抹茶牛奶的个人专页

如果有人問跟心愛的人吃什麼最溫馨,我會回答:芝士火鍋.兩口子點下點下芝士醬, 溫文儒雅, 又冇中式火鍋咁粗獷, 男士女士食都食得斯文溫柔些.多數女士都喜歡食芝士, 食時女士表現一副甜美的笑容, 真係雙重享受呀~男士可以帶女朋友一試啊~ 佢一定會好"LUM".講番意粉屋的芝士火鍋先, 我地食海鮮果隻, 因為芝士巳經非常漏,如果再食肉類就會太膩. 所有海鮮都非常新鮮多汁, 芝士食黑松露, 雖然唔覺得有黑松露味, 但係都好香.真係好想再食啊~佢地仲有濃味芝士, 應該都唔錯的.…查看更多

呢個顏色咁怪的CAKE叫杏仁公主餅,原來好好味呀, 有焦糖味, 都幾甜呀,不過味道幾特別.好想再食, 不過太肥啦.…查看更多

呢間花園的扒餐真係好鬼抵食.質素都唔差呀, 牛仔骨好好食, 不過餐包就難食囉.值得一提,焗田螺好好味.環境又唔錯, 好過對面果間星加坡餐廳, 呢度適合一班人, 情侶,三五知己黎.…查看更多

一個人食SUSHI 可以揀板長, 因為板長的SUSHI係一件件叫的.LUNCH 去公司附近的板長食, ORDER左三文魚, 煙三文魚, 辣三文魚軍艦, 芝士飛魚子軍艦,醬油漬三文魚X2,甜蛋.飛魚子墨魚.芝士飛魚子好正, 芝士香濃,同魚子好夾, 辣三文魚都好好味, 紫菜仍脆. 但三文魚壽司略嫌冇味, 甜蛋有雪,未完全解凍, 而醬油漬三文魚冇上次咁好食, 條魚明顯冇咁靚,又細粒左.希望進步啦. 唔好退步呀!!!…查看更多

第一次食cupcake係0係圓方果間PETiTS,不過可惜巳經close 左,太掛住cupcake啦...其實 睇到呢個價錢冇咩期望, 因為圓方果間成廿幾蚊一個不過真係好好食, 入面有料的, 同埋大個好多,又可愛~ 不過呢個都唔差呀! 我試左一個爆炸糖朱古力味, , 上面d cream 的朱古力比較濃郁, 而下面的蛋糕 比cream 甜一點,但就做到濕濕潤潤 一d 都唔干,呢樣係驚喜. $10 一個非常合理. $8 就抵食~可以造型上面再得意d~…查看更多

中午一個人都唔知食咩好,附近的地方好多人,排哂隊, 行經呢度,見到唔太多人, 就決定0係度試下, ORDER左個白汁吞拿魚磨菇意粉, 買票然後好似大家樂咁拿野食. 好快有得食啦~ 個意粉分量夠哂 , 材料都幾多, 個汁好又唔會太希,幾好幾好. 我最鐘意佢地白色的裝修, 返工咁辛苦,中午時間出下黎0係個舒適的還境食下LUNCH,嘆下~可以補充返D 精神呀!…查看更多

:) 有COUPON 平D 仲送多一塊.正試左好多味道,有杏仁味,濃CHOCOLATE等等,隻隻味都好濃郁,好香,COOKIE係軟身的, 有別於硬COOKIE~不過都幾貴呀, $10.5一小塊.但值得一試~!服務生好友善~ 有笑容:)…查看更多

m 推出夏日甜品系列~ 好summer feel~ 推出以黎,試過3款, 有coffee奶昔/ strawberry 麥旋風(kit kat) /藍莓新地.好味程度排第一係藍莓新地,第二係coffee奶昔,第三係strawberry 麥旋風(kit kat). 藍莓新地係m記出過咁多種味以黎最好味的. (好味過傳統朱古力&士多啤梨) 甜的程度適中,味道又唔假. 而coffee奶昔都唔錯, 好多cream, 而coffee味好香,可惜太多冰,而strawberry 麥旋風就好一般,有咩特別, 粒粒kit kat 亦唔似kit kat. 唔值10蚊.…查看更多

