carmen90166的个人专页

6/6 下午到Meow tea買嘢飲買咗杯芒芒鮮椰就咁睇整體OK啦芒果同椰汁比例3:1 賣相ok飲落普普通通，有椰汁味，有芒果味，西米煮得熟透，小小煙靭***plot twist當覺得所有嘢都同我嘅預想差唔多時咁我繼續拎住杯嘢飲，行吓商場，出戶外行咗大概10分鐘左右（商場出去出邊啲屋苑）當時戶外溫度大概27～28度呢杯嘢飲大概係我買咗一個鐘頭內已經飲完唔存在我攤到佢變晒質先飲嘅問題***飲完杯嘢一個鐘頭內，我都冇再飲或者食過其他嘢都係繼續行街，就開始覺得唔舒服，肚痛心口悶悶地，仲有想嘔嘅感覺跟住我就喺街度嘔咗兩轉🥲我都算係一個經常會喺街度買手搖飲品天仁茗茶貢茶 comebuytea Milksha 夏茶 花斑茶社 手作功夫茶 等等（證明我真係熟知呢啲手搖飲品）咁多年都未試過飲完即刻唔舒服都有一刻諗過係咪我身體嘅問題？之後我問朋友有冇試過喺你哋飲完都有類似嘅情況，真係有另一個朋友飲奶茶之後返到屋企都唔舒服，肚瀉🥲🥲寫呢篇食評希望店家留意一下夏天處理食品嘅溫度亦都想睇吓會唔會仲有其他朋友有同樣嘅情況？我就唔會再幫襯🙏🏻望周知…查看更多

處於鬧市之中嘅黃埔AEON 地庫food court但係用料唔錯，足料夠份量Cp值高！今次一行二人叫左美式安格斯和牛漢堡以及大大菠蘿安格斯和牛漢堡薯條同嘢飲係散嗌加錢，自由度好大，啱晒大食同細食嘅人都可以叫到自己份量嘅餐1. 美式安格斯和牛漢堡 $50🍔漢堡包賣相好好睇，係烘過好脆口嘅漢堡包，蕃茄同醃黃瓜每樣有4塊🥹食極都仲有⋯真係未見過咁足料嘅漢堡包重點漢堡扒！和牛就好難食得出啦，但係咬落熱辣辣有肉汁，牛肉味道，加埋個醬汁同成個漢堡包嘅材料都好夾！亦都食得出係啱啱新鮮整🤟🏻2. 大大菠蘿安格斯和牛漢堡 $55整體同美式安格斯嗰份差唔多，多咗件菠蘿同冇醃黃瓜。件菠蘿都係有烤過，少少酸多多甜，食完仲冇咁滯！3. 🍟薯條一份 $10 （加配）即炸嘅薯條就係特別好食！調味上略鹹咗少少，用地捫蕃茄醬就知道有用心！4. 柚子綠茶 $9（加配）就係韓國柚子醬加冰綠茶咁簡單，但好欣賞間舖頭只係一兩個人係到，都仲肯做手沖飲品而唔係比嗰啲道X或者維X飲品（唔係話嗰啲難飲，而係欣賞佢哋會手沖飲品嘅意思🥹唔好誤會）落單嘅時候有提及係即制，要等6至8分鐘，大概係每個漢堡包要等6至8分鐘嘅意思，我地咁多嘢差唔多等咗15至17分鐘。總括嚟講今次好滿意，以food court嚟講呢間餐廳能夠做到豐儉由人，用心準備每樣食品，CP值好高！好推薦要一去再去🫶🏻…查看更多

兩個人食，平日6點左右到，等咗10分鐘左右就有位🥢店內有三個套餐，包括滙豐信用卡優惠套餐，西班牙盛宴套餐同埋呢個黑毛和牛會員套餐基本上見到半間餐廳嘅人都係叫黑毛和牛餐會員價499 加正價加一沙律及前菜就唔多介紹啦，食開牛角嘅應該都食唔少燒肉盛合我哋就揀咗黑毛和牛🐄店員仲會幫手燒望落肉質唔錯，油脂分佈均勻極上海鮮盛合 好似正價都要$198，依家喺套餐裏面包埋的確幾抵✌🏻不過當日兩隻蝦⋯急凍蝦之餘，仲要解咗凍一段時間，肉質已經淋淋地😟其餘海鮮正常發揮友人夾咗幾塊雞腿肉落去燒😂肉嘅份量嚟講，絕對夠我哋兩個女仔食，男人就未必夠啦⋯厚切牛舌要讚一讚👍🏻厚度啱啱好，燒到紋格之餘又有保留肉汁，枱上仲有檸檬汁可以加兩滴食落去更正🍋最後嘅燒菠蘿更能一解燒肉嘅油膩🍍套餐連香蔥溫泉玉子飯都可免費選擇，我同友人二話不說即揀🍚呢個會員價套餐絕對會再去幫襯👐🏻多多支持留港消費嘛～兩個人埋單$600有找，都食到日本2/3嘅質素，算係去唔到日本都可頂下癮🥩…查看更多

