StaRGazeR～＊的個人專頁

係TST剪完頭髮想醫肚醒起有一段時間無去過厚福街食野咁就去睇下勒見佢地D鋪原來好多都換左睇左幾間都唔係好有意慾食到行到中間見到呢間養生藥膳，望下個MENU咁似之前係銅鑼灣食果間既上OPEN RICE主下發現原來係開左唔係好耐既分店暑假果時係銅鑼灣食過覺得好食又抵食宜家潮流興養生，藥膳湯麵對我黎講好吸引但因為就算係揸車，新界人去港島果邊都其實好少宜家係TST有分店就GOOD勒咁就唔諗決定食佢上次係銅鑼灣試過湯飯，其實佢應該係主打湯麵，但上次太餓就試左飯今次就試返麵，其實都真係有好多種真係都揀左一陣先決定食咩單叫$60-80黎講都幾抵，仲真係幾大碗嫁叫左2個SET餐都唔洗$100男友叫左藥膳養生湯鍋燒牛肉手工麵+台灣鹽酥雞+愛文芒果茉莉花茶$97上台熱辣辣又好大碗，紅棗份量超夠、仲現有木耳、莞茜做配菜所以個湯好濃味清甜，叫左牛肉仲真係連湯都有牛肉味D牛肉唔老好好味道，真係打邊爐肥牛咁跟餐配既鹽酥雞反而就凍左D唔夠熱同埋唔夠酥而愛文芒果茉莉花茶個芒果味幾出但無茉莉花味唔算勁甜好假芒果，不過不失而我叫左藥膳桃膠農場雞油麵+墨魚春卷+柑桔檸檬特飲 $98紅棗、桃膠份量超足，雞件唔會好肥仲嫩滑唔過火個湯同樣係好清甜好飲，真係會唔覺唔覺飲哂跟餐配既墨魚春卷都唔錯，不過同樣係唔夠熱柑桔檸檬特飲酸酸咁好岩我飲，不過唔飲得酸野既就都係諗過先好叫2碗麵都好大碗，真係一半就開始知道自己會食唔哂但又真係好味想飲埋D湯，真係會令人下次再ENCORE試埋其他…查看更多

之前某日行經美麗華，諗住搵間餐廳食野原本以為係間日式西餐廳，但竟然係有得坐tatami點知當日已經full哂，因為佢地得大概4-5台係入面既台係有tatami咁唯有下次再黎，竟然下次就係我生日之時男友卜左tatami位同我食個生日lunch，記得卜台時要講聲想卜tatami位原本唔諗住食得太飽，因為夜晚仲有節目但望住個menu，見時間都尚早，所以又忍唔住叫多少少首先叫左2杯野飲板栗拿鐵 $56 & 抹茶拿鐵 $52板栗拿鐵幾特別，板栗味都幾出抹茶拿鐵同樣地個抹茶味好夠出，2杯野飲同樣入口好幼滑不過2杯相比起，我就較鍾意抹茶拿鐵個人覺得抹茶同拿鐵夾D明太子雞翼．七味蛋黃醬 $78我好鍾意食明太子，所以通常男友見到都會叫俾我食明太子雞翼唔洗諗見到就叫左D明太子都算多，同雞翼好夾不過略嫌太乾身，唔夠juicy蟹肉．海膽奶油貓耳麵 $188主菜我叫左貓耳麵，純粹覺得好得意海膽汁唔算好重，而蟹肉份量都算足夠貓耳麵口感有d咬口唔會好過稔不過呢個麵食完真係會好飽紫菜海螺牡蠣燉飯  $178男友就叫左個燉飯，真係唔好睇賣相平平無奇咁呢個飯比我果個更好味，海螺好味煮我剛好唔會過火但略嫌海螺牡蠣多返D會更好2個飯都好Creamy，其實食左一半都有d滯烤窩夫烤餅．鮮果．楓糖．鮮奶油 $118最尾因為想影返張相所以又忍唔住叫埋甜品窩夫餅好似炸得耐左，實在地係太硬咬入口係硬唔係脆口果隻，不過落左楓糖都幾好味連埋生果一齊食又會中和返少少味道記得如果話俾佢地聽生日，佢地個甜品會幫你加支火花上台會幫你點著，影相一流可惜燒得太快，要影相就真係要快手D…查看更多

