Ngsze的个人专页

經過玉葉見人少少，話咗減肥嘅我又又又抵擋唔住誘惑啦。聽聞事頭婆惡惡哋，原來係真㗎😂。搞到order嘅時候都有啲驚驚哋，好細聲咁講，點知事頭婆即刻好大聲咁彈咗句「咩啊？」真係嚇鬼死，係就係大聲咗啲，不過唔咪惡嘅，下次嚟食要有啲心裡準備啦😂😂 - 糖不甩（$13）開頭對糖不甩都唔抱好大希望，睇賣相平平無奇，除咗比以前食過嘅糖不甩大粒啲外，仲有我最憎嘅椰絲啊.... 救命啊.... 食咗粒跟住就食唔停口啦，口感估唔到會咁煙韌咁軟身，可能係全香港最好味嘅糖不甩！！！！！！ - 海帶綠豆糖水（$14）個海帶綠豆糖水大半碗都結曬冰，啱曬夏天食嘅，消暑good choice 呀。味道就OK啦，不過不失。 - 椰汁西米露（$14）哩個西米露無下次，就係椰汁加西米露，味道好齋lorrrrr。…查看更多

​​上個禮拜去PMQ睇完Chanel個展，就嚟咗上環哩間ElephantGrounds飲杯咖啡。去到嘅時候，露台位第一次咁清淨，可以獨享靚景，分外寫意。- Flat White（$38）…查看更多

飲完茶經過，見間cafe幾特別，細細間嘅舖頭仔，左邊賣咖啡，右邊擺咗排洗衣機。 驟眼睇仲以為啲洗衣機係流料，為咗呃like虛設喺度，行入去望咗下原來係真嘅洗衣機，真係喺度洗緊衫㗎。原來哩間係二合一嘅cafe，可以洗衫之餘又可以飲咖啡，一舉兩得，哩個理念實在太好啦，等洗衫嘅時候唔會咁悶，可以坐低飲翻杯咖啡。就算唔洗衫都可以坐低飲翻杯咖啡，曬下太陽，就好似我咁，hahahha。- Flat White（$38）…查看更多

媽咪話想去飲茶，醒起好耐無去嘅蓮香居。咁啱去到唔使等位，但避不了嘅係要同人搭檯。人越大就越鍾意懷舊嘢，雖然坐得逼咗啲，嘢食要自己去攞，不過都覺得好過癮，充滿回憶。阿姐一推架車出嚟，啲人即刻衝過去，真係手快有手慢無，就好似我咁，唔夠人爭啊炸雲吞雖然好味，不過點都唔及雞札咁好味，最鍾意就係食哩度嘅雞札同鴨腳札，仲有馬拉糕。聽聞豬潤燒賣好好食，仲要係即叫即蒸，所以叫咗籠嚟試下味。ummm.. 果然無介紹錯，好味！啲豬潤仲係好嫩滑好新鮮。…查看更多

食完飯轉戰食雪糕，之前喺日本無機會食，今次可以食翻夠本啦。喺出面個cashier俾咗錢，再攞張飛俾店哪嘅店員整雪糕。- 軟雪糕（$38）舔咗啖，勁濃嘅牛奶味，好似飲緊杯新鮮牛奶咁，口感勁幼滑，雖然溶得好快，不過我都食得好快。個cone同平時食到嘅唔同，味道似係白色戀人餅嘅味道，我唔太鍾意哩個味，因為太甜。- 金枕頭榴槤味軟雪糕（$45）金枕頭榴槤原來只係喺原味雪糕嘅基礎上撒上榴槤粉？雖然係有好大陣榴槤味，不過就搶咗雪糕本身嘅牛奶味，我就覺得麻麻地啦。…查看更多

突然間想食滷肉飯，於是乎Openrice見到哩間台灣嘢，即刻殺去食。由於個招牌塊布都未揭，見唔到個招牌名，搞到搵鋪都搵咗陣時間。入到去唔使等位，揀咗吧台位，貪佢可以見住個廚煮嘢。裝修有啲似拉麵舖咁，店員都比較nice。正想話order滷肉飯，但店員告知賣曬。好嬲！好唔開心！- 川味紅燒牛肉麵 （$68）湯頭果然好古早味，濃得嚟又有陣蘿蔔嘅清甜味。麵嘅口感就麻麻啦，但係牛肉一啲都唔敷衍，有成四大塊，肉質睇落乾爭爭，但食落又唔會太嚡。雖然話係川味，但係一啲都唔辣㗎。- 三寶牛肉麵（$76）勁推介哩碗三寶牛肉麵，可以encore。個湯好似更加濃，每啖湯充滿牛肉味。麵嘅口感都係麻麻，但係牛肉就攞滿分。話明三寶牛肉麵，有牛腱、牛筋同牛肋條，每樣師傅都煮到好淋，好易入口，咬落嫩口仲好入味，話咁快就清碗。…查看更多

