MsCelia的個人專頁

疫程下終於可以帶媽媽出去食吓飯， 輕鬆一吓， 又要去觀塘做d野， 就帶細佬同媽媽食好西。食市開返堂食都驚人多， 尤其係觀塘區， 所以11:45am就嚟到， 未算人多。Lunch餐牌都有好多選擇， 以日系為主， 款式都好多， 都幾難選揀呀。 媽媽選咗慢煮封門牛柳定食細佬就要壽喜燒牛肉溫泉蛋稻庭烏冬。我就揀咗日式咖哩芝士漢堡定食。全部都跟麵豉湯， 份量都好足夠， 就算唔叫飲品都可以， 而且環境清優乾淨。 而且用openrice訂枱更有折扣優惠。…查看更多

觀塘有好多隱世餐廳， 今晚就去咗巧明街嘅六両三台灣食堂， 地鐵站行過去都係8分鐘左右， 我地2個人一人一鍋啱哂。一入去以農家裝璜， 而且坐位寬敞乾淨企理， 俾人好舒服嘅感覺， 有一面牆壁上嘅特色壁畫更係打卡位啦， 另一邊牆上仲講明無味精嘅堅持，好期待喔。佢地主打係紅繞牛肉麵， 但今晚我地選擇打邊爐，六両三推出3款一人火鍋套餐, 蔬菜養生鍋/牛骨沙茶鍋/藥膳麻辣鍋, 我地都食唔到辣, 所以咗選擇蔬菜養生鍋同牛骨沙茶鍋 .  每個火鍋套餐都包一份肉盤， 3款台灣好丸， 一份蔬菜盤同1份粉麵， 而且每款選擇都很多。 蔬菜養生鍋以粟米同白蘿蔔做湯底， 好清甜喎， 牛骨沙茶鍋就好濃郁， 對比好大， 哈哈~    肉品其實都好多選擇，鹿兒島豚腩肉/鹿兒島豚梅肉/澳洲M7和牛後腿肉眼/澳洲草飼M2牛頸脊/澳洲和牛牛面肉/澳洲M5肉眼蓋， 我就選咗鹿兒島豚梅肉同澳洲草飼M2牛頸脊， 份量都唔少喎， 而且厚度適中， 特別鐘意牛頸脊， 夾夾地又有濃濃牛味。 台灣丸類都有驚喜， 尤其係那粒流心丸裡面嘅咸蛋黃。  飯食除咗有台灣粗麵同關廟麵選擇之外， 竟然仲有王子麵， 我就選擇咗冬粉， 吸哂濃郁嘅沙茶湯好惹味。 食台式食品點少得珍珠奶茶呢。 最後我地仲叫咗份黃金地瓜條， 外脆內甜， 當小食又可當甜點， 太滿足啦。  …查看更多

嚟到旺角心血來潮想食火鍋， 睇吓睇吓又想起瓊華中心嘅八幡屋涮涮鍋，之前已經食過佢地嘅任飲任食海鮮刺身火鍋套餐， 食物款式多又新鮮，即該有要食嘅決心，心動不如行動。今次選咗個〔M5和牛海鮮盛宴],  湯底就要個沙嗲湯底。自助吧有蔬菜區， 火鍋區同甜品區， 其他可以用QR code 落單， 食幾多叫幾多， 唔浪費。入座後先嚟嘅有刺身拼盤同火鍋嘅海鮮拼盤。刺身帶子同赤蝦都鮮甜， 睇返QR code order list 有成12款刺身選擇， 都算幾多款式。 跟住就係套餐嘅M5M5和牛拼盤喇， 仲有A4和牛拼盤同美國黑豚肉， 大大盤份量都好多。M5和牛牛脂幾平均， 而且肉質嫩滑， 但個人比輕鐘意A4和牛， 牛味重爽口有口感， 各有各味道。 黑豚肉方面就普普通通啦，  個人比較喜歡五花脯。熟食方面款式都好多， 特別鐘意炸芝士同天婦羅海蝦。 火鍋丸子餃子差唔多有20款式之多， 放係凍肉櫃整齊衛生。 海鮮方面除咗生蠔無咁新鮮， 蟶子比輕細之外， 其他都算ok 。最後甜品， 雪糕啫喱我係必食嘅。 整體食物款式多又新鮮衛生，  佢地話宜家星期一至四全日買一送一，而星期五六日晚市仲要二人同行一人半價，唔怪得坐無虛席，咁抵要再約朋友一齊食過。…查看更多

