reneecham的个人专页

本來是我朋友先到餐廳，但他並不知道我腰部受傷。當我到達時，發現座椅中間有個空洞，讓我的腰部感到非常不舒服。於是在點菜之前，我要求調位。看到服務生有些為難，我們一度考慮是否要繼續用餐。然而，讓我感到欣慰的是，他們迅速而認真地幫我安排了更舒適的座位。這樣的服務真的為餐廳加分，希望他們能繼續保持。此外，食物方面也讓我非常滿意，刺身魚生新鮮，雪糕更是令人愉悅的口感。…查看更多

成間餐廳入到去，企咗一陣都冇人理，差啲想調頭走嘅時候，先有個男人出聲叫我自己坐低。坐低後等咗陣，先有另一位職員過嚟，佢二話不說就塞張QR Code俾我，只係好求其咁講咗句：「晚市先有小食或者嘢飲送，午市你就選午餐啦。」大佬，我餓到傻左,又係第一次幫襯，點會知你哋個QR Code系統點運作、Menu有咩選擇、咩叫「選午餐」？叫完餐突然佢走過嚟,我直接同佢講我已經揀咗要拉麵，心諗咁簡單應該搞得掂啦。點知，個職員聽完，竟然同我講：「午餐加埋$38有小食同埋嘢飲抵啲，咁我幫你cancel再落過」 我聽到真係呆咗兼火都嚟！咁點解你一早唔幫我落單？點解要等我餓住睇完張Code，你先話要重新落過？白白浪費我時間同胃酸！呢個服務流程簡直係勁！好啦，終於等到碗拉麵嚟，仲要係另一個「驚喜」！我明明揀咗麵要軟嘅，但嚟到碗麵硬過鐵線，（至少我覺得係未煮透，絕對唔係我杯茶）。仲有，我選咗「走筍」，結果碗麵上面堆滿晒筍條！返屋企自己整個杯麵都會合自己心意啲囉。最衰都係我，下午時間去食午餐🥴嗰刻真係嬲都冇力，可能職員見我冇即場出聲就當冇事？我餓到冇選擇，唯有頂硬上，用咗十分鐘極速隊晒碗麵（純粹為咗填肚，唔係享受）。食完真係身心俱疲，即刻起身走人，多一秒都唔想留低。成個體驗由入門到離開，都唔知做過咩。…查看更多

入到去完全冇表情同佢講幾多個之後完全唔想答我，只係指我其中一張枱。坐咗落去之後不停問我有冇book位，我話冇跟住又冇理我，都算，未等齊人我已經order晒全枱嘅嘢食，知道係星期日大家都趕，其實我哋都食得好快35分鐘已經還枱，之後都費事勞煩佢地過嚟結賬，行去佢度比錢，小朋友突然之間要去洗手間，俾完錢等小朋友去廁所，想坐返喺個位度都叫我起翻身，仲話：我要比張檯人坐，其實出邊完全冇人等位，我知我係生客，咁咪起身。其實可以喺外面寫清楚，要訂位才可進入。…查看更多