NanoDiary的个人专页

位於觀塘至牛頭角海濱道的觀塘海濱花園其實都幾適合野餐，處於觀塘區鬧市邊緣，環境旺中帶靜，面向郵輪碼頭一邊的維港，整個海濱沿路都有草地和散步徑，四周沒有太多高樓大廈包圍，感覺開陽、陽光充足又有海風，環境都算幾清幽和舒適寧靜。而我地就係接近順業街一段野餐，因為個度有間試業中的cafe叫one little room，雖然只得外賣，但買滿$120就可以用$150按金免費租借地席和木箱，咁就可以係對開的草地野餐了～其實咁樣都幾方便，要準備和帶去的東西都省卻了不少! 甚至可以兩手fing fing去野餐添!😂而我地久點了個classic waffle($46), 芝士吞拿魚多士($46), 朱古力冬甩($18) 和兩杯飲品，以獨市來講價錢真的唔算貴，而且食物質素都唔錯的👍🏻，食下野影吓相散下步、慢活一天的假期，都幾寫意吖～唯一缺點是夏天無法避免的蚊蟲，可以最好就帶定防蚊產品，另外而家天氣熱記得帶定兩支水補充水份啦～…查看更多

唔知大家有無留意，四月開始各間outback分店逗陸陸續續轉了新menu。除左少了其中幾款菜式外，雖然睇落menu差不多，價錢甚至平了，但質量同以往都存在著幾明顯的分別～價錢係就係平了少少，但份量就少了好多，失去了outback大portion適合大夥兒聚餐的特色，好似款芝士薯條咁，以前大大碟而家就一小兜。而味道都有點水準下滑，起碼黃埔花園呢間係差了，唯一好在黑糖麵包還是不變而且唔過的話可以再加。或者outback可能想減低成本走大眾化一點的路線，但聽店員講有唔少食客都反映過意見覺得以前的水準和質量比而家好，咁就即管睇睇遲d又會唔會再adjust下個menu吧～唔知你地又點睇呢?…查看更多

KFC都算係麥當當以外，另一陪伴著我們這個年代的人成長的快餐店～而家的KFC對於我地來講，只要行落樓下商場、又或者打個電話就有得食，通常都係屋企無飯食唔知食乜好的時候先會''頹頹地''食個KFC就算～但諗返以前細個時，食KFC的機會都幾難得～ 一來在媽媽的角度，KFC的炸雞實在太熱氣了，所以好日都唔會帶我地去食一次。二來以前KFC的分店比而家少得多而且價錢比麥當勞貴，就算放假，多數屋企人都會帶我地去屋企附近食麥當當的開心樂園餐。所以諗返轉頭，原來細個所嚮往的 已變成現在眼中的頹食⋯當你拎著這件KFC炸雞時，又有什麼感覺呢?…查看更多

這間位於黃埔百寶坊的cafe餐廳，位置雖然並非在大街位置但都唔算難搵，周中晚上來到吃飯的客人唔多但反而覺得寧靜舒適～這裡有多款輕食、西式主菜、窩夫甜食和咖啡花茶等選擇。我們點了美國芝士瘋薯、香煎和鵝肝與西冷牛扒配薯蓉、紫薯窩夫配豆腐雪糕同埋一個洋甘菊蜂蜜花茶。其中今次要介紹嘅呢個窩夫，係即叫即製嘅紫薯窩夫，鬆脆嘅花形窩夫入面有紫薯蓉餡料，紫薯味道唔會太甜太膩，配上豆腐雪糕感覺好match～我哋兩個食完薯條牛扒再食埋個窩夫都唔覺得好太heavy～呢度的環境同食物都唔錯，中等價錢，如果住附近的話得閒可以去試試～…查看更多

今次來到位於紅磡的這間日式餐廳，餐廳是由居港多年的日本老闆經營，其中以鰻魚飯最出名，就等我地試試啦～鰻魚飯賣相簡單附送一碗麵豉湯，但味道還是不錯的。鰻魚剛燒起熱辣辣，口感軟滑有少少骨，鰻魚汁幾香夠入味～日本珍珠米飯粒粒分明、濕度軟硬度適中，沾上鰻魚汁配上鰻魚唔錯唔錯～唯一是覺得如果可以加點紫菜碎在面頭就更畫龍點睛了～!這個鰻魚飯雖然賣相一般簡簡單單，但算是實而不華，價錢$88一碗，喜歡食鰻魚的話可以試試～…查看更多