不論夏天定冬天， 火鍋都係我至愛， 難得出去食飯， 緊係食火鍋啦， 嚟到牛頭角見到愛護毛孩嘅 ~ "為食火鍋公司" 有個火鍋雞煲任食套餐， 緊係唔放過啦。 以毛孩為主嘅為食火鍋， 日式淺胡桃木裝飾， 牆上多張愛護動物圖片， 更為導盲犬而設嘅優先坐。  飲品款式都好多， 火鍋醬料主要嘅都有。  選了$238 雞煲火鍋套餐， 先嚟個前菜 ~ 中華沙律加技豆及3色刺身， 跟住雞煲就到喇.雞煲醬香味道好濃郁， 咸香帶少少甜味包住每一口雞肉， 而且雞肉嫩滑， 跟上豬皮同魷魚鬚， 抄一抄好入味。 店員服務好貼心， 仲提示雞仲可以添加， 但要留肚食火鍋， 所以食完一轉就通知店員轉火鍋了。  火鍋湯底係豬骨科帶少少胡椒香味， 海鮮盤足足有5款新鮮海鮮， 有蠔， 海蝦， 蜆， 魚。  除咗牛小排之外， 西班牙黑豚肉， 三寶丸， 紫菜響鈴， 生根， 炸魚皮， 三色餃 同菜藍都係無限追加， 牛小排同黑豚肉肥瘦啱啱好又腍又嫩， 材料新鮮而且份量真係好足。 食完一轉已經好飽喇， 最後仲有椰青燉鮮奶作甜品， 完美。  等疫程完了再約朋友再食過.…查看更多

老公放假走落西環吹吹風，見天色已晚， 當然係西環搵食啦，行吓行吓就俾 "幸鮨屋" 呢間小店吸引住。 小店乾淨簡潔， 睇睇餐牌晚市款式眾多， 樣樣都好想食。 睇到呢個石燒已經心心眼喇， 我地係叫咗 "A4 鹿兒島和牛薄切" 石燒。  睇到 d 和牛脂肪組織， d 油花一睇就知上品， 放2塊和牛加牛油脂燒一燒， 呢個真係叫 "入口即溶"  大滿足呀。 另外我地再叫咗個自選壽司拼盤， 有壽司， 迷你丼， 仲有刺身/天婦羅， $108 真係超值。 滿足我地嘅壽司慾望， 選舉咗A5 三文魚， 帶子， 甜蝦， 深海池魚， 赤蝦， 真鯛同海膽，  加蟹肉蟹膏迷你丼， 爽口鮮甜無比。  另外嘅蝦同日本番薯仔天婦羅， 炸粉厚度啱啱好香脆。 貪食嘅我另外再叫了吉列炸蠔， 大大隻仲好脆口。 最後仲有二顆雪米糍作餐後甜品俾我地。  療程期間都好少外出食飯， 呢餐真係令我地又驚喜又滿足。  門口位置除咗放咗模型外， 仲見到有黃口罩放係櫃，方便顧客有需要時可以買，  本身都係黃口罩 Fans , 再嚟西環一定支持。  …查看更多

