meiyi210的个人专页

新開幕2個月的餐廳餐廳：和牛割烹おだ Wagyu Kappo ODA價格：$1480 + 10 % 的 Omakase一開始，日藉廚師會遞上一杯好似功夫茶一樣嘅湯，口味有點像麵豉湯，超級清甜。然後就開始不同菜式（⭐️⭐️⭐️⭐️⭐️最高）牛肉他他⭐️⭐️⭐️⭐️炭燒tenderloin⭐️⭐️⭐️⭐️炭燒 chuck tender⭐️⭐️⭐️海膽壽司⭐️⭐️⭐️⭐️炭燒粟米芯+串燒蔬菜⭐️⭐️⭐️壽喜燒牛肉⭐️⭐️⭐️⭐️⭐️😍😍😍**超級嫩的和牛肉，配上日本蛋和醬汁（追加）和牛刺身⭐️⭐️⭐️⭐️（追加）肉眼三文治⭐️⭐️⭐️⭐️⭐️**勁juicy甜品：豆腐布丁⭐️⭐️⭐️⭐️ 朱古力士多啤梨⭐️⭐️總括嚟講，每一道菜都好enjoy，性價比好高！富谷·優 （Tommy)廚師真係好用心介紹每道菜式，好nice 。而佢地原本係由農場做和牛批發去唔同國家，香港成為第一間做餐廳嘅選址，希望帶俾香港人品嚐到佢地鹿兒島黑毛和牛🥹讚…查看更多

今日係旺角行完街，就去揾地方ee肚，就黎左呢間pancake colours café食野。餐廳裏面張張梳化椅同埋支支吊燈都唔同款色，環境好有格調!! 超餓既我地，揀食物都揀左4個字！因為款式實在太多！我地最後點左兩個set dinner，主菜分別係『全條豬肋骨配沙律薯條』，和『黑松露野菌燴飯』。先黎兩碗忌廉湯，兩杯熱低糖檸檬綠茶。再等多一陣，我地既第一份主菜就到。第一份主菜係豬仔肋骨，上菜時我地嚇呆了，真係好大塊豬肋骨！果然係原條上！豬肋骨啲肉好嫩，一絲一絲的，好易咬開，配上肉汁，再加視覺上的享受(超大塊的)，真的是一絕，不愧為呢到既皇牌主菜！伴菜啲薯條是粗薯條！！而沙津裏，就有我至愛啲小番茄。豬肋骨份量十足，吃了一半，我已經有少許飽肚啲感覺。第二份主菜係黑松露野菌燴飯，整個飯都洋溢住黑松露啲香味！超濃郁！如果喜愛黑松露啲朋友絕對不妨一試。飯啲味道十分特別，唔似一般燴飯黏住，清新美味！那些野菌咬下去時還很多水份，非常滑溜。這個飯一定要襯熱食！兩人吃完了兩個晚餐，已經超飽！本想甜品點一個朱古力火鍋，但根本飽到吃不下，但他們的甜品賣相實在太吸引！而且有跟餐價，平啲，加上我有一個放甜品啲胃，最後還是點了一份『芒果法式班戟』share食。美麗的甜品上菜了，第一時間手機吃。班戟中有是cream，可以配上旁邊啲芒果一起吃，班戟+芒果+cream的味道一向都好夾，一個字，正！為左唔浪費食物，我地食到清哂先走，要捧住個肚。下次再黎的話要叫多啲人一齊食先得！…查看更多

