貓女的个人专页

兩個人只係食咗兩打生蠔, 一個龍蝦湯, 一籃蒜蓉包, 一個心太軟, 一個panna cotta, 巳經非常滿足. book 位o既時候, 話每日有6款生蠔買一送一, 而且唔會限住叫幾多次, 第一次自擕白酒或紅酒, 可以免corkage.... 聽落都真係抵到爛!!! 一諗起巳經流哂口水. 當晚星期三, 客人都坐滿, 生蠔都應該會好新鮮, 我哋兩個人, 侍應幫我哋開咗支白酒(自己帶o既, 先來個6款買一送一, 真係美味無比, 又新鮮, 唔好睇佢半買半送, 都唔會拎d 次貨比客人. 值得讚讚食完一打生蠔, 想飲個湯先, 侍應仲問我哋使唔使張個湯分開一人一碗, 好細心呢.... , 再加多籃蒜蓉包, 侍應話, 分開o既湯巳經會多咗一塊, 問我哋仲使唔使另外加, 好誠實呀, hahaha見大家都有點意猶未盡, 再reorder kumamoto 同black pearl (都是當晚buy 1 get 1 free), 好滿足好滿足....食完都有小小飽, 不過當然唔可以錯過我至愛o既心太軟, 仲有雪糕tim, 男朋友就要咗panna cotta, 心太軟好好食, 不過panna cotta 就麻麻哋, 唔夠挺身, 奶味唔夠.好期待下次再去食!!…查看更多

天朗氣清o既一個weekend, 想去海邊食個晏或者下午茶, 嚟e 度真係唔錯!!! 大門全開, 涼住冷氣欣賞風景, 真係舒服.又係兩個人去, 食咗個大o既pepperoni pizza, 份量又真係夠哂, 加支啤酒, 一杯凍咖啡(好大杯). 想讚下個pizza, 底夠薄得嚟又唔硬(最怕d pizza 焗到硬硬), 芝士茄醬夠rich, 肉腸片遍佈pizza 面, 見到佢個樣就開心…查看更多

見佢個門面裝修得咁靚, 門口又擺哂d烏冬, 又介紹佢所用o既烏冬製造歷史, 一心諗住佢d 烏冬會好好食.... 不過同我之前去過中上環一間爐端燒食o既烏冬, 可以話係天同地比.明太子蛋卷: e 個係唔錯, 新鮮做o既蛋卷, 加上辣辣明太子碎, 係一個唔錯o既組合. 烏冬三重奏: 烏冬太硬喇, 又唔夠彈牙, 係就係好滑, 不過似乎係得個滑字, 三個汁入面, 個山芋汁比較好; 合鴨汁無乜鴨味, 只係得麻醬味; 溫泉蛋都係不外如是... 而且份量偏少, 一個人要食兩份先夠.冷稻庭. 地雞汁: 個汁超咸, 汁o既濃度唔夠, 同個冷烏冬一齊食, 會變咗唔凍唔熱. 所謂o既地雞同o係日本食o既都唔一樣o既!!! 可能佢個汁咸到蓋過哂d 雞味. 牛腸串燒: e 個係最差差差o既一個, 又無味, 燒得太乾, 唔夠熱, 同食橡筋無乜分別.…查看更多

一向鐘意食食食o既我哋, 趁住情人節前夕, 又有個籍口食嘢知道松菱有個lunch set 同晚市個set dinner 差唔多, 但係平差唔多一半喎... 梗係lunch 食啦坐低時巳經見到同枱有三個日本人, 兩個濶太, 一個師傅. 我哋order 咗兩個-竹set. 先食個沙律淡淡的生菜, 清清味蕾燒三文魚見師傅幾下手勢, 反兩反, 先上個三文魚比我哋食. 六七成熟, 肉質一d都唔"鞋", 外面較香, 裏面較滑, 好味!海老鮮味又彈牙, 蝦頭好多膏, 好好味薄切米國牛肉包住炸蒜青蒽, 一啖一舊, 正厚切米國牛西冷好似薄咗dd 喎... 同薄切相比... 有d比下去tim炒飯炒完之後見佢五顏六色咁, 好靚呀, 粒粒飯都分開, 粒粒都上哂色, 又香, 又夠味炒野菜無乜特別, 不過心情好, d 嘢食都特別好味道味噌汁唔似平時飲o個d 面豉湯, 見佢落咗d豚腩, 令成個湯o既味道豐富咗好多. 甜品小小的coffee mosse cake, 令成餐飯變得完滿.想讚讚師傅控制時間非常好, 就算有咁多人o係張枱度, order o既時間唔同, 都可以做到客人唔使等好耐就有嘢食, 真係非一般師傅可以做到.…查看更多