難得細佬話帶埋爸媽一齊去食飯，咁梗係去啦雖然佢臨尾因為公司有野做所以遲到但係行住街等時間都好快過爸爸係傳統人，出街街係食中式野所以最後細佬揀左呢間，我地walk in去拎位可能時間尚早，6︰30左右去到都仲有位之後就陸逐多人勒，疫情過後星期二既食肆都好full4個人叫左4餸1飯，首先前菜叫左個輕盈既鎮江肴肉黎到發現真係好輕盈，而因為病完既爸爸表示想再食所以再叫encore多過標準再食但我覺得味道唔係特別標青，同平時食既都一樣照顧左爸爸既前菜，然後到媽媽勒媽媽揀左個滬式蔥油雞一上台又係細細碟，賣相亦一般蔥油唔夠入味，雞肉唔夠嫩，入口太淋而細佬推介既椒鹽小黃魚肉質滑無過火，不過用既調咪料就唔岩我口味我估係有D檸檬葉果類野反而椒鹽就有D欠奉然後到我點既鎮江黑醋骨果然最常見既野係最穩陣呢個好夠味好有穫氣，上台熱辣辣份量適中，可以開胃到送哂D飯跟住到個老上海炒飯就咁食味道都偏淡，一定要撈埋上面D肉鬆先好食因為肉鬆甜甜地變相要黎送飯但肉鬆又真係唔算好多，真係得面果浸整體黎講服務都OK，待應都KEEP住幫係斟水但野食就真係有待提升…查看更多

阿妹帶埋男友由英國返黎所以都係要抽個時間同佢地食個飯既因為佢男友有韓國國籍，所以一於食返個韓國野太突然決定食，好彩OPENRICE仲可以卜到台卜到6︰30，我同另一個妹早左幾個字去到原來諗住等齊人先入座，但門口位好好笑容既小姐話可以入座先等夠鐘先可以計90分鐘，唔洗我地企係門口等齊人之後我地叫左個2人餐2人餐有五花肉、醬油蝦、和牛肩肉、龍蝦、水冷麵另外我地再叫左個大醬油蟹配飯同埋海鮮煎蔥餅一ORDER完就上前菜勁多，仲要係可以無限REFILL前菜樣樣試下都已經2成飽王道套餐2人餐黎講肉係相對少左D既，不過肉係好新鮮，完全唔係果D黑黑放左好耐咁既樣所以燒出黎超有肉味仲好JUICY不過龍蝦得1隻開邊黎講細左D唔夠食而水冷麵就正正常常同平時差唔多無話特別驚喜大醬油蟹配飯呢個味道唔錯，之前去韓國都無食過成日聽人講話會好腥，但呢個又唔會撈勻再配埋紫菜食唔會好重味唔差啵海鮮煎蔥餅一上台就話原來都幾大碟，都幾足料個底唔會好厚粉，都幾乎係每啖都有料食不過真食食唔哂最後要打包仲要呢個打包完返屋企聽日返蒸都好味wo下次再同朋友去試要ENCORE呢個價錢黎講係貴左D既，不過我覺得食埋服務既話係OK餐廳既待應係好有禮貌好HELPFUL特別帶位同埋單果位小姐，有禮貌又好笑容果然係門口擔當，其他上菜或落單既待應都好好有咩需要又會好快咁幫你，VERY GOOD！…查看更多

