AKIRA777的個人專頁

香煎三文魚排菠菜汁意粉 $128健康之選 賣相除左好吸引 🤩 一上枱就嗅到三文魚鮮味三文魚肉質鮮嫩 魚皮香脆 唔乾身 保持到三文魚既肉汁菠菜汁比較清淡 健康 有好多配料 同三文魚絕配松露蒜香芝士薯條$88用左粗薯條 即叫即炸 條條都外脆內軟 薯味十足 附有兩種不同醬汁 2隻都同薯條超夾 平時可能配黑松露醬多 今次有埋蒜香芝士味 更加好食 蒜同芝士味比例剛好 令人不知不覺食完再食 士多啤梨乳酪抹茶芭菲 $98 每日限定口味 成個擺盤裝飾都好吸引 層次分明 好多配料 拿破崙 皮焗得鬆脆 中間層 鋪滿吉士醬 口感軟滑一個都可以輕鬆食曬成舊唔會太甜 令到成個感覺好Heavy 芭菲 好多配料 令口感非常豐富面層係 雲呢拿雪糕 + cream 同玄米脆脆 然後就綠茶jelly 最低就有麻薯 餐廳裝潢比到人好舒服既感覺 好空間感十足 每張枱同枱之間距離保有一定既空間 仲設有戶外區,可以帶同寵物一齊黎用餐…查看更多

今日黎到旺角食日本野 見到OPENRICE食評話唔錯 裝修又幾有特色就黎試下不過餐廳位置都幾偏僻 去到樓下要問看間先知入口係邊我地叫左素串燒, 串燒入面有秋葵 蓮藕 冬菇 另外仲叫左豬頸肉同珠蔥豬肉卷上菜既時候係燒好哂咁上 可惜淨係放左係鐵架上面 冇保暖功能講番味道先, 珠蔥豬肉卷食落蔥香十足 個油膩感即時中和番, 秋葵幾爽脆 冬菇幾好食豚肉白湯烏冬 冇乜豚肉 烏冬上面加左D炸蒜片同蔥花仲叫左兩杯野飲 一杯打卡幾靚 不過味道就普普通通…查看更多

今日黎到太子搵食, 見到餐牌有芝士烤雞墨西哥餅冇諗咁多就入左去.入到去雖然座位唔多 但勝在坐得舒服 唔迫我地分別叫左:-芝士烤雞墨西哥餅 $88本身我自已好鐘意食墨西哥餅 所以見到有就諗都唔諗入左去食~ 賣相好吸引!! 同埋好大份 自已食應該食唔哂 可以同朋友一齊食就最好味道方面 餡料非常豐富!!啖啖都係雞肉在配上濃厚芝士 真係好好食-黑松露薯條 $68薯條係粗薯條 炸得外脆內軟 加上黑松露沙醬好惹味 朋友唔係好食薯條都係咁食-青醬帶子螺絲粉 $128首先擺盤好靚 青醬食落都唔會好膩 好難得! 帶子煎到岩岩有少少黃金色 鮮甜得黎口感又好彈口 好好食-Strawberry Yakult Soda $48大熱天時 忍唔住叫左杯Soda黎飲 飲完個人即時清爽哂味道方面唔會好甜 岩岩好-Tiramisu $ 48擺盤好靚 酒味唔算太重 口感軟滑 唔錯…查看更多

今日去左大角咀搵食 見到呢間泰國餐廳好似好吸引 就入左去試下.結果冇令我地失望 真係超好食! 暫時黎講係我地食過最好食既泰國餐廳!我地分別叫左:-炭燒豬頸肉 $78呢個真係超好食!! 因為配埋爐仔上 上面有一塊錫紙 全程可以keep住溫度又唔會怕燶 十分之貼心!豬頸肉肥瘦岩岩好 唔會燒到燶左 配埋泰式醬又係另一種風味 呢個真係超薦!-串燒沙嗲 $88(半打)我地叫左雞同豬各三串, 二款食落仲會有肉汁唔乾身 好食!-泰式青咖喱雞 $108, 白飯 $12味道偏辣 不過配埋蒜蓉包同白飯食就岩岩好 -香蔥蒜蓉包 (6件) $42用左厚切方包 入口外脆內軟 好重牛油味 配埋青咖喱食都食得出牛油味 真係好好食-泰式明爐花甲鍋 $108酸酸辣辣既湯底 超足料! 好多花甲 好新鮮 入面仲有粉絲同菇 粉絲亦索哂味! 一流 -芒果芝士沙冰 $32沙冰係用新鮮芒果做既! 冇另外加糖 上面仲有芒果粒 超好飲!-芒果椰汁糯米飯 $58糯米飯軟熟得黎唔痴牙 配上香滑椰汁同脆脆既綠豆仁 好有口感 加埋芒果一齊食 酸酸甜甜咁解哂膩…查看更多