赤丸的冬烏加價了! 以前賣 $12的細冷烏東& $17大冷烏東 及 熱烏東都加哂價, 而家只得一個size 一個價錢, 個size都係細但價錢仲貴過以前大的,要$18.即刻覺得冇咁抵了, 二人叫左一個辣豬肉蛋烏東 & 豬骨湯蝦烏東, 辣豬肉蛋烏東唔好食,佢地就咁加d辣醬入去,好唔夾,好怪, 豬肉又老,失敗之作, 豬骨湯蝦烏東,個蝦好d,煎得幾香,但個豬骨湯底的味精湯仲重過自己整的公仔面. 個湯底好白,不過唔係熬出黎,而係全部濃味精,都幾恐怖呀!唉,加左價巳經冇左個抵食的印象,仲要原來全店只得冷烏東同清湯烏東好味... …查看更多

難得的假期,兩個人走去多人的赤柱行, 當日真係好熱啊, 走左入呢間餐廳度食野抖涼, 下午茶時間,order左一個豬仔肉扒 & 泰式蝦酸辣湯金邊粉河, 豬仔肉扒的汁好好味, 肉排好嫩,而酸辣湯係有d 冬陰公香味,唔錯,蝦就太少同埋鞋左d, 個粉都幾多幾滑.優優閒閒一個tea, ok 呀!…查看更多

同人一人叫左一個下午茶cake+金牌薯條外賣, 個薯條係即炸,好好食, 脆脆地,入面又唔會好粉,好味過好多最近熱潮中的薯條好多.而個cake都唔錯, 細細件,係好軟身,輕身那種,唔會好漏. 薯條+一個cake set都係$22,好抵食.…查看更多

想食美味的sushi一定要去峰,峰係咁多間迥轉之中最值得一試再試的.今次兩個人食左$16x ,都好飽啦! 最好味係燒三文魚sushi/ 帶子sushi(帶子非常鮮甜)/鰻魚sushi,而燒三文魚sushi一定要試,太香啦. 三味壽司賣相好靚,金光閃閃,佢唔只個樣靚,連味道都好好. 但係甜蛋sushi就一般,唔夠甜,老左小小. 明太子好濃好咸,我真係食唔慣......食到我變臉...我心目中峰壽司係sushi店的第一位,服務亦都好好, 走的時候,服務員同埋經理笑哂口兩邊一字排開講byebye多謝光臨,好周到,去第2間,如板前,一壽司或其他其他都唔會咁樣,好值得加許啊!…查看更多

唔太肚餓之下, 去呢間食野,2個人order 左2個雞亦撈檬 & 一客春卷.雞亦煎得幾好味,外皮脆脆的,不過得兩隻,檬粉都幾掂,份量好多, 而春卷係俾埋生菜卷住食, 冇咁油, 幾清新,不錯. 下次都會再去食檬粉.…查看更多

睇戲前食晚餐,不肚餓之下,叫左個 original burger set($5x ). 個burger一樣都好大,切開兩邊兩個人食都夠飽,我鐘意個漢堡扒好多汁唔干. 另外一讚就係個連皮薯條, 俾我食中今次真係好好味,正正是外脆內軟, 好好味.…查看更多

星期日跟男朋友上阿貓地攤飲野,其實我地都係第一次去呢度, 我主要係黎睇可愛貓貓. 上到去有一班兔友帶哂自己的兔兔去開生日party, 兔兔都很可愛,之後坐底就見到一隻貓仔,佢即刻跳上我地張桌子,另一隻又跳上黎,好得意. 之後點野食,order 左一個香草三文魚 扁意粉,焦糖朱古力,香蕉朱古力. 香草煙三文魚扁意粉-----好好味,好creamy,意粉軟硬度適中,唔係普通茶餐廳的"白汁意粉"咁,幾有水準.焦糖朱古力----幾重焦糖味,不錯.香蕉朱古力----出面未飲過,想試下,男友話蕉味好勁,哈~真係幾濃呀! 話好飲又唔係話好好,ok 啦~ 貪得意可以一試,如果朱古力粉可以落多d,濃d 就更好.我想講番一些意見:我相信大部份的食客都係為左貓先上黎,可惜有些食客好自私,(我估係熟客,d貓比較黏佢地 )佢地成日攬住d 貓唔肯放手,當日見到個男人攬住隻貓攤0係度,另一台一男一女又係咁,當時全場只有兩隻比較活躍的貓都俾佢地攬實哂,其他貓全部訓哂,好在我來的時候那些人未來,我可以跟貓貓玩下影下相. 不過其他新上來的食客就冇咁好彩.冇貓貓睇. 我想講,好心有d人應該明白到食客都係因為貓貓而上黎,如果他們覺得上黎都沒有那個吸引力的話,他們仲會上來嗎? cafe 還生存到嗎? 希望有些人不要令到大家都冇得享受跟貓貓相對的樂趣.…查看更多