宜家食火鍋真係無分四季， 疫情關係真係食少咗， 今晚決定落咗旺角[八幡屋涮涮鍋]去食返夠本， 因為佢可以食足三小時， 咁就可以慢慢嘆啦。 八幡屋環境都幾大， 卡位好闊落， 一排自助區除咗有火鍋配料， 甜品， 茶漬飯， 菜類， 茹類， 醬料等外， 另一邊仲有飲品， 各種丸類同雪糕等自己拎，但記得要戴口罩喔。 除咗可以自己拎之外， 其實食物就可以用手機 QR 落單， 呢個好好可以省回大量 order 紙。 我地選擇咗骨膠原豬骨湯底。   不久店員送上刺身拼盤、 海鮮拼盤及一碟M5和牛。 除咗M5 和牛 。 刺身同海鮮都可以再 order， 刺身款式都幾多， 海鮮好新鮮， 特別係鮑魚好爽好鮮。當然美國肥牛， 美國黑豚肉， 豬腩肉要再 order 啦， 特別係豬腩肉， 好腍好爽口， 要一叫再叫。 火鍋枓款式都好多選擇，就連雞子都有。除咗火鍋， 天婦羅， 炸物， 燒物等都有， 雖然無出面嘅日式放題款式咁多， 但勝在即叫即整， 上菜又快。 最後食埋甜品真係大滿足。 唔好以為疫情無咩人呀， 當晚7點已經坐滿喇， 要食記得訂枱呀。…查看更多

聽聞呢間台式小店喺元朗都幾出名，咁啱近排想食台式野，所以就黎咗呢度啦！台式香腸肉汁飽滿，配埋店家自製嘅蒜蓉醬好香口👍🏻檸檬雞槌酸酸甜甜，味道適中，食落非常清爽，食多幾件都唔會覺得滯😆鹵肉飯一放上檯已經聞到好濃嘅鹵肉汁味😍鹵肉偏瘦，唔食肥肉嘅人都會啱食，仲食到香菇同洋蔥蓉，不知不覺就食曬成碗😋乾拌肉燥麵嘅汁都比得好足，食到好多肉碎🥩，睇得出店家好比心機，係真材實料👍🏻乾拌麵套餐入面仲配咗三粒丸，啲丸好大粒，仲食到墨魚粒添！地瓜丸同紫薯丸食落一啲都唔會油，中間仲有芋頭蓉，配埋蜜紅豆真係好好味🤓最後緊係要食埋糖水啦！入面配料非常豐富，有自家製芋圓、小丸子、水晶同仙草，甜度都適中，唔錯👏🏻…查看更多

難得去荔枝角接老公放工， 搵食緊係去D2 Place 啦， 肺炎期間真係好靜， 想食 d 比較健康嘅晚餐， 係一樓見到呢間 Pickabowl好似幾特別。  睇見門口 Menu, 價錢都幾合理， 主菜除咗有三文魚同吞拿魚之外， 仲有熟食， 可以配以 海苔飯/半糙米飯/沙律/沾烏東 選擇。 另可以 + $25 升級有溫泉蛋， 堅魚昆皮湯同甜品㖭。  我地當然+25升級套餐啦， 我嘅套餐係經典吞拿魚配海苔飯， 主菜吞拿魚特別調配過， 超好味又新鮮， 另外配有提子乾，菠蘿， 青紅椒， 青瓜等一齊食， 健康又清新。  另一個套餐係慢煮天多行雞配半糙米飯， 雞件好嫩滑， 仲有牛油果， 青瓜菠蘿沙律， 提子乾等。  當然仲可以追加半份主菜同配料啦， 我地就再叫加多個鮮榨蘋果菠蘿石榴羽衣甘藍汁， 真係健康又清新嘅一餐。 …查看更多

