noelle_noel的个人专页

想食個榴槤雪糕好耐。但唔係好多人，就係賣晒，身邊人又唔想等。終於的起心肝自己一個去食。成日在雪糕關注組見到啲人會加錢要多啲球，我就中傭啲，要兩球得啦$49，買飛時唔使排，等雪糕都唔係排左好耐，第一啖食個燕麥雪糕先，好似有啲淡淡榴槤味咁。到加榴槤肉食，痴線超好味，唔係我唔鍾意既榴槤糕味,我成日驚黃山王係榴槤糕隻味。會不停咁食到唔停，速度加快haha,燕麥雪糕都好濃厚，唔會好似m記同雪糕車嗰啲咁水，畢少少榴槤配少少雪糕一啖咁食落去，好夾,不過唔知點解榴槤感覺暖暖地，食到最後只剩下燕麥雪糕時，可以試到雪糕的原味（再唔會好似剛開始咁覺得佢有少少榴槤味）,順便清淡下個口既榴槤味，依個配搭份量我覺得剛剛好。在拿雪糕時仲睇中埋肥嘟嘟腸，食完雪糕又去排蜜糖腸，美食區有捷徑，唔使兜一大個圏，真好，食完仲反方向入去買左盆栽，唔知可唔可以咁樣反方向行入去，返正其他人都咁行就是了。…查看更多

慢煮豬好淋，配蘋果蓉同芥辣籽醬。芥辣籽醬好夾，蘋果蓉解膩。薯件都好好食，大舊外面少少脆脆地，蔬菜都無灼菜的怪味，甘荀好甜。燒雞，好香，皮脆唔乾鎖到汁。都係配蘋果蓉。Parma Ham今次係蜜瓜波波，加沙律菜同醋。靚。老公鍾意Parma Ham配沙律菜，沙律菜新鮮爽脆配咸咸地Parma Ham.雪糕同cheese cake都好好味, cheese cake唔係好甜。依度啲食物都係無咁咸，無咁甜，啱我地口味。仲充滿人情味幫我哋的甜品畫碟。仲叫左個白酒燉雪梨。以前只食過紅酒燉雪梨。白酒燉雪梨係凍，配雪糕，好靚，有加八角同肉桂，可以增香同平衡雪糕既涼？因為肉桂有暖身作用。…查看更多

同朋友食過一次，驚將來會無得食，要帶老公黎食。喺香港未食過咁既蠔仔飯，同上次一樣，超多蠔仔，食唔晒加唔敢食咁多，塞左啲俾老公，如圖大大隻脹 bob bob，咁都有啲細既。蝦仁都好大隻，唔知係咪虎蝦仁，肉燥唔係油淋淋既肉碎，真係一粒粒既五花腩咁既滷肉切小粒（如圖），又唔太肥。熱珍珠奶茶仲唔洗加錢。蠔仔都洗得幾乾淨。無碎殼，不過都提醒自己食時小心啲。如果枱面有胡椒粉俾客選擇洗唔洗加就好。飯有汁既，食到底最後一粒飯都有汁，唔喜歡多汁飯的人要注意啦。…查看更多

之前食過佢哋關東煮，都幾年前，以為佢哋唔再開返，知道佢開返同轉左menu ,就黎支持下，叫左試食餐有齊烏冬加鰻魚飯。十蔬雞肉特制烏冬有唔同既蔬菜，仲有薑絲無咁寒涼，好似阿媽啲理論，個烏冬同其他地方都唔同，唔係純白色。鰻魚飯佢地話係炭燒，有啲淮山蓉好似健康左，個飯都唔係淨白米，溝左樣叫黎麥既野，未食過，初初聽到以為係麥皮啲friend,食落我覺得有啲似薏米？外食想食菜成日下下都食炒菜，或者灼菜心，依個算食到唔同蔬菜，仲有蒟蒻嗰啲。我放工拿回家成個鐘車程先食，都仲靚既，下次食lunch買，唔使拿咁遠，睇下個鰻魚會點。…查看更多

個飯好香，有香茅同唔知南薑定蒜既野。我未食雞都已經食左一半飯，食左兩次都咁好味，兩次都外賣，都好食。個雞如圖，唔鞋，個皮超薄唔肥。個沾汁都好味，好清新，唔係純青醬，又唔係純橙醬。仲要外賣有折。芒果糯米飯都好食。…查看更多

