初心必忘的个人专页

以上所有屬實 唔洗問我係唔係要確定發佈！ 確定！甚少嬲到即刻飲完 即刻寫食評 本想試下有桃膠嘅飲品 上網搵推介 某UXXXX 推介下 決定一試！午飯時去買見到無人 以為我好運 叫桃膠蜜桃茶  $30一飲桃膠 似雜質多過似桃膠 口感上更加似茶渣茶味無太突出 仔細一睇 有一條頭髮即刻0分 有無搞錯！茶味普通 桃膠更加無誠意連衛生都做唔好？ 叫人點回頭啊？$30 我可以去其他連鎖茶店再買一杯我都不求你 好出色 你真係連最基本都做唔好真係比錢買難受！ …查看更多

我去開尖沙咀 我特登行路過去食我就咩住好多野 一入到去個員工就幫我拎 真係好感動我去到第一時間就叫左個撈拉麵 其實佢個麵樣樣都出色好耐之前係佐敦上堂都試曬所有麵 但我個人就獨愛拉麵 / 米線佢個撈麵最出色既地方 係夠簡單 佢個麵底本身吸汁能力強佢個醬汁又調味出色 唔太咸  佢又會係入面有肉碎同花生咁配搭上 食落就好好味撈得平均  啖啖都係享受! 配料反而唔係重點 重點都係個麵上面每次經過都真係必需要入去食一碗!…查看更多

終於到我帶我朋友去食好野諗起個性價比 同 味道既話 旺角101 真係無敵佢地個三杯雞 之前係煮熟左上 呢家火鍋熟左生上 要你自己煮但都無咩問題既 個玉子真係好好味 外脆內軟 去到個火鍋先 正 我地一試個湯 已經知道此鍋非池中之物湯底本身有好濃既香料味 同埋 有清甜 等佢慢慢煮既時間 飲湯既我 發現湯入面慢慢多左種雞味令個湯上左一個層次 裡面D配料 已經吸飽曬D湯汁之後就食個主角 而講真 我覺得之前佢煮熟上 會好味D但呢家都唔差 雞食得出 無太勁既雪藏味 而且又滑 肉質好軟熟一瞬間就清曬唯一美中不足既地方 真係D茶 佢就用左椰菜 但識食既人都知一定要用娃娃茶 個吸湯能力先會更正 到時就真係好味都出唔到聲重有 D牛肉同豬肉配料 就真係無咁新鮮 但呢個價位 恐怕我都不能再求太多野啦個雞同個湯底都已經征服左我!…查看更多

其實我有D唔太明 呢家有D章魚燒 有D雞蛋仔賣到咁貴重算唔算叫街頭小食呢? 呢個問題以後再探討但好老實 我係咁岩經過見到佢個招牌先去排隊 等左10幾分鐘期間D職員都掛住吹水 內心有D不安 但心諗都唔緊要既拎左雞蛋仔一試 其實發現 無想像中咁出色 亦無佢招牌所寫咁最正宗既雞蛋仔雞蛋味好濃?我食唔出 外脆內軟? 真係偶然有一兩粒係咁呢個價錢 其實我知道有幾間個水準都比佢出色 我估最主要都係員工工作態度問題 好多老字號店 雖然由老闆打左個江山落黎但好多請番黎既員工都係得過且過 對食品質素無咩要求呢一點對D食客黎講 都係重要一環 就算多客都好 都應該確保個質素 反正我真係好期望食到我呢一世仔最好味既雞蛋仔而呢間我覺得名過其實…查看更多

同朋友去食晚飯 朋友推薦去金加利住左咁耐都未試過一於去食下去到咁岩無咩人 有一次太多人所以放棄左無去食呢家終於可以一試 夜晚就緊係要鋸扒 叫左一份厚切鐵板西冷個蒜蓉包都幾好味 個羅宋湯 自己覺得偏重口味 但無咩所謂重點主角出場 大塊到呢 我就叫左四成熟既好老實肉質一定唔會最高級個種 食落牛味唔太出但勝在夠大份  食完都飽重要啖啖肉但我自己覺得個牛扒叫左四成 我預左時間個鐵板會再令佢再熟D但係食落都係太生 雖然我無問題 但其他去食既朋友 不妨可以叫熟少少最後重有甜品食 好滿足! …查看更多

