Mag. T.的个人专页

初三去車公廟迫完餓餓地，順勢走咗去“屋子”開餐！第一次嚟“屋子”，舖面不大，大約最多坐廿人。跟友人坐嘅係最返門口的一排“面壁位”對住幅牆食自己。。。看似Cafe，但除咗一般Cafe有嘅coffee or tea之外都有好多其他嘢飲嘢食揀！近期重有春節限定Menu添，所以我揀咗個春節鯖魚定食（$7X）。依度嘅定食“絕對唔啱女仔食”，因為份量實在太大，我食到一半已經食唔落（飽）！個Set除咗有自家醃製嘅白、紅蘿蔔絲同日式芝麻醬沙律外，個飯重加咗啲飯素。主菜嘅醬油鯖魚一啲魚腥味都冇，肉質重幾滑添！正！！至於友人就叫咗個牛肉定食（$6X），依個味道都唔錯，但就冇乜特別。，去“吉X家”食都可以。原本諗住留肚食甜品，但最終太飽只好下回再續。。。。…查看更多

上次嚟食咗個超正嘅Egg Benedict，今次就試佢個大大份嘅All Day Breakfast！因為之次人手唔夠所以整唔到3D Latte，今次點都要叫返杯啦！4 little kitten in the cup！cute爆～❤但味道還是Americano啱我（艾粒齋啡）！今次上菜速度快咗，坐一陣就有得食喇！嘩！個All Day Breakfast比想像中大，我一個人根本食唔哂～一般All Day Breakfast 要有嘅（炒蛋茄汁豆菇菇蕃茄…）佢有，至於比較特別嘅有煙肉x2、煙三文魚x2、腸x3同兩大個冬甩圈圈！實在太豐富了，除非你係大胃王，否則唔好諗住一個人會食得哂！…查看更多

之前撘車幾過Beans時以為佢係一間時裝店，到早一、兩個week前係荃灣肚仔餓又唔知食乜好時上OpenRice一睇至知原來係間cafe，而且重係一間有All Day Breakfast同Egg Benedict賣嘅cafe!之不過我一個人食得幾多嘢呀！兩者只選其一試下先。於是抱住半中伏嘅心態揀咗Egg Benedict（$68），因為係香港未試過一間整Egg Benedict整得好食:(！上菜速度唔算快，大約等咗5分鐘，餐飲先上。我揀咗杯Americano，好香亦唔酸，正過“士他畢”。再過多10分鐘，主菜終於都嚟喇。賣相一流，絕唔會一pat嘢。水煮蛋整得剛剛好，我本身唔鍾食火腿煙肉之類，所以佢配三文魚啱哂我！拮穿個蛋黃，等啲蛋汁流哂出嚟再溝埋荷蘭汁嚟點Muffin食，好正！重有一大堆沙律菜伴碟，食哂真係超級飽！…查看更多

之前喺新吉洞食Lv1辣馬麵真係辣到噴火（勁弱雞），事隔一個月去食馬麵，淆底唔敢試高啲Lv，依舊叫Lv1就算，但明顯冇上次咁辣，至少可以飲得哂啲湯先！今次張menu加插咗啲相落去，唔洗一味靠估嗌嘢，重多咗好多小食同食品揀㖭！除咗要叫必食嘅‘辣炒馬麵’‘美人醋梳打’同‘紫菜飯糰’外，今次重試埋‘黑蒜炸醬麵’同‘唔知咩奶’（sorry！唔記得咗…）。好老實，個炸醬麵唔算特別，除非係你走咗入一間專食‘辣’麵嘅舖頭你又唔食得辣但有好想食麵咁叫啦！至於嗰杯‘唔知咩奶’可能係杯‘美人梳打’太好飲、啲冰水清甜，總知…我唔識欣賞（但叫嗰個人話Okay喎！）食完哂，又到咗型棍Chef出場，今次唔係問我哋覺得啲嘢好唔好味，而係佢認得我哋兩條茂里又嚟開餐所以請我哋試下新出嘅‘年糕魚串’，好記性得佢吖（I want to marry your brain!），依嗰堅正！佢係用魚串包住嚿年糕嚟整，再加上少少辣粉同埋一啲黑黑地類似燒汁嘅sauce，好正好好味！下次又多樣必食喇！(≧∇≦)利申：本人係非常誠實的，個‘年糕魚串’絕是因為型棍Chef請至話好食的！（要我埋沒良心，除非佢親手餵我就有得傾！嘿～）…查看更多

尋日睇蘋動，見佢介紹咗間食“辣炒馬麵”嘅韓式料理店，今日晏晝即捉埋Dear一齊去試（就算中伏，至少都有人陪吖）“辣炒馬麵”嘅辣度分咗4Lv，今次同Dear只係試咗Lv1馬麵，湯底勁鮮甜，飲得出佢哋堅係用咗好多海鮮嚟淆，好正！不過真係好Q辣，好在有解辣孖寶“紫菜飯糰”同“美人醋梳打”幫拖，唔係都幾難食得哂個麵！之後個型棍Chef重走過嚟同我哋傾計，問我哋覺得依餐好唔好食？（唔知重以為去咗5星級餐廳 ￣∇￣lll）p.S.型棍Chef重同我哋講食得哂Lv4又死唔去將會有幸同型棍Chef影張靚靚車頭相表揚你夠命硬！之不過連花樣男張根碩都被KO嘅Lv4，型棍Chef當初都要食咗3次至食得完，食Lv1都食到成頭汗嘅我哋都係自動收皮好喇！…查看更多

是咁的，話說前年同大大係日本食過個超正嘅燒汁肉豚肉飯，一試難忘，但返到嚟之後試過好多間出名嘅日式料理店，佢哋啲豚肉唔入味(甚至冇味)就係啲酱汁得個甜/咸字，總之好很難食！今日無意間比我見到有間食讚岐手打烏冬嘅餐廳有賣豚肉釜飯，心諗做烏冬賣釜飯，好食有限啦！不過最終都係抵唔住頸入咗去試，叫咗個燒汁豚肉釜飯嘅afternoon tea set(就算中伏都係30蚊到，是但啦)，OMG!!!千辛萬苦終於比我食到肉爽多汁，酱汁味道啱啱好嘅豚飯啦！下次豚毒癮起就有救啦！！(p.S. 5pm前埋單重有9折，抵到爛呀！) — 在荃灣廣場@甘味手打烏冬…查看更多