TOTORO_的个人专页

被餐廳嘅日式裝潢吸引🇯🇵平時夜晚見佢大多數都要排隊，所以我今次特登揀平日嘅2點去食，唔需要排隊就直接入得~一鳴拉麵 加辛口肉醬 櫻花蝦 味荀 蛋 ($128)拉麵熱辣辣攞上台，香氣撲鼻🥰湯底係豚骨湯，濃而不膩，食完都唔會口渴。細麵嘅軟硬適中，相當彈牙，亦都非常掛湯👍🏽唐辛醬令到碗拉麵更上層樓，很香口。叉燒嘅肥瘦適中，食落非常軟嫩可口，同時亦不乏豬肉香味。十分滿足😋赤辛拉麵 加辛口芽菜 加套餐 ($118)湯底嘅基礎依然沿用豚骨湯，再加上地獄醬，辣度適中亦十分過癮。太麵嘅麵身較粗身，同樣都非常彈牙掛湯。豬軟骨嘅烹煮時間非常足夠，咬落相當軟嫩。同時，豬軟骨也非常入味🤤青檸青蘋果梳打酸酸甜甜，很清新。炸雞相當有驚喜🥳即叫即炸，炸粉唔會過厚，咬落好多肉汁🍗…查看更多

大圍人氣cafe 經常都要排長龍，所以今次特登揀平日大約3點去食🕒，雖然都係要排隊，不過就等咗一陣就入得😆Cafe裝修行日系簡約風格，俾人一種好舒服嘅感覺😽唐揚魷魚海鮮沙律滑蛋盒子＄98送上枱已經被佢嘅賣相吸引👀吐司外脆內軟，牛油味油而不膩🤤上層嘅魷魚炸得脆卜卜，十分惹味！再配上濃郁嘅滑蛋真係啖啖滿足✌🏾作為配料嘅沙律同炸蕃薯條亦都絕不馬虎，算係一個誠意之作。總括係一間值得推介嘅cafe，去chill下一流🤩…查看更多

太耐冇得去日本🇯🇵所以想食壽喜燒止一止癮。揀咗呢一間人氣壽喜燒餐廳，大概早咗大半個月打電話去預約~Sukiyaki Lunch Set $580呢個Lunch set可以揀牛或者豚，我就揀咗牛。成個set包咗前菜、茶碗蒸、野菜、A4和牛、米飯、甜品同飲品，份量非常足夠，食完抱住個肚走😂每枱客人都有一位師傅負責。食席前料理當然要欣賞師傅嘅手勢啦💁🏾‍♂️師傅除咗技術好之外，仲好熟悉每一款食材，一邊炮製一邊講解食材嘅特色，令我獲益良多🤓壽喜燒嘅野菜相當新鮮，令我最為驚喜的非日本洋蔥莫屬。因為佢每一層都有唔同嘅風味，愈近洋蔥芯愈甜😋至於A4和牛，對得住個價錢有餘。牛肉嘅油脂感爆棚，食落非常滑溜，同時亦不乏牛香。🤤店員也相當殷勤，服務態度不錯。…查看更多

去完M+博物館想搵附近嘅餐廳食飯，所以就去咗Mango Tree食飯。餐廳嘅裝修好有格調好chill，一班friend嚟食飯吹水一流💁🏾‍♂️餐廳嘅位置更是觀賞日落嘅好地方呢🌇香草燒美國西冷扒 $288店員推薦牛扒燒至5成熟，一送上枱就知道佢冇推介錯。牛扒賣相好靚仔，相當粉嫩，令人垂涎欲滴 🤤整體冇用到太多嘅調味，主要係食牛扒自身嘅肉香🐮當然可以配上餐廳秘製醬汁，為牛扒增添一種泰式風味🤠牛扒肉嫩多汁之外，仲食到微微嘅炭香。…查看更多

入長洲玩兩日，唔想淨係掃街食小食，所以就搵咗間人氣餐廳食下午茶☕️平時見佢中午時段一定排長龍，今次我下午茶時間去反而就冇乜人等位，直接入得去坐😙沙嗲牛肉米通 $34一送上枱就已經聞到好香濃嘅沙嗲味，望落去都知個湯底會幾濃郁。湯底係食到花生碎，除咗另到花生香氣更突出之外，仲為呢碗米通增添口感🥜牛肉嘅份量亦都唔少，食落嫩滑無筯，對得住呢個價錢有餘。而米通非常有咬口，亦有淡淡嘅米香味。再加上米通嘅掛湯能力相當高，所以每啖都好香濃。🤤…查看更多