呢間夜晚有雞煲食 味道係唔差 但今日中午去左食米線 因為好耐之前試過一次印象中味道幾好 決定再試一次我叫左個肥牛做餸 等左10分鐘 我覺得有D耐 因為間野得我一個客 (其他客已經食緊野)唔太緊要 先講左食物質素先 先君子後小人米線味道中等 米線 湯底不過不失 標準範圍 湯有濃既味精味 我覺得好正常但肥牛overcook 煮到超硬 就算食到有牛味 都咀嚼左一陣 配料太少 可能岩岩開市 但肉碎 酸菜都太少 變左做清一色米線加肥牛咁味道可以既 但環境真係出曬事我想講 個一區既衛生環境都好惡劣 幾乎個到既食肆都唔太企理但入到去之後有兩隻烏蠅係咁飛 食野個時 真係咩心情都無曬都唯有快快手食完就走 其實食物真係唔差 希望佢地認真重視番個問題 唔洗大封個裝飾 但至少入去乾乾淨淨 無烏蠅就算真係可能附近既環境影響 但點都好 諗諗方法如果唔係真係好趕客…查看更多

今日朋友帶食野 間拉麵係佢平時睇完獸醫必食朋友推薦土4  濃厚魚介豚骨湯麵  即試! 叫多左一個墨魚嘴小食佢有得簡個麵硬度 湯底濃度 咁樣由客人去決定 有D拉麵店係由師傅去決定 見仁見智 我無所謂~個麵一到 即試個湯先 嘩!正我覺得普遍香港拉麵湯底太咸 好多師傅都將濃同咸分唔清呢個真係一飲係有好濃海鮮味 好滑 有D似日本D名牌拉麵個麵掛湯 都唔錯 口感唔錯唯一要彈既係 個叉燒 個肉味唔夠濃 肥瘦比例唔平衡又無入口即融既享受 不過不失啦最跌分數係個墨魚嘴 個炸粉 真係包得唔好 一夾散左時間一耐小小 底下D油就融左個炸皮 後尾都食唔到個炸皮另外 個墨魚嘴都唔係特別鮮 又唔係特別彈牙呢個扣左分但overall佢個拉麵真心正 第時去旺角會再去!…查看更多

今日下午約左班舊同學去旺角快樂小羊打邊爐 裡面超級大 去既時候唔多人 超舒服! 印象分已經滿分經理推介左羊排同黃金羊王 其他都自己叫 叫左D肥牛同魚滑拼盤 大家除番開 價錢都接受到食物到左 份量都幾夠 一食就不得了!我自己對羊就沒咩所謂 反正食肉獸 來者不拒但佢D羊真係無敵 你係會一瞬間愛上 先講個羊排脂肪入口即溶 入口之後唔係油膩既感覺 而係好似飲全脂羊奶咁好濃既香同滑 大家真係鬥快搶!之後黃金羊王 又係無敵 羊既肉質好嫩好嫩 強烈建議大家唔好點任何醬原汁原味 好好享受佢個羊肉本身其他都好出色 值得一提係佢個魚滑拼盤 真係好有鮮味食完之後大家都讚不絕口 真係開心咁走 呢餐都幾肯定係 近呢幾年食過最高質素既火鍋 更莫講係食羊上真係呢世第一次發現 原來羊可以咁XX好味 (請原諒 我既無禮!) …查看更多

呢個絕對係我食過最出色既燒味朋友推介下出發去食 瀨粉配燒味就完美 諗都唔洗諗就點左一個順便點多一個青瓜 食燒鵝 一定要先試個層皮 我特登挑開層皮試下先 不得了! 皮脆 油香入口即融 一啖瀨粉 真係無敵曬呢到一定要講下個瀨粉 佢清湯 無咩味精 咁樣就足夠瀨粉只係配角 佢襯托燒鵝同叉燒呢兩位主角老闆娘呢個時間行過黎 問我好唔好味 我話好味到不得了之後我試埋個叉燒 有溫度 好鬆軟 唔好睇少好多燒味店 叉燒肉質好差 食落乾身 又凍後尾老闆娘講 原來佢地係用梅頭去整 繼續試埋個青瓜 發現佢個醬好出色 係叫千味醬 佢地自己製作 咁我就話可唔可以要一碟點燒味 即刻二話不說拎一碟比我成個過程 感受到溫馨 食物質素絕對係極品個日星期六 下午 咁岩見到佢地派飯添真係良心燒味店 以後去灣仔絕對會再去食多一次!…查看更多