食咗個薑汁燒豬柳定食, 有五塊咁多, 不過肉質本身就普普通通, 但係勝在夠大碟同埋個汁夠野味, 白飯香軟, 八十幾蚊o係銅鑼灣食餐飯, 都幾化算. 食完仲order 咗個鹽雪糕試下係咩味, 入口時有少少咸咸哋, 非常軟滑, 只不過好似係咸o既vanilla 雪糕.…查看更多

招牌tiramisu 賣相同味道都相當唔錯, 夠濃郁o既咖啡味, texture 夠黏, 見到有一粒粒o既咖啡粉, 令整體味道更出眾. 不過伴碟o既兩片仔士多啤梨就無咁好睇, 因為太細, 士多啤梨好明顯係用大陸出品. 食甜品好多時都係要食得又睇得, 如果伴碟方面做得好d 會更加吸引. 西多士麵包布甸加雪糕, 好好o既配搭. vanilla 雪糕好香好滑, 唔知係咪真係北海道雪糕呢.... 麵包布甸個面燶燶哋, 夠香口, 蛋漿嫩滑, 真係無得彈!不過可惜o既係少咗杯咖啡, 食完咁好味o既甜品, 如果有杯香濃咖啡就會好完美.... 希望佢哋第日會有啦.…查看更多

好耐無去過蘭桂坊消遣, 放假之餘不如約三五知己聚頭. happy hour 過後我同另一位朋友感覺肚餓, 經 過榮華里仲係好熱鬧, 於是走入去坐o係good luck, 因為想食佢個油鬆餅. 另外叫咗一碟泰式炒芥蘭, 青咖哩雞. 芥蘭細碟咗少少, 不過都幾好味. 青咖哩配油鬆餅係天生一對, 食極都唔嚴. 不過e度d 食物o既份量都偏細, 可能香港地貴啦. 雖然係大排檔, 但係都算乾乾淨淨, 加上秋天有小小涼, 都幾舒服.…查看更多

星期日去ifc 食翡翠, 叫咗一碗飩雞面, 加碟酸酸甜甜o既青瓜, 個青瓜去咗中間有核部份, 剩返外面爽脆o既肉同皮, 好開胃, 個飩雞面係將面同個飩湯分開, 真係有一盅飩雞湯, 味道好好, 有五件雞左右, 好入味, 將湯加入面一齊食, 好好食…查看更多

住o係港島, 搭丁丁返西環, 一定經過e 間門面極之殘舊的茶餐廳. 最終的起心肝, 特登落車行去試一試. 入到去簡直係回到花樣年華咁o既年代. 無冷氣, 只有吊扇, 沒有華麗的裝修, 卻有那滄桑陳年的味道. 但食物只有公仔面, 多士等等, haha 叫咗一個餐蛋公仔面, 加杯熱奶茶. um ..... 其實食物方面無乜好講, 因為普通到無得再普通. 但係個奶茶杯就令杯奶茶特別有神韻. 其實嚟海安食嘢, 係食佢o既風味格局多於食物. 愛影相的人到這裡應該有不少收獲.…查看更多

見到港大對面開咗間freshness burger, 又趕時間之際, 走入去買個牛burger拎走, 諗住好快啦, 巳經趕時間, 仲要等咗十幾分鐘先有一個包!!! 25蚊一個, 生菜係好多呀, 話就話係即做burger, 但係件牛肉係唔新鮮o既, 即唔即做根本就無關係, 薄到可以飛起又唔juicy, 又無乜汁, 好似有少少干梗o既感覺. 咁就廿五蚊, 麥記o個個足三兩好味好多囉.…查看更多

happy friday 同朋友行過歌賦街搵地方開飯, 見到一間新店, 門面睇落都唔錯, 又見到入面幾熱鬧, 我哋幾個女仔就入去試下啦. 雖然舖面唔係好大, 但係氣氛幾好, waiter 仲介紹咗幾款特式串燒, 咩梅子雞頸肉, 甘吉黑豚... 等等. 見佢咁熱情, 就試咗個雞頸肉同黑豚, 同埋...越叫越多, 先上咗兩款醬, 一款唔辣, 另一款係辣o既. 我就鐘意辣o個個, 點哂再encore!! 四個人叫咗:梅子雞頸肉 - 都幾有特色, 雞頸肉好少食到甘吉黑豚 - 個黑豚真係幾好味喎, 唔同第二度食到o個d虎蝦 - 好鮮味, 加埋個黃色o既醬燒, 唔錯唔錯北海道帶子 - 我最鐘意, 大到好似食帶子扒咁牛舌 - 夠厚又juicy銀雪魚 - 都好好味, 不過可以大件d茄子 - 我覺得再林返小小會好d三色烏冬 - 個賣相好吸引, 好彈牙蕃薯 - 超甜呀南瓜 - 夠林又夠濃, 又encore 咗一次明太子雞亦 - 我個朋友話係全晚最好食.... =.=整體嚟講都唔錯, 不過最衰無甜品, 有埋就好喇.…查看更多