係西環地鐵站對面見到有架泰國篤篤車頭做代表嘅泰國餐, 疫情下無得旅行， 唯有食個泰國菜享受一下。  環境乾淨整潔， 餐廳一邊放了泰國醬料裝飾， 但設計比較西式化。  先嚟飲品先， 雜果清新梳打 + 啤酒。 雜果清新梳打放嘅都係新鮮生果， 有橙有芒果有青檸， 飲落好舒服。 冬陰公湯少不了， 叫咗個少辣味道啱啱好， 太辣我飲唔到喇。 材料好豐富又開胃， 2個人飲啱啱好。 樣樣都想食就最好叫個拼盤喇， 有蝦餅， 春卷， 荷葉包雞同串燒。 蝦餅彈牙， 春卷香脆， 裡面 d 料好豐富。  泰式炒金邊粉包蛋， 賣相好靚， 蛋絲好薄， 金邊粉炒得不油不膩， 價錢仲好合理㖭。 仲有我最鐘意食嘅蒜香椒絲炒椰苗， 椰苗好新鮮幼嫩。  …查看更多

台灣鐵道便當好出名， 去台灣都必想搵嚟食， 宜家香港太古城誠品裡面就有了。 位於一樓嘅百芳真係用台灣木盒盛載， 更加選用台灣米， 完全台灣風味。 Food Court 形式嘅百芳坐位都算充足， 便當一共有八款咁多， 除了便當仲有湯麵， 乾拌麵及台灣小食。 我地點了一款"台灣焢肉便當 " 同 "香酥豬扒肉燥乾拌麵" "台灣焢肉便當 " 我鐘意食肥豬肉所以選了焢肉， 唔好睇佢好肥呀， 真係入口即溶， 唔肥膩。 百芳選用返台灣木盒盛裝著米飯， 粟米， 肉燥， 粉絲， 鹵水蛋，娃娃菜同一 d 醃菜， 份量都幾多吓。 "香酥豬扒肉燥乾拌麵" 豬扒薄得嚟好香脆， 台灣麵好彈牙， 拌肉燥一齊食味道啱啱好， 唔太鹹。 本身可跟阿薩姆紅茶， 當然仲可以加錢選擇其他飲品啦， 我就要金桔檸檬， 好酸 , 另外嗰杯蜂蜜檸檬就啱啱好， 中和返 另追加"台灣夜市香腸" , 2個人$170 都算經濟。…查看更多

有日行過北角新光戲院見到有間小小拉麵店， 原來係「博多拉麵別天神」 , 今日落開北角當然要試吓啦。 一向都鐘意裝潢以傳統日式設計， 門口有部食券機， 睇啱就點選買完張飛交俾服務員或者拉麵師父就可以搵個靚位坐。 我點了招牌別天神套餐， 有豬骨拉麵配餃子， 湯底又真係幾濃郁喎， 拉麵麵條軟硬適中， 當然有叉燒同溫泉蛋。 老公選擇限定數量嘅蝦味噌拉麵套餐配小龍蝦蟹籽沙律。 花蝦份量都幾多， 同樣嘅麵條， 叉燒同溫泉蛋， 但湯底加入花蝦鮮味更加濃厚， 值得一試。 另外一讚係小龍蝦蟹籽沙律， 啖啖小龍蝦肉， 鮮甜開胃， 係必選呀。 …查看更多

係炮台山嘅電氣道一向都係搵食點， 最近發現有間"龍門冰室" 喎， 原來係新開第六分店， 晚餐有着落啦。 以懷舊磁磚裝修設計， 舒適整潔。 望望餐牌都好多選擇。 除咗晚餐之外， 仲有鐵板餐， 芝士玉子燒， 中式西式， 應有盡有。 太耐無食過鐵板喇， 所以叫咗一個 "牛仔骨拼炸蝦炸帶子跟薯菜", 另一個就 "什扒跟薯菜"。牛仔骨拼炸蝦蝦炸帶子跟了龍蝦汁。 一見到份量真係好多， 薯條足足放滿成個鐵板， 但感覺薯條未炸得通透， 牛仔骨不過不失。 但當想起動嘅時間發現點解得帶子呢， 隻炸蝦去咗邊呀。 問問服務員原來廚房攪錯了， 好快就補返2隻炸蝦俾我喇， 服務員都唔好意思， 抵讚， 本身對炸帶子無咩興趣， 所以有返炸蝦開心返。 而"什扒" 真係顧名思義~咩都有， 豬牛雞， 大大件。 熱辣辣鐵板上枱， 朋友係食肉一族， 貶吓眼就食哂喇。 跟餐其實仲有餐湯同餐飲嘅， 紅湯屬於蔬菜清湯， 湯底好清但夠味嘅， 蔬菜都唔係煲腍嗰隻。 …查看更多

