Dottie_e的个人专页

由於份屬奧海嘅無飯家庭，因此成日附近開餐，紅葉茶屋'就係其中一間成日去嘅店，主要係覺得價格正常、食物品質平均同服務ok。自從依幾個月樓面換左新嘅一批人，新人事新作風可理解。 如果係抖M嘅話，我會真心推薦去食。'高音女仕'一句「隨便睇睇」之後佢嘅表情變得極度令人驚嚇，相當精彩。'點心阿姐'突然嘅情緒反應，笑罵由佢舞（加上成日背住啲客人話佢低能或其他不雅用語，依啲係唔係她嘅口頭禪？）'擦鞋阿姐'真心覺得佢係唔係認為自己食飯（非午餐時間）比回應客人、 送餐重要？只係識得叫人隨便睇睇，隨便睇睇係睇咩先？連做個推薦都唔知？同埋佢地好鍾意主動攞客人部手機幫忙落單。客人問多一句就即刻有好劇看， 就算係阿公阿婆都一樣，絕無例外。每次睇到佢地就好似自己睇緊京劇，係非常嘅精彩表演。總結紅葉三劍俠：禮貌0分、同理心0分。我哋只是想找個舒服的地方用餐啫， 這間又唔係抖S女（大）僕（媽）餐廳， 食個飯還要俾被人喺背後話低能……感覺上已經唔係原本嘅紅葉茶屋，變咗抖S女（大）僕（媽）餐廳。本人沒有侮辱、挑釁他人甚至係誹謗或人身攻擊該店的店員，我只想喺留下對該店嘅諗法。…查看更多