Viva Viaje的个人专页

香港 fine dining餐廳甚至酒店內的餐廳好多都係得個[貴]字, 食物和服務質素都唔值嗰個價錢. . . . . . 如果想飽肚, 茶餐廳亦都已經唔係特別平. . .今日放假, 隨便去了坑口逛逛, 首先做最開心緊要嘅事 - 找食物醫肚 =) , 放鬆下自己~~ 路過呢間餐廳, 望望餐牌時, 便有位可能係經理嘅男士斯文友善咁介紹啲套餐畀我, 我都幾有興趣試. 佢安排我坐梳化位, 環境感覺都乾淨衛生, 我點咗一個牛扒烏冬餐, 加一杯咖啡, 好放鬆咁享受呢個午餐 - 牛扒好香 =D , 配埋蛋黃味濃鬱嘅半熟蛋, 撈埋烏冬食, 已經好飽, 兼享平民價錢!! 再值得一讚嘅係, 帶我入座唔知係唔係經理嘅男士好有心照顧客人, 包括其他枱嘅客人, 亦有見另一位熟手嘅員工會帶領另一位員工合作出餐, 保持桌面乾淨等等, 呢度嘅服務員團隊唔會好似無質素嘅餐廳員工咁, hea 下 hea 下, 企埋一堆傾偈無心理啲客人, 整體嚟講, 呢間餐廳真係可以 encore 👍🏽…查看更多

自第一次在 一遊 (Yuu) 吃晚餐後, 便鎖定這餐廳為 應再重遊因此, 在三個月內吃了幾次, 水準能保持一致.初進這家餐廳, 其獨特的裝修, 令我的心情立刻進入享受日本餐的狀態. 舒適的座位佈置及服務員的儀態都令人感到日本風格, 食物未放進口, 我已有信心沒有選錯餐廳.由於我個人不重視食物的名稱 (名字是卓頭, 個人而言, 這不會影響我第一餐飯的體驗), 寧願給大家看看相. 厚燒牛肉入口即溶, 吃不停口 ; 牛肉石鍋飯, 不淡也不過份濃味 (飽肚之選), 牛肉份量足夠 ; 烤和牛串, 散發出很吸引的微焦香, 內裏 juicy ; 海膽吞拿魚壽司 , 就是鮮甜海膽加鮮吞拿魚味及口感綿綿的飯的味道哦 ; 胡麻白身魚薄切也不錯 (忘了影相) , 嗯. . . 三文魚茶漬飯也沒有影相, 味道很淡, 這個就比不上我在日本吃過的茶漬飯的味道. 再說服務態度, 喜歡他們與客人溝通時的親切感 - 誠懇但不做作, 對餐牌上的食物也很熟悉. 壽司吧的廚師也是認真地工作, 對素質有要求.總括而言, 價錢對我來說不算是平民餐 (埋單兩位 $750 - 1100), 但是值得的.…查看更多

收工後很累, 走到商場內不知吃什麼好, 見呢間鋪餐牌好多食物都50蚊有找, 而且有陣陣香氣傳出, 雖然是counter位及 self-service形式既簡單檔口 (大約有十個位, 只淨一個, 我即刻擺低個袋) , 但正合我心意.這裡店員當時有兩個, 眼見一個負責烹煮, 另一個負責收銀. 我取了餐後, 見不時有人買外賣. 坐著吃的時候, 我可以隔著大玻璃看到整個烹調場所, 裏面都很乾淨, 師父很勤力地專心整野食, 唔似當今所謂高級餐廳嘅服務員, 不論有無客都成日埋堆傾計. 我點的煎餅份量很大, 不會過份油膩, 醬汁啱啱好, 不會太鹹. 墨魚丸子入面好流心, 起初都覺得奇怪是否未熟 , 收銀員剛巧在我身邊執枱 (其實檯面有寫明係自助形式嘅, 好似好多外國嘅 food court 及快餐店咁, 不過香港人唔係好理解呢種文化, 慣咗食完就走), 我便問他墨魚丸內部為何漿漿的. 店員解釋這是正宗的做法, 剛煮好的會特別流心, 叫我放心食用. 店員忙完收銀和執枱之後, 又問我及我隔離的客人需唔需要熱茶 =) 雖然俾杯水對好多人嚟講都冇乜大不了, 但唔好忘記自己俾幾多錢食呢餐, 就算街邊三四十蚊嘅小吃店都唔會有水提供啦, 去到茶記, 問要杯熱水, 就會俾杯有水喉水味既凍水. . . 我差唔多食完之後, 店員仲主動提出要唔要添熱茶, 唔係機械式嗰種喎, 睇得出店員服務態度係有心做好件事嘅. 之後我問返成日去日本工作嘅朋友, 佢話我真係大鄉裡, 喺日本食嘅墨魚丸入面真係會流心的. 後來亦知道呢間店原來係與銅鑼灣崇光匠工房秀吉係同一個業務. 期待下次再返去將軍澳呢間幫襯, 希望繼續遇到同樣好的服務員和好吃的丸子.…查看更多