雖然落雨，但為左出去拎拉闊飛都係叫左男友車我出去，觀塘就無乜雨中午拎完但又唔知食咩好，最後就話不如出去黃埔睇下可以順便行下吉之島出到黃埔好密雨，係車度就搵定左食咩呢間米氣係OPENRICE揀黃埔都係幾前，評分幾高望左兩眼D野食好似OK:)咁就決定食佢費時再搵勒黃埔泊車係幾個商場消費都可以免泊我地泊好車先搵餐廳位置，發現原來係最遠但依然冒住密雨咁行過去食去到好好彩唔洗等位，因為始終黃埔連住幾個商埸再加上有吉之島仲要加埋落雨，應該都好難搵位食飯我地入座後出面就有1-2 pair人要等位了餐廳出面無野遮頭，落雨等位都幾麻煩原本搵呢間餐廳既時候都望過MENU到真係坐低食先發現原來佢係按照住你揀既唔同食品去計算每樣食品都有寫左價錢係度，自己係紙上剔選先係男友揀左蟹膏蟹肉飯$38︰米飯都係一貫既珍珠米，飯其實係算細碗，以男仔黎講份量係少蟹膏蟹肉太咸，無乜蟹味，普通普通主食揀左牛肉壽喜燒$48︰呢個好味，牛肉份量岩岩好，壽喜燒個汁甜甜地牛肉有充份吸收到個汁D味，唔會太甜好味送飯仲配上溫泉蛋同冬菇，賣相都加分熱盤就揀左蒜蔥燒牛肩肉卷$45，呢個係一上台就覺得好驚喜，大大件賣相又靚夾起係好厚身，咬起好有口感，不過就略嫌有D太生入面或底下有D位幾乎係無燒過，如果唔鍾意食生牛既就要留意最後另加左個是日湯品同埋漬物$8，無特別就同一般式餐廳既差唔多而我就叫左明太子飯$22、同樣地珍珠米，飯量係少，女仔算係岩岩好明太子份量少，不過本身明太子味濃少少都好送飯主菜揀左豬軟骨煮$48、試左男友果個主菜，相對黎講我個就失色好多:(份量係好夠，都好多豬軟骨，入味但應該係過左火，味道太咸同有D太鞋熱盤就揀左忌廉蟹肉餅$26呢個係最失望，內裡係好多忌廉既但個忌廉係好稀同完全食唔到有蟹肉同樣加左個是日湯品同埋漬物$8，無特別就同一般式餐廳既差唔多整體黎講男友揀既野係好食係好味好多即係牛既食品係性價高D，其他既話就要改良下先得勒…查看更多

原本提早同男友慶祝生日，但早幾日係TST卜既餐廳太差咁唯有正日再食，生日飯果然都真係要正日食放工後又加上閒日都係攰D，所以揀間近D既餐廳男友揸車唔洗半個鐘就到，泊返係新城市閒日新城市個場有大把位唔洗等餐廳其實係今朝先卜，都擔心唔知餐廳會唔會安排唔到但佢地真係好好咁中午就打俾我同我CONFIRMOPENRICE卜位時有REQUEST卡位，職員同我CONFIRM時都好抱歉話佢地好FULL安排唔到，咁我都明白，佢地都特登講聲我又覺得絕對無問題，佢地都話會盡量幫我安排WINDOW SIT，都真係好好男友去左泊車，我先上去拎位，門口唔知係咪經理既帶位好有禮貌，仲真係幫我留左WINDOW SIT岩岩個位有D花花影相就GOOD勒，入座後佢講左一次今日有咩推介，等男友黎到有位小姐職員又講解多次推介，好盡責又唔會怕有客人MISS 左D推介，不過因為男友揸車所以唔諗住飲酒勒，記得HAPPY HRS好似係有D優惠推介，仲有生蠔既限時優惠，不過生蠔我太敏感唔食得，無緣試了。我地叫左個2人套餐當中有頭盤2個、主菜2個、同1個甜品頭盤︰煎封吞拿魚薄片呢個頭盤超好味，吞拿魚有微微咁煎一煎面仲有生，唔會太過火控制得好好現左少量既香燈，同吞拿魚一齊可以中和油膩感再加上有D微微酸既汁，味道超級夾頭盤︰白蘭地煮蜆一開始男友擔心酒味重我會唔鍾意但黎到佢係似洋蔥忌廉咁既白汁煮蜆對我黎講係非常好味，但如果鍾意酒味既就應該會失望雖然個味道我好鍾意，但略嫌D蜆仲有D沙主菜︰肉眼牛扒配薯條(+$30)肉眼都好有牛味，叫左7成熟都控制得好岩火喉平時都好怕果D伴碟薯條又粗又稔哂呢個上台仲脆口又金黃賣相已經加哂分主菜︰蕃茄焗海鮮批呢個男友話好鍾意，蕃茄好開胃雖然上台個賣相睇唔出佢有海鮮但食落面果層海鮮都唔少，都真係啖啖都食到甜品︰花生醬朱古力可麗餅卜台時有揀係慶祝生日，職員同我地CONFIRM有問過會唔會有寫碟服務職員都話見到我地係慶祝生日，我地ORDER甜品既話佢地都會幫我地寫所以上甜品時我都無再提職員我地要寫碟到最後當然佢地係無唔記得，上台時位小姐都有同男友講生日快樂仲主動問我地要唔要幫我地影相然後帶位個經理行過又同我地講生日快樂其實咁樣真係好WARM嫁只係小小一句，但都覺得佢地做得好好講返甜品先，個可麗餅係仲熱同埋軟身有口感花生粒好脆口，花生醬本身唔係平時果D好濃既味，所以同朱古力一齊好夾可麗餅配埋朱古力雪糕真係超夾最後埋單時位小姐又再次同你講生日快樂行出門口帶位經理又再同你講生日快樂就咁成個過程都覺得佢地好有心，野食有水準、又有服務絕對係好值得ENCORE…查看更多

