Cococopig的个人专页

搭𨋢上到8樓 門口鎖左 話要上11樓千代鶴 已經覺得奇怪🤔️ 上到11樓有個女侍應帶去餐廳左方就坐 空間唔大 同隔離枱好近 講嘢大聲啲都尷尬 完全談不上係居酒屋格局 🫠19:30落單 中間加過5-6次單 但一直都係擠牙膏咁 每次上得一兩碟 催過兩次 話廚房好忙 好明顯係得一個廚房但serve緊兩間餐廳嘅客 根本做唔切就犧牲訂左一杯屋嘅我地 😤食物質素唔差 我地經OpenRice訂串燒買一送一 但係個別串燒個portion好少好細 🤔本身張單食左$1700 最後等到21:30真係好攰都未覺得食左野 取消完啲未到嘅埋單七舊水 🤯 大佬咁樣做生意真係唔得囉🙄️ 應付唔到就唔好招呼咁多客 或者真係唔期望有回頭客啦🤨…查看更多

買早餐唔為意原來早餐平$2，收錢果個又無提，結果俾左$20 買兩隻招牌食都算，返到公司食先發現有條毛。。。。。食肆衛生情況本身就好重要，仲要疫情下大家都緊張。希望能多加留意，唔好破壞招牌。…查看更多

早收工去打邊爐，職員好有禮貌同推介邊款湯底好食。兩個人食，揀左268嘅任食西班牙黑毛豬set，一個要藥膳麻辣大辣，一個要普通雞湯。大辣唔夠辣，普通藥膳雞湯就無乜特別。食食下發現食物上有個頭髮⋯⋯非常時期見到咁嘅情況內心其實真係覺得好唔舒服。職員主動唻道歉，並提供選項俾我轉另一款湯底，經理再行過唻講唔好意思。大辣湯底越食越咸，就算只加水都好咸。飲品種類有好多，但配料就唔太多，尤其係台式火鍋無鴨血真係好無feel。最後埋單因為星期五要每人要加多$10，埋單總數$612。只可以話呢個價，有更多更好嘅選擇。…查看更多

訂了枱想同男朋友晚餐慶生，講明想要張唔好咁多騷擾嘅位置，但一到就叫我地坐全場最中間嘅枱，已經有點兒無奈。之後枱與枱之間距離極近，音樂又大聲，完全傾唔到計。仲要話冷氣係中央系統，無得調較温度，令open kitchen 嘅環境好似焗爐咁，開左幾部風扇但完全感受唔到有風。其他枱都有客人生日，人地蛋糕or甜品上就有插蠟燭，但我地就無，都頗失望。食物質素不錯，侍應老闆都有禮貌，但如果要慶祝或者想傾下計就要三思。…查看更多