pennychui26的个人专页

辛苦完單工作，和朋友去尖沙咀扒房 The Grill Room食晚餐。因為聽聞好久，網上亦有好多好評，於是特地來試一試。 首先點份焦糖蜜汁燒豬腩肉配青蘋果沙律，燒豬腩肉外皮香脆 ，里面五花腩，但食落香口，一點都不油膩。再配青蘋果沙律，濃淡交替，非常配合，食過都印象很深刻 。 然後再來份燒春雞配黑松露薯條，一上碟時先好驚訝份量十份充足，外觀都拿滿份，仲傳來陣陣黑粉紅松露香味，未食已知分數不低。燒春雞一點都不鞋，啖啖肉，係因為扒房，要用刀叉，不然真係用手撕開啖啖肉，食完真係會好滿足好飽肚。 最後飲品方面，點了個聖誕限定特飲，杯底粉紅色糖漿，再加蘇打汽水，上面再加了兩塊新期最熱門的魷魚遊戲的糖餅，很有趣，打卡一流。 整體來說，間扒房每個菜色都很用心制作，難怪網上好評如潮，經常排晒隊。真值得去試。…查看更多

今日和朋友經九龍城，經過間扒房，裝修幾靚，位置舒服，於是就入去食個晚餐試一試，估唔到又幾特別。餐廳門口有一鍾新式扒房既感覺，店面乾淨整齊，我地一行二人點咗兩份鐵板扒餐，分別係美式雜扒同火焰羊架 餐湯各點一紅一白，碗底全部都係湯料，可見餐廳十分慷慨雜扒分別有牛扒、雞翼、豬扒各一，加條台灣腸同煙肉，雜扒餐居然有一塊牛扒實在係驚喜，豬扒係帶骨位置，肉質亦偏厚身，扒類質素比傳統港式鐵板扒房高出一大截，台灣腸一咬入面非常多汁係我既最愛，薯菜亦係脆卜卜火焰羊架係全餐飯既重頭戲，唔單止係鐵板上，店員仲要係你面前點火，羊架既油脂燒過後入口即化，羊肉厚身重肉味，重口味既燒汁我只用來點薯條餐飲方面，一至五無須加錢就有特飲，可樂亦係整罐連大大杯冰底上店内人手雖然略缺，但毫不影響店員既服務態度以及上餐速度，最後店員送上啫哩為成餐飯做上總結。真係值得推薦給情侶入去試試，環境舒服又浪漫。…查看更多

星期日同肥仔老豆悠閒行尖沙咀，行過重慶大廈就忽然想食咖哩，咁就上OpenRice搵一搵就發現呢間Masala Cafe，第一次係香港發現印度菜為主題既自助餐咁就緊係要試下啦雖然食物選擇不多，但每一款都係新鮮係廚房現做，見到店員不斷係廚房同店面行出行入補上熱辣辣既餸菜，所以唔使擔心自助餐就唔新鮮當中我最喜愛既一定係chicken tikka，平時係印度餐廳幾十蚊先一件，黎到呢到可以任食就一定食翻夠本，keema mutter就係我第二最愛，每枱送上既印度薄餅點上呢個羊肉沫咖哩簡直係一流而咁多熟食里面，最喜歡的是tandoori chicken. 印度烤雞. 雞肉非常嫩口，而且有香濃的印度風味，細細件啖啖肉，非常野味。…查看更多

今晚過去黃大仙找朋友食晚餐，最後走去新蒲崗十三姨酸菜魚食，可以坐得舒服得來，一邊食魚一邊吹水。落單叫了份兩人套餐，小小辣的招牌酸菜魚，無骨的口水雞，前菜有川北涼粉，兩杯飲品，二百蚊左右，相當抵食。於是再叫了碟清炒萵荀絲，清清地調和下。主打招牌酸菜魚，上枱很大煲，配料好充足，湯底少少麻辣得來，但有魚香的湯味。重點魚肉很嫩好鮮，啖啖魚肉，再配口珍珠飯，果然是鎮店招牌。無骨口水雞，少少川味，配份青瓜清清油膩感，不錯不錯。清炒萵荀絲成餐都川式口味，所以特別點份清炒萵荀絲，萵荀新鮮爽口，淡淡的蔬菜香，中和一下川菜的油膩麻辣，非常值得點。飲飽食醉，新蒲崗Mikii的地方相對較舒服清幽，餐廳又乾淨舒服，價錢又實惠，真係值得去食。…查看更多