男友生日，搵左幾間餐廳最後卜左呢間，諗住就算門口無咪錶位泊車都可以泊係美麗華，原本想經openrice卜台，但見到原來佢地有自己既卜台系統，咁就諗住係佢地個卜台系統卜，但卜台時又見到requst卡位需要再電話聯絡，咁就wts app問左佢地先，一開始回覆話無2人卡位???我就cap圖問佢地卜位系統寫住有既特別座位係咩?然後佢地先話星期日中午有，confirm好左d野就決定卜佢地既特別座位，卜左台後佢地都無任何通知我有咩條款，咁我自己睇返佢地個卜台資料最主要都係特別座位係有最低消費，咁慶祝生日又卜得卡位呢個價錢真係無所謂嫁勒。點知當日去到，門口個待應已經係一幅無乜禮貌又無乜所謂既輕浮樣答我安排唔到都無辦法嫁勒，但既然我電話同你卜台，點解你唔同我講未必安排到? 一早講做左心理準備個感覺就會唔同好多但因為男友生日，咁我都話咁算啦然後個待應同我講得呢2張台，你自己揀啦我心諗，咁我卜左台，你無卡位但連台都無留俾我嫁???我果下同WALK IN客咪即係一樣? 咁如果我再遲D黎係咪連台都無?咁既態度都算勒，我揀左張台入座勒，等左3分鐘都無人理我，我望左幾次帶位同埋其他待應，帶位個待應我都望左2次，第3次佢先至發現我未有MENU???然後無講野就放低本MENU，再斟水俾我地，結果係斟到D水滴哂係台面而佢係無抹返，我只能當佢係平時帶開位，所以無斟開水唔熟，然後想落單又係好似無人理我地咁，其實都幾HARD FEELING，生日飯唔想食得咁唔開心，最後我地決定唔食就走！！佢地D野係咪好好食、又或者佢地D裝修有幾靚都好服務態度真係好差，我都只係要求基本服務，但係尖沙咀行中檔路線既餐廳竟然係連最基本既服務都無…查看更多

阿妹生日，想同佢食間高質D既餐廳既然佢係TST返工，就搵返附近既餐廳係OPENRICE搵就見到門面裝修得咁靚既餐廳門面好似法國凱璇門，即刻諗起3年既前既法國之旅所以都唔點諗就卜左，之後先發現原來之前去過觀塘分店度食又係俾佢D環境吸引，食好野果然都係要食埋環境卜左6點，同阿妹5點9左右去到，未係好多人不過原來餐廳唔算好大，原本想坐門口凱璇門下面既台但就因為怕太多人行出行入就都係REQUEST左坐入面又因為好多位都有人卜左，所以我地坐左側邊位側埋左又變成無乜野裝飾好睇勒不過都唔緊要，我地都依然好期待D野食我地叫左個二人SET DINNER，望落都幾吸引餐飲︰PASSIONFRUIT. MINT SODA & MIXEDBERRY SMOOTHIE阿妹杯SMOOTHIE好甜，不過法式野原本就係偏甜而我杯熱情果就very good勒，因為酸酸地可以開開胃餐湯︰波士頓龍蝦濃湯唔覺得好濃湯，但龍蝦味道都飲到既頭盤︰龍蝦海鮮大雜燴味道唔錯，龍蝦夠鮮，其他海鮮都唔會話過火同好韌特別一提塊麵包點D汁會好好好味，主菜︰香蒜鮮大蜆扁意粉個意粉夠入味，蒜味夠而又唔係好乾身，不過D蜆就略為細左D主菜︰炭燒安格斯裙柳牛扒配牛骨髓伴阿根廷青醬呢個係成餐飯係最令人失望既牛骨髓係好重味食一啖都覺得好油膩而牛扒叫左5成熟，但黎到似係7成又有D韌同埋無乜牛味，個汁完全唔似係青醬不過都可以中和下個牛既油膩感甜品︰法式班戟-芒果熱情果合桃經OPENRICE每人消費滿$250就會有得送上次係觀塘食過班戟係好好味，所以又可以再試訂位時有REQUEST生日寫碟服務，所以一叫甜品就直接寫左個班戟果然無令人失望，個班戟好煙韌同D生果忌廉好搭，唔係好膩，超推薦﹗整體係水準唔錯，待應都好有禮貌下次可以再約埋好姊妹黎再試。…查看更多

