Stanley_Yip的个人专页

都已經一年都幫襯唔到幾次，真係每一次都係衰過一次，特別個飯真係不知所謂到一個點，個廚房佬到底係日日賭輸馬定係廢到連飯都唔識煲，交呢d貨出來都仲可以生存到唔洗比人炒既，外賣幾個飯返到來全家一啖都食唔落，本身已經叫多汁諗住衰d撈汁都可以食到下，點知撈埋汁都係硬到痴線，係煮完擺係度擺到收哂水果隻硬飯，咁既飯你都敢出街比人食，仲要跟果D湯係燶味既，好心啦，食咁多間餐廳來講，你呢間煲既飯真係難食排名第一，我都諗唔到邊間煲飯係可以難食到咁…查看更多

由開張食到依家，岩岩開鋪果時就真係堅好食，到經過今晚之後就唔會再去幫襯，5點幾幫襯外賣，肥叉加燒鴨，諗住個場都係個十丁友食緊野，師傅都得閒到係度等單，都唔會伏得去邊啦，點知衰到貼地，係度食咁多次肥叉，都明水準有時係會有高低，但係今次真係火都來，淨係頭尾搭舊肥叉，中間就又瘦又柴仲要多條筋，趙到都唔想食，有乜理由肥叉係得頭尾一大舊肥膏，中間係唔肥仲要柴架，個燒鴨又係，一舊大舊過一舊，你係咪都要斬既斬好少少係咪咁困難？？還是個師傅斬野都未夠班是旦落刀斬完就當贏？？反正經過今轉真係幫襯都廢事…查看更多

無食半年，今日經過諗唔到食咩就行左入去11點幾鐘，入去叫野食果時坐滿6，7成左右叫返平時食開既蔥油雞扒蛋飯多汁多蔥油凍檸茶結果係乜都無多過，個飯仲要係白雪雪上到來第一啖已經食到蛋殼碎，撩開個蛋白見到有塊蛋殼仔，後面第二塊蛋一樣又係好多蛋殼碎，呢度都算最垃圾就係個個白飯，直頭不知所謂就咁睇都知道係難食既，有d就一pat野，有d就係擺到乾哂水咬落會痴牙既，最好笑係仲有幾粒唔知佢點煲出來，係生既，咬出來仲係粉既，一碟飯可以幾個口感，真係好野個雞扒又係垃圾，都唔知個廚房佬點整，色就有啦，但係可以無味既凍檸檬茶全部揀正常，檸檬吉到爛哂都係飲落淡茂茂收人50幾蚊一個餐，最基本煮個白飯出來都唔食得既，你話餸難食我都仲可以撈汁食左個飯，連個飯都食唔落口，不知所謂…查看更多

星期六去左食lunch，成日經過諗住多人食都應該唔差去到叫左個韓式便當同炸醬麵來左3款小食，芽菜，青瓜同泡菜芽菜同青瓜難食到爆個芽菜頭黑哂爛哂照出，仲要出水煮得唔夠耐，食落又生又腥青瓜又係，食落陣味勁假似唔知拎乜野化學野拿過結果兩兜野食左少少就擺到尾泡菜就普通野然後便當同個麵來到兩個都係普通到無得再普通食完係完全對唔住呢個價特別個麵仲衰過no brand成舊水一碗都唔及一包10幾蚊既公仔麵所以無乜野都唔會再去呢間，唔好食，出品普通但係收到貴一貴雜菜炒粉絲都收78🙂…查看更多

58蚊既水煮牛，兜就好大啦，入面d料加埋20蚊都唔知冇，肥牛得4塊，仲要係平時街市買既肥牛切開兩塊，即係實際得2片肥牛，幾塊切半既娃娃菜，1/4個蕃茄，1/10既金菇，咁就收58蚊，全部清一色灼熟加湯都唔緊要，連個份量都係不知所謂，唔知既以為係叫緊30幾蚊下午茶餐，諗住呢間都多人買來食，上次就食隔離上海野已經諗住夠哂伏，點知呢間仲伏過佢，幾個來拎餐見到個份量都係o哂嘴，食過咁多次都係得隔離間越泰係好食份量足，其他都係狼死到爆🫠…查看更多

做野經過幾次，見有時間就去食左個早餐，野食來到睇落係好夠味同埋用出前一丁，仲有比埋粉同麻油，睇牛個份量係足料既，就撈勻d牛食左啖發覺唔對路，完全係無味，食多兩啖都係攪唔掂有牛有色但係淡到近乎無味，好似人地開粉兌水兌得太多淨係補色唔足味咁，唯有落埋跟餐包粉同麻油當食原味出前一丁，多士足一塊但係牛油係勁騷，食左半塊食唔落，火腿奄列就正正常常既份量同味道成個餐食完我只係可以講句，價錢合理但係味道完全唔掂…查看更多

本身食過幾次人蔘雞，138蚊全隻上都覺得ok幾好食，同埋配菜都有幾款幾好，到早幾晚叫左個炸雞同紫菜包飯，拎上手都唔係好覺，返到屋企一打開個炸雞就已經知奶野，數埋得十舊，搵哂成盒最大果個都係同個飯一樣大，再去睇其他食評寫炸雞份量足，唔係呀麻，呢份炸雞收168得咁既份量？ 先唔好講係韓國果度食，香港食過咁多間炸雞有平有貴，但係168都唔算得平，但係個份量砌埋都無人地半隻雞，似係人地一件雞胸開4舊比你咁，味道唔差，但係食完好似無食過野咁，同埋加埋200幾蚊配菜反而得泡菜，失望，唔會再幫襯…查看更多