天仁茗茶係咩味道咩水準我諗都唔使我點講😂所以呢篇食評嘅出現，係因為想update下佢嘅最新Menu順便讚賞一下佢哋間唔中都有唔同優惠都幾有趣，回收利是封減$3 最新嘅餐單呢個位人潮好旺，排隊基本上冇停過作為一個支持者嘅心態去寫呢篇食評✨因為經常都嚟幫襯天仁以台式飲料嘅水準係中上當然有更多出色小店但佢做到咁大規模嘅連鎖集團去過唔同分店飲嘅味道都幾好同埋硬係覺得天仁茗茶啲員工嚴格篩選過有充足訓練🤣好熟悉自家品牌嘅產品希望佢喺OpenRice有更多好評多啲讚賞…查看更多

以前好多年食雲桂香米線覺得好出色依家越開越多米線鋪之後今時今日再返去食8:30pm 去到冇人排隊 直入一坐低好快落單，好快餸菜就嚟到經典小窩米線 加腩肉麻辣湯底冇以前咁好食了湯底同米線都係正正常常聽講我係今晚最後一份腩肉所以好似特別大份咁😂（假象肥膏同肉係五五比例價錢係同類米線鋪當唔算平只能夠講佢比到基本一餐溫暖🥹但想再追求更加好食，或者更多酸辣同麻香嘅話我相信大把舖頭做得到🥺食左個回憶落肚應該冇下次了…查看更多

田家雲南米線平日lunch time冇人排隊而且係橫街窄巷入邊不過環境唔錯田家小鍋米線芽菜、韭菜、雲南酸菜、腐皮、秘製炒炸醬雞肉加$8 凍檸茶跟餐加$8 湯底濃郁，略嫌就係炸醬多所以都幾油膩但係芫荽 蔥 酸菜同炒炸醬非常足料而且我本人比較細食扣底之後嘅份量啱啱好呢間嘅米線比較幼細 又幾掛湯食到後面有少少似炸醬撈麵😂要特別講嘅就係凍飲好大杯😂😂不過等嘅時間就比較耐舖頭裏邊唔係好多枱客嘅情況之下都等咗足足20分鐘😅不過計埋質素同呢個價錢又係冇得輸🤪下次再嚟過～…查看更多

天丼 TEMPURA TENDON TENYA 係正大埔超級城最旺最正中嘅C區人流唔洗擔心閒日中午嚟到 岩岩好最後一個二人位（呼～自助落單後會有職員再覆一次單有其他人遇到手機問題可以人手落侍應人手都算充足 一見到個杯冇晒茶，好快就過嚟斟茶今次叫左 鱚定食 hkd 89 +10%配凍蕎麥麵蕎麥麵正常，份量適中加咗蔥嘅蕎麥麵汁 按需要加入Wasabi天婦羅嘅炸漿非常簿 剛剛炸起 好香口整體味道、賣相同服務都唔錯食完仲有經理級嘅職員過嚟問好唔好食問仲有啲咩改善相信係因為新舖開張所以服務態度上面做得好足唔知之後能否維持得到咁好嘅服務呢？一人午餐埋單連加一 hkd 97…查看更多

我地兩個人嚟食early dinner，店入面得我地第一枱客，所以服務得好周到😂👍🏻自助吧台用具都好清潔企理，自助落單，上菜速度都好快。食物賣相味道都一流，完全對得住個價錢！不過店內唯一問題係抽油煙機力度唔夠😮‍💨得我地兩份燒肉都好大油煙⋯食多中後段，有另一枱四人客入咗嚟之後，成間野都係霧🌫️😶‍🌫️😶‍🌫️離開餐廳後成身勁重燒烤味🫨雖然話食燒肉都預咗，但希望可以有多少少改善🫠！推薦去試下佢地嘅原條牛舌芯👅！勁淋身 好味！…查看更多

當日book3點半，同友人book2位，上到去見到都唔少人，所以有啲surprise。叫咗一個set加一杯飲品，每人低消39蚊飲品。大家唔算太肚餓就一個tea set兩份share。野食正常發揮，飲品叫咗一杯芒果乳酸，飲落個味道都幾雀巢芒果味，但都係不過不失。boardgame種類唔喺好多，不過勝在保存得都幾好，而且同一款boardgame會有幾盒，唔怕比其他人玩緊自己冇得玩。當日同友人兩個人，都擔心會唔會冇乜game啱2個人玩，好彩都搵到2 3款刺激又唔錯，幾用腦嘅games。最欣賞店員態度，落單送餐收錢個陣，女店員都好有禮貌，亦溫和地提醒我地6點要交枱。整個下午係個到傾計食嘢玩games都好開心。…查看更多