霸氣楊仔的個人專頁

小編好罕有地去咗跑馬地，今次試吓去食呢間冰室！服務態度都尚可啦！餐廳舒適度都係普普通通，至於嘢食質素方面！真係唔係太理想！今次午餐小編叫咗個午餐，酸菜魚湯飯！好彩佢係分開上！白飯質地係相當欠佳！個飯真係幾硬，加d湯上去先好少少，問題離啦！個湯真係好鹹，無咩辣味，酸菜嘅份量都唔算多，而且魚嘅份量都比較普通！質素方面，都係好普通，有少少腥！而且起骨都係有少少骨！仲有啲菇，都係麻麻哋，冇咩味。之後叫咗杯檸檬茶，都係麻麻地！冇咩檸檬味…查看更多

青衣係一個美食沙漠，呢個小編認同，好嘅餐廳真係唔多！今日呢間餐廳表現⋯⋯都可以ok可以合格嘅！今次過嚟食個午餐又要返工！咁呢，突然想食酸菜魚，咁就叫咗酸菜魚啦！佢都送咗包檸檬茶俾我！好快就上左枱！仲有個小小嘅前菜送，前菜既表現係唔差嘅！係呀小份雲耳，辣辣地都開到胃！食完前菜，好快就有酸菜魚食呀！份量都頗為多，仲有一個白飯！啲魚都唔算係腥，而且都幾夠辣同埋酸！酸菜如果多少少就更好！不過白飯就硬左d！加上酸菜魚個湯就改善到啦！味精多少少，食完都會比較口渴！表現OK，可以食多一次…查看更多

好耐都過嚟東區，好耐無食過Lady M蛋糕！呢間蛋糕店定價真係非常之進取！不過食物質素方面，當然都會交足功課嘅！今次小編係買返屋企同屋企人分享既！今次買咗兩款蛋糕！包括朱古力棋盤蛋糕同埋栗子蛋糕！首先朱古力蛋糕，有好濃厚嘅朱古力味！而且又唔會話好甜，至於賣相直頭可以俾100分！蛋糕則真係整到個好似棋盤嘅圖案！而且都軟屬既！至於另外一件栗子蛋糕，栗子味都重既！而且都頗為軟，但係賣相就不及朱古力棋盤蛋糕！雖然係咁，甜道都係正常㗎！味道都唔差嘅！…查看更多

又係返觀塘既日子！今次收夜8點幾，辛勞嘅工作完成後，搵間餐廳坐低慢慢食下晚餐！今次叫咗個牛扒餐！据塊扒當然就要配薯條。薯條都炸得脆既！今次件牛扒既質素都唔錯既！如果生多少少個效果會更加好的！味道都唔錯既，唔多覺得有雪味嘅。而且都唔會話太靭！配上紅酒汁，真係一個唔錯既配搭！雖然賣相普通！但係味道真係唔差嘅！仲有少少心思，用番茄仔整咗隻兔仔出嚟，薯條就無落鹽，咁都好嘅！無咁鹹，健康d！跟住飲一杯凍檸茶，茶底都靚嘅，而且唔係得個甜字。…查看更多

小編已經好耐無離沙田食午餐，好耐冇食過炸豬扒，咁就搵間有名氣啲嘅吉列豬扒店食返一餐！途中仲經過一條特別嘅電梯！去到餐廳啦！店員都有禮貌嘅，亦推介左d優惠比我，但係我唔啱用！今次小編叫咗個吉列豬扒定食！包埋麵豉湯！椰菜任加，白飯任裝！有一個環節，就係要磨芝麻！豬扒炸得都脆，質素方面都有一定嘅質素！雖然就瘦咗少少、同幾年前食作比較，無前咁大塊，但係仍然咬落去感覺，同以前差得不太遠！不過一定要點醬汁，咁樣先可以好送飯！椰菜配枱面上兩個汁都有好食嘅地方！有隻比較鹹，視乎你鍾意！麵豉湯非常濃郁，好有麵豉味，仲有海帶喺入面！最後仲送上西瓜作為甜品！西瓜夠甜整體表現OK！有機會再食多次！…查看更多