今日去左樂富食LUNCH, 店入面坐位寬闊 坐得好舒服店入面都係用QR CODE落單 十分之方便!-牛肉石鍋飯 $108上菜時店員好好會問洗唔洗幫我撈下佢先 因為上菜時D牛肉都係生生地既 同埋餐牌都有溫韾提示 要牛肉同石鍋緊密接觸閒置3分鐘先好食 幾貼心, 另外會附上韓式辣醬 份量都幾多 可以自行決定落幾多, 味道都好食 都正宗-豬五花炒粉絲 $68可以叫小辣 配料都十足 肉都唔會話太少 味道都唔錯, 另外可以跟餐加小食 我地就加$16 叫左忌廉蟹肉餅, 味道普普通通-曲奇沙冰 $48超大杯!! 味道唔會太甜岩岩好 鐘意朱古力既人可以試下!! 不過要留意沙冰溶得比較快-草莓3.6牛乳雪花冰 $88密綿綿既雪花冰配上草莓醬、曲奇雪糕、草莓同芝士蛋糕 正啊, 不過雪花冰味道冇乜牛乳味 要靠配料搭救 不過天氣咁熱 食雪花冰真係爽…查看更多

通常串燒店比人既感覺都係坐得好迫 坐得唔舒服既感覺, 但係呢間串燒店就坐得好舒服 可以同朋友坐底慢慢傾計食下野.另外不得不提 D野食都好高質, 私心推介芝士年糕! 可以整到外脆外軟! 芝士味又夠濃, 另外炸牛肉薯餅, 炸雞件都好好食! 炸雞件炸得黎唔會炸到好乾, 咬落有肉汁流出黎!串燒叫左燒茄子串,燒翠肉瓜串,可以自已加D調味粉 食落別有一番風味!焦糖燒菠蘿同原條燒粟米都燒到好甜, 粟米燒得岩岩好 唔會燒太耐有苦味!灸燒封門柳飯都唔錯, 牛肉唔乾又唔孩口另外飲品方面叫左巨峰乳酸梳打同荔枝乳酸梳打, 好好飲! 唔係平時飲到既藥水味, 可以一試!!…查看更多

之前經過呢間餐廳既時候已經比餐廳既裝修吸引左, 有機會一定要黎試下終終有機會黎到試!餐廳一入門口已經大大個打卡位, 戶外位置仲可以帶埋動物黎一齊食 戶口裝修都好靚好有聖誕氣氛!!餐廳都係用QR CODE落單, 十分之方便.講下野食先, 今日叫左:-香煎慢煮西班牙伊比利亞黑豚鞍配黑松露醬 $308食落肉質軟稔, 但略為淡味 不過有黑松露醬挽回分數.-香煎美國安格斯肉眼配阿根廷青醬 (7成熟) $358肉眼扒叫左7成熟, 煎得岩岩好 唔乾有肉汁, 側邊用狙冰菜黎做伴菜 幾特別配埋青醬食好開胃.-法式焦糖卡士達梳乎厘班戟 $128梳乎厘班戟十分之軟熟! 食落好有蛋味同空氣感 配上面上軟滑既CREAM同一層薄脆既焦糖真係一流.-HOT MOCHA $42 同 CAPPUCCINO $38飲品正正常常 打卡唔錯!整體上菜速度比較慢 可以同朋友慢慢傾計.…查看更多

天氣涼左就會想BBQ, 想BBQ但又唔想去到咁遠 竟然比我搵到間係旺角鬧市中又可以自成一角既天台BBQ, 即刻約埋朋友去試下!!餐廳都近旺角站地鐵站 行5分鐘左右就到!好方便, 雖然地方唔係話好大 但夠哂約埋一班朋友包場BBQ 環境仲好正!上到去員工好有禮貌咁幫我地開爐 問我地食咩 有D咩唔食, 有時仲會幫我地燒埋, 員工幫我地開爐個陣有特別講炭係用左日本炭, 會比較易控制 真係好快咁開好火. 講番野食先 食物全部都係一包包真空咁醃製住, 所以都好衛生, 食物種類都有好多選擇 另外飲品櫃飲品都係任飲丸類講得出既都有魚蛋、墨魚丸、牛丸、龍蝦丸等等, 腸類就有芝士腸同廚師腸雞翼隻隻都咁大隻 唔同口味都好好食!雞扒員工有特別同我地講, 燒左有雞皮個邊先 咁就可以熟得黎又保住肉汁! 真係好好食!另外仲有蒜蓉牛油烤金菇同埋蒜蓉牛油烤翠玉瓜呢2個都係必食!! 烤完D金菇同翠玉瓜入哂蒜蓉牛油味 超好食!!最後店員仲幫我地燒左條茄子食 去得BBQ一定要整番條茄子食 店員整得好好食!!埋單唔洗300蚊一位 係旺角鬧市中自成一角咁BBQ 環境 食物質素都好好 值得推介!!…查看更多