話說想食哩間CheesecakeFactory好耐，今晚未見人龍，於是乎即刻攞位，但勢估唔到嘅係一個漫長等待嘅開始lorrrrrr。唔好以為攞住個Pager就好快到你啊，咁諗你實在太天真啦。等啊等啊等啊等，等咗大約45分鐘，終於到我地啦。 - Four Cheese Pasta（$156）俾個「盆」嚇親，勁抵食，成碟都係Cheese。即刻試咗啖，係有cheese味嘅，不過唔知點解越食越酸，越食越滯（想嘔.....），我究竟食緊啲乜？食咗幾啖之後，我投降啦...... 嘥嘢都係咁話㗎啦。- Mango Key Lime（$75）諗住碟Pasta唔好食都算啦，以為件cake可以加翻啲分啦，點鬼知都係一樣「難啃」。即刻埋單走人，走嘅時候見到有幾張檯都食淨好多嘢，好唔好食心照啦。…查看更多

是日經過耀華街嘅後巷見到個好sharp嘅燈牌，即刻停低睇咗睇原來係iseeisee。哩間iseeisee同其他分店唔同，唔淨止賣雪條，仲賣埋果茶。平時都係食開雪條，宜家有果茶，梗係要試試啦。睇翻個Menu，果茶都有好幾款，款款都想試，好難揀。好在有店員推介——Tea&Tonic。 - Sunshine（$36）點解實物同張Poster嘅差咁遠㗎，簡直貨不對版。好嬲！！！！驟眼睇，杯嘢有薄荷葉同百香果，試咗啖，陣味有啲怪怪地，味道就見仁見智啦。好在特登叫店員飛蓋，先影到張靚相呃Like：）…查看更多

行開希雲街，見到哩間Elixir，開頭以為係間Cafe，行入去睇至知，店內仲有衫買㗎，原來係一間Select Shop。店內只售賣女裝，啱曬我哋啲女仔，試衫試到攰就可以坐低飲翻杯咖啡，飲完再試過：P店內裝修簡潔舒服，我尤其鍾意哩個角落頭，邊睇書邊飲咖啡，好Lazy。其實好想試下佢哋啲Cake，不過飽得滯，留翻下次再試啦。- Flat White（$40）相比起奶味，咖啡豆味較為濃啲，溫度啱啱好，拉花靚仔，OK👌…查看更多

日日做到隻積咁，放假梗係要去放鬆下，約埋三五知己出黎飲下嘢傾下偈。近近哋去咗Sugar，最重要係可以邊睇住個維港景色，邊飲翻杯嘢，正。是夜12點去到，室外嘅位幾乎爆滿，我哋揀咗張靠海景嘅檯，嘩，個View正到（記住早啲黎霸個靚位啦）～ 落完Order，隨即送上Popcorn，睇落麻麻，食落難頂，勁難食lor ......- Promise （$120）賣相好Pinky，試咗啖，口感有啲似士多啤梨味嘅Sorbet，慢慢喺口腔度散發出酒香，甜甜哋，正如「承諾是甜的」。- Miss You（$100）同杯Promise比，我鍾意哩杯Miss You多啲。上層係碎冰，下層係有蜜桃味嘅Tequila，飲落好爽口，又有小小辣辣哋，好刺激，就好似當你Miss一個人嘅時候嘅心情咁。…查看更多

食咗咁多次，哩次先黎寫食評：）每次去親Log-On，經過I Cremeria嘅時候都心心眼，點都要食翻杯雪糕過下口癮。今晚行耐咗啲，去到好多款雪糕都Sold out，激死，唯有買佢兩杯補翻數。- 宇治抹茶雪糕 （$40）抹茶雪糕一直都Keep到勁濃嘅抹茶味，但又唔會有茶嘅苦傑味，仲好滑，食多幾杯都唔覺漏。- 柚子抹茶餡蜜芭菲 （$58）今次以冒險精神試哩個柚子芭菲，雪糕我哋轉咗原味，個賣相尚算OK，食完大感失望。原味雪糕奶味好重好滑，但係啲柚子就 ........…查看更多

