IreneKwan 1228的个人专页

汀蘭居已經轉左名叫華麗海灣酒店 啱啱有朋友來香港 幫佢訂咗呢間酒店 當日晚飯 唔想走黎走去 就到樓下的餐廳食飯 係半自助餐 我地點左兩個主菜 分別係炭燒羊架同埋炭燒牛肉眼扒 估唔到味道好唔錯 羊架肉嫩肉汁滿滿 燒得不會太韌 仍然保持肉質鮮嫩 肉眼扒肉質嫩滑 我哋叫咗6成熟 火候控制得好好 入口鬆軟 唔會有渣 沒有想到出品可以咁好 另外自助沙律吧甜品吧同埋有幾款熟食供應 以價錢來衡量 絕對唔錯 仲有兩款湯選擇 可以講係想食嘅都有 餐廳有幾款紅白酒提供提供 而且價錢唔貴$250就可以開一支 三個字形容平靚正 性價比高 略嫌就係位置比較唔方便 因為唔係太多公共交通工具可以到達 如果唔係朋友住喺呢度 都唔會試到一間平靚正嘅餐廳 感覺唔錯 值得一試…查看更多

話說星期日在中環8號碼東方之珠號做完嘢 企足一日 同啲同學仔諗住搵個地方座下放鬆一下 走到IFC 路過agnes B 見到入面有位 便入去座下 買了凍latte 同三文魚沙牛油果律 慰勞一下自己 阿sir點了一杯凍朱古力 佢話agnes B嘅朱古力奶係最好飲嘅 不過我冇叫 因為我只鍾意飲咖啡 我不大識咖啡 只係鍾意咖啡嘅苦苦澀澀嘅味道 agnes B嘅咖啡味道吾錯 latte 嘅奶味濃郁絲滑 係我鍾意嘅味道 沙律菜新鮮嫩口 我覺得三文魚同牛油果的口感好相似 所以我都好鍾意食三文魚同牛油果😋 cafe內人不多 都座得舒服 我地hea左大約一個鐘就散 其實呢間agnes B 都好適合hea下 因為人真係唔太多 唔會好嘈雜 三五知己 吹吓水 唔錯嘅選擇…查看更多

GF Bistro一間起級平民版意大利餐廳都係我會經常去呢一間餐廳 嚟到呢度 我一定係食生蠔 $20.一隻有交易 生蠔鮮甜肥美 唔會太細隻 就係因為太搶手 所以訂位之前 要預留$20生蠔🤣 否則可能會賣晒失望而回 主菜有豬牛羊雞或者意粉pizza 價錢相宜 平靚正 性價比高 因為今日同朋友係嚟食下午茶 點了一打$20生蠔 +2杯白酒再加一份鴛鴦餡料牛角包 仲加咗一碟雞扒配意粉 買單都係$480😊😊 各位喜歡食生蠔的 不妨到來試一試 絕對有驚喜…查看更多

每次黎到深水埗六本木 我一定會叫鰻魚飯定食 因為係我的最愛😋 以前六本目喺荔枝角嘅時候 佢嘅鰻魚飯係用盒裝 鰻魚飯端上來的時候 打開盒蓋 有一股熱氣隨着盒蓋打開 騰騰的煙霧，隨即升起起來 蔓延的香味也跟着飄進鼻入面 真心好正😊 不過自從搬到去深水埗之後 就改變了鰻魚飯的賣相 不再用盒裝上 是改用四方型的木碟 鰻魚放在碟上 雖然size沒有變 都係一樣咁大條🤣 不過就沒有了熱騰騰嗰份滿足及期待感 其實兩樣真係有分別的 我真係比較喜歡以前用盒裝住 熱騰騰的端上枱面 現在的不是不好 只係不再熱騰騰 隨之香味 都冇咁濃烈😅 但係亦都不減我對佢嘅喜愛 因為我係忠實鰻魚飯擁躉而且六本木的出品 都係有信心嘅😊😊意猶未盡 見到有新鮮生蠔返到 又忍唔住叫咗兩隻 真係超級大滿足的一日…查看更多

今日黎到荃灣千色匯2 期pokka cafe 記得係我初初踏入社會做嘢就認識呢間cafe(都廿幾年前嘅事）😅 pakka cafe 都可算係經歷了每個時代嘅變遷😅但係佢都仍然屹立不倒😊當然佢哋出品有一定保證啦 今日點左兩個lunch set : 煎檸檬香草雞扒伴時菜+吉列豬扒飯配牛肉汁及咖喱醬汁 還加$49點左一隻8”深海大蝦😋 煎香草雞扒 雞扒煎得皮脆肉嫩 肉汁保留着 絕對唔會又乾又硬 恰到好處😊 吉列豬扒飯 豬扒亦都保持住肉汁 不會炸得過分 牛肉汁及咖喱汁一次過滿足兩種不同口味適合貪心一族🤣 選擇困難症嘅人 因為已經準備咗兩款唔同嘅醬汁俾你 一次過品嚐到兩款味道 爆發味蕾小宇宙😊 還有兩杯Pokka招牌咖啡 大滿足的一餐 值得推介…查看更多

