trisgor的个人专页

有次去左荃灣搵朋友，經過見到呢間串燒鋪新開（喺正媽咪雞蛋仔格離）🤡肚仔又餓，雞蛋仔有排等喎～唯有食住串串燒醫左個肚仔先😆😆😆見到d串燒 呢樣又想食果樣又想食唔覺意叫多左幾串🤣好彩都係十幾蚊串，如果唔係就要等朋友過黎找數🤣🤣🤣叫左潮汕牛丸、煙肉車厘茄、午餐肉、仲有當日special（唔on list但喺雪櫃）嘅花枝丸同杏鮑菇有得揀唔辣嘅沙嗲汁/辣嘅咖喱汁15/16 唔係好食得辣嘅我唔知叫辣唔辣好🤣但因為我叫左幾樣野食，個老闆就話兩隻汁都俾d我試下🤣個沙嗲汁好正！如果辣dd會再惹味d🤤🤤牛丸超juicy，爆汁好好食😋😋😋煙肉車厘茄係是日MVP ，大鄉里第一次食呢個神奇組合，原來係咁鬼夾！爭d想encore多串😋燒午餐肉原來都幾正其他就正正常常 佢地燒得幾好，唔會乾～～決定下次再試埋餐牌其他野🤡…查看更多

呢排工作上有d煩心事，約左朋友出黎訴下苦。互相分享下d奇葩人事物咁，轉換下心情，幫自己叉叉電。所以就特登揀左間環境chill d 可以坐得闊落d舒服d嘅餐廳～店員好Nice，可能見我地生面孔，所以一入去就同我地介紹左餐廳環境先，原來餐廳裡面有間好似Party room嘅VIP房，可以唱K之餘，另一間房仲有麻雀打。咁岩最近公司話有錢俾我地做team building，覺得呢d多人聚會黎餐廳搞都幾好丫，淨係收低消，唔洗場地費。呢到都真係個好選擇。店員仲好主動同我地介紹餐牌，好好招呼👍🏻避風塘雞翼🌶️鹹香味好足，少少辣～炸到好脆😋避風塘配料超級夠😍 烤法式羊架配薯菜🥔🥦羊架烤到好香，叫左七成熟，嫩度岩岩好😋西班牙黑毛豬鞍🐷配左個芥末醬，同豬鞍好夾🤤薯蓉超級好好食！！XO醬蟹肉扁意粉🍝XO醬配意粉好特別，好似都係第一次試呢個配搭～原來都幾夾架喎！等我之後都試下自己整先🤪甜品叫左個心太軟同拖肥撻心太軟個雪糕可以自己揀味，我地揀左配expresso☕️ 呢個配搭真係好好食😋好似飲緊Mocha咁🤣個流心係偏苦嘅朱古力，唔會太膩好好食😋…查看更多

難得同屋企人去澳門，就梗係要食埋葡國菜先番屋企啦🤤上網見到好多人推薦呢個波爾圖，去開附近就諗住試下～因為唔知道一至四可以預先訂位，我地由4:50分左右開始等到5:30開門愈等就愈多人排隊，我地算早黎排頭幾張檯前面有兩張係有訂位嘅，聽到店員同隊尾嘅人講可能要等7點果轉先入到芝士忌廉焗蠔呢個好好食😋芝士忌廉好creamy 加埋菠菜真係食到停唔到口。本身得3隻，但侍應見我地4個人就話可以+22要多隻～焗蠔值得encore🤤葡式乳豬釀飯同想像中唔太一樣，不過味道都ok嘅～唔伏 值得一試～不過飯底偏散同濕潤之前見有人好失望個位係話唔脆，不過我今次又脆wor～可能真係撞手神咖哩牛尾煲牛尾好夠淋，咖哩味都香，薯仔幾好食😋如果蒜蓉包可以早d上 點咖哩汁應該幾好食芝士薯蓉馬介休焗酥皮呢個好特別，薯蓉中有d類似綾魚球嘅質地同味道，加外面果層脆嘅酥皮，都幾夾～檸檬香草焗法式羊架羊架超級好食～～佢地芝士焗蠔係我會再食嘅必選～好香孜然味，處理得好好，外脆內軟，又有肉汁🤤🤤不過都好睇你本身對羊嘅接受程度，屋企人話佢果舊有d羶，但我就覺得好好味😋蒜蓉包佢個蒜蓉包係薄脆果種～正常發揮，但個人比較鍾意厚身d，可以做到外脆內軟果種～可能都係因為多客～都係有漏單嘅情況出現。如果去食，見耐冇上就可能要問下～逐樣上，份量唔算多，好快就清到碟。有來餓到相都冇影就食左🤣再訪意願唔算太高，想試下其他葡國菜～～…查看更多