用apps叫外賣，兜湯河40幾分鐘來到見得一盒野都知到奶硬野，一打開撩兩撩，仲有幾滴汁係底既，但係d粉已經索哂d汁脹到一夾就斷，個兜就好大啦，但係湯係連10分1都無，勉強食左啖，直接成兜直入垃圾桶，我就係想飲個湯先叫湯麵，你就唔分湯成兜咁打包做外賣，成兜幾十分鐘來到湯麵變撈麵…？咁點解我唔叫撈麵？？大佬你真係唔好咁痴線啦🤦‍♂️🤦‍♂️🤦‍♂️我真係咁多次外賣叫湯麵都係自動波分湯諗都知你兜麵十分鐘唔郁佢都會索到脹哂根本食唔到啦反正無下次…查看更多

叫左牛舌定食，同吉豬飯加蕎麥面等左20分鐘上枱，吉豬飯凍既，面頭又唔知做乜野鋪d生既生菜上去，本來吉豬同飯都唔熱，攪到成兜飯更加凍，蕎麥面個汁係可以淡過水，而牛舌上枱係熱熱地，但係自問牙力好夠，不過6舊有5舊趙到似係趙香口膠咁款，真心好多年未食過牛舌係可以整到咁垃圾，隔離d菜落埋D柚子皮一齊烚攪到連D菜都係苦既，一set野收舊幾水好似比錢食到咁不知所謂，又凍又難食，呢個價錢得啖笑，仲要係出而見到d食評話好食，呢班人其實知唔知咩叫好食？ 衰d講句，真係仲衰過一間幾十蚊既平價日本定食…查看更多

軟殼蟹漢堡驚艷，味道出眾價錢合理黑松露雜菌又碎又少，唔知以為人地食剩青瓜麵豉醬合格，不過味道未必個個人岩所謂既雞之盛宴串燒垃圾到一個點，連加1收成110，食完$30都比多佢，雞肉我以為趙緊煲完湯既湯渣，4舊都係有色無味得個柴字，連大蔥既一樣，雞翼完全無味，雞軟骨一樣有色無味得個柴字，雞皮得頭兩塊合格，後面兩塊過厚亦燒得唔均勻，原本都好期待，寫邊度邊度來既雞，無諗過出到來垃圾到咁，如果隻雞咁把炮無問題的話，咁我建意換左企爐果個總結：唔會返兜…查看更多

6點幾拎飛3-4位，前面只有4張等緊，等到7點15分都未入得，呢段時間入面已經前前後後幾個家庭出來埋單，然後1-2人就不停入，問個所謂既經理個答案係未有人交枱，都已經奇怪係唔係得咁少4人位，7點15分3-4人既已經排緊20張枱，仲要呢段時間都淨係入得3張，而1-2人既係由十零二十張變到即場拎飛即刻有得入，到終於入到先真心唔明，張枱唔係固定左，大部份仲要係4人枱來，我明順得哥情失嫂意，但係會唔會係咁分配？到食果d又係得個死咸，菜莆蛋唔知佢菜莆係無浸過水定狂落鹽，4個人食左兩件食唔落，肉燥飯隻鹵蛋又係咸到痴肺，本身都傷風感冒無乜味覺，食一半都覺得咸，正常味覺既趙左兩野都吐左出來，排骨蛋炒飯仲正，由排骨到個飯都係甜既，特別個飯係甜到我以為趙緊砂糖，問左侍應又話係咁，咁當我少食唔識野啦，不過水果茶同拼盤幾好食，正常口味，總之無下次…查看更多

8點上到去話打邊爐就叫人8點半上來就有位給果25分上到去就話汁緊位，一等就等左15分鐘，再問另一個就話未有位喎等下先啦，無位就唔好咁實牙實齒叫人830上來早d講我去第二間好過啦…查看更多

原本個FD介紹過來,諗住200頭任食有乳鴿有海鮮拼盤好抵食,仲要830後入座有優惠,FIT到漏啦一上去坐低叫完湯底,即刻寫齊野比紙,先來個乳鴿,雖然薄身,但係岩岩整起都幾好味,海鮮拼盤,扇貝,蝦,鮑魚,生蠔,躉件食得出幾新鮮,但係不滿肉蟹變左普通花蟹,無膏亦無肉問完個呀姐就話肉蟹賣哂,食完呢D就諗住來正餐任食果PART,結果等來又等去,第一張紙淨係來左幾舊牛柏葉,生根,籮白,粟米,冬瓜,鮮牛肉,望一望個場,7成人坐唔足,仲要有D我一坐低已經係起身埋單,都仲未計部份人食蒸鍋,部份小菜,諗住佢汁漏,唔緊要,我即刻補多張,來既又係重覆上面果堆野同埋多左少量既菜,頂,我都係想食野姐,兩舊水我唔期望D乜野,甚至開頭海鮮乳鴿都已經超班但係你都來D野食呀,天氣咁冷打邊爐都係想烚下烚下,捉住個靚仔幫我睇睇單,入到廚房出返來話寫過張再幫我追廚房,我好記得9點15分,炸魚皮,餃類正常打邊爐必有既野,基本上一律賣哂,有既基本上都已經汁哂出來,之後果一粒鐘我就重覆牛柏葉,生根,籮白,粟米,冬瓜,鮮牛肉,生菜,西生菜,金姑,生根呢堆野無限咁LOOP,2舊水,我就係咁樣LOOP呢堆野LOOP到10點幾走人 本身係度齋睇唔出POST,我都忍唔住上來寫呢篇野P.S. 打邊爐好少食丸食腸食餐肉, 果D係仲有貨的…查看更多