SHYNukie6615的个人专页

當日計埋我得3枱客，加上本身店舖都大，所以都坐得舒服。老實講，店家同我都無怨無仇，當日店家態度都叫友善，所以我唔係要惡意攻擊佢。首先係味道非常之普通，當日嗌左個壽司加烏冬套餐再加一份細壽司卷，壽司同爭鮮差唔多質素，烏冬更加普通到自己係屋企都煮到嘅程度，食唔到味道上有咩特別。第二係價錢，3樣咁普通嘅嘢加埋竟然係要$89，我要先講我唔係食唔起，我平時午餐晚餐都分別花費$80-90，但我比得起個錢唔等於要接受到食埋啲咁嘅嘢。第三係份量，壽司好細舊，好似壽司郎迷你飯咁細舊，3樣菜好似好多咁，但其實加埋都唔夠一份$72蚊加雞胸嘅大快活雞胸飯咁飽肚。總結係睇唔到呢間餐廳有咩優點，味道價錢份量加埋一齊完全說服唔到人去幫襯。外賣可能會係一條血路，但嚟緊有爭鮮開張，真係唔知呢間點樣同爭鮮鬥。真係自求多福啦。btw佢個營運模式都幾搞笑，整個QR code叫人落單，然後又要人出去cashier比錢，真係錦繡多味魚。…查看更多

和女友預早食聖誕大餐。一到步待應已經熱情招待，我地坐低之後就叫左個聖誕二人餐。當日餐湯係法式洋蔥湯，飲落有淡淡的清甜，飲落幾舒服。餐包無乜特別，無乜麥香味，但都烤得夠脆。然後就試左煎鵝肝，好_好吃呀！！！鵝肝本身已經夠香，加埋果皮醬點綴簡直係cls，完美咁構成道菜嘅平衡，必食。接住落嚟就係西班牙海鮮飯，味道恰到好處，亦食得出青口&大蝦處理得唔錯。烤羊架，唔知大廚點鬼樣整，可整到無騷味，熟度啱啱好，肉汁豐富，強推。西冷扒，肉質好就不在話下，封邊封得好，內裡熟度亦係perfect。最後甜品，非常法式（即係夠哂多糖），不過聖誕大餐唔緊要啦！…查看更多

沾麵之所以叫沾麵，是因為湯汁能夠掛在麵上。昨晚試了一碗熱沾麵，湯汁完全掛不到在麵上，湯頭亦沒什麼香味。慶幸的是叉燒肉質不柴，肥瘦比例合格，但只有兩塊也太吝嗇了吧。另外亦叫了一碗拉麵，湯頭比沾麵香，但以$80-90這個價格來說，市面上有更好的選擇（不在此舉例，免得有被稱打手之嫌）。唯一值得稱讚的是餃子外皮煎得很香脆，但涵料非常一般，同樣沒什麼香味，附送的醬汁也沒有味道。環境有點偏暗，而且窗口很多塵埃，有減食欲。…查看更多