朋友話想食放題 所以就簡左今日呢間餐廳.餐廳裝修好靚, 靠窗一邊做左梳化 坐落一d都唔迫 加上行人通道寬闊 出去拎野食都易d.餐廳落單係掃QR CODE 十分之方便! 又可以睇睇自已落左D咩 唔怕落左又唔記得落 重覆左ORDER. 之前食放題好多時落左ORDER都要等一段時間D野食先會到, 但係今次呢間 上菜真係好快! 成件事好流暢食得好舒服.出面有個自助區, 有飲品、雪糕櫃、甜品櫃、生果、炸物、湯、沙津、海解同酒類(有清酒梅酒同熱清酒), 另外仲有少火熟食., 真係咩都有任君選擇!熟食拎左蛋撻同章魚燒, 我想講 真係估唔到熟食都唔錯, 章魚燒一D都唔淋 好似岩岩整起咁咁好食! 魚生不得不提 好鮮甜!! 因為以往食放題既刺生都係一般唔會話好好食, 但今次呢間真係好好食! 另外仲叫左壽司壽喜燒煲 天婦羅等等, 樣樣野都好好食!食完埋單每位只係$260左右 CP值真係極高! 真心推介今次真係令我對放題改觀左, 以往食放題都係以量取勝,食物質素一般, 但今日呢間無論係餐廳環境定係食物質素都十分之好!下次想食放題會在黎過!!…查看更多

今日黎到荔枝角既Pizza Piazza Restaurant, 餐廳好近地鐵站,行唔洗5分鐘就已經到達餐廳.我地叫左個Dinner Set 二人晚餐 $298.二人晚餐可以選一款頭盤, 兩款主菜或Pizza及兩款飲品.首先到既係餐湯,磨菇湯好濃味同好Creamy. 幾好飲.-卡津薯條配藍芝士醬薯條好好食! 炸到好脆又唔油, 本身有少少辣辣地去粉係上面, 在點埋藍芝士醬真係好好食!-忌廉煙肉粗意粉好重忌廉味 唔會冇汁同好乾身, 煙肉比較厚身 會食到好有油脂既感覺.-招牌至尊呢到所有pizza都係即叫即整既手工pizza, pizza邊都好脆口, pizza散發出濃濃既芝士味 正!!! 不過12吋既pizza 2個人食會食到好飽 3個人食既話就岩岩好.-格雷伯爵茶估唔到咁有荼香味 飲落清香解油膩 舒服哂…查看更多

餐廳位於T.O.P入面既高層 餐廳仲設有戶外座位 方便唔同需要既人士.坐低冇耐店員會先放低餐包, 配上橄欖油同黑醋 食左黑醋更加開胃.-新鮮海鮮併盤 (Half Portion) $698海鮮併盤入面有兩隻生蠔、兩隻海螺、兩隻青口、兩隻鮑魚同埋一隻大蟹鉗全部海鮮都食得出好新鮮, 生蠔食落帶甘甜 海水味都幾重, 鮑魚爽口彈牙 海螺 青口都好好食!-12小時慢煮澳洲M5和牛牛小排 (36oz) $498牛小排份量十足! 我地三個人食岩岩好 慢煮牛小排肉汁非常Juicy! 加埋芥末醬真係一流!- 朱古力三重奏 $198上菜時店員會先叫我地準備相機影相 等我地準備好店員就會點火 點火個刻真係好靚 打卡必點! 入面有三種甜品, 左邊係朱古力心太軟 切開後有少少流心 不過朱古力濃郁 好食!中間係朱古力蛋糕 食落口感有層次 唔會太甜右邊係朱古力雪糕 外面係朱古力雪糕 入面係雲呢嗱雪糕 都唔錯-Pink Perfume $128又係打卡必點既飲品, 店員放低時都會叫我地準備相機, 店員會用支特製既氣泡槍係飲品上面做出一個半圓既氣泡, 真係打卡一流!…查看更多