又食放題啦， 真係每個月點都食一次。  旺角兆萬嘅極上帝王放題已經唔止一次去啦。 刺身勁新鮮呀， 生蠔海膽新鮮都冇得輸。  最愛係牡丹蝦， 自選項目有磯燒松葉蟹蓋， d 蟹膏好濃郁。  胡麻一口豆腐同溫泉蛋一定要食, 仲要叫多幾次呀。 除咗刺身當然唔少得炸物， 天婦羅啦。  芝士年糕必食呀。 入座即送有雪場松葉蟹火鍋或者日式和牛壽喜燒鍋，  所以我地都叫咗松葉蟹鍋， 松葉蟹鮮甜多肉，果然無揀錯。  飲品甜品都好多選擇，傳統嘅我都係揀返雪糕食喇。 又一次食到飽飽。 …查看更多

落去銅鑼灣交收完， 係SOGO 行咗一陣就肚餓喇， 哈哈~~ 通常係銅鑼灣都會先去謝菲道， 一轉入就見到呢間"龍城冰室".   好, 今晚就你啦..... 睇睇餐牌除咗晚餐之外， 都有幾多選擇， 焗飯, 燴飯, 扒類等...... 我就要咗菠菜汁海鮮焗飯， 裡面有魷魚、 帶子、 青口、 蝦同魚。  海鮮份量都幾多。  飯有蛋抄底， 但又唔係抄飯，材料好豐富， 只略為覺得菠菜汁太少。另外再叫咗個皇牌吉列豬扒配薯菜。  大大件豬扒香脆， 豬扒都算腍。   鐘意佢用成個焗薯代替薯仔，  味道OK  另外我地都加了$6 配了紅湯 (蔬菜湯) 跟 白湯( 忌廉湯) 和 $18 凍檸茶。全部都只係$155， 以銅鑼灣嚟講都算合理。…查看更多

平時好少去杏花邨， 原來都商場都幾多餐廳，我就比 Cafe Paradise吸引住， 大大個旋轉木馬係門口， 好靚呀， 所以決定同老公跟旋轉木馬一齊食晚餐。 服務員安排咗木馬隔離位置， 睇睇餐牌都幾多套餐選擇， drink menu 內仲有個特別嘅3D 旋轉木馬㖭， 幾特別。 老公決定選$328 2人套餐。 先嚟個餐湯 ~ 忌廉湯， 味道有 d 淡， 但好 creamy, 唔係糊仔狀態。 跟餐有個凱撒沙律， 沙律醬比例啱啱好， 蔬菜又新鮮。 小食老公鐘意蜜糖烤雞翼， 雞翼烤得好香， 蜜糖烤好開胃。 食肉嘅我主菜當然選擇安格斯西冷牛扒啦，大大塊西冷扒肉質幼嫩，只係略為熟咗啲， 因為本身 order 係叫五成熟嘅。 另一個主菜就叫咗 "意式滋味雜錦薄餅", 份量都幾大， 熱辣辣嘅 pizza芝士仲可以拉絲。 餐飲我另加$15 選咗 Strawberry Yakult Soda, 普通的都可選檸茶，咖啡等。 最後仲有啫喱甜品， 大滿足。…查看更多