everpace的个人专页

數十年的風雨也無阻這一家人對美食的堅持，中學畢業後舊地重遊，當然是到最熟悉的地方品嚐最美味的東西啦。一碗簡單的淨水餃就已經讓我滿足了良久。湯頭還是大地魚熬煮的，那種鮮香要細細慢嚥才行，水餃個頭夠大當然餡料也滿滿的，哪一抹蔥花更是畫龍點睛。感謝堅持優良出品。…查看更多

小學係拱照旁渡過，一轉眼二十年，趁今日放假返母校重遊顺便拍照留念。離開時四點幾，轉頭一望有南記有拱照，細想一下南記而家到到有，食拱照啦，入到去提筆自助落單，交咗俾店員後等咗五分鐘飲咗奶茶等面到，又過咗五分鐘面上埸，色香味都同以往一樣正，呢趟純粹個人感情分享。食完只能在此作記，今日到此一遊。…查看更多

相隔兩個月又來啦，今次係公司同事生日聚餐，我地预訂咗百味鮮卡片後面啲野食，即係平時餐牌無嘅菜，今次又唔同上次的體驗。點咗幾個前菜，準備食住先。反正主菜都巳预訂好咗，哈哈，咕唔到最先上嘅係蟲草花浸菜芯，之後各個小食陆續就上齊。進入主題，蟹酒玉冰燒，真係食到啖啖蟹肉，一球100蚊真係貨真價實，火烧雞卷配上波蘿先发揮到威力，至今仲回味緊，雞肉够香滑，波蘿又襯得好好，加埋嗰芝麻酱真係掂呀，燒牛肉個人覺得一般。鮑魚嗰清酒湯底好熱好鮮。成餐飯菜式由熱到涷再由涷到熱猶如坐過山車，好滿足，埋單時查詢老闆佢話我地食嘅工夫菜一定要做到最好，所以吩咐厨房換咗次序及慢慢上。唔怿得之中間有10分鐘左右停咗一陣無菜上枱，但呢份用心製作做好美食真係值得俾讚，同行四人都一致讚好。…查看更多

下午茶時間路過，點咗一份猪扒包加奶茶。有驚喜，內餡够且新鮮，重點係面包經過烘烤仲暖嘅，12度的寒冷天氣下頓覺鍋心。奶茶尚算合格，但個人覺得還是茶走比較出色，茶餐廳24蚊真係值得一讚。…查看更多

出街食飯最緊要係食得好食得開心，今次係百味鮮完全體會到咗，在此向你說聲多謝。外公八十歲生日，作為西環街坊，自然選就腳同好食嘅地方啦，百味鮮我地都間中幫襯㗎。提前訂咗位留咗佢張大枱，另外請老細幫我地寫咗菜。頭盤係四個小食，味道都唔錯，尤其嗰涷螺真係好得，最尾大家都爭住要。老人家堅持要飲杏汁白肺湯，呢煲嘢真係貨真價實，兼杏汁味濃郁，我到而家都仲回味緊。跟住呢個唔知咩蝦，忘記咗嗰名，淨係記得好多蒸氣同好香藥材味，但係查實係同灼蝦無大分别。跟住呢個大鱔兩食堅係正，有乾冰喷煙，兩個小朋友開心咗好耐，鱔球真係好好味，唔知點形容。呢個松露多士個人略覺得唔係好似中餐食物，但味道真係又幾特別。蜆同蔬菜無咩印象啦跟住呢個火燒芝麻雞又食到大家哇哇聲，真係好滑好香甜，嗰波蘿最终俾我嗰女据為已有。I主食都唔錯，但真係好飽，最终食唔曬打包走。好好食，又好新奇的一餐，老人家全部好滿意，多謝。…查看更多

午餐走了一圈决定吃这家，第一環境比較开揚唔會侷促，第二價格合符预算，第三餐牌所見賣相唔錯，誰不知坐低即刻淤咗，原来係快餐店模式点餐後拿感應器等侍應上菜嘅。食物很快來到看樣子不錯，配菜份量亦足够，味道中规中矩舆售價相符啦。食食下見到旁邊有份餐牌咪八卦拿來睇多眼，哈原來有all day breakfast 供應㗎，即刻覺得自已傻猪猪啦，50幾蚊有咁多选择又份量大，真係要揾次再來试试，顺带一提服務及出品是可以的。…查看更多

中秋假期同老婆行完商埸決定就地解決温飽，最后选择一粥麵舆靠得住，最终決定试下靠得住，刚刚遇着啱啱，有人離座即刻有位。然後點咗招牌淨雲吞，及銀芽炒麵，上菜頻快，雲吞小巧大地魚味足够，湯底亦够清重點唔會死咸，炒麵够干身，銀芽韭菜都適量，飽餐後滿足地歸家，餐飲業辛苦唔易做，要保持水準呀米芝蓮。…查看更多

由黃金海岸酒店步行過來只需五分鐘，既可欣賞風景又可運動下，幾好。昨天傍晚已見有早餐提供，今早试完直呼抵食。水準正常茶記水準，食物質量唔錯，份量亦够大够多，不會因游客區而馬虎求其值得一讚。五香肉丁足足有十幾塊，而且米粉亦足够。配莱雖求其灼菜芯但也有兩條，35蚊咁多嘢好超值。奶茶來的時候刚好，水準個人評分有70分，份奄列真係好正，兩面香熟而無燋，火煺份量满滿，加上外面及四周環境優美，仲有八十年代浪漫歌曲耳伴迴響真係樂事。值回票價，哈哈。…查看更多