係深水埗想係健康瘦身餐可以黎呢到食, 餐廳裝修用左好多夏威夷既元素 令人有放假既感覺 另外餐牌可以自選配料或者選擇佢地既Signature bowl, 今日我就自選配料.自選配料MAIN PROTEIN可以任選一款，BASE可以任選一或兩款，TOPPINGS可以任選三款，DRESSINGS可以任選一款，SEASONING就任選。我簡左 三文魚，BASE簡左壽司飯及沙律菜，TOPPINGS(三款) 簡左溫室青瓜、蟹籽、甜粟米，DRESSINGS簡左 鰹魚醬油，最後SEASONING就簡左 紫菜絲同埋木魚絲。 另外飲品就叫左菠椰菠蘿ME。三文魚既份量都好多，夠哂新鮮，另外其他配料都十足!! 青瓜爽脆 粟米亦都好甜!!配料係可以完全蓋滿左飯同沙律菜，另外可以簡一半沙律菜 一半壽司飯好好! 唔怕食得太多飯又可以食下菜 減肥一流!!食一碗都冇乜罪惡感。另外飲品叫左杯菠椰菠蘿ME，飲落椰味會比較重，但又唔會蓋過左菠蘿味，幾特別。有機會會再黎過!…查看更多

今日去左呢間餐廳同朋友聚餐, 我地到既時間大約係6點30左右, 岩岩好坐窗邊位睇到日落, 個境好靚, 加上坐位又寬闊, 坐得好舒服! 我地叫左-芝士脆炸薯條 $68薯條落左好多芝士粉 另外仲要茄汁同沙律醬比我地自已選擇點咩醬-美國特級安格斯肉眼扒 (10安士) $358大大塊牛扒 份量十足 格紋煎得好靚 煎得岩岩好 加上薯蓉及芥末醬 伴碟都十分之精美 -燒茄子雜菜伴菠菜意大利飯 $168茄子切到十分薄 食落又幾好食 本身以為會好重菠菜味 但食落唔係幾覺有菠菜味 食落好Creamy 飯又煮得岩岩好 軟硬適中 幾好食! -焗火焰雪山 $98幾重酒味 苦中帶甜 不過雪糕好快溶-朱古力心太軟 $98切開之後朱古力慢慢咁流出黎 朱古力味香濃 好好食!-Choco’s Party $68有朱古力味但唔會太甜 加上其他配料一齊食, 唔錯-Strawberry Cream $68香濃士多啤梨味 鐘意飲士多啤梨飲品既人可以叫黎試下!…查看更多

之前試過係其他分店食過佢地既海南雞飯, 好好食! 一直都想再食多次, 今日經過圓方見到有呢間就諗都冇諗就簡左食佢.-天天海南雞 $158必叫既海南雞! 食落真係好嫩滑 仲有三種醬料點, 分別係 黑醬油、辣椒醬同薑蓉, 另外伴碟既青瓜都好爽脆.-雞油飯 (細) $38份量十足!! 可以分到兩大碗, 飯粒粒粒分明 唔會好油, 石鍋仲可以保溫 慢慢食都唔怕.-松露蝦多士 $108呢個好好食! 下次去我都一定會叫多次! 好重黑松露味 多士炸到外脆內軟亦唔會好油! 多士上多既大蝦都好彈口! -黑松露小籠包 $38小籠包放左係個蒸籠入面, 幾精美, 每個小籠包上面都會插有一枝醋, 直接吱入小籠包入面 又唔怕佢漏 好好!-超級水果 $38水果茶超大杯!!有成1L咁多 入面有蘋果 青蘋果 西柚 百香果 檸檬同菠蘿 咁大杯同朋友一齊飲都冇問題!-雪山桃桃 $38有桃味 不過就有小小甜得制 …查看更多

經過太子想食點心就即刻諗起呢間點心店, 呢間點心店位於太子站A出口行5分鐘內就到, 十分之方便!同埋店員服務態度都好好 抵食又好味 加上全日都係免加一, 係太子想食點心一定係諗起呢間先.-熱點蝦餃皇(2件) $16個皮做到好薄 又足料 食落好彈牙! 仲好貼心咁有得比客人選擇要2件定4件.-瑤柱珍珠雞 (2隻) $27足料珍珠雞, 好香荷葉味 食落啖啖都係料-魚翅灌湯餃 $40灌湯餃好大隻!!十分之足料 入面有魚翅 蝦 同冬菇 加埋醋好好食! 最後忍唔住叫多左個黎食.-豬麥紫薯流沙包 $27食落唔似假既紫薯味 又唔會太甜.-雪山叉燒包 (2隻) $19外脆內軟 仲要係即叫即整! 呢個價錢真係值!!-蒜香蝦春卷 $23滿滿既蝦肉 炸到好香脆又唔油 好食-春風得意腸 $36好似食緊炸兩咁 不過入面有埋栗米 蝦肉 仲有D蟹子 幾好食!! -海底椰燉雞湯 $30好有住家湯既味道, 飲落冇味精味 仲可以清熱 除燥同潤肺!-楊枝金露糕 $24食落口感有D太硬, 不過味道唔錯…查看更多