nghoikei的个人专页

呢杯芋泥鮮奶味道幾好有濃濃嘅鮮牛奶味道加上芋泥嘅口感夏天冇乜胃口食嘢飲佢就啱晒因為對女仔黎講都幾飽肚對比起其他台式飲品呢杯冇乜負擔 零罪惡感而且仲有成35 g蛋白質好啱做緊gym嘅人…查看更多

最近想搵間有少少儀式感嘅西餐廳，發現原來有間法式西餐廳係尖沙咀, 望望價錢都覺得幾合理, 於是就試試佢當日叫左個$1288 set, Set total有前菜x5、湯x2、雪葩x2、主菜x2、甜品x2前菜都係2人分享，前菜有冷盤有熱盤，每道菜都有驚喜，同埋份量都唔少，我最欣賞就係佢隻南非鮑魚，幾入味同埋口感好好，再加埋魚子醬一齊食，諗番起個鮑魚，宜家打緊食評呢刻都流緊口水。湯方面，我同朋友試晒2個湯野菌忌廉湯有好多細細嘅菌粒，口感好好，而且好creamy龍蝦湯味道好濃郁，仲有2粒龍蝦仔添水果味雪葩係用黎清口腔，正正常常，無咩好評價主菜方面，試左魚同埋牛柳配鵝肝(需加+98蚊)魚鱗好脆口，而且魚係岩岩好熟，所以魚質好滑，配埋菠菜同埋番茄醬，平時西餐都係食開比目魚、鱈魚，所以今次食到甘鯛松笠燒，我覺得都幾值得一試我自己本身都幾鍾意牛柳，因為肉質比較淋，今次order左要5成熟，有時出街食好怕overcooked，不過當我切開牛柳個陣入面仲要粉嫩粉嫩，真係忍唔住要講真煎得好好! 牛柳本身無咩脂肪，配埋鵝肝食，牛柳係質感配上鵝肝嘅油香，一個字，正! 食牛本身都唔平, 呢度仲要 $+98蚊就有牛同鵝肝，我個人都5粒星推介!十分值!跟餐甜品係奶凍，我地另外加左+48蚊轉一個心太軟奶凍口感好滑，食到奶香味心太軟好流心，配埋雲尼拿雪糕中和番心太軟嘅味道，口感凍凍熱熱，我個人幾鍾意餐廳係續碟續碟上，進餐節奏都幾好，可以慢慢同朋友食野同傾計。進食時間大概2個鐘鬆啲。 …查看更多

見呢間餐廳做緊優惠所以今次一於試下睇介紹係一間關於貝類海鮮做主題嘅餐廳睇MENU頭6,7道菜都係貝類, 中間有牛,炒飯, 菜 甜品等等所以成個餐都幾飽鮑魚好淋, 味道岩岩好, 大根無渣 幾好係幾fushion嘅菜式帶子上包左一塊酥皮, 酥皮比較淡味 不過因為包住焗嘅關係 所以殼入面都幾JUICY, 點埋D帶子汁 就岩岩好唔好睇佢花螺細細粒但算係幾有肉 同埋佢個汁真係好好食 個汁調得好好 少少辣味入面仲有啲大根 索晒啲汁 真係搶左花螺鏡整體黎講 半價真係幾值得去食 希望下次去都keep到水準啦 …查看更多

湯底令人驚艷, 職員首先拎個鍋上黎, 然後會加入白酒, 係你面前點火, 炒香海鮮, 十分打卡able湯底仲要勁足料, 有龍蝦, 有花甲,有青口等等, 再配埋少少洋蔥, 食落仲好新鮮, (打緊篇野都忍唔住流口水)炒香海鮮後, 職員加入龍蝦湯, 湯睇落好咸好濃咁, 但飲落一啲都唔係, 係好鮮, 味道適中, 飲完個人唔會好口喝, 係一個好舒服嘅湯 作為前菜, 送酒小食, 黑松露多士十分高分, 本身蝦多士已經係一件好好食嘅野, 加埋個黑松露醬非常夾, 食得出好足料, 而且炸得好好, 好酥脆配菜方面, 我地樣樣都有嗌, 丸啊、菜啊等等款式都算幾多不過重點推介呢個豬拼盤, 3款肉都好好食, 食落好滑, 一啲都唔鞋, 配落海鮮湯都十分match…查看更多

最近想食拉麵, 所以放左工就係尖沙咀附近食聽同事講呢間都算係一間出名嘅拉麵於是就試下佢見佢有一個2人餐, 包2個指定嘅麵, 1款小食,枝豆, 配菜 + 飲品 around 240蚊左右價錢都尚算抵, 於是就試下呢個餐上菜時間都快, 但職員好易漏單同送錯枱係進食嘅過程中 見到有一pair人就係因為漏單而走左而我地都漏左2罐飲品, 而職員聲稱咁岩機無紙, 所以漏左但明明樓面都有3,4個人 人手明顯係足夠 所以係呢啲位係少少失望講番野食先拉麵麵質唔錯 味道都濃郁 不過食到一半就覺得個湯越黎越咸 所以扣左少少分小食揀左餃子 正正常常…查看更多

