一家人耐唔時都會諗起想食自助餐, 但總會諗起會展(食過好多其他地方唔掂),貪佢地方大 ,食物有保正 , 款式多 , 招呼好 , 洗手間淸潔.......今次佢仲有" 和牛"同送" 鮑魚" , 一於去試吓啦.諗住送嘅鮑魚梗係指甲咁大, 點知送黎又OK 喎 ,仲大隻過咸蛋 , 幾好味添 , 成隻食夠豪氣 . 一黎自制個大蝦沙律先, 貪佢D 冷盤有保正 , 攞D大蝦 , 加D新鮮蔬菜 , 粟米 , 千島醬成了!和牛都OK , 我自己唔太喜歡但太太就話好鬼正 , 仲食咗好多轉 .雖然話食物種類無太大改變(我就係鍾意佢變得小) , 但水準KEEP 得好好 ,正宗印度咖哩 , 味道固然辣得好味, 又可以開吓胃, 轉頭食多D野.跟住食佢嘅焗蠔就係"賣飛佛" , 相信佢唔會用平野, 因真係好有蠔味, 正!法國鵝肝都係主角之一, 唔試吓唔算黎過.今次去有海鮮湯, 仲係即整, 試過勁OK .提一提佢嘅中湯都好得.其他食物都有試過 , 合格嘅 , 甜品唔駛講都知掂 , 雪榚用Haagen Dazs 唔食唔得 ,喺魚生可以考慮俾多dd ,唔駛行咁多次(因好食)
唔可以唔提佢個"話梅骨", 好鬼好食 .
大致滿意 , 會期待再黎.…查看更多
唔可以唔提佢個"話梅骨", 好鬼好食 .大致滿意 , 會期待再黎.…查看更多