講起city人係食方面的集體回憶，就是同學們放學reu同"lunch time食遠d"的好地方—品香樓～呢度長期都好爆，就算我地今次是平日的夜晚來到，即使book定位都好，點都要等一陣～我地點了個黃金蝦、蒜蓉炒西蘭花、火焰蜜糖牛柳粒、半隻風沙雞同埋明太子炒飯，四個人食顯得有點眼闊肚窄，其實可以少點一個黃金蝦。至於點解係黃金蝦? 因為黃金蝦的水準真的大不如前至餘仲要$98(七隻)，實在麻麻地⋯但其他都ok的，風沙雞同火焰蜜糖牛柳粒水準依舊不錯，而明太子炒飯幾有驚喜👍🏻。後記：如果唔係食得太飽的話，我們會去食埋city人比吃的南山邨車仔檔碳燒雞蛋仔，可惜太飽，唯有留待下次吧～…查看更多

這間在尖沙咀、紅磡和筲箕灣都有分店的seafood stand，以漢堡和海鮮為主題，餐廳環境唔錯，menu上有多款肉類和海鮮類漢堡和海鮮的sides。而我地就點了個龍蝦漢堡和兩款炸海鮮，老實說炸物麻麻地，而漢堡叫相對好d～雖然係叫龍蝦司令漢堡，但除了龍蝦鉗之外還有原隻帶子，海鮮用簡單方法烹調未有太多調味所以比較清淡，主要靠醬汁來增加味道。這個龍蝦漢堡算是不過不失但有點稍遜於預期，不過價錢方面$88有龍蝦有帶子都還可以接受的，而另外的beef burger同lamb burger都只是四五十蚊下次可以try try～…查看更多

老實說有時候遇到好西時，總會擔心當餐廳人氣高了，有時候愈多人去卻反而令水準質素下降，但還是有些人氣餐廳仍能保持一貫水準，絕對值得一讚～今次要分享是韓食炑八的lunch set，差這半年以來，食物的水準愈來愈高而且價錢也沒有提高。我的最愛是蛋包飯加菠蘿梳打，以前是漢堡排，現在是雞塊四件，件件啖啖肉燒汁濃，蛋滑包住蕃茄醬炒飯，沙拉有少許麻醬調味。 跟餐有餐湯同前菜，泡菜也是很新鮮，雖然梳打要加6蚊不過大大杯唔hea你，以旺角午餐來說，$42-58蚊又好坐又好味又唔算貴，CP值超高的午餐之選！…查看更多

這間由韓國人新開的韓國餐廳，主打多款紫菜包飯，他們價錢不算貴而份量亦蠻多的! 是喜歡韓國菜的年輕人不錯的選擇～在menu上有十數款的紫菜包飯，我們試了其中四款(有一款追加的辣魚乾味沒有拍)，其中以炭燒豬肉紫菜包飯最人氣，但我們覺得幾款的味道都ok的，辣魚乾味是頗辣的，不吃辣的朋友注意下～這裡的紫菜包飯份量算多的，真的有手臂般長，所以這個價錢算是抵食的，這次我們八個人點了四個紫菜包飯還有辣炒芝士年糕、魚糕湯、泡菜牛肉炒飯和水冷麵都只是六百多元，平均每人只是八十令蚊～除了幾款紫菜包飯外，我地仲點了辣炒芝士年糕、魚糕湯、泡菜牛肉炒飯和水冷麵，每款大概$70幾，多d朋友來一齊share可以試多d唔同菜式～…查看更多

相信大家對呢間位於深水埗、以低價抵食韓國菜作賣點的本地韓國餐廳都唔會陌生～而佢地最近係旺角開了分店，地點又更加方便了～今次我地閒日夜晚大約九點來到深水埗呢間，都要等大約10-15分鐘～今次介紹這個新派芝士熔岩蛋漿飯和鐵板韓式芝士炒年糕都只係四五十蚊，十分抵食～芝士熔岩蛋漿飯雖然無肉但勝在芝士夠多牽晒絲夠邪惡，如果你喜歡的話仲可以自己再加添～而芝士炒年糕同樣有好多芝士，另外亦有韓國泡麵同雞蛋等，兩款菜式都只是很微的辣適合絕大部分人的口味。份量方面，2-3人的話點三款菜式就應該岩岩好了，除開每人都是幾十蚊～的確幾抵食～…查看更多