蝦餅唔會死實實，佢軟得黎彈，又大大舊又多，個醬都唔係普通泰式雞醬，個蝦餅有d似我地在布吉食過好喜歡食的蝦餅，食過布吉那種鬆軟得黎彈的炸蝦餅之後，我就不喜歡香港好多泰式餐廳的說彈牙但好實的蝦餅。蝦醬炒飯，仲有搭配沙爹牛肉同好地道的脆邊煎蛋，這些泰式飯配的蛋一定要脆邊，好多餐廳都唔係既，仲要這個蛋不用加錢配。九龍城某店要加五蚊。我們這餐飯覺得整體感覺比在九龍城食的更好。炒飯入面仲有一些很惹味的迷你蝦，好像櫻花蝦但很紅的。通菜不過不失，不太咸。…查看更多

經food panda叫白粥、蝴蝶腩、白飯、上湯浸時菜。佢頭兩樣都無唔通知我，最後黎到係張相咁樣，收我55蚊，我真係好多謝佢。首先你無嗰樣菜式係唔應該放上food panda俾人落單，其次係人地落左單，但你供應唔到，仲要係兩樣，你係唔係應該打俾我同我講呀，我俾運費叫兩個白飯加個菜做咩呀，我唔舒服想食粥你俾個飯我，想我點呀。blacklist.我無野好講啦，但係要打夠二百字先俾到差評，無咩我都係去食返粒耳水不平衡藥先啦。我暈了。…查看更多

叫過兩次，第一次經外賣平台叫，想話做野咁辛苦，要食好少少食返件cake獎勵下自己。見Homeland食評唔錯就試下啦。叫左pan fried Iberico Pork Collar（即係個燒豬肩）， 同埋Feuillantine Cake (即係個朱古力蛋糕），兩個都超好食個豬肩我食唔晒，有一舊大既留到第二日淥麵都唔硬仲係好好食（希望廚師看不到我拿去渌麵）,豬肩搭配的酸菜薯蓉都好好味，可能放在燒豬肩下面吸收左d汁。酸菜同豬肩好夾，解一解肉的heavy.配菜的蔬菜也好吃，不知是不是焗蔬菜。蛋糕底層好像朱古力加粟米片？脆脆的，中層軟軟的，甜度剛好，好滑，吃到幸福感呀。覺得個廚師唔簡單，有心思做野食的餐廳要多欣賞多支持。到weekend因為太好食，我帶左男朋友去食,本來佢覺得貴但見我咁想帶佢去食就去啦，食左一餐貴d咪食一餐平d拉上補下囉。去到我地無book,6點左右之麻己經booking full出面仲要有人，好彩仲有bar枱，我叫返朱肩同朱古力蛋糕俾佢食，因為真係好好味，我想佢都試下，仲叫多個菠菜帶子意大利飯。我男朋友食左第一舊豬肩己經覺得好好食入面軟的，好食到似食緊牛，但menu係寫住豬個蛋糕佢都話唔會覺“漏”，不過我覺得上次外賣呢無咁frozen個質感軟d，咁同個底d脆對比大d好食d, 堂食我地無耐性等佢回溫返少少，我男朋友話係咁架喎，咁就食晒囉。個菠菜意大利粉都好食既有小帶子在旁邊和一粒刺身級既大帶子在中間。食到好味的野食會帶來幸福感，仲要唔使離開大埔，thank you.…查看更多

態度差，早上唔想受氣，就唔好去。買外賣粥要翻熱又不在俾錢前說明，要在入面等佢煲，仲要叫你坐下依度又覺得你阻住，又叫你坐第二度，返工個個都趕時間你要加熱就神早要出聲，而唔係企在門口俾左錢，等左一輪都無俾粥我，我問返，你先話要煲返熱。兩次消費經驗都覺得個女人串。買生果一份份我唔想要番石榴問下可唔可以唔要番石榴，好聲好氣，你答我fix死左係咁既ok.個女人個嘴臉好串，串住咁話唔要你自己洩底。態度差~完。…查看更多