平時Lunch時間段都人滿為患，今日好Lucky，竟然有位，仲唔使同人搭檯。Yeah～- Pan Fried Chicken Breast （$128）原來TheCuppingRoom唔單止咖啡好飲，哩個意粉都好出色㗎。聞落勁香勁濃，個汁好Creamy，意粉嘅軟硬度啱啱好，係啲雞肉嚡咗啲，而且全部都係雞胸肉（唔鍾意～），個份量啱女仔食，食完又唔會覺得滯同漏。- Iced Mocha With Ice Cream （$50）平時唔太鍾意飲Mocha，但係見隔離檯杯Mocha好吸引，就勉為其難試下。結果都係改變唔到我，其實OK好飲嘅，只係我唔鍾意飲罷了。…查看更多

搭船過海順便去買杯咖啡提神，黎個早安晨之美。時間尚早，人流唔多，自己又唔趕時間，可以慢慢嘆啦。店內裝修整潔簡單，睇落好舒服。店內暫時只售賣兩種咖啡豆，忍唔住買咗包Blend（200G）試下。雖然有坐位，不過都係鍾意出面啲企位多啲，貪佢可以邊曬住太陽邊望住人來人往嘆咖啡嘅感覺，好正。- Caffe Latte（$45）咖啡未飲都聞到好濃嘅咖啡豆味，但飲落咖啡豆味又唔會好搶，同奶味比較平均，溫度都啱啱好，拉花靚仔。…查看更多

週末，好鍾意自己個人漫無目的咁，由上環漫步去到中環，沿途總會有啲小驚喜，就好似今日咁。行到去歌賦街即刻眼前一亮，白雪雪嘅外牆，透過玻璃門可以見到裡面簡潔嘅裝修，一睇原來係NOC 新開嘅中環分店。舖頭無論內外都裝修得非常之簡潔，基本以白色同灰色為主，簡單得嚟又舒服。老細可謂將簡潔進行到底，舖頭嘅凳就用咗石屎階級加坐墊嚟代替，夠曬特別。落完Order後，隨即有靚仔Barista勁用心咁為你手沖咖啡，杯咖啡應該會甜到漏：）- White M（$38）拉花夠靚仔，奶泡豐滿幼滑又唔易散；咖啡豆香而且味濃，奶味又唔會過重，味道相當平衡。…查看更多

好難得喺Landmark都搵到便靚正嘅好嘢食，梗係要第一時間好嘢share。誤打誤撞入咗嚟，見裝修格調都幾唔錯咁，啲嘢應該好得。時間尚早，嚟食飯嘅人都唔算多，可以好清淨舒服咁食飯。見店名叫Kikusan，唔好以為係食日本嘢，睇咗輪menu先知原來係食fusion嘢。 - 千層豬扒擔擔拉麵（$72）先試咗啖湯底，有啲辣辣哋，好香麻油味又唔油；夾咗嚿豬扒食，雖然浸咗喺啲湯度，但咬落去仲係脆卜卜，肉質鮮嫩多汁，好惹味；連麵都好fusion，用咗拉麵，好特別，有另一番風味。 - 豚肉小籠包（$48）新鮮熱辣，小籠包一定要趁熱食。細細啖咬，吮咗啲湯汁，ummm .... 成啖精華 .... 小籠包皮薄餡靚，啲湯汁吮曬，但係啲豚肉食落都仲係好juicy，唔會乾爭爭，好味。 - 炸雞親子飯（$58）睇到都流曬口水而且份量好足。勁多香蔥，平時唔太鍾意食嘅我，今日居然破例，將佢全部撈勻喺飯度，令到碗飯生色不少；炸雞真係炸到脆卜卜，係咬落去可以聽到聲嘅嗰種脆，雞肉又係鮮嫩多汁；啲蛋大概五成熟到，勁嫩勁滑漏，連飯一齊食，哩個價錢食到咁有質素嘅嘢，簡直係超值。 - 西柚蘇打（$28）…查看更多