來到週五最好當然是在環境舒適的餐廳，吃一頓relax的晚餐，更理想就是有得飲下酒吹下水～而今次介紹這間美式餐酒吧就適合不過了。這間座落於舊區土瓜灣的餐廳以他們的美式漢堡最出名，我睇之前亦都已經介紹過這裡的漢堡。至於今次我地就試了漢堡以外的menu，點了海鮮拼盤、薯條、雞翼等小食和豬手，當然唔少得生啤同手工啤酒啦～先講海鮮拼盤，有波士頓龍蝦、炸魚、炸蠔、炸蝦餅和青口。味道ok不過不失，單以味道個份量來講性價比不算太高，但賣相同餐廳環境搭夠，而且炸海鮮送酒也都不錯的。另外點了黑松露薯條、雙重芝士薯條和芝士脆皮雞翼，這裡的小食味道幾好，尤其這裡的是連薯仔皮的手切薯條，炸得很脆，口感味道都很好👍🏻至於豬手的味道一般而份量十分少，確實有點失望⋯而呢度有多款生啤和手工啤酒供應，適合鍾意啤酒的朋友們～overall來講，來了兩次試過大部分menu覺得這裡的漢堡和小食是比較出色的，可以點個漢堡加杯啤酒再叫些小食和朋友一起share～…查看更多

來自紐約的人氣蛋糕店Lady M，最出名的當然是他們的千層蛋糕，位於尖沙咀這家更是任何鐘數同日子都是大排長龍, 難得見到條隊比平時短就去試試啦!而我地今次就點了士多啤梨千層蛋糕～雖然$75一件的確唔平，但蛋糕的質素還是有保證的，每一層的皮都很薄而每層的cream和皮都很平均，味道口感都相當好。除了蛋糕外，這裡的環境佈置簡約優雅，同樣適合姐妹淘和情侶食cake打卡傾計和自拍～但如果假日或tea time/dessert time來到，就始終難逃排隊的命運了～(最怕排隊了TT)…查看更多

週末晚飯後最好不過當然是食個糖水啦，今次我地就來到聰嫂吃了龍眼椰果冰、綠茶杏仁豆腐花和蜜瓜涼粉～這裡招牌的龍眼椰果冰是我們最愛之一，清甜冰涼 較少甜品舖有得食，水準一貫的不錯～而綠茶杏仁豆腐花的綠茶是在於綠茶果凍，但果凍的綠茶味不明顯，而杏仁味就像對突出於豆腐花很夾～至於蜜瓜涼粉除了有蜜瓜和涼粉外，還有蜜瓜味雪糕，蜜瓜味很香～欣賞聰嫂在甜品的設計上很花心思，每款甜品都算是特別，而且價錢只是廿令蚊相當便宜，以這個質素來講CP值很高👍🏻…查看更多

放工Refreshment之半熟抹茶芝士撻半熟工房的芝士撻大家應該不陌生，NANO都食過幾次, 今次一於來試試這個綠茶味～個撻照舊都好熱辣辣，綠茶味幾香濃，芝士味幾出同半熟程度ok，不錯!～只是覺得$25個還是有點貴的～…查看更多

雖然唔係住葵芳荃灣，但間唔中我地都會來葵涌廣場行街食野，週末來到葵廣三樓，轉程來搵食的人比比皆是，呢度幾乎全層都是小食店花多眼亂，其中一間必試的小食店就是這裡的又一戟～佢地主打鹹食和甜食兩類數款的班戟，而我地今次就點了藍莓芝士蛋糕班戟～星期日人多的關係都差不多要等十五分鐘，但都尚算值得，班戟賣相唔錯，在面頭的cream和藍莓底下就是兩小件芝士蛋糕和自選的雪糕，我地選了椰子味雪糕，雪糕同班戟皮和cream的配搭都幾和諧，而芝士蛋糕都唔hea味道不錯幾濃芝士味😋～而最近佢地都係轉型的旺中開了分店，想食既話都唔一定要去到葵芳了～…查看更多