話說路經葵芳新都會廣場4樓一間專門食burger的店舖Shake Shack，我們因為已經食過午餐，所以就沒有點餐了，只點了兩杯啤酒，當日是星期三的下午，店內不足太多人，所以都座得比較舒服及寧靜，看到其他客人點了的burger餐，看起來已相當吸引，其實都好想試一試，但我們實在吃得太飽了，唯有期待下一次過來試吧。當日下午和朋友閒聊了一個下午，期間職員都很友善（可能是平日亦沒有太多客人）所以並未有趕客的狀況出現🤣如果，在平日𥚃路過新都會廣場，想找地方坐坐閑聊一下，Shake Shack是一個不錯的地方。…查看更多

話說路經荃灣悅來坊商場見到Starbucks 便習慣的座下飲杯咖啡 我真的不懂得咖啡文化，也沒有研究什麼產地的咖啡有什麼特別之處，只是純粹的喜歡飲Starbucks 的咖啡，原因是它份量足夠（因為平時去cafe叫一杯咖啡又貴又細杯，一杯不夠飲叫多一杯又貴）Starbucks 還可以選擇配不同的奶：全脂奶、脫脂奶、豆奶、燕麥奶⋯等等，我說喜歡不是空談，我無論去到其他地方旅行，我都會選擇飲Starbucks的咖啡😊 飲慣飲熟特別有安全感🤣 今日點了soy milk latte (我去十次Starbucks 有九次都會點soy milk latte) 情有獨鍾😊 朋友點了Americano 還有兩件包點及一件香蕉蛋糕， 好好享受我們的下午時光。…查看更多

平日入西貢搵食，除咗食海鮮外，重可以食泰國菜，呢間旺泰特食小店已經係西貢市屹立多年，一直都係「平靚正」雖然地方比較擠迫，但絕不影響食物質素😊特別鍾意食冬陰公湯，湯味非常濃郁😋 我重鍾意食佢嘅串燒沙嗲肉，特別係個沙嗲汁，簡直就係靈魂所在，味道微辣帶小小甜，最緊要唔會杰撻撻，我覺得其實呢個沙嗲醬配任何野都好食🤣 再點左碟鹹魚炒芥蘭同埋春卷，兩樣都係唔錯嘅，不過味道就冇乜特別，一般睇過餐廳水準，吾差嘅😊總之小店值得一試😊…查看更多

話說路過新蒲崗搵晏食路經一間叫海膽仔的日本菜餐廳，本著試吓的心態就推門入去，當日午餐有幾幾款，朋友點鵝肝大蝦炒飯set，我見到有鰻魚便當set就好想試吓，因為我都好鍾意食鰻魚😊 職員一捧上鵝肝大蝦炒飯就聞到鵝肝嘅香味，鵝肝配上炒飯香味濃郁，鵝肝係切粒嚟炒飯嘅，鵝肝粒入口即溶，沒有原塊鵝肝食的油膩感覺，大蝦都係切粒，鵝肝粒加大蝦粒炒飯非常夾，蝦粒爽爽脆脆，鵝肝粒肉即溶，口感豐富。 我喜歡嘅鰻魚便當亦都冇令我失望，大大塊熱辣辣嘅鰻魚配上濃濃的鰻魚汁，一啖食落去感覺非常幸福🤣非常大滿足，職員再介紹啱啱有新鮮生蠔返貨， 我哋點左兩隻試吓，第一次食「先鳯趾」生𧐢，係大隻嘅，口感非爽脆， 不過味道比較清淡，我就一般，因為我比較喜歡食濃味嘅生蠔， 但係非常新鮮肥美都唔錯，值得推介😋 …查看更多

壽司郎一直都是排隊排隊有排隊，等了一小時終於有位了🤣。 上星期日約了朋友去壽司郎食午餐，雖然等了一小時才有位，但都是值得的，我非常喜歡吃日本菜，特別是刺身及壽司，而壽司郎的新鮮刺身及壽司大大滿足我，我特別喜歡吃Toro，當日就吃了四件Toro壽司，Toro非常新鮮，油份充裕，吃了四件已經有點飽了，Toro性價比高，三個字「平靚正」😊我們點了共10 款壽司及刺生，吃到飽飽，我們還點了兩支啤酒，吃壽司唔一定要配綠茶，配啤酒一樣「正」，我覺得可以消消滯的感覺😆。 雖然用膳時間只有一小時，時間是趕着，但也能吃到飽😆想吹下水，唯有去別的地方再跟朋友談心了。 …查看更多