成日食麥當勞，都唔係辦法，所以小編就搵間餐廳食吓飯先！點知又係令人失望！首先服務態度唔係太理想！要落單叫幾聲先過嚟，而且嗰時人都唔係太多！對客人欠缺熱誠。咁算啦！今次用餐，小編就叫咗個海蜇燻蹄飯！分量真係唔算太多，而且食物質素方面屬於中下級！海蜇都係普普通通，有少少似喺超級市場/雜貨店買嗰啲即食海蜇咁，只係冇咗味咁！點嗰啲酷就冇咩特別！最後燻蹄，就比較瘦，肉質比較孩，冇咗嗰隻煙燻味，點解啲醋都唔會入味，所以整體來講都係麻麻地！…查看更多

小編食嘢要求已經唔係特別高架啦！但都唔可以太過份！首先服務都尚算ok既！唔係話太過差嘅！反應速度都唔係特別快，但仍然可以接受。不過野食方面，係小編眼中就完全唔可以同無可能合格！首先前菜賣想已經唔係話太好㗎啦！食落去仲更加失望，皮蛋黃已經好實，冇晒流心。仲要唔夠入味！夾硬hi d汁先叫勉強有啲味！主角就係擔擔面，表現真係更差，麵條一大舊，好難散開，質地都唔理想！完全係一舊野咁，冇咗個口感！個湯底得㗎辣字，冇其他味道，冇花生味都無，重點個湯底都好油！最後到薏米水，得個甜字！完全薏米無味，好似飲糖水飲…查看更多

今次小編去車仔麵，聽講呢間車仔麵都幾出名嘅！所以小編決定去試一試！不過呢間餐廳令小編好失望嘅！首先價錢唔係特別平，所以要求都會比較高！不過質素反映唔到價錢到！首先個麵鹼水味都頗為重！麵既質地都係比較硬！口感都唔係太好！而且啲墨丸冇墨魚味！唔夠彈牙！湯底都冇味！附近某間老麵店，佢哋嘅湯底至少會有魚味！而且紫菜預咗唔會係野生紫菜！但係質素方面比起其他舖頭唔太理想！好容易鬆散！服務方面就真係麻麻哋！大部份都要自己攞！環境舒適度一般！…查看更多

識咗個新朋友，佢介紹咗呢間餐廳俾我去試！首先佢介紹咗間良心餐廳比我試，價錢都合理嘅！今次小編叫咗個三文魚甜蝦帶子飯。咁呢個餐廳好好招呼！只係飲一兩啖茶，即刻幫你加茶，而且對客人非常有禮貌。又係一個加分位。午餐有個沙律同埋麵豉湯。個麵豉湯就比較濃郁既，而且都幾有麵豉味！都唔係特別鹹。至於個沙律啲菜都新鮮嘅！沙律醬如果再多少少就完美啦！唔會話太鹹既飯既表現得唔錯！啲飯唔算太實！三文魚都新鮮嘅！有少少鮮甜嘅！係非常厚切！不過帶子同甜蝦個新鮮度更高！更加鮮甜！而且甜蝦都幾大隻，同埋個蝦頭都唔算太苦，最後啲配角，即係蟹柳同玉子，尤其玉子係特別鮮甜。蟹柳都唔差嘅，都有少少蟹肉味，唔太似超級市場買嗰啲無味整體來講，優質服務，食材新鮮，有機會再來食！…查看更多

又係趕時間返工嘅時間啦，成日麥當勞叔叔，今次幫襯下家鄉雞爺爺先。今次用餐係星期六，但係人流都唔算太多！坐得都尚算舒服！可能時間尚早，晏少少就好多人！今次用餐叫咗個巴辣雞翼餐，我配左個薯格！以前食KFC一定會叫薯格，但係一句說話今時唔同往日！以前細個食有啲脆，但係今日食咗比較林，而且冇咩薯仔味！至於雞翼表現都尚算OK既，雖然都係炸定，但係至少都夠熱，而且皮都夠脆口嘅，而且沒有overcook，熟嘅。啲肉嘅質地，不過不失！…查看更多