估唔到晚晚都坐爆!!今晚我哋兩個人等咗20分鐘到, 差唔多九點鐘, 諗咗好耐食乜好, 因為樣樣嘢都好似好好食, 又大蝶, 整體嚟講又唔算貴. 對住個menu花多眼亂, 就不如叫個羊肉餃子, 黃燜羊肉, 虎皮青椒, 加支大青島. 先來個一口羊肉餃子, 一碟40蚊有15隻, 先點吓個醋汁, 一啖一粒, 爽呀! 最鐘意佢有少少羶味, 個皮又滑又煙un, 唔似一般d餃子個皮咁"鞋". 裡面d羊肉又飽滿又多汁, 食得出羊肉好新鮮, 見到粒粒都咁飽滿, 一啖一粒, 感覺唔錯!第二道菜係黃燜羊肉, 羊肉燜到好淋, d調味入哂d羊肉度, 又不減羊肉本身o既鮮味, 而且羊肉唔肥, 好好味! 再加上個煲入面有幾塊面粉之類o既嘢, 吸哂d燜羊肉汁, 係精華所在. 個燜羊肉煲加咗金針, 帶出酸酸哋o既味道, 令到人食極都唔"漏"! 我哋兩條友, 見到仲有d汁剩, 梗係加個白飯, 撈埋佢啦最後先嚟個虎皮青椒, 個汁一樣好好味, 但係d青椒燒得未夠淋, e道菜太爽反而無咁好食, 同埋我好黑仔, 十舊有八舊都超辣, 唔食得辣o既真係唔好叫, 但係賣26蚊, 辣吓都幾抵喎!…查看更多

以前讀大學時, 間唔中都會去食飲冰室, o個時覺得佢幾好食架. 隔咗咁多年, 尋晚行過, 又想回味一下大學生的感覺. 叫咗一個七味雞扒飯, 連一杯芒果紅茶, 都只係28蚊. 不過好可惜, 可以話完全唔好食. 本來滿懷期望的我, 食咗第一啖飯之後, ..... 失望.雖然雞扒夠大件, 錯就錯在個汁, 太甜!!! 好似用糖水送飯咁. 佢哋應該落咗好多味淋, 可惜唔識用, 勁大陣酒味, 酒精都未揮發, 係唔可以咁用架!!! 不過亦有佢值得讚o既地方, 佢d珍珠米真係粒粒都圓碌碌, 又唔太硬唔太軟. 相比以前, 都係以前o個碗飯食得開心d.最唔開胃係見到一大隻小強添…查看更多

第一次去食維記o既豬潤米, 超好味. 本身我自己都好鐘意食豬潤, 維記個湯底都係無得頂!! 飲得出完全係落足豬潤做出嚟, 鮮甜無比. d 豬潤又唔老, 滑嘟嘟咁, 好好味. 又夠大碗, 最緊要係我飲哂佢碗湯都無口渴, 即係無乜味精啦, 下次要再食不過個咖央多士就麻麻地, d 咖央落得太多蛋黃, 無咗o個種清清甜甜又帶蔗磄蛋香味道, 只係係奶黃咁, 麻麻哋.…查看更多

同埋呀媽, 男朋友去食dinner, 叫咗個田螺焗薯蓉, 肉醬闊面, cream 海鮮意粉同一個薄pizza.個肉醬闊面真係無得頂!! 食到呀媽讚不絶口, 差d要encore 多個, haha, 一層肉醬一層面, 面頭舖滿水牛奶芝士, 落足料, 下次去都要再食.個薯蓉就麻麻地啦, 無乜特別.海鮮意粉d 材料都幾多, 可惜都係唔新鮮o既海鮮.個pizza 就真係唔食好過, 餅底仲乾過块餅乾, 唔夠多芝士, 令到成個pizza 無哂煙un o既感覺, 焗得又唔夠香, 材料又太乾.... …查看更多