跟貓咪玩遊戲 話說前幾日在駱駝漆大廈食完brunch 路過一間(貓啡尾食） 俾一包貓咪吸引住 即刻走入去 同貓咪玩遊戲 因為都趕住上堂 只能相聚片刻😅雖然係片刻 但都要點嘢食嘅 但真係食得好飽 所以只點了兩杯咖啡 一杯冰美式咖啡 咖啡送上嘅時候 有一塊立體貓咪形狀的冰放在杯內 咖啡on side☺️ 要自己將咖啡倒入杯內 睇住冰嘅溶化 都幾治癒 還有一杯latte 兩杯咖啡的味道都算不錯 但重點係貓貓 所以一定把握時間 同貓咪玩遊戲☺️☺️ 但Cafe係值得推介嘅 地方裝修簡約舒服寬敞 空間夠大 值得推介…查看更多

話說前幾日喺駱駝漆大廈11樓食完日本餐 經過一間「貓啡尾食」一群可愛嘅貓咪吸引住 於是入去同貓咪玩遊戲☺️因為食飽飯 所以只點左兩杯咖啡 一杯latte 一杯凍美式咖啡 冰的形狀是一隻貓咪 相當吸引 咖啡味道不錯 因為始終賣點是貓咪 所以重點不是介紹咖啡😆當日Cafe預算多人 所以坐得非常舒服及寧靜 有好多空間可以俾人同貓咪走動😆 如果唔係趕住上堂 其實可以Hea一個下午 值得推介 Cafe還有其他食物有意粉 Burger 薯條薯角 沙律等 適合情侶或者三五知己 甚至乎親子樂都冇問題 係一個非常適合Hea的地方☺️…查看更多

Pacific coffee 夏日精選推介凍椰青美式咖啡 感覺好Fresh好清新😊😊 其實我一直都喜歡飲椰青咖啡 因為鍾意椰青清甜 特別係夏天飲 解渴透心涼 椰青水再加入咖啡 一次過滿足我兩個慾望 椰青的清甜 帶動咖啡的味道提升 感覺真係好清新 ☺️ 冷萃咖啡 朋友很喜歡 因為佢有着獨特的酸味 朋友感覺 飲一啖冷萃咖啡含於口中停留一陣 先吞落去 佢話咖啡獨有的餘香 留在口腔中一個短時間 可以令人回味咖啡的獨特香味😅 可惜我唔識欣賞 😅😅 不過唔緊要啦 口味嘅嘢各有自己的喜愛 最緊要係搵到適合自己的味道☺️…查看更多

話說昨日天文台預報6:20掛 享受了半日颱風假期 於是走咗去黃金海岸商場行吓 見到有間Pacific Coffee 入去幫襯吓飲杯咖啡☺️ 我叫左一杯凍椰青美式咖啡 一杯冷萃咖啡 一件蘋果批 加一杯紅莓希臘乳酪 椰青美式咖啡清新口味 因為椰青嘅關係 咖啡特別清甜 我要我要用清甜嚟形容😆 因為大家都知道椰青水係非常之清甜 將咖啡加入去 其實味道真係好清新好Fresh 另外一杯冷萃 咖啡 我真心唔喜歡 唔係咖啡嘅問題 而係我自己嘅問題😬😬 咖啡帶濃郁嘅酸味 我比較不喜歡 但朋友就非常喜歡 所以每個人嘅口味都唔同 最緊要係揀啱自己嘅😬 蘋果批加熱後 熱辣辣 鬆軟 甜度適中 最鍾意食蘋果批😋 希臘乳酪一直都係我的最愛 口感絲滑細利 Creamy 略帶少少酸味 但加咗紅莓醬 攪拌一齊食 我最喜歡 ☺️☺️ Hea咗個幾鐘 天文台已經掛8號風球 返屋企嚕☺️☺️…查看更多

今日黎駱駝漆大廈三座食brunch 梅 日本料理 地方寬敞整潔 唔似其他日本餐廳的擠迫 今日點左兩個lunch set 一個特長鰻魚左口丼配雞肉棒 一個鮪魚中腹蟹蓋海鮮 lunch set例牌配上麵豉湯及沙律。意想不到鰻魚的份量比市面一般的日本餐廳多 對於我呢個鰻魚控 實在帶嚟驚喜 鰻魚暖笠笠 口感嫩滑配上香濃鰻魚汁 鰻魚飯除咗鰻魚 仲配上蟹籽 一啖飯裏邊夾咗鰻魚加蟹籽 真係絕配。另外一份鮪魚蟹蓋海鮮set 刺身新鮮而且份量充足 特別欣賞焗蟹蓋 濃濃的蟹膏配上蟹粉 味道一絕 大大滿足的午餐 性價比高 值得推介…查看更多