每次去澳門玩，身邊總有d朋友會同我推薦呢間譚家魚翅，話魚翅撈飯好抵食，唔食唔得咁話添啊！所以今次一於同屋企人去試試佢！我地去嘅當日係星期一，平日相對假日冇咁多人，不過下午時段嘅官也街仍然係人山人海🫣見到官也街附近唔止一間譚家魚翅，亦都唔係只有佢地有魚翅食。我地去果間喺地堡街，午飯時間都係等左10-15分鐘就入得，換桌率都算高。我地叫左個C餐係4人份量，白飯要另叫。雞煲翅同鹽焗雞都幾好食，送飯一流。其他野就一般啦，個海參魚鰾煲有少少燶味🤥可能因為人多啦，所以都有漏單嘅情況出現。碟菜冇咩特別，拿拿臨食完，相都冇影張就走左lu～如果下次再食，真係淨係會食翅～…查看更多

有個朋友話佢有間餐廳一直好想試，但因為各自都忙～呢日終於夾到個時間一齊去食好東西😋因為真係好期待，所以去之前做足功課，知道餐廳個裝修好靚，有好多畫掛喺牆到，例如：村上隆花花等等仲有d同佢地合作嘅商品可以買，好似有d產品係出面買唔到架！除此之外，當然佢地嘅野食都超級吸引啦淨係望到d名就已經流哂口水🤤🤤🤤其實比起出面d cafe 佢地d品項唔算超級多，但就係樣樣望到都好想試，身為選擇困難症患者嘅我真係覺得好難揀，好想樣樣都食哂落肚！Stuffed Wing with Glutinous Rice and Cheese Mornay乳酪醬烤糯米釀雞翼釀雞翼釀得好飽滿🥹有少少🤏🏻辣辣地 但係好好味😋好耐冇食過咁好食嘅糯米雞翼😋😋Deep-Fried Squid Donut with Truffle Sauce炸魷魚圈配黑松露蛋黃醬個醬好濃黑松露味，絕對唔Hea，有淨仲用左黎點其他野😆元氣精華 Breakfast essentialsEgg Benedict, Somked Salmon牛油果加蛋加煙三文魚一直都係最佳配搭旁邊伴碟嘅芒果同小番茄好甜，忍唔住清左碟😆LOBSTER LINGUINE波士頓龍蝦意粉賣相好靚，食落好惹味😋😋大大啖龍蝦肉🤤Angus Premium Rib-Eye Steak (10oz) with Potato安格斯高級肉眼牛扒(10盎司)配烤薯特別提一提呢個🥩先$238！仲要好淋好好食🤤如果下次再訪係一定一定會再叫呢個肉眼！🤤🤤🤤出街食牛扒我通常都會叫五成熟，之前喺其他餐廳食過差唔多價位嘅扒試過韌到咬唔開🤢所以要再一次驚嘆呢塊真係好食又唔貴！🤪Tiramisu朋友係Tiramisu控，佢立志要食勻哂全世界嘅Tiramisu🤪所以基本上有佢就會叫Tiramisu黎食😆咖啡味好出，夠Creamy得黎又好夠濕潤。朋友話呢個係佢食過黎講都算好高質😋Bella Nutella with Strawberries 斯人若彩虹，遇見方知有比起Tiramisu 我覺得呢個更加邪惡🤤先唔好講Nutella本身就已經好好食，但再加埋個脆多士做底，再有大量香甜生果喺面，而家諗番起都仲係好想encore☺️☺️☺️野飲方面 我最愛係SEASALT BANANA SNOW海鹽朱古力香蕉冰雪世界朱古力好香濃同香蕉好夾仲有兩粒棉花糖可以食下☺️有叫左杯藝術打印朱古力，可以自選圖案又可以喺佢預設三款入面揀，呢個真係好特別，打卡一流。老實講，今次食CURATOR完全癲覆左我對K11 Musea 嘅既有印象！！本身Musea俾我嘅印象淨係得戲院同foodcourt。可能地段關係，硬係覺得d餐廳係價錢同質素唔成正比。（ok，真係我偏見黎🤣）但今次食得好愉快，食物質素好到係好樂意拎出個銀包俾錢😆一定會再訪！…查看更多