講真平時好少去尖沙咀食雲吞麵 物價太貴但朋友想食被逼入左去 真係想即卡走但都騎虎難下 真係好唔抵 份量一般 不多不少 雲吞都可以接受 味道無太出色麵都係中等 湯又無話特別濃特別鮮 成碗麵都不過不失不過店裡面員工服務幾好 有講有笑環境都乾淨 唯獨係價錢真係嚇死人明白係尖沙咀呢D旺區開店既困難 店內都見旅客比較多但我下次都唔會再去 呢個價位可以食到更好既野只希望店裡面既食物質素可以再提高 咁先對得住個價位…查看更多

藍田係九龍小食天堂 其中呢間燒賣真係無敵放到全香港都唔會輸我一得閒就會去食 原本係食20蚊 一食就停唔到 食40蚊先停手佢有炸燒賣 同 蒸燒賣  兩樣我都試左 各有特色但相同地方係 佢既燒賣肉真係好掂 魚味超濃 無強烈既魚腥味反而似食緊燒賣魚蛋 彈牙有口感  真正既皮薄餡靚 兩個比較 我更鍾意蒸既燒賣 佢有個原汁原味反而炸燒賣既椒鹽同脆皮會搶左個味道  另外都不得不稱讚佢個豉油同辣油都同樣出色無搶走本身燒賣個味道 反而襯托出魚既鮮味其他食物我之前都有試過 但呢間有名你叫最出色既都真係燒賣 …查看更多

點解呢間米線咁少人識?以前讀書神日食 已經覺得佢超越好多香港知名米線直到呢家得閒都會單拖去食好米線先講佢個湯 有陣陣香料味 比起好多味精湯 已經勝出佢個手打魚腐口感都好好 佢索曬D湯汁咬落去 真係好正米線其實無咩特別 但佢米線唔屬於滑個種 係有D彈性整體上 呢間米線真係我個人心目中既頭三唯一缺點係 佢地個辣度 其實唔算太辣 如果純粹想食米線食辣既朋友可能會令你失望自問自己食野都挑剔 呢間米線係少有我會特登去食而且印象深刻!…查看更多

去開個頭番工 K HOUSE附近都好多茶餐廳見到呢間西餐廳 平時神日食中餐 今次轉下口味入到去人流好少 重以為有伏講真既 見到D價錢 真係有D嚇親 都無計頂硬上叫左個煙三文魚意大利飯  咁好快就上左菜賣相非常好 好吸引 試食埋味道真係唔錯三文魚溫度岩岩好 太凍反而會同意大利飯夾唔埋個飯都非常出色 自己覺得意大利飯 有好多店都汁多過飯搞到食湯飯咁 今日呢個我好滿意 飯同醬煮既時候無失衡最緊要食完 同朋友坐左勁耐 以後想好好嘆個飯 我都會再黎!唯一既缺點就係食物價錢偏貴~…查看更多

今次係偶然機會去試 之前有睇過呢間店既報導所以就入左去一入門口 店員服務態度超好 會教你點落餐又推薦 經過又會微笑 十分有禮貌 拉麵好快就到左 已經聞到好香既炙燒味第一時間試試個湯先 濃而不咸 食過太多拉麵店湯底太咸 呢碗至少我覺得岩岩好拉麵正常 無話有特別出色 有時反而覺得糖心蛋先重要 因為好多時候拉麵店既糖心蛋都煮唔好阿久根既糖心蛋絕對係出色成碗麵既份量真係岩岩好 一個男人食完都好滿足唯一覺得係個炙燒豚肉 無想像中出咁驚喜 只係正正常常 我重期待會有入口即融添 當然係我過份要求啦但同店員傾先知阿久根係主打A4和牛拉麵唯有等下次再試!絕對會再去 …查看更多

今日中午又同朋友去食午餐 好多地方都爆曬人 要排長隊咁既然都要排 不如排D好食D 去左旺記冰室 10分鐘就有位坐 諗都唔洗諗叫左個叉燒日本滑蛋飯 好快就嚟左 先講左好野先 因為都食過好多次個滑蛋依舊好滑 煮既狀態岩岩好 我鐘意佢無對個蛋過份調味某D餐廳既滑蛋飯個蛋一係無味 一係有D咸再配埋佢個豉油 真係無敵但係今次個叉燒就失左水準 叉燒無味 似普通豬肉咁但之前我記得個叉燒都唔差因為佢其保地方救左分 所以點都唔會差得去邊 都算係美食級數好難開咁多分店都keep到個水平…查看更多