講真係好抵。牛雜米 $30 通菜 $8有一件牛膀、兩件牛肺、兩件牛腸、四件牛肚以前食過太多難食嘅牛膀，呢間試咗一啖又可以接受。腸同肚都好好食，只係其中一件腸肥咗少少。另外好驚訝呢啲好平民嘅餐廳，全部職員都好有禮貌🙈入去之前以為呢D薄利多銷嘅舖頭，禮貌會一般，佢哋禮貌程度分分鐘好過同區D樓上cafe⋯…查看更多

好耐之前見幾個youtuber分別介紹呢間餐廳，講到個魚春魚卜煲好好食，就特登跨區去試吓。上次食過都覺得好好食，一直好想再去食但唔去開深水埗🫤今日去開長沙灣順便去再食個魚春魚卜煲叫咗一個小辣嘅魚春魚卜煲、原味蜆、巨峰沙冰同2個飯(加1後$312)杯沙冰唔會好甜，啖啖都有少少甜甜哋嘅巨峰味，個煲咁濃味又熱，呢杯啱啱好，仲大杯到2個人都飲唔晒都係幾十蚊個蜆嚟到嘅時候，店員話可能會有砂，但食完無一隻有砂，仲要隻隻蜆D肉都好飽滿。可惜個煲太濃味，搞到個蜆好似好淡🙈魚春魚卜煲魚卜有少少腥，但我唔鍾意食魚都覺得可以接受煲底D蘿蔔、薯仔都好入味好好食店員態度casual但又唔會覺得無禮貌，整體感覺平民舒服，唔算好「up dup」污糟，食得好無壓力😆…查看更多

同男朋友由上環散步到西營盤，唔知食乜好嘅時候見到呢間，見有湯飲就試吓。叫咗個滋味雞(例牌)同粟米脆魚，送湯同飯上菜時嚇一嚇，份量比想像中多好多！滋味雞以全熟嘅雞嚟講佢好滑！睇其他人食譜話3少1無，可能有人覺得會淡味，我食慣清淡就覺得啱啱好脆魚又係好大碟！啱啱上菜d魚仲係脆脆哋，加埋甜甜哋嘅粟米汁好味俾湯吸引入嚟，個湯好足料，同屋企煲嘅8-9成似仲要無味精，湯面又無油，好屋企湯嘅感覺只睇價錢係少少貴，但味道幾好，環境乾淨舒服，店員極親切有禮，都ok可以再去…查看更多

之前睇幾個網媒介紹尖東新開咗「台灣過江龍」飯團店，見包裝都寫「源自臺灣」，LUNCH無帶飯又近近哋又有八五折咪試吓⋯⋯事後search先發現係大陸品牌😑味道就正常嘅⋯明明中國brand但寫源自臺灣，好似俾人呃咗咁⋯⋯…查看更多