呢間餐廳位於大西北朋友出城友好嘅荃灣🤪荃灣不嬲都出名好多好野食，餐廳喺荃灣千色匯附近 行完街去食完全唔過份😆去當日係星期六晚餐時間，都幾多客，不過等左一陣就入得。空間都算闊落，職員仲好好禮貌添！一開始係俾佢標榜78蚊嘅抵食雜扒餐吸引左食落又真係冇投訴！78蚊十樣野，真係會飽到要捧住個肚走🤪沙律、腸、豬扒、雞扒、雞翼、意粉、餐湯、蒜蓉包仲包野飲！上到黎賣相又幾好，味道又唔差，份量又夠😋我地仲叫左個黑椒汁肉眼扒配薯菜，塊扒叫左五成熟，入面仲係粉紅色架！薯菜係好好味嘅薯角，同朋友仔爭住食🤤🤤因為全日都冇食過飯，所以仲叫左個黑松露帶子意大利飯。如果鍾意食洋蔥嘅朋友應該會幾鍾意❤️頭先講果d全部都係套餐，所以跟左三杯野飲。喺飲品menu見到呢三杯特飲好吸引！所以用套餐價+$18蚊叫左～～黑牛 （可樂+朱古力雪糕🍦）白雪公主（七喜+雲呢嗱雪糕🍦）雪糕日本十勝紅豆冰（我鍾意呢個🤤就算戒凍飲都要飲呢個🤪）甜品要食心太軟！！外脆內流心🤤🤤🤤超級出色😋😋😋仲配左球雲呢嗱雪糕🍦仲見到15蚊生蠔🦪下次試下先😋😋😋…查看更多

初頭享樂開喺YOHO果陣 門口已經有d人會排隊我嗰陣就諗，究竟係幾好食先要排隊等入鋪終於有一次經過嘅時候係唔使排隊就可以入所以就果斷入咗去，之前見好多人推薦明太子法包、bagel所以今次見到佢哋就即刻放上個盤到先🤣明太子法包個份量真係好澎湃，每一啖都有明太子咁，真係諗起都好想食！唔記得第一次食咩味嘅bagel但係陸陸續續試過，最鍾意嘅都係芝士味除咗bagel之外，佢哋嘅司康都好好食，同坊間嘅有啲分別，唔係一咬就散哂果種。同bagel一樣，最愛都係芝士味 仲有咖啡朱古力味！基本上佢哋舖頭入面冇咩嘢係伏～所以之後我都成為咗隊伍嘅一份子🤣🤣🤣…查看更多

隱世受歡迎的日式小店這間在大角咀的小店，店舖雖小但看得出來有精心佈置過去的時間約下午兩點，部分餐點經已售罄當天店員告知沒有慢煮肉眼因而轉為提供牛板腱我原本想點正常份量 但店員說只剩下最後一份小size的在等待的途中，店員先上了小菜有d似粗身版的中華沙律，如果再辣一點會更好食！圖中份量應較原來的小份為多，因店員說剩下的肉都給我了牛的肉質細緻軟熟，配搭乳酪醬和蛋黃 鮮味加倍讓我不禁直呼：好幸福！同行友人點了奶油咖喱雞飯，也非常好吃下次一定會再訪…查看更多

朋友介紹這間的Tiramisu Croffe很好吃（所以決定去試試！除Croffle外 還點了蟹籽蟹肉明太子意粉、菠菜芝士傻仔波配蜜糖芥茉醬、香辣蕃茄煙三文魚意粉、自家製焦糖奶奶、自家製焦糖鮮奶咖啡、提拉米蘇咖啡菠菜芝士傻仔波配蜜糖芥茉醬好有驚喜，好好味兩個意粉都好足料、食落啖啖都好滿足🤤兩杯咖啡都好香，但我自己因為唔好咖啡所以叫咗杯焦糖奶奶望住塊焦糖浸入去d奶入面好治癒覺得都值得二訪，但有一點要注意去的當天是週日，店舖不大 多為二人檯但因我和朋友共三人，會較二人檯等得再長時間一點亦因店舖沒有限用餐時間 所以會有客人食飽仍然繼續留低傾計所以當天等了接近兩小時才有幸吃到（不過店員都好盡責，好多謝佢）…查看更多