今日去開大圍做野就順便同朋友食埋晚餐再翻屋企。上網見幾多好評，價錢又親民，於是入去試試。兩個人叫咗兩份正餐加個鳳爪 ，牛肉麵又香又濃，牛肉並唔會似煮咗成日個款又老又難咬，而係入口鬆軟而入味。而最驚喜係咖哩蟹肉飯，入面全部蟹肉，肉拆好囇唔使自己用手，而且份量好充足。可惜有少少辣，但醬汁真係非常惹味，值得下次再encore 。小食方面我地叫咗一份鳳爪，份量正常，汁同香料掛住，做得幾好。甜品方面椰汁西米露係我最愛，食既時候溫度依然暖實在不錯，外表精凝好看，打卡一流。…查看更多

一直對啖啖肉既食物情有獨鍾，今晚新蒲崗開餐就食亞金南洋茶室，兩個人叫咗兩個套餐加個魷魚通菜先講海南雞，半隻雞加個油飯跟湯，雞味新鮮，一半雞脾位一半雞胸位，皮連肉睇得出係新鮮雞，雞胸亦唔會overcook，最正係雞脾位上面既肉，冇骨之餘皮下脂肪唔會過多，睇得出真係招牌菜水準另外叫咗一個豬頸肉跟白飯，豬勁肉煮得剛剛好，唔會過老，配菜係酸蘿白，減和燒肉既油膩感飲品唔小心叫多咗一杯，搞到最後捧住個肚走，其中我最推薦既係椰汁珍多冰，杯底係甜漿又帶有少少咖啡味，頗有特色而且同椰汁莫名地夾。…查看更多

收工和朋友經過荃灣，朋友未來過一鍋堂，就帶佢去試試荃灣一鍋堂。因為一鍋堂的自家製飲品，燉檸檬，洛神花，獨立樽裝真的很美，最鐘意佢果款洛神花茶，清熱氣吃火鍋飲真係一流。食材選擇真係好多，特別安格斯牛板腱值得一試，齋睇外表脂肪比例好，脂肪同牛肉係口入面交融,食落好重牛肉味，好濃郁，食過咁多火鍋店放題真係好少可食到咁高水準既牛肉。而且上菜速度好快，效率很高。海鮮選擇幾多，最推薦係佢個沙白蜆同鮮蝦，好新鮮，味道好鮮甜。完全超越任食的質素。有好多有自家特色既火鍋料，例如呢款蜂巢豆腐，出面真係少食到，口感好軟滑，有蜂蜜既香甜再配合豆腐，味道好特別，必試。還有超甜的玉米，也是必點之一。不是第一次來一鍋堂食，但每次都食到很滿足，過多排又應該會再想來多次。再看看朋友的飽肚滿足感，我都覺得佢有相同意思。…查看更多

太耐冇得上深圳食烤魚，肥仔老豆就建議去大圍呢間漁品酸菜魚火鍋放題餐廳，佢話之前同兄弟試過午餐都不錯一坐低店員就開爐，爐入面係清水，原來係俾我地用黎洗碗，本身碗筷都乾乾淨淨，不過仲係疫情期間，所以洗洗再安心，不得不讚餐廳真係好乾淨，地面唔滑，唔似一般放題店地面又油又滑兩個人點咗條香辣味烤魚，再加豆腐同魚腐，鍋上枱先知原來烤魚之餘仲有蜂巢豆腐、蓮藕、薯仔、鴨血等等既配料，非常划算烤魚係馬來西亞既沙巴，肉質真係同一般餐廳既唔同，魚肉係又彈牙又爽口，雖然湯底重口味，但都唔會蓋過沙巴既鮮味，食得咁重口味既野就一定會好口渴，汽水都只係$6罐，非常實惠全餐埋單$520，食到我地兩個大肥仔捧住個肚走。…查看更多

