i am a black hole的個人專頁

打邊爐最緊要係咩呀？如果你話係湯底，咁呢間就岩你喇！我今次嗌左個「刺身和牛2人餐」，入面有埋海鮮拼盤喇丸喇菜喇烏冬喇甜品喇～🤩湯底就揀左「姬松茸螺頭燉雞鍋」，原隻🐓放落去，勁濃湯勁足料！侍應姐姐建議客人先飲左湯，再慢慢烚下烚下～呢度除左湯底出色，A5和牛都係必食之選😎所以除左個套餐原本跟埋既和牛之外，我仲加點左碟「特級和牛拼盤」，入面多左手切牛+安格斯牛柳粒🤤我個人喜好就中意食和牛多啲，中意肥膩野嘛🙈如果中意口感重啲肉味濃啲就一定要試埋其餘兩款喇～佢兩碟牛既份量都算多，跟手食埋佢地自家製既手打肉丸+甜品，大食既朋友仔應該都夠填肚喇掛😆呃...！唔記得講埋，佢地有獨立k房可以邊烚邊k嫁～😍而且整體環境都好唔錯，座位夠晒寬敝又唔焗，只係有時K房開門既時候可能會有機會聽到美妙既歌喉咋嘛～🙈🤭😂…查看更多

人氣4℃冷麵🤤有三款口味～我揀左韓烤牛肉（薑柚豉油汁）+韓式辣豬肉（傳統豆花汁）～賣相同味道都唔錯～肉夠入味，每款都會有碗冰俾你倒汁+冷麵黎食，夠晒凍呀～❄️好岩我做完野出完汗之後去涼一涼佢～不過呢個份量對於吃貨既我黎講絕對係唔夠飽，所以加點左份燒韓牛填填個胃...🤭大食朋友要有心理準備咯～至於環境方面，如果坐近窗邊可以睇到海景嫁😍果個位影相一流呀！吃貨指南：👇🏾👇🏾👇🏾🎈 廣東道17號海港城海運大廈3樓LCX 34號舖⠀🕰 營業時間12:00-10:30pm⠀☎ 訂座熱線：2111 0851⠀…查看更多

嗌左朱古力味疏乎厘班戟好實...同舊普通蛋糕冇分別！一啲都唔似疏乎厘！又冇蛋香，底面仲要煎到過晒火，燶晒底乾到爆！新開都整得咁差，又一間過江龍都得個名，冇下次！…查看更多

次次去都一定要嗌流沙包+辣蟻粉絲！食流沙包🥠最驚係包質又粉又硬，個餡唔夠多/甜到漏～呢間叫做得幾好，食第二隻先感覺有啲漏，但淨係個造型分都夠贏晒返黎喇！我出名超級唔食得辣，辣蟻粉絲🍝係我少有會食既辣野～好惹味又夠乾身，而且呢個辣度對我黎講係可接受既～唔係幾食得辣但又中意食粉絲既可以試試啊～而第一次試半黑皮果籠叫黑面墨餃🥟味道十分普通，只係墨魚+蝦餃既一粒野～重點係：入面有芫茜！⚠️ 芫茜出沒注意！忌芫茜者慎嗌！…查看更多