我完全係因為呢間餐廳，所以先想開個openrice戶口，因為我真係好想好想同大家分享我嘅經歷！嗰日我地一班同事收工諗住食下雞煲，又有人介紹話呢間前家樂幾好味，所以就黎試下。我地大約十個人，叫左兩個鍋，每邊半隻雞，一個芝士鍋一個麻辣鍋。首先個麻辣鍋係ok嘅，幾夠味，但係芝士鍋就好唔得，無芝士味之餘仲好鹹，同埋佢嗰半隻雞都唔知係咪迷你雞 :( 一人都食唔到一舊，都算。最最最最大問題係，我地將啲菜同粉留到最後食，喺想整啲菜嘅時候，一郁個盤，竟然有隻 曱甴！！！！係曱甴！！身為一間食肆，衛生點可以做得咁差？！我地班女仔個個都尖叫咁濟，個老闆就行黎問咩事。老闆： 做咩事呀？我地：有曱甴呀啲菜，而家爬左去堆粉到！之後隔離枱有個男人走左過黎捉左隻曱甴。我地：隻曱甴喺盤菜到走出黎，我地想取消。老闆：唔洗~我拎入去幫你再洗乾淨(心諗wtf )再拎出黎咪得囉。我唔知我啲同事咩樣，至少我自己係 o 哂咀咁望住佢，佢可能意識到自己咁講有啲問題，之後就話：我去換盤新嘅比你地？我地都係堅持話唔要，因為點都覺得佢只會洗一洗就拎返同一盤出黎。仲要全程都無幫我地抹過枱！勁嘔心 :( 之後因為兜粉都比曱甴爬過，我地都想取消埋，雖然個老闆最後有取消，但係就黑哂面！我地都未黑面，我唔明佢黑咩面囉…一定唔會再去呢間野！連最基本嘅衛生都做唔好！請我都唔去！…查看更多