今晚去觀塘睇傢私，行過見到呢間新𠥔聚餐廳小廚，上OpenRice睇完食評好似不錯就决定試試一坐低，老闆老闆娘伙記都好熱情，就開始介紹招牌菜，老豆點咗個鱔魚蒸荷葉飯，飯係糯米飯，一上枱已經好香鱔味，魚既鮮味滲哂落糯米飯度，飯既硬度適中，唔太淋亦唔太硬，食得出係開叫即蒸，基本上唔落醬油都好夠味，值得一提既係條鱔真係好新鮮，冇骨又肉厚。期間，老闆有教我們如何去食同煮得好食，例如不好直接將鼓油倒落荷葉，否則鼓油不均勻，容易過咸...真的獲益良多。另外叫咗一個拼盤，有鮮魷同㰖角骨，㰖角骨啖啖肉，醬汁酸甜開胃。不過可能份量太多，兩人食到有點油膩。於是乎再點個金銀蛋上湯娃娃菜，又清又新鮮，中和一下油膩感。成餐飯都食得好飽足，因碟碟份量都很多，然後將食剩既糯米飯仲打包返工食，老闆教我地點翻蒸先可以好似餐廳咁好食，最後老闆送了份甜椰汁膏，今餐真係又食又拎，學到一堆冷知識。…查看更多

今日和女朋友行尖沙咀，因晚上要去上堂，所以五點左右就去食晚餐。然後在Openrice找到間樓上日本餐廳Mo Mo Kushiage，相片和評價都很好，所以就去試一試。然後一來就點了份冷物，海膽醬凍豆腐和三文魚刺身。凍豆腐上面鋪左點蔥花，薑蓉和海膽醬，清清的滑豆腐配合自制醬汁，感覺很fresh，很夾。然後三文魚就很鮮，刺身一流。然後和女朋友各點了份定食，佢黠份海鮮炸物，而我則是雞肉串揚。份量很多，有南瓜蓉加果仁，開胃小點，味噌湯，蕎麥麵和雞肉串燒。菜式十分豐富，而且每款醬汁都不同，沒有復，餐廳真的很細心。女友食得很開心，於是再點多少少野食，三文魚子蝦餅和三文魚子炸帶子。未食野外貌已經很吸引，打卡一流。炸帶子外有苦瓜包住，不苦，反而配少少的青澀感，去炸物的油膩，突出海鮮的味道，反而好Match.最後試了份餐廳的新款菜式，鹽燒白鱔，白鱔一向就很香味道很濃郁，厚身外皮炸到香脆，有點似魚皮感覺，但鱔魚味道更突出，外皮焦糖皮更可口，很特別。最後，女友當然好滿足,亦沒有詐型不陪佢。睇下以後應該好大機會要破費再來吃一次其他菜式。不知是好是壞。但今餐真的很滿足，大飽口腹。…查看更多

自從搬屋之後就好耐都冇食麻辣派對啦，今日難得有朋友請緊係同佢食個雞煲慢慢傾下。先點了個麻辣雞煲，外加土豆片再加鮮蝦，作為第一次試，先點了個BB辣試試。辣道剛剛好，加上香辣的雞件，一邊聊天一邊吃雞，人生樂事。另外再點了小菜加個炸雞翼尖，雞翼香脆且多汁，好可口。餐廳有免費檸檬水提供可以解辣，可見其細心之處。整體而言，雞煲份量足，雞件啖啖肉之餘夠入味，洋蔥又甜又爽脆，海蝦鮮味十足，成個雞煲連燭臺上，一路食一路熱住，冬天食一流。食完完畢，餐廳還免費送份紅豆沙糖水，真的很暖心。最後要讚讚餐廳環境很舒服，下班後搵幾多朋友談天說地，或同女朋友浪漫下，食住雞煲傾下計，真係好值得推薦。…查看更多

搬去佐敦都差不到一年，但就聽過朋友推薦，但一直未有去試。今日星期日難得有朋友過來玩，就行過去附近盛記粥麵入去試一試。兩個人叫咗碗招牌狀元粥、狀元粥材料足，然粥又棉又熱辣辣，不錯不錯。蝦子撈麵加碗淨雲吞，見跟餐配小食咁抵食。外加份埋鯪魚球配南乳雞翼。野食超快上齊，鯪魚球簡直係我最愛，酥脆得來唔油，而且同南乳雞翼一樣係現炸，香脆可口。食粥清淡之外，食隻炸雞翼中和一下。蝦子麵既麵質係爽脆，配碗湯就冇咁乾，雲呑入面蝦大大隻，粥大碗兼足料，入面配料全部大大件。最後再配餐點杯熱豆漿，豆味濃郁，真係健康輕食最佳之選。…查看更多