成棟Ladder Dundas基本上都係餐廳，今日試下位於21樓嘅「升Masuzushi」環境:- 餐廳係行日式木系風格，環境光猛，感覺都幾舒服。- 餐廳大約左十幾個位，位置都夠寬敞，而且每個位都可以見到師傅嘅手藝。食物:今次試左$980 omakase Dinner set,set入面有 前菜、刺身盛、一品料理、手握壽司、湯同埋甜品前菜:靜岡縣糖蕃茄: 蕃茄甜度真係好高北海道鱈魚白子: 質地Creamy, 配上少少酸汁, 都幾開胃刺身盛:長崎小長井生蠔: 味道清甜，海水味唔會太重、加左少少柚子皮同青檸汁食落更加清新, 都幾得意鮫鰈魚薄切及裙邊: 師傅手法好好, 鮫鰈魚刺身切得非常薄, 魚質口感爽身,，不過我比較鍾意裙邊多啲, 因為魚油真係好香,好好食鰹魚刺身: 師傅燒香表皮, 加埋薑蔥同豉油, 都幾match 灸燒大拖羅刺身: 大拖羅本身已經好重魚油, 師傅燒完之後更加香, 加埋紫蘇菜同紫菜 真係好好味啊一品料理:櫻煮八爪魚: 唔好睇八爪魚咁深色好似好咸咁, 其實佢係因為將章魚與紅豆一起煮先會變成宜家嘅顏色。口感好軟滑, 配上少少柚子胡椒, 味道會有少少胡椒嘅辛辣 食落都幾得意甘鯛立鱗燒: 魚皮好脆，有少少魚油香，好好食, 菠菜汁可以中和魚味道, 十分特別手握壽司: 壽司分別係: 真鯛、深海池魚、地金目鯛、池魚、春魚、鮮帶子、梭子魚、魷魚、新鮮北寄貝、真鯖魚、甜蝦、鳥貝、赤身醬油漬、中拖羅、鰤魚、間八、北海道根室馬糞海膽、海鰻另外這個套餐是可以無料追加壽司的, 所以我分別再追加了中拖羅、鰤魚因為魚油真是太香了, 另外還叫了甜蝦。湯:今天是鱲魚湯，魚味很濃郁, 是一餐一個不錯的句號甜品:甜品是豆腐雪糕配十勝紅豆 還有靜岡縣的蜜瓜。服務:-      師傅講解得十分詳細,我這次的OMAKASE體驗感覺不錯。-      用手接食物時有準備乾、濕紙巾和毛巾, 衛生也做得OK。小總結:以OMAKASE黎講 $98食到28款, 仲可以無料添加壽司, 雖然套餐限時120分鐘, 但都有充足嘅時間去追加, 性價比真係好高, 而且真係大滿足。餐廳嘅食物都好新鮮, 環境都舒服, 都幾適合同朋友或者另一半黎。…查看更多

一向都知大坑多野食 琴晚就同朋友入左去睇下有咩好食啦行左個圈 噤岩經過金の藏 個服務員就向我地介紹下 睇相賣相同價錢又OK 噤我地就去左試啦我地叫左鵝肝多士 串燒 同拉麵非常介紹佢地GE鵝肝多士。鵝肝多士唔貴又大件 值得一試又抵食!!另外 食左青魚 牛舌 青椒 茄子 但我覺得和牛串燒 虎蝦 羊架 好正和牛又嫩又JUICY 虎蝦食落都係新鮮蝦黎 落左小小鹽都覺得好好食本身鍾意食羊鍾意配香草醬食 但呢間鋪好特別 係用柚子醬配羊架食 小小酸味配上羊架又真係幾好味我同我朋友叫左唔同GE拉麵 分別係黃金拉麵同醬油拉麵PS:佢份餐牌上寫住係用札幌拉麵 雖然唔知同平時有咩唔同(未食過札幌拉麵本身食開淡味啦 所以個人比較喜歡醬油拉麵 食左啖拉麵終於知道札幌拉麵係比平時食個D彈牙可能間鋪係新開張啦 個老闆又幾NICE 一得閒就會走出黎 同我地傾下計 問下我地GE意見服務態度真係100分!平時呢個價錢真係食唔到噤好質素GE食物 所以真係好抵食可能我本身比較喂食啦 所以我一路打食評 一路諗番起佢D食物 都有D肚餓 食過之後真係會再去食多次!AGAIN AND AGAIN…查看更多