斷斷續續食過幾次真台客不過次次都係外賣番屋企食但食左咁多次，最愛都係大雞扒便當（加魯肉）雞扒酥脆又夠味，份量好大，塊雞扒可以鋪滿成個飯盒，對女仔黎講份量都幾多，我自己通常都食唔哂。便當入面仲有菜甫同半粒蛋相對黎講 佢地小食就遜色D，食過一次蚵仔煎，但當時質素一般，從此冇叫過小食🤣但整體黎講都OK的～～…查看更多

每次想食漢堡🍔/薯條🍟都會諗起嘅一定係Burger Jack！抵食又好食～而家麥記已經越黎越貴，唔再係窮人恩物～咁既然冇左價錢嘅優勢又唔係特別好食。咁點解唔試下d新野先😋誤打誤撞就食左呢間～之後就間唔中都會幫襯下。佢地都有網上落單然後自取嘅服務岩哂我呢d唔想等外賣嘅人，叫定就唔洗等咁耐嘛😆蛋牛堡配薯條+無糖雪碧係我嘅all time favourite😋蛋牛堡味道ok，舊肉都大大舊～不過薯條就一時時，有時會重手多鹽左🤣無糖雪碧真係唔係間間都有架，所以有我就一定會嗌😆…查看更多

有晚放工唔知食咩好，打開左熊貓碌碌碌發現左個新面孔，所以就決定試試佢叫左海鮮喇沙，同場加映份海南雞😆正正常常咁～如果下次再想食喇沙應該都會encore😆或者試下其他🤤…查看更多

之前成日都經過呢間餐廳門口，裝修好似好靚咁。知道佢地會有lulu豬做主題，咁岩有個朋友好鍾意lulu豬🐷所以就一齊去trytry去果日係平日同埋都算早，所以walk in唔洗等 直入坐底打住卡等埋其他朋友到餐廳d設計好用心，淨係餐牌/餐巾/杯墊都已經好靚！用心嘅程度係以為係常設lulu豬主題，擺好多心機去設計咁本身對野食冇抱好大期望，始終打卡餐廳通常都唔會好食得去邊🤣但係呢間好有驚喜喎！係好食架喎！不過因為去食果日係第一日，佢地未有甜品可以叫。有少少🤏🏻失望，不過其他都ok～～…查看更多

我諗呢間應該冇咩人唔識～基本上每次去葵涌廣場都會食！好抵食又好好食，完全諗唔到有咩理由可以會唔食佢😆炙燒芝士三文魚手卷、三文魚腩帶子手卷、芝士軟殼蟹反卷都係我嘅最愛每次都會好掙扎食d咩！每樣都係大大舊好足料平時食手卷成日都會遇到d 睇落好足料，但其實d餸淨係得面果層先有嘅情況。但呢間一定唔會！佢地d料係多到當你食到最尾一啖，每一啖都係又有料又有飯！不過有個少少🤏🏻嘅美中不足就係塊紫菜有時會冇咁脆～不過呢個價位呢個質素已經係超哂班！總之葵廣掃街其中一個quota一定係留俾佢地！不過葵廣真係好多人，週末想食就可能要錯開d高峰時間啦！…查看更多

記得當天行程滿滿，但當中遇上了許多的不順利。本來沒有打算在新蒲崗吃午餐但怎料到原本的行程需要推遲，多出了的時間唯有到處逛逛再吃點東西想了很久才決定好要吃這家餐廳當時點了個泰式牛肉炒金邊粉配熱飲（熱飲忘記名字了，但非常好喝！）金邊粉好夠鑊氣！沒想到誤打誤撞都吃到好很好吃的餐廳。不知道是過了用餐高峰時間定點，當時用餐人數不多。我覺得這家餐廳無論食物質素、環境、店員態度都很好，好值得讓更多人認識！如果去開又諗唔到食咩，可以試下😋…查看更多