男友話聽同事講呢間牛扒都唔錯:)咁星期6無咩野做就揸車出去食泊左係旺角新世紀，諗住食完再返去行街旺角行過去又唔遠，可以當作飯前飯後微微消化一去到就見到有人龍沿住樓梯向上排仲同男友講話實有排等，點知又出奇地好快就入座入座後發現應該係D食客都係食完就走始終呢類舊式餐廳唔係for你坐低傾計食幾粒鐘一入去就覺得係舊式餐廳既feel，勁似好多年前去食花園一樣同樣都係牛扒，又係差唔多既格局呢類唔會係好舒服果種餐廳，亦唔好諗住係食服務咁黎到就梗係食牛扒啦，同男友一人叫左一個SET DINNER一個西冷一個肉眼，諗住share試哂2款餐包餐湯都係果D，無話特別驚喜其實見到Fruit punch，但最後都係覺得紅豆冰開心D叫左一杯奶茶，但味道偏甜，另一杯紅豆冰，但攪混都係得淡淡既椰奶味主菜黎到係好大碟，原來咁大碟鐵板西冷跟左蒜蓉汁，西冷扒口感淋D嫩D鐵板肉眼跟左黑椒汁，牛既味道重D整體都叫合格，呢類餐廳唔會要求好高雖然扒都唔係想像中咁好味，不過以呢個價錢黎講都還可接受…查看更多

除夕雖然無出去迫但都訓到元旦日既好晏先起身點幾男友先揸車出去食野橫掂要去葵芳拎野就一於係新都會食野不過元旦日都諗會唔會好多人無位食野丸十係旺角都有，之前幾次想試都未試到估唔到葵芳呢間元旦日唔洗等位仲有卡位坐2點幾去到，帶位個小姐就無乜表情，問野都唔多答你不過又無俾佢影響心情既叫左4樣野加1個甜品，諗住接近夜晚時可以再食其他野明太子份量都夠多，但個玉子略嫌過熟夠脆夠熱味道無話好突出，正常壽司水準鰻魚算係唔差，都肥美，但燒汁好少，飯量唔多都無乜汁我覺得係成餐飯最好食既整體只可以話不過不失，野食無驚喜，可以有其他更好選擇帶位小姐可以無表情，但問你野唔識都應該要應人既…查看更多

之前一直都係想試MAMADAY既，不過一直同FD都夾唔到時間去有日男友揸車經過，見到GOODDAY BADDAY覺得個名好吸引上網再睇先知原本同MAMADAY係姊妹店一於趁阿妹係英國返黎去試下，雖然閒日但既然OPENRICE有得卜台就梗係照卜啦，3個女仔野就真係食唔得多，叫左3樣野都好夠飽，整體黎講唔錯，野食唔錯，環境搞怪，幾岩一班FD一齊黎，咁就可以樣樣都試下。…查看更多

食親野都其實係大埔中心多，好少行出廣福道，但之前見到有gp友推薦良心鋪頭良鰭，所以一直心動想試今日就同埋男友去試，男友早左半個鐘到，咁唯有就叫佢係門口等下先，因為其實都未夠6點晚市，點知裡面既人超好，見佢係度等就俾佢入去坐住先，仲要話可以等我到先開始計時個半鐘，未食已經好感up。到我黎到準備叫野食，佢地先好有禮貌咁同我地講開始計個半鐘，我地叫左個海膽海鮮炒飯、炸尤魚鬚、仲叫左個時令壽司盛、臨尾叫左個2個雪糕鯛魚燒海膽炒飯真係好好味，海膽真係鮮，每粒飯都真係粒粒分明每啖海鮮飯裡面都食到海鮮，呢個真係好驚喜而炸尤魚鬚，尤魚岩岩好唔會太老只係略為咸左少少，但用沙律醬中和返係無問題既而時令壽司盛，主要係魚既壽司佢有4款每款8件，但我唔記得左係咩魚但真心係鮮，無怪味無腥味最後最後勒，男友知我實會鍾意特登叫俾我係好得意既雪糕鯛魚燒，開頭上台都無咁驚喜到食落口就真係好驚喜，我地叫左一個桃味、一個士多啤梨味桃味同士多啤梨都係正常咁好好味不過最驚喜係士多啤梨味裡面係有爆炸糖嫁好得意，成個口感即刻唔同哂好推薦大家食完野就叫返個甜品食。…查看更多