今日去返一個好耐無去過既地方，就係藍田匯景廣場，呢度真係有好多好多既小食，今次揀呢間舖頭，係由前區議員陳易舜推介。呢間舖頭係好抵食嘅！今次叫咗三樣嘢！首先我叫咗個海膽魷魚！其實好少機會係出面食到嘅！都是新鮮嘅，有少少類似海膽醬！海膽不及海膽，但都算滿足到希望！之後，飛魚子小卷。雖然唔算好大件，但係都好過癮㗎！魚子就唔算大粒！個口感都唔錯，雖然唔似蟹籽咁好咬，份量都唔算差嘅！紫菜都OK嘅，唔會話太林。最後當然再叫一個海膽手卷啦！海膽喺呢個時候離講都算新鮮嘅。都有啲鮮甜。冇乜苦味！唔錯整體服務都OK嘅！可以值得一試…查看更多

因為趕時間返工，又要食麥當勞（金拱門）啦！其實每間麥當勞（金拱門）應該都係差唔多㗎喇！但係唔同分店表現都會有差異！呢間分店令小編真係失望，跌晒眼鏡！今次叫咗個麥樂雞餐！係配薯條嘅！首先服務方面比起早前寫食評個幾間分店為差，食物質素方面，薯條好多都林，而且唔算話好夠熱，好似炸咗一段時間咁！另外麥樂雞都係，有少少唔係好夠熱！呢度令小編失望嘅，而且環境方面，比起其他，鄰近車站既麥當勞（金拱門）為擠迫。坐得唔係咁舒服。最後衛生可以再做好少少…查看更多

好罕有地係九龍灣收工，突然之間好想食下辣嘅。咁不如就簡食酸菜魚啦！其實我好九唔搭八地，揀咗紅湯！不過個羅宋湯都好飲嘅！都算幾濃味，加少少胡椒粉，會更加正！嚟到主角酸菜魚，酸菜魚就唔算特別好辣，不過都夠酸嘅，記得要將個汁去撈飯，咁先感受到酸菜魚嘅滋味！至於d魚，都算有魚味。唔算腥！well done! 啲酸菜就都夠酸嘅，都鹹鹹地嘅！仲有食嗰時要小心，有啲青色嘅椒係好辣嘅！一唔小心食到就⋯⋯不過全靠呢啲椒先出到呢個剛剛好既辣度！…查看更多

陪朋友做完身體檢查，坐低食個午餐先，佢話想食韓國嘢，咁就不如食呢間啦！野食質素方面都唔算太差㗎！女孩子👧🏻既朋友。食既野唔係好多，所以我哋叫咗兩份嘢大家一齊分享！首先我哋叫咗個墨先生與蝦小姐。佢係一份壽司離既，唔使點豉油都好夠味！有少少墨香味，紫菜唔係特別脆，但唔脆反而更好食！墨先生裏面嘅墨魚都算旦牙既！至於蝦小姐啲蝦唔係話太脆，但都好食既另外，我地仲叫玫瑰醬年糕炒拉麵，實際上係公仔麵，但係麵嘅質地都唔錯嘅，幾彈牙！同年糕一樣都幾彈牙！嗰醬汁就辣辣地！食落去都幾過癮㗎！雖然價錢有少少貴，但係嘢食質素都唔錯！有機會再嚟試吓啦！…查看更多

今日係趕時間返工之際，咁就食左少少野先。今次叫左個麥樂雞餐。呢間分店同附近嘅分店即係東涌逸東邨分店相比，嘢食質素方面係差唔多。呢間分店啲嘢食都夠熱嘅，薯條都尚算脆口嘅。都可以比合格Pass啦！至於呢間分店d soft Drinks 其實其他分店一樣都係唔係好夠汽㗎啦！呢間分店服務係比其他分店好嘅。店員會更加有禮貌啦！可能系同開起旅遊景點附近都有啲關係！不過環境方面就唔係太理想啦！因為太多人，實在太嘈。逸東分店相對會靜返少少。…查看更多