如初見的个人专页

而家香港地百物騰貴，隨便落街食個便飯都好貴但’麵尊’以銅鑼灣地段嚟講係超級超值🤩價錢親民，性價比又極高，回頭率100%，真心勁推🙌🏻一麵三餸都係四十幾蚊，仲要高質好食個湯底係略嫌鹹咗少少，其他都冇咩好挑剔…查看更多

入到黎元朗緊係唔少得食返個元朗名物-香蕉仔！而我覺得香蕉仔係…你唔係住呢頭真係冇機會食我食過三次，三次都係要等2-3個鐘由於朋友住呢度附近，我都係返去等完再出黎拎溫馨提示特登走入黎食嘅朋友，如果你要食嘅話你要配合返你嘅行程了…查看更多

我有兩個住元朗嘅朋友成日話呢間好好食成日都推薦人地去食，都喺區內頗出名嘅食店。咁我心諗有冇咁好食呀？好食到要成日講？終於有日都入左去食，店仔細細但門口真係好多人等堂食同外賣喎😮要左個豬扒拼醉冰鮮雞，我又覺得…冇咩特別咋喎👉🏻👈🏻都係一般嘅冰鮮雞味道，不過個雞又冇話比啲酒醃到過左龍有苦澀味，但佢又冇話特別到要排隊去食咁不過公道講句，我唔係食新鮮雞，話唔定新鮮雞會好食好多嘅，下次可以比次機會試埋個新鮮雞然後個豬扒好淋同埋肥肥地，仲有少少筋其實食落似叉燒多過豬扒但價錢又真係好親民，過開黎元朗都不妨一試！…查看更多

好幾年前食過季季紅嘅有米豬覺得好好食屋企人分別都有食過，佢地都覺得好好食今年屋企人生日，屁股痕癢諗住買隻豬返屋企食啦$698(再加$80運費送到樓下)然後發現幾年後佢已經係另一回事lu可能堂食同外賣又真係好唔同嘅，但而家真係唔掂…查看更多

通常學車或者師傅先會黎食駕院同外面餐廳都有返咁上下距離學車前有少少時間攝一攝食個快餐，快餐黎講呢度都真係好ok！係比想像中好食，價錢同出面茶記差唔多所以性價比我比滿分，價錢對得住質素…查看更多

呢間嘢都好似幾多人食，所以就諗住試吓同朋友兩個人，叫左一個飯一個粉一杯野飲叫左個黃金流沙軟殼蟹唔知咩燴飯同埋唔知咩焗龍蝦尾闊條麵(成間餐廳啲野食個名都好長🥵容我唔記得啦)嘩我想話個軟殼蟹燴飯好好食喎！佢個汁好好味，仲有濃濃蛋黃味！個飯又燴得岩岩好，冇唔熟冇太實，我超喜歡呢個飯但掛住食嘅關係唔記得咗影相…而個龍蝦闊條麵我就覺得正常發揮，不過龍蝦果個位就好細心，佢已經幫你半起左肉，等人地食個陣唔洗好論盡咁去除殼不過我朋友食食下個龍蝦…咦？點解啲肉透明嘅？噢…原來佢未熟:(就叫侍應拎返舊龍蝦去整返熟髒髒黑糖珍珠鮮奶-其實我同朋友就覺得同出面果啲珍珠奶茶冇咩分別🙈一啲都唔驚嘆見到好多人叫以為好好飲，應該都係叫黎打卡嘅除咗個唔熟嘅龍蝦之外，總的來說是好的。…查看更多

食飯時間路過尖沙咀搵食見到周圍都好多人但唔知點解呢間‘肉搏’有位🙈門口個姐姐又問我食飯未咁我就抱住一個沒有期望嘅心情去食一個快飯啦~見到餐牌啲丼飯全部都好吸引最後揀左個細嘅慢煮頂級牛肉盛丼(我覺得女仔食呢個份量係岩岩好！)再加左唔記得幾多錢嘅三文魚刺身，都新鮮的本身真係冇抱期望去食呢個飯，點知一食又真係估你唔到，完全喜出望外蛋黃同咩都夾架啦，都唔洗點特別講而個汁甜甜地，再加埋個忌廉都好夾喎！仲加左16蚊飲朱古力曲奇沙冰係有誠意嘅杯呀最後望到隔籬枱嗰位哥哥仔叫咗個豚肉丼，但佢食咗一半就走左，唔知係咪唔太好食呢..？…查看更多

入黎食個特別少少嘅甜品😋就試下個火焰雪山~店員將甜品上枱然後問需唔需要影相跟住就倒啲酒落去點火喇🔥其實個甜品就冇咩特別🤣都係發起左嘅蛋白黎，同埋成個甜品都係一陣酒味我就麻麻地，不過當埋有個表演睇咁啦哈哈…查看更多

一行5人去’家嫂’食晚飯埋到枱，個地下有少少少污糟😅有上一手跌左落地嘅食物殘渣，仲要比人踩過黎，搞到個地下係立痴痴的不過位置算係坐得舒服，唔會話同隔離枱好近同好迫開場首先有刺身船都鮮味，新鮮嘅然後就上左個雞煲，都係一般雞煲嘅味道，唔見得話好出色眼見其他配料嘅選擇真係唔多，老老實實係有少少失望，因為價錢唔算話好親民。我仲覺得略嫌有少少貴，人均每位加埋一就已經過四百蚊，出面有好多咁嘅形式嘅雞煲打邊爐再包你刺身都唔洗咁嘅價錢。如果味道又係同出面其他店差唔多嘅，就唔洗喺你呢度食了。…查看更多