放暑假約朋友傾計食下野點就最好，朋友對餐廳環境要求較高，見裕民坊重建後個商場好似幾靚又未去過，上OPENRICE睇下有咩岩食，就見到呢間餐廳D環境好靚，但經過上次係觀塘另一間餐廳試過夏天真係唔可以坐露天位，所以卜台時REQUEST左要坐室內，卜左位就可以入座，就咁望出去室外位係好靚好岩打卡，不過真係太熱，我地安排坐左係門口附近位置，都其實無所謂，不過室內位置確實有D迫，但裝修簡約舒服。叫左3個Set lunch，2個厚切豬肉眼扒配蕃茄沙沙，1個英式炸魚薯條，厚切豬肉眼扒驚喜，個豬雖然唔係叫好稔，但味道唔錯，同個蕃茄沙沙同夾，一齊食仲中和左d油膩感。炸魚薯條就無特別，唔係唔好食只係相比起豬肉眼扒就唔算驚喜食前仲連相都無影到添最後因為經OPENRICE 訂位可以+$18叫班戟所以叫左2個，+$18果個仲可以揀味道，我地叫左一個藍莓紅豆抹茶忌廉班戟+香蕉榛子朱古力班戟，2個都好好味，班戟個皮好軟有口感整體黎講甜品比起主食更驚喜﹗…查看更多

生日黎講就真係好想同埋男神BB一齊過既，網上見到可以整相落朱古力/咖啡度實在吸引，生日卜左台黎食，諗住唔洗等位雖然REQUEST左坐入面，但多人安排唔到都無辦法了叫左1個SET LUNCH再散叫左個PIZZA跟餐可以加錢轉打印咖啡，另一杯野飲就單叫勒…查看更多

同事LAST DAY，同事話觀塘工廈多好野食，最後揀左呢間，呢間餐廳環境唔錯，雖然仲係疫情期間，但星期六怕人多所以預先卜左位。叫左4個set lunch，先講當日餐湯係南瓜湯✨ ✨ ✨，幾有南瓜味裡面仲有D南瓜蓉，餐茶叫左hawaiian ice tea✨✨，個名好特別但其實即係淡淡味既檸檬茶。主菜︰香茸醬牛油果野菌大蝦意粉✨ ✨ ✨意粉軟硬岩岩好，不過略嫌唔太夠牛油果味。西班牙豬仔骨炒野菜伴香草烤新薯✨ ✨ ✨ ✨豬仔骨d肉岩岩好熟唔會老，個汁好野味。鮮茄辣肉腸帆立貝青口意大利飯✨ ✨ ✨ ✨意大利飯口感Very good，好怕果d煮到淋哂既意大利飯，呢個飯粒仲係分明同有咬口。最後係烤雞(但唔記得個名) ✨ ✨炸雞就差d勒，d肉太鞋同太乾，味道唔唔眾。追加左烤尤魚做小食，呢個炸得好脆口配沙律醬好好味。✨ ✨ ✨然後仲叫左2個甜品，叫左Tiramisu同芝士生酮蛋糕，Tiramisu咖啡味好夠濃，我呢d唔鍾意咖啡既試一啖就夠，同我一樣唔鍾意咖啡味既記得唔好叫，另外第一次試生酮蛋糕，口感就真係同chesses cake一樣，呢個配左微微蔓越莓味所以唔會好漏。服務態度︰✨✨✨我地都坐左2個幾鐘，可能因為都3點幾，都無太多客人呢個鐘數黎，所以待應都無催我地走，亦無刻意收我地D野，但就成個食飯時間都無幫我地加水，都要我地主動話要先右，但整體唔錯，都好值得試。…查看更多