突然想食牛扒，所以就咁啱搵到呢間餐廳🍴香草平鐵牛扒 ＄160食牛扒之前，店員已經上咗碟滿滿嘅薯條，仲話係任添～ 🤩雖然係任添，但質素一啲都唔馬虎，上枱熱辣辣又脆之餘，仲有淡淡嘅松露味。 🍟我嗌咗5成熟嘅牛扒🥰廚師將火候控制得恰到好處，唔會過咗火，切開入面仲係相當粉嫩👍🏽牛扒嘅肉香味不賴，整體嘅油脂分佈都平均，所以入口非常軟嫩。另外，提升牛扒風味嘅烤蒜相當甘甜香口🧄總括，Top Blade嘅性價比十分高，店員也非常殷勤，會向客人講解不同部位嘅不同風味。…查看更多

屋企人生日想食日本嘢，同時又想帶埋狗仔去食飯🐶，所以就揀咗呢一間pet friendly嘅居酒屋🍶三點刺身盛 $228刺身係睇店家當日有咩貨而決定嘅~總共有3款，每款3件。當日食嘅刺身都尚算不賴，整體都新鮮，食到鮮甜嘅魚鮮味，唔會有腥味🐟再加上係厚切，所以相當滿足！🤤日本直送海膽刺身 $688海膽刺身非常鮮甜，亦都好creamy。用紫菜包着食又有另一番風味呢！酥脆爽口嘅紫菜同creamy嘅海膽形成強烈嘅對比，口感極佳。👍🏽居酒屋仲會提供免費車位，不過數量就有限，先到先得。🅿️…查看更多

每次經過都排長龍，所以今次特登揀平日大約2點去食，終於唔需要排隊啦✌🏾不過入到去都係差唔多坐滿人💁🏾‍♂️洋蔥豬肉煎餃配豬骨湯上海麵 包普通冷／熱飲品＄42＋16洋蔥豬肉煎餃煎得啱啱好金黃色又脆口，再加上洋蔥，所以好香口。🤤煎餃皮算係幾薄身，洋蔥亦都爽脆💦咬落會爆汁～十分juicy，配合埋辣菜脯食又係另一番風味，呢間小店嘅辣菜脯辣得好過癮！🌶焙茶芝士蛋糕 ＄33比起煎餃更加有驚喜之作！冇諗過水餃店嘅芝士蛋糕嘅水準咁高。焙茶味非常香濃，口感好creamy，中間仲有啲流心～ 🍰老板為人熱情幽默，十分好客。…查看更多

之前入長洲食過覺得好正🏝宜家市區都有分店所以又去試下～滋味脆雞套餐 轉蘑菇飯 ＄66＋＄5炸雞即叫即炸，等咗大約15分鐘。🍗炸雞分別有胸同脾兩件，炸脾好滑好多肉汁，令我驚喜嘅係雞胸都一啲都唔鞋，質嫩多汁~ 🤤炸雞醃得恰到好處，食到香草嘅味道👍🏽整體嚟講炸雞係非常香脆可口 keep到響長洲食嘅高水準😆另一個有驚喜嘅就係蘑菇飯🍚，啲汁好香濃，有滿滿嘅蘑菇味，同時亦食到一片片嘅蘑菇🍄，相當滿足🥰…查看更多

被門口咁有霸氣嘅裝修吸引👹餐廳係用QR Code落單嘅，過程都尚算方便快捷~辣麻味噌拉麵＋增量叉燒 ＄90＋＄35湯底十分厚同香濃，小辣唔算太辣，相信下次可以試下中辣🌶湯底亦都好＂麻＂，愈食愈過癮🍜麵條偏粗身，所以好掛湯。麵質亦都相當彈牙🤤兩舊勁大嘅叉燒真係好誇張，肉質好腍，冇食到有渣。另外，叉燒好入味，有啲滷水嘅感覺，油脂感爆燈🤤細食啲嘅人應該一舊叉燒都好夠滿足啦～👍🏽總括係一間好有特色嘅拉麵店😆…查看更多

宜家啲食肆大多數都好早關門，開到凌晨嘅＂良脾＂就係宵夜嘅好選擇。🌃生炸雞脾配卡西西意粉 ＄49雞脾即叫即炸，等咗大約15分鐘。一送上枱就已經聞到好邪惡嘅香氣，雞脾係炸到出曬煙🍗雞脾嘅size算係幾大隻🤤咬落非常脆口，炸粉同麵包糠唔會上得太厚，所以唔洗膽心會刮親個嘴~雞脾好入味，我叫咗中辣，所以更加惹味🌶另外，餐廳炸嘢嘅火候控制得恰到好處，雞脾食落非常juicy有肉汁 做宵夜真係一流！意粉就以蕃茄汁作為主調，酸酸甜甜，好開胃。配埋爽口嘅蕃茄同椰菜多一份口感～🥰…查看更多