星期四收工落大雨就順便食餐好既先翻屋企，之前聽朋友講過尖沙咀加拿分道間蔵鳶居酒屋食物新鮮、環境夠chill，就黎試一試餐廳係地庫，但係環境一啲都唔焗促，仲有一種relax既感覺。座位係正師傅面前，可以和壽司師傅交談和欣賞師傅制造的過程，非常有趣。我地一行兩個人先點了份特上壽司盛(10貫)，10款不同的精美壽司，有我喜愛的三文魚同新鮮海膽，還有拖羅、帆立貝等等，款款都很鮮甜，份量不大不小岩岩好。然後再點了份玉子燒，蛋香又甜而且仲有流心係中間，仲有唔可以唔錯過既明太子雞翼，師傅燒得皮脆之餘，還有點點的雞汁鎖住，非常正。最後，朋友特意進來的主打菜，刺身剩六點，有三文魚，甜蝦，拖羅、帆立貝，真的完勝出面的放題刺身。呢度即叫即整，海鮮肉質非常鮮甜。真係會齒頰留香。放工辛苦一整天，再落來個居酒屋chill下，真的好快樂…查看更多

天氣開始有少少轉涼 就令我十分掛住冬天打邊爐既日子 見到一鍋堂同金寶湯最新研發既蕃茄牛尾湯湯底 仲要係屋企附近既葵芳分店獨家 我緊係即刻孖埋肥仔老豆去試下啦一鍋堂我已經食過不下五次 貪佢位置寬敞 食物種類多 而且環境衛生乾淨 今日可能因為人多 店員只能夠安排細枱俾我地 但係店員收盤速度夠快 所以對進食都不大影響打邊爐配料未到 我就卒先去熟食區拎啲冷盤 凍蝦非常讚 蝦頭多膏 蝦肉新鮮 我一個人未開爐已經食咗五隻配料一如以往出色 尤其係海鮮 魚無骨但又唔會太薄 蝦多膏又彈牙 另外我同老豆仲叫咗好多手工製魚蛋 墨丸最香最爽口而且細細粒唔會咁易滯 芝士腸仲識爆芝士 飲品櫃選擇仲多過便利店 自製涼茶唔怕打邊爐上火 可樂仲有最新零卡路里版本 非常適合我呢啲易肥體質. 另外最正的是一鍋堂有自家制飲品，冰糖燉檸檬同薄荷烏龍茶，值得一試。最後以自己唧雪糕為呢餐豐富既邊爐晚餐畫上完美既句號。…查看更多

星期日陪老媽子行一田超市 順便試下呢間日式石板燒 ，入面有豬牛羊，羊架，肉眼，西冷，牛柳，牛小排，豬翼板等等。我地一人order咗一份套餐，點了份肉眼和翼板。落完單店員就馬上係 open kitchen燒，全程望住店員專心一致完成成個石板燒，等待食物的過程都幾有趣。枱上面有詳細介紹牛扒要點樣先為之幾成熟啱哂我呢d識食唔識煮既人 而且可以控制到想要幾熟 老媽子鍾意食medium well都冇問題套餐跟一碗白飯/意粉/薯泥 一碗沙律同麵鼓湯 仲有一罐汽水牛扒羊架連鐵板上 肉質又香又嫩 羊架邊舊肥膏入口留有餘香 牛柳肉嫩多汁 不過要小心唔好擺係鐵板太耐或者一次過切哂 如果唔係就一定會過熟期間無有跟隨說明的指示，一次過將所有肉眼砌成一粒粒，然後最後食既份量，變左overcook. 所以下次會跟指引，切一塊，燒一切。但過程真的有趣。食完補充完能量就轉戰一田掃貨 餐廳地點真係很方便。Shopping大戰完，又可以來這邊來個鋸扒。…查看更多