星期六行過西九龍中心，見到開左間新食肆，門口好多人排隊下，望望原來係食意大利菜，再望望價錢竟然係如此既平民化！三十蚊已經叫到一個pizza，三十蚊已然有一個飯，所以決定排隊拎飛等。拎飛有拎票機，唔洗叫人就可以拎到飛，方便！最後都要等左7-8個字左右到先入到去坐。先讚讚職員！見到他們是超忙的！行得超快！！但聽到他們跟客人既對話真係好有禮貌！而且好細心！我格黎臺的客人桌上既食物食哂，正在呆坐，跟住就有連續幾位職員問他們是否仲有菜未到，然後幫他們跟進，最後食物來到後，剛才幫他們跟過食物的職員又會再問那食物是否已經有。跟住門口有幾個上左少少年紀的婦人，話等得太久太累走左入黎望，職員話真係暫時冇位，知道佢地等得耐累，立即搬幾張椅子出黎俾她們坐係旁邊，雖然最終佢地坐，但我覺得呢種服務真係好貼心！雖然唔係serve我，但我覺得是值得加許！按鐘後都要等一會先有人來寫單，可能真的太忙==點了『4隻辣味雞翼』，一份『芝士焗薯角』，一份『雞肉芝士焗飯』。先上芝士焗薯角，薯角炸得剛剛好！淡淡薯仔肉，再配上沙津醬＋芝士，不錯！第二上係雞肉芝士焗飯，焗飯很有牛奶的香味，配以芝士及雞肉，味道超濃郁！！正！愛芝士人必吃！最後來的是辣味雞翼，眼見差不到每一臺都有份雞翼，就知道好食! 雞翼煎得很香口，加上點點的辣味，好吃！最後埋單兩人加埋都係七十幾蚊！真係一個超抵食的意大利餐，而且都有一定水準！讚！不過都係細碟左。可能今日係星期六，兩人臺都要等很久先有得吃，加上新開張，超多人等位。如果店舖再大一點，多些位就好喇，唔洗等咁耐^^ …查看更多

朋友冇飯開突然被徵召陪佢食飯…諗住食好野…點知佢話落樓下茶餐廳食算…從門口望入去D座位都算闊落…又有扒餐食…望落MENU堅多野食…但係扒餐價錢平得出奇…咁就同朋友試下啦!!!諗住價錢咁平…份量都唔多嫁啦…咪同朋友叫多個沙爹牛肉粉絲煲試下囉!朋友叫左大蝦牛柳餐同羊扒餐…我自己就嗌左紐西蘭牛扒餐…點知大蝦牛柳餐一上我地即刻後悔叫個煲…因為個份量真係勁大…本身以為係朋友個餐多D…點知我地三個份量一樣咁大份,,,我塊牛扒仲大個我手掌…真是大得驚人…D扒餐上果陣淋汁D za za聲真係好吸引人…最後沙爹牛肉粉絲煲上埋…D粉絲索哂味…真係好正…牛肉又煮得岩岩好…但奈何三分扒餐我地share都食唔哂…個煲份量都唔少…其實以個價錢同野食黎講都抵食過D連鎖快餐店…85蚊都唔洗有湯有飽仲有杯熱飲….凍飲都係加2蚊…係呢個市度仲可以係邊度搵…最重要係個味道真係好鬼正…因為係茶餐廳我地全部都嗌全熟…但無論牛扒,羊扒定牛柳都煮得岩岩好…超級Juicy…間餐廳除左西餐…仲有好多中菜…下次一定要試埋先得…查看更多

今日放工去左美心食晚餐, 見到有個新出的石鍋飯食~ 佢有兩種石鍋, 一隻係牛(辣), 一隻係魚(唔辣)最後我揀左牛石鍋飯~ 多謝$45~一個牛石鍋飯, 跟兩個伴菜, 一杯熱柚子蜜~意想不到的是......快餐店的石鍋飯也有如此質素!!! 我起初以為佢炒好先放入個石鍋到, 但一拎既時候, 真係聽到個鍋燒到啪啪聲~ 超熱的!!! 令人食都食得開心D~ 飯不會太辣, 如果要再辣一點, 可以配上它跟的汁, 甜甜辣辣的, 不過我沒有加...因為我覺得就咁食已經足夠, 本身它的泡菜已味。另外牛肉份量雖然不多, 但勝在夠厚,有汁。 由於石鍋夠熱, 鍋底會有少許飯焦 (一拎上手後要馬上撈飯, 要不然會有好多飯焦)。總括來說, 以快餐來計...........確實是一個不錯的水平!!!!!!  不過它的兩個伴菜就............我個人不喜歡吃==…查看更多